البنات الحوامل ممكن مساعده

حبيبتي في حبوب في الصيدلية حق اللوعة

وبعد اذا حسيتي بلوعه مصي ليمونة أو ثلجة وانشالله تخف اللوعه

او كلي بسكوت خفيف مالح

ما انصحك بالحبوب

والله شوفي .. اللوعه والوحام شي طبيعي وكل حد يمر فيه .. وهي فترة بسيطة يعني من نص الثاني الى نهاية الشهر الثالث..

وفي اشيا تزيد اللوعه وفي اشيا تخففها .. وفي ناس عندهم لوعه خفيفة وناس قوية ..

الظاهر انه اللوعه عندج قوية .. انا ما انصحج انج تاخذين الحبوب بالعكس خلي الطبيعه تاخذ مجراها .. بس اذا كنتي هالكثر تعانين عادي فالصيدلية يوصفون لج ..

من الاشيا اللي ممكن تخفف اللوعه:

- تجنبي استخدام معجون الاسنان من الصبح .. او استبدليه نهائيا بالمسواك لين ما تعدي هالمرحلة

- ابتعدي عن التوابل والاشيا الشديدة الحموضه او الملوحة او حتى الحلاوة خلج فالاكل الطبيعي الوسط

- قسمي الوجبات الى 5 وجبات صغار بدال ريوق غدا عشا .. بمعنى لا تترسين بطنج على وجبة وحده وبعد لا تخلين بطنج خالي لأنه بيسويلج حارج ..

- حاولي تخلين قطعة بسكوت مالح او بقصم حذالج وكليه قبل لا تقومين من السرير.. هالطريقة ساعدت وايد ناس

- اشربي شاي اعشاب او شاي اخضر او حتى شاي عادي .. يشل اللوعه في كثير من الاحيان

- انا كنت اكل روب و اسوي قطع خيار و جزر مقطع بالطول شرايح و احطهم في عصير ليمون مخفف بماي .. وكنت اكلهم بين الوجبات ..


واخر شي انتي شوفي شو اللي يسويلج اللوعه وابتعدي عنه .. انا كان الحليب يلوعلي جبدي.. و السكريات فابتعدت عنها كلها لين ما عديت الثالث وعقب رجعت شوي شوي :)

الله يعافيج ان شالله ...

تسلمون على الرد ربي يعطيكم الف عافيه

ويحقق لكم كل احلامكم ويسهل عليكم اموركم يارب

مشكوره اختي مفتون على النصايح

ربي يحفظ حملك يارب ويتمم لج على خير

ويسهل عليج ولادتج

انا من قبل ماحمل وانا اعاني من معدتي معاي حموضه

والحين حايره اكثر وش اكل لان قبل منعني الدكتور من التوابل الحاره

ومن الدهووووووون والاشياء شديدة الحموضه

والحين اشياء من اللي اكلها ماتقبلها بسبب الحمل

يعني مو عارفه وش اكل فقلت باخذ حبوب يمكن اقدر اكل

واقوم انا كل على السرير بس اتحرك احس بدوخه ولوعه

الله يعععععيييييييييين

ربنا معاكى اختى اميرة
ويسهلك حملك وتولدى بالسلاااااامة ان شاء الله

عيش محمص ولاتتركى بطنك فارغه
بقسماط

السلام عليكم
خيو ما انصحش بالحبوب، اني كنت اكل بسكويت مالح من الصبح وخفت عني واااااااااااااااااااااايد

محبة الرسول ربي يرزقك بالحمل ان شاء الله في القريب العاجل يارب

اختي ريم الصحراء ربي يحفظ لك حملك ويتمم لك على خير يارب ويسهل امورك

ام الامي هلا فيج شكرا على النصيحه ربي يتمم عليك حملك ويسهل لك امورك يارب

الله يعينك يااميره ويقومك بالسلامه بصراحه وانا اقرا معاناتك تذكرت بداية حملي تقريبا انتي مثلي اللوعه مره قويه كانت عندي لدرجه اني مااكل شي وبالاخير اتنوم بالمستشفى عشان يعطوني مغذي انا عن نفسي كنت اخذ حبوب اسمها رناسيد بس ماكانت تخفف اللوعه غير ساعات والحمد لله ماخفت الغثيان الا من دخلت الرابع تقريبا رجعت مثل قبل الحمل استشيري دكتورتك احسن وغير كذا في حبوب مخصصه للوعه اللي بالحامل اسمها نوفوديكسين والله يساعد الجميع

الله يعينك اختي
كلنا في الهوا سوا
انا بموووت وكله منسدحه على السرير اتعشى بروب بالغصب واكل موز واحس روحي بتطلع بموت مااقدر اطلع ولا اتحرك لكن اخاف استخدم حبوب ان شاء الله ايام وتعدي والله يخفف علينا وعلى كل البنات ويسهل عليهم ويثبت حملهم يارب

هلا أختي أنا لما كنت حامل كنت آخذ حبوب بس ماكنت أستفيد منها والمشكله استمررت معاي الحاله لين الولاده والله ايعين ..