مشكلتي مع اهلي والعريس

قبل ما اشارك في موضوعك اضطريت ارجع لمواضيعك السابقة عشان افهم ايه الحكاية بالضبط
والله الكلام هربان مني ومش عارفة اقول اي حاجة بجد الحالة صعبة اووووي
امال تعملي ايه بقى في اللي كل يوم والتاني واحدة من قرايبها جايبة لها عريس شكل
اللي مش بيصلي،، والتاني الصايع اللي كل يوم بايتله مع بنت شكل من بنات الليل وال عايز يتوب على ايد العروسة الجديدة
والتالت اللي ملهوش شغلة بس ابوه غني وحيصرف عليه يعني من الاخر ابوه بيدور لابنه على واحدة تشبع لابنه غريزته وبس
ولا تعملي ايييييييييييه بقى في العريس الغني وسنه ممتاز للزواج ومركز ومكانة اجتماعية فائقة وشهادات ايشي الدكتوراة والماجستير
وتكتشفي قبل الزواج بشهرين انه كان مجوز في امريكا وعنده طفلين ؟؟؟؟؟؟؟

ولا اخر قصة دي بقى اللي قعدت سنتين مخطوبة لواحد الناس بتشكر فييييييييه جدااااااااااا ولا تقولي ملاك ماشي على الارض وكل الناس في كفة وهو في كفة تانية
كل ما تسالي عليه حد في الشغل يشكر فيه ،، الناس في منطقته يشكرو فيه الف مرة ولا قرايبه كل واحدة بتتمناه لبنتها ،،، ده بقى كان خطيب خالتي وكان محامي وخالتي محامية
وقبل الفرح بشهر بالضبط كانت في المحكمة تترافع على جلسة ومستنية اسمها راحت سمعت اللي بينادي على القضايا " فلان الفلاني، اللي هو خطيبها" يتقدم لمحاكمتة في الجلسة
راحت هي اتصدمت راحت سالت اللي بينادي ورت له كارنيه المحاماة وطلبت تطلع على الملف، لقيته ناصب على ناس باكتر من 550 الف جنيه ومحكوم عليه غيابي
والحكم حيطبق عليه بعد تاريخ جوازهم بـ 3 ايام بالضبط !!!!!!!!
يعني ماشاء الله عليها كانت تبقى عروسة في تالت يوم ليها تلاقي تنفيذ الاحكام في شقتها وجوزها يترمي في الحبس
شوفتي بقى الحكايات اللي تشيييييييييب
وربنا كمان مرة الراجل ده كان بيشار عليه بالبنان وكل واحدة كانت تبصله تقول يا ريته لبنتي وكل واحدة كانت بتدعي تقول يا رب يرزقني واحد زييه !!!! شوفتي بقى القدر بيكون مخبي ايه

فأنتي ايوا حبيبتي من حقك تضايقي بس انا خايفة عليكي توصلي لدرجة اني تتحطمي نفسيا فيها

من الاخر انتي كده ولا كده بالطول ولا بالعرض حتعيشي في بيت والدك ومش حتطلعي منه الا على بيت زوجك إن شااااااااااااء الله
فما انك عايشة فيه يعني عايشة فيه لوقت ما يجي كرم ربنا اللي هو عن قريب إن شاء الله
يبقى عيشي بقى براحتك وحاولي تقوي شخصيتك شوية والله حتى لو عملتي مشاكل، انا باكلم طبعا على حتة جوز اختك ده اللي احتل بيتكم
يعني لو دخل من غير استئذان انتي قولي له يا ريت يا فلان ابقى ادي اي تنبيه انك داخل انا قاعدة براحتي مثلا راعي النقطة دي عشان كلنا نعيش في البيت مرتاحين

انا والله مش عايزة اقويكي عليهم بس حاسة عيشت مشكلتك اوي لدرجة الافكار في راسي عمالة تتلغبط

بصي من الاخر كده خااااااااااااالص انتي عليكي بـ 3 حاجات:
1/ متدعيش اي دعوة كده والسلام زي ما الاخوات قالو قولي بس حسبي الله ونعم الوكيل
(ومن يتوكل على الله فهو حسبه)
2/ وفي دعوة جميلة اوي (حسبي الله لا إله إلا هو عليه توكلت وهو رب العرش العظيم) 7 مرات
3/ بعد اي موقف ميحصلكيش فيه نصيب في ساااااااااااااااعتها تقولي (اللهم أجرني في مصيبتي وأخلفني خيرا منها ) اهي دي اللي حتجيبلك الخير سريعا جداااااا
4/ الحاجة اللي تضايقك في البيت اكلمي اشمعنى اختك يعني فاردة عضلاتها قوي مهو لو على القوة بقى ولو البيت ماشي كده يبقى اوجدي نفسك زي ما هي مبينة نفسها.
5/ برضه اقولك متفكريش تسيبي بيت بابا مهما حصلت الظروف انتي ليكي الحق فيه زي ما كل واحد فضل قاعد فيه معزز مكرم حتى ولو دي الصورة الظاهرة للناس برة لحد ما يجيلك نصيبك وتسيبي البيت على خير إن شاء الله.

انا طولت عليكي يا حبيبتي معللللللللش بس ده على قد تفاعلي معاكي والله
ويا ريت تطمنينا باي حاجة عليكي
هادعيييييييييييييلك والله يا حبيبتي ويسمعني عن قريب سمع خير واخبار تفرح قلبك وتفرحنا كلنا معاكي
أختك ... نــور