شـلون كـان نفـاسـج ؟؟

معليه ادخل بالموضوع مع اني ما عندي بيبي
انا حملت مرتين مثل ما تعرفون اول مرة ولدت وانا بالسابع وظليت في بيت اهلي يومين
وهاليومين متت من الصياح بس ابي زوجي تعرفون النفسية اني تعب وبالنهاية ما في بيبي
كنت بس ابي اظل بحضنه وكانت ايامها عرس اختي ورجعت بيتي ونفس الشي المرة الثانية
طلعت من المستشفى وعلى طول عند ريلي وآآآآخ شو كانت النفسية حسيت نفسي بتخبل
من كثر التفكييييييييير ،، والحمدالله عكل حال ،، يعني انا ما تفرق وياي اقعد في بيت اهلي ولا بيت اهل ريلي

انا ظليت بالمستشفى 3 ايام
و عند امي 14 يوم
و رجعت شقتي باليوم ال17 الي اهو كان ليلة العيد لان حبيت اعيد عنده

بس ما كنت طاهرة اخذت فترة و صارت لخبطة مادري اذا طهرت و لا لأ لان افرازات خفيفه
بس تقريباً 50 يوم

المرة الياية ان شاءالله اذا الله كتبلي و حملت و ولدت بقعد الين اطهر لان صج راحة عند الام

انا لين ولدت بقعد الاربعين عند امي كامل
وزوجي بيي يقعد ويانه مبرزة فراشه قبلي ماقدر اصبر عنه :p

انا قعدت الاربعين كاملـة و طهرت مع نهايتها

رديت باليووم 41

يسلموو ع مروركم

صراحه أنا ما أقدر أصبر عن بيتي وزوجي خلاص أتعودت ما أدري شو بسوي في فترة النفاس

خاصة أن بيتنا ماشاء الله حشره اللي داخل واللي طالع فما أدري هل بقدر أنام عدل هناك

الله يعييين

موضوع حلو ..

انا عن موضوع الطهارة لحد الان كملت الاربعين وفوقهم 3 ايام و ماطهرت.. يعني اعتقد شبكت الدورة بالنفاس .. كملت شهر بيت اهلي بس عقب سافروا فاضطريت ارجع بيتي...

وقبل لا اربي كنت اقول بتم بيت اهلي شوي وبرجع عند زوجي لأني ما اصبر عنه .. بس يوم شفت كيف اهلي قايمين فيني و كيف كنت اتعلم من الوالدة الله يحفظها وكيف كانت تغذيني و تراعيني .. كنت اتمنى اتم اكثر .. لأني فعلا تعبت يوم رديت بيتي ..


الله يرزق كل محرومه.. ويخلي امهاتنا كلهم ياارب :)

نفاسي كان 35 يوم

ورجعت بيتي في اليوم ال10

ما بحب حد يخدمني حتى أمي

انا كان نفاسي متعب اشوي جالست في المستشفي 3 ايام ولمن خارجة بس 4 ايام ورجعت المستشفي
مره ثانيه وطهرات 20 يوم ورجعت بيت زوجي 36 وكملت ااربعين ومرسة حياتي بعد 55 يوم
بس كنت ابغي اجالس عند امي اظول وقت بي راجعتي بيت زوجي تعبت كثير حتى ظهري الى الان يالمني

والله يسهله على الكل حامل ويرزق كل محرومه