زيارتى لمعهد ناصر (ضحايا غزة)

monyfofo 02-02-2009 19 رد 1,919 مشاهدة
m
السلام عليكم ورحمة الله وبركاته



مش عارفه ابدا الموضوع ازاى بس عايزه احكيلكوا زيارتى لمعهد ناصر واتمنى ان ناس كتير يروحوا يزورا المعهد ويتكلموا مع اهل غزة


قبل ما اروح للمعهد مكنتش عارفه هروح اعمل ايه ولا اتكلم ازاى مع الناس وكنت خايفه هل هيتقبلوا كلامى وكنت عايزه اعرف حاجات كتير هل الكلام بتاع الاخبار ده صح
وكنت عاوزه اعرف كل حاجه وخصوصا انى هشوف ناس من غزة عاشوا الحرب وكمان هقابل ناس من حماس ومن فتح


بعد ما وصلت المعهد دخلت اول غرفه كان فيها سيدتين مصابين اول ما دخلنا رحبوا بينا جدا وكانوا فرحانين اننا جايين نتكلم معاهم ونطمن عليهم وانا كمان كنت مبسوطه اوى بيهم وكانوا امهات وطبعا سايبين اهلهم واولادهم فى غزة ومشتاقين لليوم اللى يرجعوا لاهلهم تانى وقالوا انهم هيفضلوا يحاربوا ومش ممكن يسيبوا ارضهم مهما حصل وان الولد عندهم مش غالى فى سبيل الارض بس مهما اتكلمت مش هقدر اوصلكوا كلامهم وفرحتى اد ايه بعد ما شفتهم واتكلمت معاهم
وبجد نفسى ابقى معاهم كل يوم ربنا ينصرهم ان شاء الله

وفى غرفه تانية كان فيها بنوته صغيره ماشاء الله عليها و كان يوم عيد ميلادها وغرفتها كلها مزينه

وكمان فى بنت اتعرفت عليها واخدت رقمها وان شاء الله ابقى اطمن عليها كل فتره

واتمنى اللى يحب يروح يتكلم مع الناس ويتعرف عليهم بلاش مجرد زياره ونقول الف سلامة ونمشى هم مش محتاجين اى حاجه مننا غير اننا نحسسهم ان فى حد معاهم فى حد بيسال عليهم وفرحان بيهم دى اكتر حاجه بتسعدهم بترفع الروح المعنويه اكتر من التبرعات ومن اى حاجه تانيه ان حد يسال عليهم ويتكلم معاهم دى عندهم بالدنيا كلها


مبسوطه جدا جدا الحمد لله ومش هقدر اوصفلكوا سعادتى بعد ما رحت معهد ناصر
d
جزاكى الله كل خير يا منمن وبجد والله بتمنى لو انا فى القاهره واروح ازرهم واعد اتكلم معاهم لحد اما يزهقو منى
اللهم انصر اهل غزه والمستضعفين من المسلمين اجمعين
ا
برافو عليك يا منمن بجد يا بختك الواحد لما بيشوف مصايب الناس دى بيهون عليه ويحس ان المشاكل اللى عنده كلام فاضى كلها عاطفيه ودا كلمنى وخطيبى مرناليش النهارده وتحس انها تافاهات بالنسبه للناس دول ربنا يعينهم تستاهلى التقييم يا جميل
h
ياروحى عليكى يا منمن والله فرحتينى
والله برافو انك عملتى كدة وانتى اصلا مش من القاهرة
ربنا يجعلة فى ميزان حسناتك
وينصر المسلمين فى كل مكان
ب
حلللو اوووووى يامنى والله

نفسى اعمل زيك

ربنا يجعلة ف ميزان حسناتك
ويسعدك يااااارب
m
كويس جدا والله المسافه لو كانت قريبة انا كنت روحت زورتهم بس اكيد قلبنا معاهم كلهم ربنا يقويهم وينصرهم يارب اللهم امين
ن
ماشاء الله عليكى يامنمن

ربنا يباركلك ياحبيبتى يارب ويقدرك على فعل الخير

بجد ده شىء جميل منك اوى والله نفسى ازورهم بس للاسف المسافه كبيره اوى

ربنا ينصرهم على عدوهم ياااااااارب
g
ربنا يسعدك والله بجد ويجازيكى كل خير والله ويجعله فى ميزان حساناتك
ص
جزاك الله خير
s
جزاكى الله خيرا
ا
بارك الله بيج وجعله في ميزان حسناتج يارب انصر اهل غزه واجعل جهادهم في سبيلك واتقبل شهدائهم يارحيم .
D
جزاك الله خير
d
جزاك الله خيرا وبارك الله فيك وجعله فى ميزان حسناتك
m
ربنا يجازيكى ويجعله فى ميزان حساناتك وبجد برافو عليكى
بس ممكن اعرف مواعيد الزياره وهل فى تصريح او حاجه عشان نروح
P
ماشاء الله لاقوة الا بالله عليكى يامنمن ربنا يجعله فى ميزان حسناتك يارب
m
meshmesh_romio;8670473:
ربنا يجازيكى ويجعله فى ميزان حساناتك وبجد برافو عليكى
بس ممكن اعرف مواعيد الزياره وهل فى تصريح او حاجه عشان نروح


انا مش عارفه مواعيد الزيارة بالظبط بس انا رحت 4 ومشينا الساعه 7 وبيبقى فى رسم دخول 5 جنيه لغير الاطباء او طلبة كلية الطب
وبجد مبسوطه اوى انك بتفكرى تروحى تزوريهم جزاك الله خيرا يا مشمشه
ع
جزاكى الله كل خير يا منمن
أ
جزاااك الله خييير
د
ماشاء الله عليكى يامنمن

ع
ربنا يجعله في ميزان حسناتك يا رب وينصر اهل فلسطين
يا جماعة انا سمعت انهم كمان كانو في مستشفى الهرم للي قريب من الهرم
ونصيحة بردو اللي يروح يروح لبناااااااات بسسسسسسسسسس او نساء بسسسسسسسسسسسسس
في واحدة صاحبة واحدة اعرفها ثقة قالت انها راحت للرجالة بقت تتعاكس منهم وتسمع كلام سئ جدا جدا جدا واتصدمت هم دول الناس اللي كانو بيحاربو في غزة
انا مش عايزة احبطكم ولا حاجة والله بس دي حاجة امانة لازم ابلغكم بيها عشان مفيش واحدة تتجرح بالكلام او تجرح حيائها
واولا واخيرا الشرع اصلا بيمنع اختلاط النساء بالرجال الا لضرورة ودي مش ضرورة
X