السلام عليكم ورحمة اللة وبركاتة
ازيكم يا بنات يارب تكونوا بخير
كلنا طبعا عارفين كيكة الباباز وعارفين هيا لذيذة قد اية
انا جيبالكم طريقتها وهى ساهلة جدا
انا اخدتها طريقتها من بنوتة فى موقع لك
يارت لو عجبكم الموضوع تقيمونى يابنات
نبدا بالمقادير
كوب ونص دقيق
اربع ملاعق زبدة وتكون سايحة ممكن فى الميكرويف
معلقة صغيرة خميرة
معلقة صغيرة سكر
فانيليا
نص كوب لبن دافىء
3 بيضات
ودى المقادير فى الصور
وطبعا معاهم الشربات
مقادير الشرباااااااااااااات
كوب ونص سكر _2 كوب ماء_نصف لمونة _فانيليا
انا ضربت المقادير السايبة فى الخلاط
الاول البيض مع الفانيليا وبعدين الزبدة معاهم
وطبعا كنت جهزت الخميرة فى طبق مع معلقة السكر واللبن
لحد ماتخمر احطها على باقى الخلطة (البيض ةالزبدة) فى الخلاط
ودة شكلها
وبعد كدة حطيت اللى فى الخلاط فى طبق وضفت الدقيق وعجنت
وبعدين حطتها فى صينية تيفال عشان متلزقش
ولو معندكوش ادهنو الصينية سمنة ورشوا عليها دقيق وبعدين حطوا الخلطة
وسبتها لحد ماتخمر قعدت حوالى ساعتين
ودة شكلها بعد ماخمرت
وبعدين دخلتها الفرن
وبالنسبة للشربات بيكون سخن والكيكة باردة ونصب عليها حبة حبة عشان يتشرب
وهنا بعد ماحطيت عليها الشربات وقطعتها
ودى لاول واحدة ترد عليااااااااااااااااا
ممكن تزينها بالكريم شانتى او بالمربى
لا احلل نقل الموضوع بدون ذكر المصدر يا بنات
والله تعبت فية
[COLOR=red]بانتظار تقيمكم وارائكم
[/COLOR][/glow]
