سأعد العده وأبداء الجهاد من ينضم معي ؟!!!!!!!

book2 06-02-2009 3 رد 969 مشاهدة
b
بسم الله الرحمن الرحيم
مالذي دفعني للجهاد00!!؟
هذي قصتي ارجوا ان تقرأوها وتعلقون عليها لأني اجرمت بحق نفسي كثير ودمرتها00
عندما كنت ادرس بالكليه كانت ايام جميله وساموت وانا مانسيتها كان عندنا بعض المعاصي من سماع للاغاني والغيبه حيث نقطع بلحم الاستاذات ونعلق على اشكال البنات ونضحك ونطلع بالحوش ونغني ونرقص وكنا حاجزين في الكفتيريا طاوله وكراسي ( حجز اسرائيلي )يعني ياويل الي نلقاها من غير الشله قاعده عليها (أعدام على طول و قصف) وبعضهن أذا شافونا انحاشو هجو من طاولتنا (مسوين رعب في الكليه) 000000000000وتقريبا كلنا من قسم واحد (اللغه الانجليزيه) ومستوى واحد00000 جا يوم من الايام وحنا نفطر في الكفتريا (طبعا اكل 24 ساعه بالكفتريا والمحاظره كل وقت همنا بس الاكل والقهوه)000 جتنا نوره ( معنا بنفس القسم والمستوى مجرد زميله مو من أعضاء الشله) سلمت علينا ردينا السلام 00هلا هلا نوره اقلطي تقهوي 000لا لا الله يعافيكم اجلسي معنا00
المهم جلست ونكتت معنا وعلقت علينا وضحكنا المهم استأذنت وراحت وجا اليوم الثاني وجت وسلمت علينا وقعدت ونكتت علينا واستاذنت وراحت0000يوم ورى يوم صارت تجي وتقول لنا فايده او تسأل سؤال نتحمس ونبحث عن اجابه مثلا00(ماشكل الجنه؟اين الجنه الان؟ كيف نعيش فيها؟ هل نشوف ربنا ؟؟؟؟كيف,هل,متى,أين؟؟) المهم البنت أثرت فينا صارهمنا نبحث في الكتب ونسأل صديقاتها ألى في المصلى صرنا نبحث عنها وندخل معها في المصلى 000يأالله وين ذولا عايشين معقوله هذولا معنا في نفس الكليه حياتهم غير عندهم وناسه مهيب مثل الي عندنا وجلستهم فله مو مثل جلستنا هن يضحكن مع فايده لكن حنا نضحك ونختمها بهوشه او نضحك بس ضحكنا مايوسع الخاطر000ياالله
تغيرت احوال شلتنا بالصراحه أثرت فينا نوره مع العلم أنها عمرها مانصحتنا وعمرها ماقالت لنا أعملوا كذا أواتـركو كذا00(سبحان الله بعض البشر وجوده بس يأثر) المهم راحت الايام وحنا منسوب الايمان يزيد وصرنا نحضر دروسهم الصباحيه الي يقيمونها في الحوش قبل المحاظره الاولى وصرنا وقت البريك نحضر في المصلى ونشوفهم وهم يصلون الضحى ويتدارسون القرأن ويحدثون بس بروح حلوه مو متشددين 00ياالله
(ودي اكمل قصتي بس ماعندي وقت عشان كذا ابختصرها اختصار شديد عشان ماتملووووووووووون)
يوم ورى يوم خلتنا نبداء نحفظ القرأن خلتنا نشارك بالدروس حولتنا الى (هيئه الامر بالمعروف والنهي عن المنكر) صرنا نمشي بين البنات وننصح تغيروا بنات كثير كانوا يتقبلون منا تغير حالنا اصبحنا اكثر رقه في تعاملنا نورت وجوهنا استاسعت صدورنا حياه مابعدها حياة ( والله العظيم) شنينا حمله على بنات الكليه صرنا نلقي محاظرات في كل قاعه الكل متقبل الكليه بدون مبالغه كلها تغيرت حياتهم كلها صلاة ذكر 00في يوم من الايام انا وصديقتي اكثر ثنتين متحمسات في الدين(والله لدرجة انا فكرنا نحرر القدس ونروح نجاهد) الله المستعان00 انا وصديقتي اكثر ثنتين متحمسات وبنفس الوقت كومديات روحنا حلوه ننكت ونضحك الي يتكلم معنا المهم اقترحت نوره اني انا وصديقتي نلقي محاضره صديقتي وافقت على طول لانها سبق ان القت محاظره اما انا بس اوزع مطويات واعلق مع البنات 00المهم رفضت وبشده لاني ماني كفو القي محاظره00لالا يانوره ان راعيت معاصي لالا
المهم اصرت وبشده قالت انتي تبتي وهذي فرصه لك وبعدين اسلوبك يعجب البنات والشله ونوره حاصروني من جميع الجهات واجبروني00
والله كم ليله مانمت قبل المحاظره ( والله صدق ماني كفوا)في يوم المحاظره كنت خايفه خوف مابعد خفته بحياتي وكنت ادعي الله يسهل علي جلسنا على الكراسي قدام الجمهور(طالبات الكليه جميعا) المهم بداء البرنامج بداء قلبي يدق بسرعه وارتجف بداءت صديقتي بالكلام وبعدها جا دوري كنت كاتبه المحاظره في ورقه بداءت اقراء شي بسيط ثم الهمني ربي واسترسلت وشرحت واعطيت قصص ونكت معهم المهم الجمهور تفاعل ايما تفاعل وضحك وتاثر ( كان يوم لن انساه) المهم انتهيت وكان البنات ودهم اني اكمل بس اعتذرت بحكم اني كنت مشغوله 00المهم كان تفاعل غير طبيعي (انا ساكنه في محافظه شبه صغيره) كان كلن يتكلم عن المحاظره الي القيتها ومدى تأثرهم فيها وحلاوتها كانوا يسموني انا وصديقتي ( سليمان الجبيلان وصالح الحمودي) ( والله يكرمون)
المهم مريت بحياه سعيده الى ابعد الحدود واللا انام على طول ماافكر بشي اقوم قبل الفجر ادعي وابكي اقراء القران ابكي اصوم ادعو من حولي هجرت المعاصي بحكم ان معي لغه انجليزيه كنا نكلم الممرضات ونعوهم للاسلام اسلم على يد صديقتي 7 00حياة مابعدها حياة
ومرت الايام وتزوجت ( مع اني كنت اتمنى ملتزم ولاكن قالو انه راعي صلاة وقالوا احمدي ربك يصلي من تبين تزوجين السديس قلت ياريت قالو عشم ابليس في الجنه) المهم تزوجت وانقلبت حياتي فوق تحت كان مي زوجي كنت اطاوعه في كل شي حتى في معصية الله صرت في ضيق وهم ونكد وكدر تركت صلاة الليل والضحى تابعت الافلام حتى 000 حبيت زوجي حب لكن سبحان الله عذبني بحبه مرت 5 سنوات وانا في دمار شامل وذالك بسبب تعلقي بزوجي( والله عاد مايستاهل ولاهوب كفوا) تعذبت مانام الليل وين راح من يكلم سهراته كثيره وسفراته اكثر حياة تعبانه واذا ذكرت ايام قبل اموت من الحسره--دعيت الله في ليله من الليالي ان الله يخفف حب زوجي من قلبى وان يرزقني الطاعه واحس ان ودي ارجع زي قبل ودي اجهز الاسلحه واجاهد نفسي واتصر عليها ثم ابداء اجاهد زوجي ابي النصر للاسلام
من بيجاهد معي يابنات خلونا نكون جيش جرار لنصرة الاسلام
من بيجاهد معي؟؟
b
يابنات الاسلام نبي نغير من انفسنا نبي نبدل حياتنا نبي نصلح انفسنا خلونا نتشارك بالهموم والاقتراحات التي تعيننا على الصحوه والطاعه
C
سلاااام


سجلي اسمي


وجزاكي الله خير على موضوعك الحلو
b
وعليكم السلام هلا والله بالغاليه والله ينصرنا على عدو الاسلام الشيطان الرجيم
X