ماشوف الشاشة من الدموع تكفون قولوا لي وش اسوي

الله يهديه انشالله

هاذا احساس بالذنب خلاكي تكرهي كل شي قومي الليل وادعي ربك يبرد على قلبك ويفرجها من عنده ويهدي زوجك ويعفكم ويطهر قلوبكم انه رحيم مجيب الدعاء

بكاك هل هو خوف من الله ولا خوف ان زوجك يفتتن بغيرك؟استغفري ربك وتوبي له,واما نفورك منه حللي يمكن تكونين حامل,والله يتوب علينا وعليك وع بنات المسلمين آآآآآآآآآآآمين.

حببتي حررررررررررررررررررررررام فليش بدل ما تعقلينه جننتيه وخليتيه يدمن على هاي الأمور المهم عليك بالتوقف فورا والتعهد معا انتي وزوجك ان لا تنظررررررررا لهاي المنكرات بد الان خوفا من عقاب الله وعودي لطبيعتك الاوليه حببتي لان الزوووج ما يحب الزوجة الي تهمل نفسها مهما كانت الاسباب

انت حامل ....صح؟؟؟؟؟ الحمل بيغير النفسيات و ان شاء الله بعد ما تولدي بالسلامة بترجعي زي الاول

خل يوعدك انه مايدخل هالمقاطع مره ثانيه
وادعي ان ربك يبعده عن النظر الحرام وييسر مابينكم
وتصرفك هذا بيزيده مهو حل بالعكس
خليه يشوف فيك احلى شيء وغير عن كل البنات الي يشوفهم عشان تشبعين
عينه من هالمقاطع
وقولي له انه هذا نظر حرام زنا العين وانصحيه وقولي انا عندك ولك
واملي عينه بكل شيء بلبس بمكياج والأهم من كذا كله طبعا المعاملــه
اذا حسيتي انه بيفتح النت عشان كذا حاولي تلهيه فيك سوي شيء يشغله عن النت ويجي لك أنتي
وانتي أدرى بهالأمور الي تخليه يجري وراكـ
وحبيبتـــي أنصحك تدخلي أقسام الحياة الزوجيه
تاخذين منها أفكــار حلوووووه جدا جدا جدا تطير عقل زوجك وتلهيه وتنسيه النت والمقاطع ويصير مهووس فيك أنتي وبس كل يوم غيري روتينكم
ولو تبين الأفكــار
راسليني ع الخاص ..

والله يوفقكم يارب ..

الله يهيدكم بس
حرااااااااااام انكم تطالعون هالاشياء
واشلون انتي اطاوعينة على هالشي
ماادري شقول لج بس حااول يانج تخلينة يترك هالشي
الله يهدية ان شاء الله

هالمعااصي والحرااام مايجي من وراها غير الفتوووور ...توبي لرب العالمين توبة حق وباذن الله تتحسن امورج....الله يوفقج لطاعته

الله يعينك ياختي بس الغلط من الاول كان غلطك اسمحيلي مفروض من الاول ترفضين وكنتي لزم تقوليله انه مايشوف وانك ترفضين هاذي الاشياء بحياتك قدامك او من وراك
وله هو منين يتله الجراه يشوف اله لن انتي كنتي راضيه وربي يصلح الحال يختي ولاتزعلين من كلامي بس القهر الي انتي في والحزن يخلي الواحده منا تتنرفز وتعصب لان تلاقين وايد سيدات هن يخلقن الجو للمشكله ويوم تصير تتحسر ويارب يريح بالج ويهدي لج زوجج وتولدين بالف سلامه ياقلبي

الفتور نتيجة طبيعيه للغلط اللي كنتوا تسوونه ..

الحين شوفي.. اللي صار صار وانتي مالج الا تسوين خطوة وحده ..

دوري في النت دعاء للتوبة .. او انتي اعتمدي على حفظج

مثلا عقب صلاة العشا أو اي صلاة ثانية .. هاتي ريلج و تموا على سجادة الصلاة مع بعض.. وقوليله انته زوجي وحبيبي وانا مابا من الدنيا غير رضاك .. ونحنا كنا غلطانين ومب فاهمين الحب ولا الزواج ولا الجنس صح....

قوليله الشيطان دخل من بينا .. وخلانا نسوي شي كبير ... بس الله يبغينا نتوب .. والله بيتقبل منا لو تبنا بصدق.. خلي ايدج في ايده .. واعني الكلام هذا من قلبج ودموعج بتنزل من الرهبه من رب العالمين والرغبه بالتوبة ....


قوليله تعال نصلي ركعتين ويا بعض .. وعقب الركعتين .. تمي ادعي انه الله يتوب عليكم .. ويتقبل منكم .. ويباعد بينكم وبين الحرام .. ويحببكم فالحلال .. انتي قولي وخليه يقول آمين من عقبج .. واوعدوا رب العالمين انكم ما بتسوون هالشي من عقب هاليوم .. لا بالجهر ولا بالسر ..

لأنه الكلام اول خطوة لتعليم النفس.. ومن عقبها شوي شوي بتلاقين نفسج تميلين حق زوجج اكثر وبتحسين الله بيبارك باللي من بينكم.. :)


ناس سووا بلاوي والله هداهم وتابوا واستوا مطاوعه .. باب التوبة كبيييير و الله يتقبل من الانسان لو مهما سوا .. :) انتي انوي.. وهيئي الظروف و سوي اللي قلتلج عليه وما بتندمين .. :)

حبيبتى شوفى صلى ر مريت كعتين با اليل وبعدها اقرى سورة الانشراح ولله انى جربتها يوم بمشكلةجربى ماحتخسرى شى مو تقرينها مرة وحدة 3 لين تحسين انك مرتاحة:21_214: