ليش....؟

ماقول غير صدق الرسول اللهم صلي وسلم عليه يوم قال ناقصات عقل ودين

ولو نكتب في الموضوع هذا مليووون مجلد في نساء والاغلبيه ماراح يغيرون فكرتهم ...

اسمحي لي اختي يوم الرسول (ص) قال النساء ناقصات دين والكل يعرف ليش

اما ناقصات عقل لان تغلب عليها العاطفة

لان مايصير المرأة تكون كاملة لوكان يغلب عليها العقل هي والرجل من وين

بتجي العاطفة للاطفال ومن بيحن عليهم ومن المعروف ان المرأة اشد حنانا وعطفا على الاطفال

شوفي من حكمة الله عشان يصير فيه تكامل بين العقل والعاطفة جعل الرجل اكثر تعقلا والمرأة اكثر تعطفا

وبعيدا عن منطق الاستهزاء مثل ماتفضلتي حضرتك

اختي الغاليه كنت اتمنى يكون موضوعك يناقش اسباب العنوسه خاصه بالخليج

وردي على موضوعك الحالي

ممكن تعطيني الباسورد لاسمك بالمنتدى وباسورد ايميلك.؟؟؟؟ ووعدك اني اكون عادله باستخدامي له لن احاول اني اتملكه لنفسي ولن اغير بمعلوماته شراااااايك ممكن ؟؟

بترفضين اكييييد عيل شلون تطلبين من النساء ترك رجالهم يتزوجون من امراه اخرى لانه طافها القطار واحب اقول انه اغلب الفتيات التي طافهن القطار للاسف من ايدهم يعني يوم كانت بعز الشباب تتشرط وتبي مثقف وتبي وتبي ويوم فات الفوت تنازلت عن كل شروطها وتقبل باي رجل المهم تتدارك عجلت الزمن التي بدت اسرع منها

المهم اختي الله يرزق الفتيات الازواج الصالحين والي له نصيب بياخذه والريال لو يبي يتزوج محد يرده ان رضت زوجته وله مارضت .

عزيزتي جملتج الاخيره وايد عجبتني
تجولين حنا رايحين من هالدنيا لا زوج ولا عيال !!

اذا رايحه من هالدنيا وماتاخذين ريلج معاج فالاولى تتركينه لزوجته ام عياله وعياله وبلاش نخطف الرجل من حضنهم :)

ليش الحريم تعقدوا من الزواج الثاني؟؟؟ لأن الرجال يميلون.. ولا يعدلون.. والشرط في التعدد العدل .. فلما يجي الزوج يجيب وحده جديده ويطير فيها وينسى الاولى المسكينه.. فاكيد ان هذا بيسبب الحقد.. يعني الزوجه الاولى انسان مو ملاك.. حتى الاخوان اذا فرقتي بينهم بالمعامله راح يحقدوا على بعض ويكرهوا بعض.. بس لوكل وحده تراقب الله .. وتذكر زوجها بحقوق الثانيه.. كان احنا في خير.. بس الحين الوحده تقعد تعبي راس زوجها ضد الثانيه ( سواء الاولى او الثانيه).. تصير الحياه جحييييييييييم.. الله يكفينا شر التعدد.. لووول.. انا ما جربت بس اتوقع انه وضع غير مريح ابدا.. بس اذا صار وتزوج الرجال.. لازم الوحده ما تعتبرها نهاية العالم.. لان الرجال جزء من حياتك بس مو كل حياتك..

هل أنت متزوجة ؟!!

لو كنت كذلك لما تفوهت بكلمة تؤيد الزواج الثاني ..

انا اقول انه هاي غريزة الانسان .. انه شريك حياته يباه حقه هو وبس..

ها هو الحب :)

زوجي ما يرضى حد غيره يشاركه فيني وانا ما ارضى حد غيري يشاركني فيه بدون اي تفاصيل لا علاقات ولا زواج ولا شي غير



الحلال والحرام في موضوع تعدد الزوجات ما تقدرين تبسطينه في موضوع انه اختي مب معرسه فخلها تتزوج واحد معرس .. الزواج من ثانية له اسباب وضوابط .. وما تنطبق على كل حد ..

وردا على ملاحظتج اللي طرحتيها .. "ممكن الرجال يخون بس ممنوع يتزوج غيرهم ..."


ههههههه ضحكتيني .. طبعا مب ممكن .. يوم بيخون بيتلبس الباب وحياتج .. الحره ما ترضى لنفسها شريكة لا بالحلال ولا بالحرام ...


الله لا اييب خيانه ولا حرمه ثانية ان شالله .. بسم الله علينا

شوفي حبيبتي أنا حرضيكي على الآخر وحقلك كلامك مظبوط مية مية وإنتي معاكي حق وربنا حلل الزواج من أربعة وحرام الإنسان يحرم ما حلل الله لكن....... بالنسبة لي فأنا متزوجة وربنا رزقني ب3 بنات فخلاص زوجي في حياته أربع اللي هم أنا وبناتي فما يجوز ياخد كمان
فهمتي ردي يعني أي وحدة زوجها يريد يتزوج عليها ما حتحرم اللي أحله الله لكن ختقلك مش اللي في حالتها فما تحاولي اللله يهديكي الضرة مرة ولو كانت من الجنة

والله ياريت اذا بيتزوج المتزوج ياخذ عانس إلا يتشرط ويقول ابيها بنت وصغيره ماتزيد عن20 ولا 20 وااايد بعد وابيها طويله وقصيره بيضه وسمره وضعيفه ومليانه ووووووووو
وااااخر شي ليته ياخذ على هالمواصفات بنت من بلاده ترحم على الاقل ام عياله وعياله ياخذ اجنبيه
اتخليه مايدري عن الاولى ولا عن عيالها
اتعلموني في الرجاجييل
كلهم بدون استثناء مثل الطبع واذا جبت له وحده مثلا عمرها 33 بيقولج مب كبيره علي وهو عمره فوق الاربعين حمدالله والشكر يعني انت ولد امس صغير .. بس اذا كانت الزوجه مقصره او ماتقدر تعطي حقوق زوجها كامله او بينهم مشاكل يعني في سبب الله يهنيه وياخذ وحده تناسبه في السن ومن بلاده مو غريبه ..


والله يرزقني واياكم يااخواتي الزوج الصالح واذا مارزقني بالزوج فالحمدلله انا عايشه حياتي ومبسوطه
واسمحو لي اذا ضايقة او جرحت حد بدون قصد


ويعطيج العافيه على الموضوع

الله يرزقك حبيبتى ويرزقني وكل الااخوات الزوج الصالح والذرية الصالحة واذا مارزقني بالزوج فالحمدلله على نعمه التى لا تحصى ولا تعد وانا عايشه حياتي ومبسوطه

الاخت الي شرحت معنى ناقصات عقل ودين انا عارفه معناها الشرعي وليش الرسول اللهم صلي وسلم عليه قالهااااا

ولو حضرتك تفضلتي وقريتي ردود البنات على الموضوع راح تعرفين ليش ذكرتهااااا

وانتي بعد ذكرتي لنا ناقصات عقل لانهم عاطفيات وفعلا هذا الي قصدته من كلامي يعني نظرتهاا لين طرف خشمهااا ماتشوف على المدى البعيد وش الي ممكن يسير اذا ماطبقناا شرع الله وتحديداا _ التعدد _ الله ما شرعه الا لحكمه

اختي الشرع حلل أربع .. مافي اعتراض على هالشي ... بس ماشي حرمة ف هالدنيا ترضى ريلها يتزوج عليها إلا من رحم الله ...
وكل وحدة وظروفها ... بعدين مثل ماقالوا الخوات .. مايدورون العوانس ولا المطلقات ولاالارامل ... يدورون بين 18 و 25 ولازم اتكون بيضة وطويله ومتعلمة وغيره من الصفات والاحلام الوردية ...
واللي يناسبها المتزوج عليها بالعافية .. ومن حقي ومن حق كل وحدة متزوجة انقول .. زوجي ملكي وياويلها ياسواد ليلها اللي تحاول بس تقرب منه ..
وكل شي ف النهاية نصيب وقضاء وقدر ..
اللهم اجعلني الزوجة الوحيدة لزوجي .. اللهم لاتجعل لزوجي حظا ف النساء مع غيري ..آآآآآآآآآآمين

هل تعرفون معنى الحب في الحياة الزوجية؟؟؟
هو ان يذوب كيانك في كيان شخص احببته
هو ان ترتبطا نفسيا و عقليا و جسديا
هو التحام للأفكار و الذكريات
هو ان تتخلص من حب الذات لتدخل في ذاتك ذاتا لم تكن تعرفها
هو
و هو
وهو .........الخ
فمن سترضى بعد كل هذا ان تشاركها فيه اخرى ؟؟؟؟!!!!!!!
الا ان كانت عديمة الاحساس

ولكن ...
نظرتي للزواج الثاني هي في نقطتين
النقطة الأولى: اذا كان الرجل يعيش حياة هانئه و سعيده و الزوجه تسعى لرضاه .....
و هو يفكر بالزواج أو يتزوج للنزوه فقط فهذا سينطبق عليه المثل القائل( دبور و زن على خراب عشه!!)

النقطة الثانيه: اذا كانت هناك مشكلات في الحياة الزوجيه( و اقصد مشكلات بالفعل, وليست ملح الحياة كما يقولون) كمرض الزوجه النفسي أو العضوي
أو عدم الانجاب ......الخ
فلا مانع من التعدد ( ان استطاع العدل , فالتعدد يلزمه شروط و قله قليييييييييييييييلة من يلتزم بها و يوفيها)فهو الباب الذي شرعه الاسلام ليحمي ابناءه و بناته من ارتكاب المحرم

مفتون;8733016:
انا اقول انه هاي غريزة الانسان .. انه شريك حياته يباه حقه هو وبس..

ها هو الحب :)

زوجي ما يرضى حد غيره يشاركه فيني وانا ما ارضى حد غيري يشاركني فيه بدون اي تفاصيل لا علاقات ولا زواج ولا شي غير



الحلال والحرام في موضوع تعدد الزوجات ما تقدرين تبسطينه في موضوع انه اختي مب معرسه فخلها تتزوج واحد معرس .. الزواج من ثانية له اسباب وضوابط .. وما تنطبق على كل حد ..

وردا على ملاحظتج اللي طرحتيها .. "ممكن الرجال يخون بس ممنوع يتزوج غيرهم ..."


ههههههه ضحكتيني .. طبعا مب ممكن .. يوم بيخون بيتلبس الباب وحياتج .. الحره ما ترضى لنفسها شريكة لا بالحلال ولا بالحرام ...


الله لا اييب خيانه ولا حرمه ثانية ان شالله .. بسم الله علينا

انا اعرف حريم يقولون حق ازواجهم (روح العب وخون بس لاتتزوج )...شو رايج ...عرفتي ليش انا كتبت جذية


زوجي ما يرضى حد غيره يشاركه فيني وانا ما ارضى حد غيري يشاركني فيه ...هذا كلام..؟

حبيبتي حرااااااااام حد غيرة يشاركه فيج بس بالحلال تقدر انسانه ثانية تشاركه فيج


الحرمه غير عن الرجال.... الرجال محلل له ...مافية نقاش

الله يحفظ لك زوجك ... ماتمنى لك غير الخير....

يارب ارزق بنات المسلمين ازواج صالحين ....يارب

شكرا...عرايس على الردود

خله يتزوج مليون وحده بس المسأله كل وحده تتمنا ريلها يكون ملكها وبس محد يشاركها غيرها

بس في ريايل ياخذون الثانيه عسب يقهرون الاولى او يتمون يقارنون بين الثنتين وهذا طبع بعض الريايل الي للأسف حرام عليهم كلمة ريال

سواء كنت متزوجه أول لا .. فهذي وجهة نظرك أنت .. لا تفرضيها على غيرك ..

وطبعا ما ارضى أنه زوجي ياخذ وحدة ثانية او يخوني .. لأنه بالنسبة لي الأثنين بمعنى واحد

و كلامي مثل الأخوات المتزوجات .. لأني أغار على زوجي ما أوافق أنه وحدة ثانية تاخذه ..

إلا ما أسمحله أنه يفكر بأي وحدة .. لو كانت عابره .. وإلي ما تزوجت الله يرزقها لو كان متزوج بس الأهم أنه

زوجنه اتكون على دراية بزواجه و اموافقه عليه.

ما أقول حرام الرجل يتزوج ثنتين .. ولكني ما أسمح به

والله يستر على كل وحدة مب متزوجه ويرزقاها الزوج الصالح إلي يخاف ربه ..

صعب ياأختي ارضى وحده ثانيه تشاركني في حبيب عيني صعب,وانا اشك انك متزوجه لاننا قلنا هالكلام قبل مانتزوج وشددنا في مسألة الدين ومازلنا لكن000مع مقولة:عسانا نسمع به ولا نشوفه.

انا مزوجة واحب زوجي ...اذا بحثتي فى مواضيع انا كتبتها من زمان بتعرفين اذا متزوجه ولا ...بس الموضوع للنقاش

ببساطة لن أقبل أبداا ان زوجي يتزوج عليي و ما اقبل ابد ايضا انها تتسمى انانية و ليش ما نقول انها انانية من الرجل عندما يتزوج على زوجتة ام عيالة اللي كافحت معاه و عطته كل شي و ما قصرت وياه و مع ذلك يدري بان زواجة من زوجة ثانية بيجرحها و يكسر بخاطرها فهل هذا جزائها عقب عشرة سنين أدري بتقولون شرع الله بس الله حلل ما فرض و فية فرق و مثل ما الزوجة تقوم بواجبات الشرع نفسة ما فرض عليها هالشي(الواجبات المنزلية و طبخ و تربية وغيرة) فهل الزوجة بتوقف بوجه زوجها بتقوله آسفه شرعا مو واجب عليي لا طبعا لانها اذا بتحب زوجها بتسوي المستحيل علشان تسعدة و في المقابل ان زوجها كذللك يحاول انة يسعدها بدون زواجة من ثانية و بالنسبه للعنوسه على فكرة أغلب اللي يعرسون عالحريمهم يتزوجون صغار يعني مو في سن عنوسة و انا ما اايد الزواج الثاني الا في حالات خاصة مثلا الزوجة ما تييب عيال او مريضة أ, مهملة بزوجها بسس و اقول لاي وحدة تفكر تاخذ واحد متزوج و عندة عيال و عايش سعيد مع زوحتة و اهيا عارفه بانه زواجها منه انها بتهدم اسرة اقول لها لا تبنين سعادتش على تعاسة الأخريين

ريم بوظبي انتي متزوجة صح ؟انزين عنديه عروس حق ريلج .. عانس وطيبة وبنت ناس وماتبى غير الستر... شو رايج؟