أفضل مكان لذكرى ميلاد ولدي الأول بالبحرين

هلا إختي ، كل سنة والكتكوت بخير

آنا عندي إذا الياهل عمره من سنة إلى 3 سنين في البيت يكون أفضل ويا العائلة ،لأنه ولا بيدري شنو صاير إذا في مكان برة وخساير وكل شي وإهو ما بيعرف يستانس .


بس إذا تبين محلات يسوون فيها عيد ميلاد ، عندج مرمريز في قاعة فوق صوب محل العائلات تنفع لأعياد الميلاد وأتوقع أجارها يطوف 150 مع الأكل ، وعندج جسميز اللي عند وزارة العمل ، ماكدونالدز اللي عند سار ، امممممممم عندج جواد فورد كورت ، وبس هاي اللي في بالي ، وإذا أماكن ثانية إن شاء الله ارجع اكتبهم

[GRADE="FF1493 800080 FF1493 800080"]
انشاللله خواتنا من البحرين يفيدونك

بس حبيت ارفع موضوعك
[/GRADE]

هلا خيوو

انا كنت بسوي في ماجيك آيلاند اللي بالسيف زميل زوجي قاله على عدد الاشخاص نحسب التكلفة

وفيه العاب وشخصيات مسليه

وداك اليوم كنت في السيتي سنتر وكان فيه عيدميلاد مسوينه صوب المطاعم عند الالعاب متفقين مع ماكدونالدز وحلو بعد يستانسون فيه الاطفال

وان شاء الله افدتك

:
:

ام تامي.. تحياتي

مشكوين وما قصرتو وبعد الي عنده اقتراحات ياريت يفيدني

عندج ماكدونادز سويت حق ولدي هناك

وبوبايز ، كنت بسوي بس ماكان فيه حجز

فدركرز - عرضهم حلو وكنت بحجزهم بس صالة اعياد الميلاد كان فيها صيانة

جواد - باربار ، المكان حلو وواسع وتختارين بين المطاعم

صالة اعياد الميلاد-مرمريز

جسميز الي عند النادي الأهلي

ماجيك آيلاند- السيف

تويز آر اص - السيف

فيه محل حلو لاعياد الميلاد صوب رويان في شارع البديع نسيت اسمه

بيتزا ليتل سيزر- البديع

فيه بعد اماكن بس هاي الي في بالي الحين .

واي سؤال انا حاضرة

عذار من صاحبة الموضوع ..

حبيت اسفسر عن قاعدة مرميرز حق اعياد المبلاد شلون وشلون تكلفتها ؟!

ووين اذا نحصل شخصيات يجون يسون لنا جو ؟؟

واتمنى اسالتي تفيد صاحبة الموصوع !!

وانا بعد بستأذن من صاحبة الموضوع ..


ناوية الشهر الجاي اسوي حفلة لاولادي اثنينهم ( سنتين و5 سنوات ) وهذه اول مرة اسوي لهم مع بعض وافكر اسوي لهم في مطعم وسمعت عن عرض فدركرز لاعياد الميلاد يقولون حلو وسعره مناسب يا ريت تفيدوني ..


وعن مرمريز هل فعلا اسعاره 150 دينار بس ؟؟ وشنو الخدمات اللي يتضمنها هالسعر <<< يعني هل هو شامل ولا بس ايجاز الصالة !!!


واللي عندها صالات ثانية تفيدنا ويا ريت تحطون مستوى الاسعار والخدمات بليزززززز وشخصيا افضل يكون المكان قريب من المحافظة الوسطى ..

بس كنصيحة انا رحت عيد ميلاد في جسميز مدينة زايد وسعره حلو حوالي 85 دينار لكن الوضع ما عجبني كلش لان المكان مفتوح وما في خصوصية كلش وازعاج وفوضى وعدم ترتيب <<< هي وجهة نظري الشخصية (a)

ان شاء الله العمر كلة لودك يارب
بس اني اقول كل ماصار بسيط ترى احلى ولانة ولدك ااذ كان بين سنة والسنتين ماراح يفهم شي
والبنات ماقصروا عن الاماكن
ماما حسون حبيبتي فردكرز مقاطعة انتبهي
مادري يهودي او اميركي بس هو من ضمن المقاطعة

اليوم اتصلت حق فدركرز ( على فكرة مادري انه مقاطعه (a)) وقالوا لي ان ما في hall << احسن خصوصا انه مقاطعه هههههههههههه

وعن جسميز الاهلي يقولون اوكى هناك بس شخصيا ما شفت :)

بابايز رحته 3 مرات شفت عندهم كذا مرة اعياد ميلاد يحجزون الطابق الثاني حلو ومرتب ومنظم بس مدري بكم فكرت اسوي هناك بس قاول لي اهل زوجي بعده ولدش صغير لما يكمل 3 بعدين سوي في مطعم ألحين قررت اسوي في بيت عمي لانه بيتهم واسع عندهم قاعة كبيرة بسوي فيها

°
°
°

أهلاً عزيزتـي..,

أنا أنصحج تاخذين بوفيـه مفتوح في مطعم ( أبو علي / جد علي ) والصالة بتكون مجاناً مع البوفيه

مثلاً بوفيـه لـ 50 شخص مع الصالة بيكون بـ 150 دينار تقريباً

والصالة راقيـة

*
*

وإنتين زيني الصالة بنفسج

و مرة قريت في الوسيط ( DJ ) شامل للحفلات

هو ديجي + تزيين المكان + ألعاب ترفيهية للأطفال + شخصيات كارتونيـة

بـ 100 أو 120 دينار

*
*

وبتم عليج الكيكة

ما بتكلفج أكيد فوق الـ 50 دينار

وأنصحج بـ ( أم حسام ) أو ( مخابز المنار ) أو ( سعد الدين )

*
*

ولو حسبنا كل هذي يمكن يكلفج من 350 إلى 450 دينار فقط

وبتكون حفلة مميزة وحلوة لطفلج الأول

و الله يخليه لج

و يتربى في عزج إن شاء الله

°
°
°

اختي انا انصحج فجسميز
واايد يعجبني تنظيمهم لحفلات العيدميلاد
الاكل عليهم اييبون مهرج يلعب ويه اليهال ويسوي مسابقات
التصوير عليهم الفيديو اظن مو متأكده من هالشئ

عندج مرمريز قاعه رقم 3 ذي تصلح لعيدميلاد واايد اووكي يحطون لج كراسي وطاولات
وفي مساحه حق اللعب وفي وايد اماكن اييبون لج المهرج وييبي ديجي يشغل اغاني عيدميلاد
وعلى فكرة قاعه 3 تصير فمكان صاير مثل مكان تدشينه في دري تركبينه اييج مكان عوووود في العاب اللي بو 100 فلس بعدين في مرمر وفي باب تدخلين فالقاعه
يعني حلو اليهال بيستانسون وايد
واظن القاعه تكفي 70 شخص او 50 وتقدرين تسوين بوفيه او اكل عاادي من مرمريز
بس عن السعر ماقدر افيدج لان يوم حجزتها كان سعر خاص

للرفع

انا من السعودية بس لما اروح مجمع الدانة في قسم الالعاب في صالة اعياد ميلاد نسيت الاسم حاليا وفي في تويز ار اص بس اعتقد سكروها اتمنى اني افدتك لو بالقليل ومبرووووووووووك وعقبال المائة عام

بنات أختاروا لي

الحين انه قررت يا إما ليتل سيزر أو بابايز

شنو أفضل؟

أنا مرة رحت حفلة في فدركرز العدلية حسيت المكان مظلم

ليش ما تسوين له الحفلة فوق السطح و ترتبين المكان وايد حلو و الجو حلو

maysa333;8763321:
بنات أختاروا لي

الحين انه قررت يا إما ليتل سيزر أو بابايز

شنو أفضل؟

انه ما رحت حفله في ليتل سيزر بس جربت بابايز وعجبني تنظيمهم يسوون مسابقات وشغلات لليهال ويجيبن باباي بعد يلعب معاهم

ولدج لحين صغير ما يفهم ولا يدري باللي حواليه سوية في البيت وادا كان عندكم حوش كبير وعيدميلادة ها الايام سوية برة لان الجو عجيب والاطفال تاخد راحتها اكثر