ماحصل لك موقف وأنتي تطلقين ....؟

الله يسهل على كل الحوامل ويقومهم بالسلامه

والله يرزق كل وحده متاخره في الانجاب

حلو الموضوع ربيعية

انا لما كنت أطلق و احنا بطريقنا للمستشفى لقينا خالي بالطريق ، هو ملا و ما و عنده قراءة مجلس و المسكين ماعنده سيارة الا زوجي موقف له و ركب السيارة بوصله الديرة اللي بيروح لها !


و انا بموووووووووت من الالم شوي و افتح الدريشة و اصرخ هههههه


و اطالع زوجي بنظرات عصبية لأنه حتى وقت الشدة و الاوقات الحرجة يبي يتساعد خخخ ، ماوصلنا المكان اللي بيروحه خالي الا انا بنفجر من الالم و كتمان الصرخة خخخ !


الموقف الثاني وقت الولادة لما جت النيرس بتعطيني ابر التنويم حتى ارتاح اباعدها و اصيح لأن اخاف من الابر وهي تضحك تقول الحين انتي ولادة لازم ماتخافين من شي و جو النيرسات يمسكوني من الايادي و الرجايل حتى تحط الابر و كانت ما تألم بس خووف

انثى شكلك مثلي عندنا خوف غير طبيعي

لكن الموقف مع خالك صحيح يضحك ويبكي

[GLOW="FF99CC"]
حلو الموضوع
انا اول ماجاني الطلق كنت في الحوش وكنت اكلم ريلي اقوله الدكتور يقولي بتولدين بعد اسبوع<<:21_133:
وانا أتألم ولما زاد الألم سكرت في ويهه:BYE2: وكنت بدش غرفتي انسدح ولا امي تقولي تعالي ارقدي في غرفتي لان يمكن يجيج الطلق قوي وماتقدرين اتحركين انا رايحة غرفة امي وابي انسدح ومن اول مادشيت غرفتها وانا اقول مابي انام عندج ابي اروح غرفتي ورحت انسدحت على كرفايتها وانا اقول مابي انام عندج<:sm215:<لووووول
معليه اثار الولادة :21_131:والحمدلله ولدت في نفس اليوم
[/GLOW]

موضوع حلو ومواقف الامهات تضحك بس مااعتقد مثلي هههههه

انا في ولادتي الاولى لما صار الدكتور يخيط الجرح الا وامووت من الالم اعظم من الولادة وارفسه في وجهه بقوة ههههههه

في ولادتي الثانية لاني ولدت قيصرية ماصار لي الا لما توني اوعى من البنج جات النيرس تقولي ولدتي مبروك قلت لها صحيح ؟قالت تدري وش جبتي قلت لها لا قالت ولد الا اقول لها صحيح ؟وش سميتوه:o ؟هههههههههههههه والممرضات كلهم يتضحكون عليي

مشكورة خيتووو على الموضوع الجميل

مشكورة عالموضوع حبو ^.<

Blossoms ههههههههه ضحكتيني مع موقفج الثاني..

نسيت اللي صار لي من مواقف مضحكة بالطلق
المرة الرابعة باذن الله هههههههههههههههههه

Blossoms;8717996:
موضوع حلو ومواقف الامهات تضحك بس مااعتقد مثلي هههههه

انا في ولادتي الاولى لما صار الدكتور يخيط الجرح الا وامووت من الالم اعظم من الولادة وارفسه في وجهه بقوة ههههههه

في ولادتي الثانية لاني ولدت قيصرية ماصار لي الا لما توني اوعى من البنج جات النيرس تقولي ولدتي مبروك قلت لها صحيح ؟قالت تدري وش جبتي قلت لها لا قالت ولد الا اقول لها صحيح ؟وش سميتوه:o ؟هههههههههههههه والممرضات كلهم يتضحكون عليي

حلوه بلوسومز البنج خلاكي تهلوسي زين ماقلتي لهم يتربى في عزكم

ما أذكر أي حدث سواء كان مفرح أو محزن
في و لادتي الأولى بحمود كانت في رمضان جلست من النوم فجأة أتوجع ما عرفت أن الأوجاع هذي هي الطلق ضليت عالسرير لين ما جاء زوجي من الدوام اصر بوديني المستشفى و اني ما رضيت
لما زاد عليي الألم قمت اخذت شاور و رحت
ظليت يوم كامل أطلق لين ما ولدت بالسلامة

في ولادتي الثانيه بعلاوي كان قلبي جامد شوي لاني عارفة سالفة الولادة و جاني الطلق و تصرفت عادي ما كأن عندي شئ و ما قلت لأي احد أني أتوجع خاصة اني كنت خايفة من ألم الفحص لين ما وصلت حدي و خبرت زوجي و رحنا المستشفى و ولادتي هذي ما طولت 3 ساعات و اني والدة الحمد لله
و لما كلم زوجي أهلي تفاجؤا لأني كنت مكلمتنهم قبل ما اروح بشوي و ما كان فيي شئ على حد ما بينت اليهم .

ان شاء الله لين ولدت ايي اخبركم بموقفي
بس مواقفكم بعضكم حلوة وبعضكم محزنه
بس اهم شي ولدتوا وافتكيتوا ...

ام فوفو ننتظر تجربتك مع الطلق والولاده

مرحباااا

بالنسبة لولادتي بسيدون كنت اصرخ ابي ارووح الحمام مو متنازلة الا الحمام
كملت من الولادة الا صوتي مبحوح خخخخ

بس اتذكر الحين واضحك لانها فترة متعبة بس ننسى فتكون حلوة

ان شاء الله اذا ولدت اقول لكم وان شاء الله ما يكون موقف محرج

الله يجيب بنتي بصحه والعافيه

تحياتي المعطره

انا ولادتي الاولى بولدي.. نزلت علي المويه فجأة بدون الم.. وانصدمت لاني ماكنت ادري ان الولاده كذا .. كنت استنى دم او الم.. والمضحك انه نزل علي الما يوم الاحد..المستشفى معطيني ورقة دخول الاثنين الصبح للطلق الصناعي لاني مطوفه موعدي.. بس شكل ولدي خاف قال اطلع بنفسي قبل لا يطلعوني بالقوه.. وعاد في نفس ذاك اليوم سيارتنا كانت بالورشه !! المهم لما شفت المويه وانا واقفه اصلي العشا في رمضان.. خفت وقطعت صلاتي وقلت لزوجي يلا المستشفى.واصرخ واسوي ازعاج خوفت المسكين.. وانا مافيني الم بس اصرخ من الخوف.. فكرت ان البيبي خلاص بيطلع مع المويه.. ونطلع من البيت الا نلاقي اخوي توه جاي ( اخوي ساكن جنبنا).. اخذنا سيارته ودايركت عالمستشفى.. الا يقولون.. بس 1 سم.. واقعد طول الليل في غرفة الولاده اسمع الحريم يصرخون ويولدون ويطلعون.. وانا مكانك سر.. ما بدا معي الطلق الا الساعه 2.. وانا مرتزه عندهم منالساعه 10 .. يوم جاني الالم خلاص.. صرت اهزأ في زوجي مايقدر يقول كلمه الا اقوله اسكت لا تتكلم.. سببت له عقده مسكين.. صار سااااكت,,وتخيلوا ماولدت الا اليوم الثاني الساعه 10 الصبح.. يعني 12 ساعه,, الحمد لله على كل حال,,بس من كثر ابر البنج والاكسجين ماخلصت الولاده الا وانا مخرفه.. اسمع اصوات واشوف اشياء كلها خيالات بس من التعب وكثر ابر البنج.. وجبت احلى راكان الله يحفظه ويخليه..اما زوجي رجع البيت وهو هلكااان طول الليل وهو جنبي.. راح ونام حتى ماصحى للفطور ( لان كان رمضان)..اما ولادتي الثانيه الحمد لله كانت اسهل .. رحت 7 الصبح وولدت 10 الصبح( 3 ساعات).. وزوجي يحسب اني بطول مثل ولادتي الاولى.. نزل الكافتيريا الاخ يشرب كابتشينو.. لما رجع لقاني خلاص ولدت ماصدق.. قال : خلصتي؟؟؟؟ وين بنتي؟؟ قلت وش دراني روح اسألهم ههههه.. وبس انشالله اذا ولدت ارجع اكتب لكم مغامرتي الثالثه.. الله يقومني بالسلامه

عروسه قديمه 27;8727902:
انا ولادتي الاولى بولدي.. نزلت علي المويه فجأة بدون الم.. وانصدمت لاني ماكنت ادري ان الولاده كذا .. كنت استنى دم او الم.. والمضحك انه نزل علي الما يوم الاحد..المستشفى معطيني ورقة دخول الاثنين الصبح للطلق الصناعي لاني مطوفه موعدي.. بس شكل ولدي خاف قال اطلع بنفسي قبل لا يطلعوني بالقوه.. وعاد في نفس ذاك اليوم سيارتنا كانت بالورشه !! المهم لما شفت المويه وانا واقفه اصلي العشا في رمضان.. خفت وقطعت صلاتي وقلت لزوجي يلا المستشفى.واصرخ واسوي ازعاج خوفت المسكين.. وانا مافيني الم بس اصرخ من الخوف.. فكرت ان البيبي خلاص بيطلع مع المويه.. ونطلع من البيت الا نلاقي اخوي توه جاي ( اخوي ساكن جنبنا).. اخذنا سيارته ودايركت عالمستشفى.. الا يقولون.. بس 1 سم.. واقعد طول الليل في غرفة الولاده اسمع الحريم يصرخون ويولدون ويطلعون.. وانا مكانك سر.. ما بدا معي الطلق الا الساعه 2.. وانا مرتزه عندهم منالساعه 10 .. يوم جاني الالم خلاص.. صرت اهزأ في زوجي مايقدر يقول كلمه الا اقوله اسكت لا تتكلم.. سببت له عقده مسكين.. صار سااااكت,,وتخيلوا ماولدت الا اليوم الثاني الساعه 10 الصبح.. يعني 12 ساعه,, الحمد لله على كل حال,,بس من كثر ابر البنج والاكسجين ماخلصت الولاده الا وانا مخرفه.. اسمع اصوات واشوف اشياء كلها خيالات بس من التعب وكثر ابر البنج.. وجبت احلى راكان الله يحفظه ويخليه..اما زوجي رجع البيت وهو هلكااان طول الليل وهو جنبي.. راح ونام حتى ماصحى للفطور ( لان كان رمضان)..اما ولادتي الثانيه الحمد لله كانت اسهل .. رحت 7 الصبح وولدت 10 الصبح( 3 ساعات).. وزوجي يحسب اني بطول مثل ولادتي الاولى.. نزل الكافتيريا الاخ يشرب كابتشينو.. لما رجع لقاني خلاص ولدت ماصدق.. قال : خلصتي؟؟؟؟ وين بنتي؟؟ قلت وش دراني روح اسألهم ههههه.. وبس انشالله اذا ولدت ارجع اكتب لكم مغامرتي الثالثه.. الله يقومني بالسلامه

الله يقومك بالسلامه ويسهل عليك يارب

جود الحياة;8724715:
ان شاء الله اذا ولدت اقول لكم وان شاء الله ما يكون موقف محرج

الله يجيب بنتي بصحه والعافيه

تحياتي المعطره

الله يقومك بالسلامه ونعرف مغامراتك

ام سيد سلمان;8724628:
مرحباااا

بالنسبة لولادتي بسيدون كنت اصرخ ابي ارووح الحمام مو متنازلة الا الحمام
كملت من الولادة الا صوتي مبحوح خخخخ

بس اتذكر الحين واضحك لانها فترة متعبة بس ننسى فتكون حلوة

نفس طلقي بولدي بس اصرخ ابي الحمام واني ما اعرف ان الجاهل بيطلع

انا الحمدلله ربي سهل علي

كلما كان يجيني الم امسك نفسي بقوة ولما يروح استرخي واضحك واتكلم عادي واطلب هوت شوكلت وكوفي وما كنت اصارخ بالخالص لين ولدت للة الحمد

كانت معاي امي وزوجي والي ولدتني هي من الاهل رحت المستشفى وهي كانت مداومة والحمدلله كل شي عدى طبيعي ورجعت البيبت 4 ساعات بعد الولادة

اني عن نفسي اول شيء طلع مني دم وكنت في رمضان وااول مره

مااعرف شيء طبعا نزل الدم من 2 الفجر وكان فيه الالم عاديه

وصليت الفجر ورحت المستشفى الساعه 5 وكنت خايفه ادخل

بعدين كشفت الدكتوره وقالت لي ارجعي البيت تو الناس لا يمسكوكي

وطبعا رجعت ولا عرفت انام رجعنا الساعه 6 وامكن نمت ساعه وجلست من 10

واني متالمه وماعرف ويش بيصير ومارحت المستشفى الا الساعه 2 الظهر

ودخلوني على طول وكنت عادي مااحس بالالم داك الزود

واسمع وحده جنبي تصرخ بقوه عورت قلبي وحامل بتؤام وكانت تتالم وتصرخ

واني اقول مسكينه تعور القلب الله يقومها بالسلامه

واني قاعد وبعدين الساعه 10 الليل حسيت بالالم فضيع وجت كشفت الدكتوره

ومااذكر كم قالت فاتح المهم صرت اصيح لا شعوريا لاني مااحب المستشفيات

واهلي يتصلو بي كل دقيقه ويحاتوني مساكين

والين 30 و2 الفجر قالولي ولاده وعلى طول غرفه الولاده

ومن قالو لي جبتي بنت استانست حدي وعلى طول كلمت اهلي

واقول الى اختي جبت بنت وحدي كنت مستانسه ونسيت الالم

والدكتوره تخيط الجرح واني طبعا اكلم جوال هههههههه