هل تقبل/ تقبلين .. الزواج من معاق ؟؟

أخواتي العزيزات بس حبيت أوضح قصدي من الإعاقة العقلية .... أنا لم أقصد الجنون أو السفاهه أو غيره من الأمراض العقلية أنا أقصد الإعاقة العقلية عندما لا يفهمك زوجك و عندما يكون هناك عائق في التفكير بينك و بينه و على سبيل المثال ( هذي نظرتي الشخصية ) الزوج يكون عائق عقلياً عندما لا يخشى الله و عندما يزني و هو محصن و عندما يسافر لغرض غير شريف و عندما يخون زوجته بشتى الطرق و غيرها الكثير من الأمثله ... أرجو من أخواتي أن يتفهمن قصدي و أسأل الله أن يعافينيو إياكم من الأزواج المعاقين عقلياً ....
تحياتي لكن

:(

الصراحة لازم اتكون الاعاقة جسدية مش عقلية :o

مرحبا بنات


انا اشوف ان هذا يعتمد على شخصية البنت وعمرها

والانسان المعاق جسديا يمكن يكون ارجل مليون مره من الرجل سليم الحواس

انا اعرف واحد من العائله هوكان سليم بس صار عليه حادث وصار مشلول

وهو يشتغل مهندس ووضعه المدي مرتاح مره

المهم تزوج وحده سليمه وخلفوا ولد وبنت

بس تلرى زوجته هذي عفقد عليها قبل الحادث



وفيه واحد ثاني اعمى تزوج وحده سليمه وتعمل مدرسه

وما شاء الله عايشه سعيده ومرتاحه معاه

واخيرا اقول القبول بالشخص المعاق يرجع لشخصية البنت ولعمرها

يعني لو كانت البنت صغييره مرح تفكر فيه


ودمتم بالف خير

دلع الدلوعه ^_^
مشكورة اختي على رايج في الموضوع وكلامج صح

والله اختي اللي اعرفه ان الكلام بلاش

اذا جا وقت الجد يتقعد البنت تبكي ويمكن تذبح نفسها

انا اعرف واحد معاق

لما خطب ولا احد وافق عليه

وقرر هو انه يتزوج وحده مو قبيليله يعني مالها اصل

وقامو عليه جماعته

وسوت عايلتهم اجتماع كبير علشانه

وكلللللللهم معترضين ليه يتزوج وحده مالها اصل

وهو كان سافههم ولا حتى دخل يسلم عليهم

بعدين جا ابوه وقال له كبار العايله يبونك تترك الزواج هذا

قال لابوه انا ابتفاهم معهم

ودخل عليهم بالمجلس

قال انتم الحين فوق ثلاثين واحد مجتمعين علشاني

وكل واحد منكم عنده بنتين وثلاثه بسن زواج

اللي ما يبيني اتوزج خطيبتي يزوجني بنته ولا ينقلع من البيت

وبعدها كلهم طلعو ولا احد تكلم

وتزوج هذي البنت اللي مالها اصل وصارت له نعم الزوجه

وسلامتكم اخوكم طائر النورس

السلام عليكم

واشكر اختى عووووووشه على طرحها هالموضوووووع

الصراحه عن نفسى بتكلم اذا مثلا اعرج او اعرج خفيف

معليش لكن اذا معوق تماما ما اظن لانه بيأثر على الاطفاال ويمكن يجون اطفاال معوقين
والحمد لله هو ماعليهم كلامهم وهو ناس حالهم حاااااااالنا

تحياتى لكم

:clap: :clap: :clap:
اختي عوشه المهيري تسلمين على طرح هذا الموضوع وهذي المشكله الحساسه ففي مجتمعنا الوالدين لا يرضوا لابنتهم سوى بالزوج الصالح الذي لا يوجد فيه عيب او نقص والمعاق او ذوي الاحتياجات الخاصه قد يكون مرفوض ولكن في وقتنا الحاضر اصبح عاديا ومقبولا بان الفتاه تتزوج بشخص معاق لانه هو ايضا له حقوق وله ان يعيش حياه زوجيه واسريه مثله مثل الشخص الكامل وقد يكون هذا الشخص افضل بكثير من الشخص الكامل :up: وهذي وجه نظر :shy: ومشكوره اختي
تحياتي
ليااال

السلاام عليكم ..
إختي عووشة المهييري..
مشكوورة على طرح الموضوع المهم جــــــدا جــــــــدا..

الصراحه أنا عن نفسي..ماراح أرضى فيه إلا إذا حسيت إنه
متخطي مشكلته نفسيا وعمليا..يعني لو كان مرتاح ماديا(وماأقصد
يكون بطران)..بس يعني قادر يسترني مثلا..وومرتاح معنويا..
يعني له حياته ..يطلع النادي ..المول..الجلس ..وحتى
لو فرضنا منزوي..بس مو معقد ..ممكن وايد إني
أقبل فيه ..خصوصا أبوي يحب الناس اللي يعتمدون على نفسهم..

بس المهم إنه مايخليني أحس إنه معتمد علي..لازم يفهم إني
محتاجتله مثل ماهو يحتاجني..


وسلامتكم هذا كل اللي عندي..



تحياتي ..
إختكم السنديانه..