آخر المشتريات واستفسارات عالم الازياء مع حبيبة عزوزي

محل بدر الزمان يسوي عبايات مرتبه وشوفي الاشكال لان من زمان ما مريته بس خياطته حلوة وتقدرين تبتكرين من عندج

Sm!LeY;9929622:
احلى شي جينز ازرق ..

و الخط باين فالصوره بيج .. لكن اذا هو ابيض حلو معاه جينز ابيض سكني بيفتحه و ينوره ..



ما قلتون لي احد يعرف محل مرتب مال عبايات .. في جدعلي ..

عندي جينز ازرق وسكيني ابيض
بلبس القميص وبشووف اي واحد يركب عليه اكثر:D ولا عوار الراس

بنات متى اشتري ثياب للعيد هههههههههه الحين والا متى؟انصحححححححوني

بنات وين احصل بنطلونات سكيني في حدود ال 10 دينار يعني ما ابغي غالي حق كرف الشغل لان ؟؟؟ !!!

حبيبة عزوزي;9932530:
بنات متى اشتري ثياب للعيد هههههههههه الحين والا متى؟انصحححححححوني

اني اخذت لي اشياء من الحين بس ما كملت
بس اكيد الحين بتخلص التخفيضات و بنزلون اشياء حلوه للعيد :wink: فبكمل قبل رمضان لان مو حلو تستغلين الشهر في اشياء غير مفيده و في المجمعات فافضل تاخذين قبل الشهر الفضيل :wink:

فتاة الازهار;9932565:
بنات وين احصل بنطلونات سكيني في حدود ال 10 دينار يعني ما ابغي غالي حق كرف الشغل لان ؟؟؟ !!!

1002

بنات اشلونكم؟؟؟؟


ابي اسئلكم وين اقدر احصل منكير للاظافر بالوان فسفوريه فاقعه
؟؟؟؟؟؟؟؟؟؟؟؟؟؟؟؟؟؟؟؟

والسؤال الثاني
ابي جاكيتات اقصار الي ينلبسون على المريلات والفساتين الحفر
من وين ؟؟؟؟؟؟؟؟؟؟؟؟
درت الستي سنتر ولا لقيت شي

فتاة الازهار;9932576:
اني اخذت لي اشياء من الحين بس ما كملت
بس اكيد الحين بتخلص التخفيضات و بنزلون اشياء حلوه للعيد :wink: فبكمل قبل رمضان لان مو حلو تستغلين الشهر في اشياء غير مفيده و في المجمعات فافضل تاخذين قبل الشهر الفضيل :wink:

يبيله بشتريلي كم شي وبخشهم خخخ :wink:

شهد العسولة;9942740:
بنات اشلونكم؟؟؟؟


ابي اسئلكم وين اقدر احصل منكير للاظافر بالوان فسفوريه فاقعه
؟؟؟؟؟؟؟؟؟؟؟؟؟؟؟؟؟؟؟؟

والسؤال الثاني
ابي جاكيتات اقصار الي ينلبسون على المريلات والفساتين الحفر
من وين ؟؟؟؟؟؟؟؟؟؟؟؟
درت الستي سنتر ولا لقيت شي

المناكير بالسيف التوسعه اليديده في محل مدري شسمه الوانهم عجيبه وكل االلوان تقريبا عنده وشغل عدل(y)

جاكيتات مدري جربي مجمع الؤلؤ يمكن فيه هالسوالف

حبيبه عزوزي اخذي لج حق العيد من الحين دام التخفيضات بكل المجمعات في اشياء وايد حلوه بالسيتي انا اخذت لي ثياب للعيد
لكن من الكويت
وباقي الاشياء البسيطه باخذ من مجمعاتنا اللي كلها تخفيضات لووول

عروس هذا الي اسويه وشاريه اكثر من شي عشان اختار الاحلى

شريتلي قميص اصفر فاتح من اللمسه الفرنسيه

وبدولي شي يريكب عليه افكر جينز ازرق فاتح شرايكم؟

بسالكم بنات اني ابي افصل لي فستان لزواج اختي ان شاء الله
باخذ خلق وافصلة بس ماادري كم متر اخذ ولا ادري وين اروح اخذ خلق
وان شاء الله الحق افصل اصلا:(
لان الزواج ان شاء الله تاريخ 13/8
وقولي لي اللوان الي دارجة هالايااام شنو
وعن الخياط ابي اروح شاموا في الديه ويش رايكم فية سمعت يمدحونة

بصراحه خياط شمواه انا وخالتي فصلنا وكان حده مرتب وعجيب والقط شريناها على 120 من السعوديه يعني م غامرنا اي مكان وتوفقنا بالاختيار

بالنسبه للخلق بعد ما تختارين الموديل صوري الموديل وقصي من كل قطعه اذا كان اكثر من نوع من ااقمشه قصي نتفه ووديها للخياط وبيقولج جم تحتاجين وانتبهي ترا مره اشترينا قطع مراييل لاخواتي من اشكال ومنقص الحرامي من كل شي ربع متر وهقنا

مادري بصراحه عن الاقمشه بالبحرين انصحج اكيد بالسعوديه شارع سويكت وسوق الحب بس من سنيين اذكر محل بمجمع مدن بسوق المنامه كان فيه محل اسمه العرادي كان حلوة قطعه

والبنات قالولي محل بالعدليه اسمه بازار ترا محل اصله سعودي وفتحو عندنا بالبحرين

واسمحيلي ماقدرت افيدج وايد

على فكره محل سهرة الشرق بسوق واقف اليوم شفت عندهم فساتين وايد حلوة والموديلا الي اشوف موضتها اللحين اكثر شي سكري بس انا اقول ماعليج من لموضه واختري الي يناسبج

سهرة الشرق وين بالضبظ يصير في سوق واقف وشنو يبيع؟

مو متأكده من اسمه بس شفتو استديو صحاري وراه في الشارع الي بدايته رنوش وتروحين داخل للمسه الفرنسيه تقريبا اهو مقابل رنوش بسوق واقف

وفي منه في الرفاع سوق بوكواره

مشكورة حبيبة عزوزي عمري على الرد
بس اني ماابي قطعة فها شك ابيها كلها سادة واني راح اركب اكسسووار للقطعة او بروش خفيف ابيه ناعم لانةالحفلة راح تكون بسيطة
انتون القطعة الي اخذوتنها على 120 فيها شك؟؟
وشجعتيني اروح لشاموا
وبسالش يتاخر في تسليم الطلب يعني لو وديتة الحين تتوقعين يجهز في الوقت المناسب

ونسيت اقول لج حبيبية عزوزي بكم فصل لكم شاموا القطعة الوحدة حق فستان؟؟

هلا حبيبتي مو متذكره بحدود 60 او 70
والقطعه فيها شك وخرابيط عند الصدر يعني فيها خرابيط

اذا هذا االموديل الي بالج اشتري قطع عاديه شيفونات او تبين حرير او اي نوع ببالج من كل مكان متوفر سوق الرفاع سوق محرق سوق المنامع سوق واقف

وبعدين اشتري اكسسوار بس متعوب عليه عشان يعطي فخامه

واتوقع موديلج بيطلع ارخص بوايد ند شمواه ووممكن اي خياط ثاني شاطر يضبطه مو بس شمواه

بنات الدو متى عندهم تخفيضات

ليكون بس خلصت تخفيضاتهم

مشكورة حبيبية عزوزي طمنتيني لانة توه متصلة لصديقتي وقالت لي واجد غالي شاموا وفصل لها قطعة حق الحنة وفيها اشوي حركات يعني وبسيط ب50 دينارررر

ومثل الموديل الي قلت لج عنه صديقتي فصلت عند واحد في المحرق ب20 دينااار لانة كلش ناعم ولا فية حركة غير طبعا الاكسسوار الي راح اخلية
اني لازم بروح السوق واشوف الخلق وان شاء الله يكون فيه اللوان حلوة