تجمع و تجهيزات عرائس سلطنة عمان (الجزء 18)

مروج;9066224:
[quote=tooty fruity;9066166]


صباح الخير ........ حتى أنا اريد رقم الي تسوي التوزيعات ........... ومشكوره

حتى انا

شمس الضحى;9066447:

سارونه .. شلونج حبوبه و كيف استعداداتج؟؟ خلصتي ولا لسه؟

هلا شمس اخبارك؟؟ انا بخير الحمدلله و اموري كلها تمام.. تقريبا مخلصة بس باقيلي اشياء بسيطة.. المشكلة هذي الاشياء البسيطة اللي الواحد على اخر وقت يتذكرها:ss: بس ان شاءالله مو ناسية شي.. خلااااص مو باقي شي ع العرس:ss: ما مسوية توقيع احس يوترني اكثر هههه:D لما اشوف تواقيع البنات قلبي يفز:confused:

tooty fruity
مشكووووورة حبيبتي...اهي عندها محل ولا ف البيت؟؟

مرحبا عرايسنا الحلوين

عندكم افكار للملكه

لاني بصراحه ما عارفه شو اسووي

ضايعه:confused:

ساعدوني:confused:

((Noora));9066693:
tooty fruity
مشكووووورة حبيبتي...اهي عندها محل ولا ف البيت؟؟

ما عندي فكرة عزيزتي انا اخذت الرقم من وحدة من اهل هذاك العرس اللي حضرته،احسن تكلميها بنفسك

tooty fruity
اوكي تمام...بس شو كانت توزيعات العرس؟؟ يعني كيف قدموها؟؟
اعرف عذبتك بالاسئلة..............

((Noora));9066907:
tooty fruity
اوكي تمام...بس شو كانت توزيعات العرس؟؟ يعني كيف قدموها؟؟
اعرف عذبتك بالاسئلة..............

ترى أعصب ولو ما فيها عزاب خيتو احنا خوات
حسب ما اذكر كانوا عاملين التوزيعات طقم ويا الكوشة من نفس خامة المخمل والتوزيعات كانت عبارة عن شنطة صغنونة(مصغرة) وفيها البخور بس كان كثير راقي بصراحة، اللي عجبني انه القاعة تعطرت من ريحة البخور(حلوة فكرة توزيع الحاجات العطرية)..

tooty fruity
اييييييه لازم نغير, تعبت من الشوكليت, وانا سويتهم ف الملكة, فلازم أغير رغم انه اهل زوجي وزعوا عطور عربية, لكن ان شاء الله بطلع بفكرة مستحدثة

((Noora));9067025:
tooty fruity
اييييييه لازم نغير, تعبت من الشوكليت, وانا سويتهم ف الملكة, فلازم أغير رغم انه اهل زوجي وزعوا عطور عربية, لكن ان شاء الله بطلع بفكرة مستحدثة

شوفيها عزيزتي يمكن تقدر تساعدك:icon9: بأفكار من عندها بعد(i)

هلااااا بعرايسنا.. وحشتوووني.. صارلي فوق الأسبوع غايبة عن المنتدى.. كنت وااااااايد مربوشة بعرس بنت خالتي.. وجيت اليوم اعطيكم تقرير عن العرس.. واللي حابة تاخذ بعض الأفكار لعرسها تتفضل:D

أول شي.. الحنة... انا حجزت منى الحبسي وأسماء الهنائي للعروس وبعدين يحنوا وصيفاتها.. بس للأسف اتصلت فيني منى قبل الموعد المتفق عليه (الثلاثاء). اتصلت يوم الاثنين المساء تقول انها في الامارات لأن عمتها توفت وما تعرف متى بترجع.. واعتذرتلي كثير مسكينة وتقول ان أسماء بروحها بتحني العروس وطبعا ما بتقدر تحني اي وحدة بعدين.. المهم يوم الحنة مريت على اسماء الصباح وجبتها البيت تحني العروس.. ماشاللللله عليها انسانة حبوبة وهادية. عجبني نقشها كثير.
وبعد كنت حاجزة مها العجمي وماجدة البلوشي علشان يحنونا احنا البنات.. مها بصراحة بالرغم من ان نقشها حلو بس اسلوبها ابدااااااااااااا ما عجبني.. تكلمني كأني اشتغل عندها او كأنها تتكرم علي بنقشها!! مريت اخذها من بيتها وهي تشرحلي الطريق طولت لسانها علي وانا عصبت عليها! وما كلمتها ولا كلمة بعدها! وحلفت اني ما اتعامل معها مرة ثانية.
بعدها مريت اخذ ماجدة من بيتها وماشالله عليها هادية كثيييييييير. هي اللي حنتني وعجبني نقشها.

اسعار الثلاث وااايد معقولة.. اسماء حنت العروس ب 30. مها وماجدة خذوا على حسب النقش واسعارهم جدا معقولة.. اجمالا ال3 نقشهم حلو.. وان شاء الله بتعامل مع أسماء وماجدة في مناسبات ثانية. للأسف ما عندي صور الحنة الحين لأنها بكاميرة العروس وهي سافرت. ان شاء الله لما ترد اراويكم اياهم.

لي مشاركة ثانية بخصوص يوم العرس انتظرووووووووونا :bigsmile:

noa;9067285:
شكرا حبيبتي ,, (f)

ولو حبيبتي ما عملنا شي :)
وعذرا عاد ما قدرت اعطيكم معلومات أكثر لأني خذيت الرقم من وحدة من اهل العرس اللي حضرته،احسن تكلمونها بروحكم اذا ببالكم اي استفسارات؟؟

انزييييييييييييييييييييين... يوم العرس اللي صادف يوم الخميس.. كان في حديقة بيت خالي في الحيل. المعازيم كانوا 400 بس اللي حضروا تقريبا 500 !!!!!!!!:rolleyes:

اول الصباح وصلت الطاولات والكراسي اللي طالبينها من شركة مادري سو اسمها بس خبرونا عنهم مطعم الاوتوماتيك (اللي طالبين من عندهم البوفيه). اول شي احنا متفقين معهم الكراسي تتلبس بقماش أبيض (اوف وايت) مع فيونكات فضية.. وأغطية الطاولات بعد لون أبيض (اوف وايت) تفاجئنا فيهم جايبين أغطية الكراسي لون بيج مائل للذهبي مع فيونكات ذهبية.. والأغطية نفسها معظمهن متشرخات!! يوم اتصلنا فيهم قالوا هذي الألوان اللي عندنا.. طيب لييييييييش قلتوا ان عندكم قبل والحين تقولوا ما عندكم!! طبعا ما كان عندهم اجابة لهالسؤال.. قررنا اننا نطلع اغطية الكراسي ونترك الكراسي مثل ما هي (لون مارون). بعد النقاشات والضرابة مع العمال والمسؤولين اللي استمرت أكثر من نصف ساعة يفاجئونا ان مو كل الكراسي لونها مارون.. هم جايبين تقريبا 100 كرسي لونهم رصاصي وكلللللللله متشرخ يعني مستحيييييييييييييييييييييييييييييييييييييييييييل نخليهم بدون تلبيس.. هذا غير ان أغطية الطاولات جايبين نصهم اللون اللي طالبينه (الاوف وايت) والنص الثاني لون ذهبي والحجم المستطيل!! يعني كيف غطاء مستطيل نحطه على طاولة دائرية ماااااااعرف!!!

المهم بعد الضرابة وحرق الأعصاب وكله مع المسئول جابلنا كراسي كلها نفس اللون المارون وحصلنا أغطية دائرية بيضة من مكان ثاني في اخر لحظة والحمدلله لحقنا نسوي كل شي ونرتب الطاولات..


موعد العروس في صالون كريستال كان الساعة 4 بس احنا وصلنا هناك الساعة 2. وموعد الوصيفات مع بنات خالتي الثانيات الساعة 12.. كان عددنا كلنا 14 بنت (مع العروس) وكلنا خلصنا الساعة 5:30. العروس كان مكياجها روعة.. جدا هادي ومطلعها طبيعية.. الاي شادو سوت لون برونزي وااااااايد عجبني ابدعت صراحة سمية.
رجعنا البيت في الحيل لبست العروس وكانت جاهزة الساعة 7 بالضبط. مسكينة جلست تنتظر. الساعة 8:50 طلعنا من بيت اهلها وتوجهنا الى القاعة.. وصلنا على 9:05. والساعة 9:15 دخلت العروس.. الساعة 10 تقريبا كان العشاء والساعة 11:15 دخل المعرس.


نسيت اخبركم ان الثيم كان لون أبيض وأحمر وفضي.. الكوشة كانت بسيييييييطة جدا لونها ابيض وأحمر (بنزلكم الصور بعدين). وزينة الطالولات كان شي بسيط عبارة عن كأس حاطين في ماي ولون أحمر وعليه شموع بيضة.
الكوشة وتزيين الطاولات من عند هائلة للتجارة.


الحين ندخل في تفاصيل فستان الوصيفات والعروس.


وصيفات العروس الخمس هم مش بنات صغيرات مثل المعتاد.. لا.. كانوا بنات من سن 15 – 17 سنة. وفستانهم كان لون احمر سادة .. جدا بسيييييط. ومسكوا باقات بسيطة لونها ابيض بشريطة فضية من عند جورج في سابكو.

دخلوا الوصيفات بطريقة حلوة وايد ووقفوا عند الكوشة بطريقة حلوة.


وبعدين دخلت العروس وكانت لابسة فستان ابيض (اوف وايت) وأحمر. وااااااااااااااااااااااايد حلو ماشاللله عليها.. وباقتها نفس باقة الوصيفات بس كبيرة ودائرية.
دخلت ووصلت الكوشة ووقفت مع الوصيفات وبصراحة كان المنظر كأنه لوحة فنية رااااائعة..:8875:


دخل المعرس وكان لابس مصر وشال لون مارون تقريبا نفس لون فستان العروس.. والبنتين اللي جابوا الخاتم لبسوا بعد نفس اللون.

الحمدلللله كلللللللللللللل شي مشى مثل ما كنا مخططين وأحسسسسسسسسسسسن.. وكللللللل المعازيم استانسوا.. وفي ناس لين اليوم يتصلوا في خالتي علشان يشكروها عالتنظيم ويمدحوا في العرس.:21_207:

ليان
ماشاء الله التقرير جدا جميل
عاد الصور بتكون أحلى ننتظر الصور
ربي يهني بنت خالتك ويسعدها وربي يرزقها بالذرية الصالحه
وللعروسه


عااااد ما موقف مع شركة التنظيم ... والله دايمن إي مكااان يقولوا كذا عندنا وفي الاخير يقولوا ما عندنا حراااااااااااااام

بسس كم مكياج سميه لغير العرائس؟؟
يعني إنتوا بكم سويتوا مكياج عندها



حبوبه عن الحنايات
ممكن تقولينا كل وحده من إي منطقه ؟؟
عشان أختار الحناية القريبة من منطقتي

هلاااااااا غلااااااااااوي الله يبارك فيج حبيبتي تلسمييييييييييييين

اي والله مقلب الله لا يراوي حد بس الحمدلله قدرنا نصلح الأمور في اخر لحظة.

احنا سوينا مكياج ب 20 في صالون كريستال بس مو سمية اللي سوت.. المساعدات.. في تقريبا 4 ماكييرات هناك.. اللي سوتلي انا فلبينية.. صراحة مكياجهم يفززززززع! الفاونديشن وااااااااااايد فاتح وطبقة غليظة يسووا. انا الحمدلله لحقت عمري وقلت للفلبينية اني ابغى اختار الفاونديشن بروحي وماريدها تسويلي طبقة سميكة.. وسألتني عن لون فستاني قلتلها بنفسجي وابيض بس ما ابغى الاي شادو بنفسجي فسوتلي لون برونزي وايد خفيف وعجبني. يعني اتوقع يعتمد عالشخص. لو انتي تقوليلهم شروطج من الأول أحسن.

عن الحنايات.. أسماء ساكنة السيب. مها ساكنة الخوض وماجدة ساكنة الحيل الشمالية.
منى ساكنة الغبرة بس عندها سيارتها. فهي تروح بنفسها للبيوت.
أسماء خبرتني انها عادة تسوي في بيتها الا لو كانت تتشارك هي ومنى تنقيش عروس فمنى تمر عليها.. بس غير كذا هي ما تروح بيوت. بس معاي كانت حالة استثنائية لأنها المفروض تحني مع منى بس منى صارتلها ظروف اخر لحظة وما قدرت تجي.

ليان
الف مبروك لعروستكم و مشكووورة ع التقرير المفصل(y) كفيتي و وفيتي صراحة.. عاد انا كنت منتظرة تقريرك بفارغ الصبر لأني حاجزة منى لعرسي ان شاءالله.. طلعت منى ما جاية:ss: و حجزت كريستال للمسائية بس قالولي سمية ما تحني غير عرايس في الويك اند:ss: بس ما اعرف مع مين حطوني:confused: كل المساعدات شغلهم ما حلو؟؟ والله خوفتيني و انا اقول اخيرا حجزت و افتكيت:confused:

سارونة عمانية;9067855:
ليان
الف مبروك لعروستكم و مشكووورة ع التقرير المفصل(y) كفيتي و وفيتي صراحة.. عاد انا كنت منتظرة تقريرك بفارغ الصبر لأني حاجزة منى لعرسي ان شاءالله.. طلعت منى ما جاية:ss: و حجزت كريستال للمسائية بس قالولي سمية ما تحني غير عرايس في الويك اند:ss: بس ما اعرف مع مين حطوني:confused: كل المساعدات شغلهم ما حلو؟؟ والله خوفتيني و انا اقول اخيرا حجزت و افتكيت:confused:

الله يبارك فيج سارووووووووونة تسلمييييييييين عزيزتي :D
للأسف ما صارلي نصيب اشوف نقش منى بس سمعت أسماء شغلها مشابه لمنى.

سمية تمكيج في الويكند بس؟ حسافة والله لأن مكياجها حلو..
انا مثل ما قلتلج اللي يمكيجوا هناك لو تخبريهم شروطج من الأول بيسوولج حلو..

الفلبينية سمعت عنها وايد ناس يمدحوها وبالفعل سوتلي مثل ما بغيت. وانا سمعت ان سمية اللي مدربتنها.. فأنصحج تتصلي وتحجزيها هي دام ان سمية ما موجودة... موفقة ان شاء الله حبيبتي :)
انتي متى بالضبط عرسج؟

واااايد حلوات افكاركم في العرس لياان نحن في البريمي ماشي عندنا وصيفات ولا شي

العرس واايد تقليدي بس احلى الشي الرقص

والرقص ممنوع في بعض العائلات


واااايد حلو العرس لياان ياليت لو كنت هناكي اشوفكم واسرق الافكار هههههههههههه

بنااات.. اللي تريد رقم مريم المنذري تراسلني عالخاص