الفكرة المرة دى ابسط منها مفيش و مش محتاجة غير حاجات بسيطة و ممكن تتعمل فى اى وقت
مستلزمات الفكرة : وردة طبيعية و مجففه ( يعنى تجيبى وردة و تسيبيها لحد ما تنشف لوحدها ) و ممكن كذا وردة - ورقة و قلم
الفكرة : 1 - تجيبى الوردة اللى جففتيها و تفركى ورقها بحيث يكون قطع صغيرة
2 - تجيبى الورقة و يكون حجمها مش كبير يعنى نص ورقة A4 هيكون مقاس مناسب و ترسمى عليه شكل قلب جميل و تزينى الشكل ده بالوردة المجففة و ممكن تكتبى كلمه حلوة ليه جنب القلب او ممكن تحطى صورته جوا القلب و تزينى حواليها بالورد ( علشان يعرف انه فى قلبك على طول )
3 - تعلقى الورقة فوق السرير او فى مكان مميز ليكى انتى و زوجك
و طبعا لو كنتى زى حلاتى مش شاطرة قوى فى الرسم :o .. ممكن تطبعى اى شكل قلب حلو من على النت و تغطيه بالورد المجفف و متعمليش اى حاجة تانى ... يعنى سيبى الاضاءة عادى جدا ... و بكده هتعرفى مدى قوة ملاحظة جوزك :wink:
يا رب تكون فكرتى عجبتكم
