ربي اني لما انزلت الي من خير فقير .. المعونه يا بنات

السلام عليكم

انا بقول كلام مختصر... انتي قلتي انه يعرفج من انتي ... لاتقابلية ولا ترسلي صورة اذا الرجال له رغبة فى الارتباط بيتقدم لك بدون صوره فية الف طريقة ..غير انه يشوفج ممكن يخلي اخته ولا امة تشوفج اذا انتي مناسبة لة.. بس لاتخلي مشاعرج تجرك فى الغلط انتي مبين عليج بنت اصل وتخافي الله وتخافي على سمعتج ..اتركي كل شى حرام .. وكلي امرج لله ..وانشاء الله بيتقدم لج ولد الحلال ..

السلام عليكم ورحمة الله وبركاته

عزيزتي ....

اللعبة هذي قديمة جدا جدا .. لا تاخذك العاطفة وتقولين احسه جاد ...

لو كان جاد ما كان طلب الصورة أصلا ..انا مرة سمعت من قريبتي عن وحدة صار لها نفس الشي .. بعدين صار يبتزها إما انها تعطيه اللي يبغاه او إنه يرسل صورها لأهلها

والموضوع بالأساس كله غلط بغلط ولا يجوز شرعا ... والشي اللي يبدأ بالحرام أكيد نهايته مو تمام ...

وبعدين إنتي ما تعرفين إن أغلب الرجال الشرقيين غيورين وأغلبهم ما يريد يتزوج بنت تعرف عليها من النت لأنه مستحيل يوثق بوحدة خانت ثقة اهلها فيها فكيف يسلمها اسمه ولقبه وتكون ام اولاده ...

انتبهي ثم انتبهي ثم انتبهي ولا يغرك الكلام المعسول

حبيبتي إنسي موضوعه وغيري إيميلك ..

ولا تعطيه رقم أبوك ولا عنوانكم ..

نصيييييييييييييييييييييحة

ربي هو اللي يعرف الخير وين لك وراح يجيك نصييييييبك

لا تستعجـــــــــــــلي

احــــــــــــــــــــذري نصيحه

حبيبتي ... اختي الغاليه ..
نصيييييييييييييييييييحة نصييييييييييييييييحة من اخت تبغي مصلحتج
ابتعدي عنه من اللحين احسن دام انكم ماتعمقتوا بالعلاقه ودام انكم ماخذتو على بعض وايد !
لانج اذا تعودتي عليه وتعلقتي فيه صدقيني هاي مشكله ومشكله كبيرة بعد،،
لأن عقب بيصعب عليج تودرينه!!!
وانتي ماشاء الله عليج ضميرج حي وعاقل يعني تعرفين ان هالشي غلط ،، الله يهديج حبيبتي

اختي نصيحه نصيحه نصيحه مني اعتبريني اختج

انا مريت بحالة مشابهة والله ان شبابنا انذاااااااااااااااااااال وحقيرين بمعنى الكلمة

انا مريت بايام صعبة مايعلم فيها الا الله يمكن لان حبيت ووفيت وكنت صادقة ولاني طيبة وعلى بالي كل الناس طيبين مثلي بس الي حصلته شي ثاني بتاتا حصلت جفااا وخيانة

ماقول الا حسبي الله ونعم الوكيل علييييه

بس انا استاهل وكل يوم اندم الف مرة لاني خنت ثقة هلي فيني وانا المؤدبة الخلوقة الي ربوني هلي احسن تربية

الي يحبج بييج من الباب ومابيرضى عليج بالغط

نصيييحه لكم يا بنات لايغرنوكم بالشباب بكم كلمة حلووووة

والله هالصايعين مايستاهلووونكم

الله يستر على بناتنا وسامحوني طلعت شوي عن الموضوع بس من حرة مافيني

الله يرزقنا وياكم بالزوج الصالح

اخاف يطلع كذاب ويفضحني وانا وربي اني مستوره وخايفه من الله .. وخايفه على هلي


......... شفتي كيف انتي حاسه بالغلط ..... انتي قلتيه كلام وياسلام عليك لو كان بالفعل


انتي أذكى من أنك تسمــــــــــــعين كلام الاغبيــــــــاء


وربي كلهم نصااااااااااااابين ........ تمام عليك اعترفتي بخطأك وانتي باقي عالبر .......


خــــــــــــــلاص اتركيه والله ماراح تمووووووتي ....... الله يوفقك نصيحه مني لك اتررررررركيه ...


والله مافيه أحـــــــــسن من الحلال ...... وانتبهي كل شي ولاسمعتك وسمعه اهلك


اولها يبغى يشوفك وبعدين صورتك وبعدين يعزمك طيب وبعديييييييين ......؟؟؟؟؟؟؟


انتي فكري فـــــــــــــــــــيها ؟؟؟؟؟؟؟

حبيبتي اذا صداقه معاج ويبيج صج ايج من الباب ويخطبج وشوفج قدام بيتهم وبعلم اهلج وبعدها يقرر

ومثل مايقولون بالخليج او عندنه بالبحرين البنت طاقه كل من يجي وسومها

يعني البنت مثل الشي الي الشخص اي يشتريه يتقدم لج بيت اهلج عجبتيه اوكي مو قادر يخطبج الحين مومكون نفسه اتفقي معاه و مع اهلج وهني صديقني ببين اذا كان كل كلامه صاج ومايلعب عليج واذا رفض وقالج لازم اشوفج اول قوليله باي باي لانه يبي يلعب.

وقوليله الريال تربطه كلمته. وبالتوفيق حبيبتي

هلا حبيبتي !!
تحملي والله العظييييييييييييم !!

تراه قالي انا عرفت بنات وايد بس مثلي ماشاف

جذاب صدقيني يمكن يآخذ صورتج وينشرهـآ وشضمنج وهو يجوفج مايصورج !! تحملي ترى راح تشوفينه مره ومرتين وبعدين بيقول لج طلعي معاي ولا نشرت محدثاتج أو رقمج ومسجاتج ,, تحملي والله هالدنيا مافيهـآآ أمـآآآن وحتى لو خشيتي عن هلج هالشي حبيبتي رآح يظهر صدقيني =) علاقات النت كلهـآ فآشله ونهـآيتهـآ فضيحه =) تحملي بروحج حبيبتي ولا يقص عليج الشيطـآآآن !!ولا تقولين مآقدر أستغني عنه ومادري شششنو لاتقدرين إذا تبيييين !! وصدقيني إذا خذتيه بيقول لج كلمتيني أكيد رآح تكلمين غيري !!
الله يستر علينـآ يـأإربي , والله ماقلت لج حبيبتي تحملي بروحج =)

هلا حبيبتي ...
ماشاء الله عليج مبين انج فاهمة وعارفة ..وترى العارف لايعرف ...
والمثل يقول من دق الباب ياه الجواب ...لاحظي الباب مب الدريشة ...
القرار ألحين بيدج ..واذا قبلتي طلباته ...بيكون القرار ومصيرج في ايده ...
فكري بعقلج قبل قلبج ....
والله يوفقج لما فيه طاعة ربج ومصلحتج ...

خليه يبعت اهله يشوفوكى وبعدين يبقى يشوفك الشوفه الشرعيه لو معجبتهوش يا ستى يبقى يروح فى حاله
انما انا خايفه عليكى تشوفيه برا شباب الايام دى وحوش
وربنا يستر عليكى ويعملك الخير

اذا صادق ويبي يتذوجج خليه يتقدم وفيه شي اسمه شوفه شرعيه

اختي ريم*أبوظبي

اي والله انه يعرف اسمي ويعرف وين بدرس .. يعني لو هو جاد راح يسأل عني .. لكن والله خلاص ماراح اكلمه كللللش ولا راح ابرر له الاسباب اللي يبيني ويحبني عنده الف طريقه للارتباط انا مابي اسوي شي غلط واجازي اهلي الطيبيين .. والله اني متحسفه :(


اختي صبـــاح

صحيح اختي الشي اللي انا سويته لا يجووز شرعا :(
وكل ماقلت له احنا اللي نسويه غلط قالي صديقيني راح نلتقي تحت سقف واحد.. شسوي شالدبره احسه جاد . بس كلامكم خوفني :(

اختي Live Style

انا خلاص من كلامكم احس نفسي بموووت :(

وابنساه والله يكتب لي اللي فيه الخير لو هو صج يبيني راح يطلعني من تحت الارض :(
اما اذا بس يلعب راح ينساني ولا راح اجي على باله :(

اختي mokaneh_al5ali

صحييييييح احسن لي ابتعد قبل لا اتعلق اكثر واكثر وبعدين اروح ف ستين داهيه :(



اختي عسل البحرين

فديتج والله انا بعد اعرف انهم جذي ومالهم امان والله احنا مساكين :( نصدق ونوفي ومانلاقي الا الصد والجفا والفضيحه

الله يستر عليج وعلينااا يارب :(


اختي night555

صحيح فديتج انا ماني مغفله يطلب صورتي واعطيه .. ياربي يثبتني واياكم على دينه :(


اختي آيسكريم

صح اللي يبي الشي يجي من الباب .. وانا قلت له باي باي بيني وبين نفسي وخلاص ماراح اكلمه فالمسنجر :(

اختي ♥[ ξـبق الۈرد ~

اي والله خلاص ماراح اكلمه مب ناقصه فضايح :(

ولووو هو جاد مثل مايقول خله يتقدم رسمي .. اما انا ماراح اسوي شي غلط


اختي الدنيا سوالف

صح والله كلامج اللي يبغي الشي يدق الباب مب ينط من الدريشه .. واذا اليوم رويته الصوره اشبيقوول ؟؟

انا ماجبرتج على شي ولاطقيتج على يدج انتي سويتي كل شي برضاج

لالا مستحيل اسوي شي غلط :( :(


اختي توتى وشيكو

عدل كلامج اللي يبيني يشوفني في بيت ابوي مب في مجمع ولا محل :(

...

حبيبات قلبي والله كلامكم كله اثر فيني جعل يزاكم الجنه يارب

الله يوفقكم دنيا واخره ان شالله

ماقصرتوو معاي ^^

بس دعواتكم الله يقويني :(

اختي persian_moi

صح كلامج في شي اسمه خطبه

اختي مدلعه نفسي

عدل والله اللي يبي يشوفني يجي مع اهله بيت ابوي

ماقصرتووو يالغوالي

يااااابنت الحلاااااااااال كلللل الشباب بيقولوا كدا.......كللهم بيقولوا نفس الكلام.. أنا شفت تجربة حية أمام عيني ... واحدة اتعرفت ع شاب على النت ....و اتفقوا انه صداقة و هي محترمة جداجدا بس كانت اول مرة تتعامل مع النت و كان فضوول.. و هو مع الوقت صار يحبها يحبها جدا .. لانه كتيير طلب صورها و كتير طلب يسمع صوتها و هي عارفة انه ده غلط و قال نفس الكلام انا عرفت بنات كتير بس مثلك ما شفت في أخلاقك و .. و...و.. بس هي الحمد لله فاقت و عرفت انه اللي بتعمله غلط و ما في شيء اسمه صداقة بين ولد و بنت و ما يصير حتى تحبي أحد من النت ...لانه ما بدأ بالغلط فهو غلط و مابيكمل ...و انسحبت من حياته و هي ما ضحكت عليه ابدا لانها دايما تقولله لأ اتفقنا نكون متل الاخوات بسسس...و هو ما زال مصر يشوفها.. فهي قالتله كدا غلط و انسحبت من حياته و من النت و ما بقى تكلم شباب من النت أصلا....و الحمد لله ربي رزقها بالحلال...فيا بنتي اتعظي... كتييييير بناااات كتبوا مشاكلهم و كللللهم نفس القصة اللي انت بتحكيها و بيصيرلهم بلاوي و فضايح... يا بنات يعني ربنا ادانا عقل نفكر و نتدبر .. ما بتتعظوا ليه من قصص الناس حواليكم ..لازم تخوضوا التجربة بنفسكم يعني؟؟؟دا كدا عقوبتكم و ذنبكم أشد لانك بتعملي الغلط و انت عارفة و متأكدة انه غلط و مصرة تعمليه.............النصيحة انك تحذفيه من حياااتك و اعملي بلوك... صدقيني لو هو نصيبك ربنا حيبعته لك بالحلال...و بعد ما يكون هداه هو كمان..
استعيني بالله و احذفيه و ربنا يهديكي و ييسرلك الطريق الحلال...

حبيبتي ديري بالج من الذئاب البشريه

ماقريتي مشاكل البنات ماتعضتي !!

غاليتي اتركيه وانتي بعدج صغيره ان شاءالله بييج اللي احسن منه واكثري من الأستغفار

والله يغنيج بحلاله عن حرامه وانتبهي لاتعطينه لاصوره ولارقم موبايل ابوج ولاحتى عنوان بيتكم يمكن يكون ولد حرام ويخرب سمعتج لاسمح الله الشيطان مامات الله يحفظج ويستر عليج دنيا واخره


المهم غلاتي لاتتبعين خطوات الشيطان ترى بداية النار شراره !!


من اليوم اوعدي الله سبحانه انج تتركين هالشاب لوجه الكريم ((من ترك شئ لله عوضه الله خيراً منه )) وادعي الله يرزقج الأفضل منه ويقوي قلبج ويكفيج شره

واكثري من قول اللهم اكفينهم بما شئت اكثر من 100 مره وشوفي شلون بتنسينه وبترتاحين من الهم اللي على صدرج

هو قال بيخطبج بس يبي يشوفج بالأول؟؟

طيب ليش ما يدق باب بيتكم و يشوفج بالشوفة الشرعية؟؟؟؟

ثرى هالولد كذاب من راسه لين ريوله

تحملي بنفسك واحذفيه وسوي لك ايميل يديد ولاتضيفين الا البنات

حبيبتي اشغلي نفسك بزيارات اهلك وربعك واقري قران ولاتجابلين النت 24 ساعه

مب الحين متأثرة بكلامنا وباكر يقص عليك بايميلات وخرابيط!!!!!!

اعتبريه ممثل شفتي فيلمه وانتهى

صدقينى لو هو جاد فى كلامه هييجى لغاية البيت من غير لا صورة ولا غيره صممى على موقفك ولو هو كويس بجد هيحترم قرارك و يتحمل مسئوليته و ييجى البيت و يشوفك قدام اهلك

لك وجهه تكتبين مشكلتك !!!!!!!!!!!!!!!
و الأدهى من ذالك تبين حل ّ!!!!!!!!!!!!!!!!!!