خواتي وحبيباتي .. لما تصفحت المنتدى اشتقت أقولكم عن تجربتي ،شعري كان كثييييف وطويل إلى نهاية الظهر .. طبعا هذا الكلام قبل 9 سنوات .. مع الإهمال خف خف خف خف تدريجيا ..
فرحت قصيته قصير حيل .. كاريه إلى أذني يعني أطول من البوي بشوي
وبديت اعالجة .. حنه كل اسبوعين
واستعملت زيوووت شكثر .. وتعلمت مع كثرة التجربة شنو الزيوت إلي تنفع حق شعري .. راح أكتب لكم شنو ينفع وشنو ما ينفع من تجربتي
واستعملت الخلطه إلي بكتبها بعد شوي .. بس أول بقولكم النتيجه ..
من شهر 8 الماضي إلى الآن .. (قولوا ماشاء الله :) )
1- اختفت الفراغات نهائيا بشعيرات صغيره ماشاء الله وكثيره ..
2- التساقط قل بدرجه كبيرة فقط 10 شعرات في اليوم .
3-ووصل طول شعري إلى كتفي من تحت. (يعني تقريبا طال شبر و3 أصابع.
سلبيات الخلطه : الريحه الشنيعه ..:confused:
طريقة استخدامها عاديه جدا تحطين الزيت على شعرج وتلبسين غطاء الرأس (حتى لا تتأذين من الريحه ) بعد الحمام تقريبا تختفي الريحه يعني لو تعطرين شعرك أحسن :15:
الخلطة هي : زيت الثوم - زيت البصل - زيت الجرجير وزيت الخروع - وكلها تنفع لإنبات الشعر
وزيت جوز الهند باراشوت .. وزيتي المفضل دابر املا - أخيرا زيت دابر فاتيكا للتساقط ( واستعمله احيانا لوحده )
انا استعمل الخلطه بشكل يومي عدا يومين أو 3 بالأسبوع .. وطبعا لا تنسين الحنه كل اسبوعين
وبعد الحمام أستخدم اما كريم باراشوت على اطراف شعري أو كريم جارنييه الأخضر الفسفوري .. حلووو حيل
وأخيرا أخبركم بزيت سيء لا تشترونه ولا تستخدمونه .. لأنه غير مفيد وغير ضار .. ووجوده وعدمه واحد :)
هذه تجربتي باختصار .. وأي سؤال من عيوووني :cool:
واذا عجبكم الموضوع .. قيموني :wink: