{ .. حملة مقاطعة الكوافيرات الغاليات/ احنا نقدر نسوي أحلى !

والله كلامك يا أختي عين العقل

بس نسبيا في بلادنا اليمن الاسعار ارحم من هنا في جدة بجد الاسعار كل مالها وفي ارتفاع ولو كان على مكياج يسوى مثل شانيل ولا لانكوم كان الواحد يبلعها غير انه تبذيييييير والله بيحاسبنا عليه

بصراحة ما رحت للكوفيرة الا يوم خطوبتي وملكتي واذا كانت عندي مناسبة أو فرح اسوي المكياج والشعر لحالي ويوم اروح كلهم يسألوني مكياجك مرررررة ناعم مثل الاجانب :)

والله يقويكي ونكون يد وحدة في هالحملة

طبعاً معاكم بالمقاطعه قلباً وقالباً :)

لإن اللي قاعدين نشوفه بالاسعااااااااااااار حرام وإجرام ... مبالغ خرافيه ... بالنسبه لي انا اسوي مكياجي بالبيت سواء عررس او حفله او اي مناسبه .... وش هالسالفه المعقده كلها كم لون وادمجيهم وكان الله غفوراً رحيماً ..... بس صراحه انا مشكلتي الشعر .... إذا مناسبه عاديه أو عرس من بعيد استشوره بالبيت واحط لي كم كرستاله وخلاااااااااص ... اما عرس ناس قراب ومن الاهل اضطر اسوي بالصالون بس عمري ما اعطيت للتسريحه اكثر من 150 ريال ....

فيه شغله لفتت نظري :( فيه بنات يسوون مكياج لأنفسهم احلى بلميووووون مره من الصوالين .. ولما تشوفينها بعرس ولا مناسبه تلقينها رايحه صالون تسألينها ليه تقول (( تبين الناس يقولون عني بخيله )) ؟؟؟ صراحه ما أدري من متى الناس تقيم البخل والكرم عن طريق الصالونات :(

فعلا شفت الحمله في منتدى سابق وكان روعه الطرح
عشان كذا الفلوس الي انتي بتدفعيها للكوافير انتي اولى فيها
واذا بيخفضون السعر نفكر فيهم اما الان فلا والف لا :)
موفقين والى الامام

up
لاهمية الموضوع

مشكوورين على تفاعلكم الطيب

الحمد لله صارلي فتره طويله مقاطعه الاعراس واذا حفلات صغيره اسوي لنفسي والحمد لله

انا معك بصراااحه انا اسمعت وحده منهم تتكلم مع الثانيه الي جايه تتدرب تقول اصلا هنا اسم كوفيره يصدقون ومربحه مره واذا كنتي غاليه يختارونك يقولون اكيد افضل شوفي وشلون الاستغلال

كلام كنطقي 100% وانا معك

تسلمين يالغاليه ع الموضوع الرائع وصح لسانك في كل ماذكرتيه وذكروه الاخوات فعلا ربنه راح يحاسبنه ع هالمبالغ الي نصرفها والقهر ان في نساء يثقلون ع عاتق ازواجهم بس عشان محد يقول عنها بخيله انا رحت الصالون لزواجي ولزواج اخوي مره وخطوبة اخوي مره ثانيه في حياتي بس والباقي انا احط بنفسي المكياج والله ان الكل يمدح مكياجي واهلي بعد لمن مايكون عندهم استطاعه احط لهم بس الي يخليني اروح للحفلات المقربه لي وهي هالمرتين الي ذكرتهم بس لاني ابي المكياج يثبت ومكياجي الصراحه مو من ماركه غاليه مره يعني المكياج الي ابو 70 ريال نقول 120 ريال وبس مايتعده هالشي فاقول احط مكياج يدوم طول السهره بمااني اخت المعرس واتحرك يعني تدرون ولله الحمد شريت الفير التايلندي والحين صرت مااسويه في الصالون وانا شخصيا مااحب التسريحات دوم شعري مهدول
والاخت الي قالت الصالونات ع غلاء اسعارها تطلعك وحده غير فعلا بس النتيجه يااما وحش والكل يضحك عليكي في العرس وانتي ظانه انهم مبسوطين من مكياجك الاوفر الغالي او تكون نتيجه حلوه بس غير ع قولة عبدالحسين عبدالرضا الصوت صوت ناديه لطفي والشكل شكل نيران ههههههههه يعني كانه نخدع الموجودين والله ماكو احسن من مكياجك انتي في البيت تحطين الي تبين بدون ماتقول لك الممكيجه تبين كلتر زياده ب 30 ريال تبين رموش اطول وفكس 70 ريال زياده اشدعوه سوق الحراج اكت ع نفسي الجلتر بدون مااخاف من السعر واحط البودره ع رقبتي وجزء من صدري بدون زياده في الفلوس يعني تسوين الي تبينه وانتي في بيتك وبالاخير والله يابنات اول ماتخلصين قولي لبو العيال ها اشرايك والله انه ينخبل عليكي ويشوفك معاه وينبسط ان زوجته تقدر تسوي شي مافودت غيرها وراحت الصالون ومن الصالون للحفله ومن الحفله لمياة المجاري وانتوا بالكرامه وهل زوجك شافك واستمتع بجمال زوجته لا والله غير الي يشوفها زوجها بعد ماتخلص مكياج ويوصلها للباب ويوقل لها انا متاكد انك احلى وحده في الحفله وراح استناك لين ترجعين كم تسوه هالعباره

ادري اني طولت عليكم بس لان كلنه نمر بأزمة الحفلات والي عندها وماتفرق معها راح تفتقد سماع هالكلمات من زوجها

الله يجزاكم خير يابنات

ياقلبي عليييك موضوعك جناااااااااااان ياعسسسسل

والله حبيبتي انا ناااااااادر اروح للكوفيرات والله اسوي لنفسي احسسن وبجد كل من شافني قال حلو شكلك بأي مشغل رايحه فعشان كذا يزيدو من معنوياتي واكون اسوي نفسي وانا واثقه

واي وحده تبي تدرب تسوي لنفسها وهي فااااااااااضيه وهي تطلع العيوب اللي فيها وتدرب ع نفسها

واهم شي الجممال مو المظهر الجمال جمااااااااال الروووووووووووووووووووووووووح
يسلموووووووو ياقمر ع موزوعك الحلو

ربي يسعدك

موضوع غااااايه الروعه

بس انا في السعوديه ولا عمري سمعت بهذي الاسعار الخياليه

العروس عندنا مكياج مع تسريحه 1200ولا 1000 وفي بعض المشاغل ارخص


اما العاديه ب400شعر ومكياج ولا300 لاني اشتغلت في مشغلين وعندي خبرة في الاسعار

اما عن نفسي انا الحمد الله دارسه دورتين مكياج ولا احتاج للمشاغل

انا اللي اسوي شغلي بيدي

ونفس مستوى المشاغل

السلام



خوووش موضوع والله



بس أنا ماقدر استغني عن الكوافيرات

و خصوصا ان الأسعار مو غالية بالبحرين

عندنا صالون رااقي .. مكياجم وتساريحم روعه روعه

المكياج للسهرات بـ 5 أو 10 دينار .. يعني 50 الى 100 ريال بس
والتساريح من 100 الى 200 ريال بس

أما العروس بـ 500 الى 700 ريال بسسس





ثانكس علـ الموضوع

وخبروني عن وحدة تسوي المكياج العادي ب 10000 درهم ..مب حرام

10000 درهم !!!

هذه اسوي فيها عملية تجميل مو احط فيها مكياج !


صارت قلة حيا هذه ماهي اسعار مكياج

بس الشرهة ماهي عليهم على اللي يروح لهم ويعطيهم وجه !

صاادقه اختي والله انا صديقتي مسويه مكيااج مع شعر يوم عرسهاا ب7000ريال مره السعر موطبيعييييي انا عن نفسي اسوي بلمنااسبات الكبيره اما المناسبات المتوسطه واقل انا ويطلع مره نااااعم مثل الآوروبياات مشكوره

صاااااااادقه حنا نسوي احلا ليه الغلا ؟؟ علا الواااااان نهاية اليوم بتروح بقطرة مااااااااااي الله يجزيكم خير علا الحمله وانشاءالله نطلع بفايده تقبلي مروري..

نعم نعم اتفق معك في كل كلمه


خير ان شاء الله 7000 ريال وين حنا عايشين

وان كان على النفس الخايسه وينها في بدايه ماشتغلت بس تبي الزباين(الطمع مو زين)

وشكرا لك على الموضوع الرائع

مشكووورين يا عسوولات على تضااامنكم



وأحنا نقدر نسوووي أحلى مع بعض