بنات هذا القسم الغاليين لكم حق عندى وواجب أرده

غاليتي نوجا
ورب العالمين من وقت ما بدات اقرا موضوعك كنت ماسكة ع قلبي
والحمدالله الطلاق ما حصل يارررررررررررررررب يسهل لكم اموركم
ويجرع لك زووجك يارب وربنا ع الظالم والمفتري
ووربنا كبير يمهل ولا يهمل والي هما سبب بيجي لهم يوم يندمو ع كل كلمة
قالوها ياااااااااااااااااااااااااااارب نشوف فيهم يوم
وربنا قادر علي كل شيء يااااااااااااااااااااارب
االله يسهل لكم اموركم ويجمعكم من جديد ويبعد عنكم كل الظالمين ويبعد عنكم
شر الحاسدين ياااااااااااااارب
اعذريني نوجا ع تاخير ديما اتابع اخبارك بس ها الاسبوع
انشغلت شوية عن المنتدي اتمني لك من كل قلبي الخير والسعادة
يااااااااااااااااااااااااارب

ربي يفرح قلبك بأحلى خبر

اختي نوجا ان شاء الله ربي يفك همك و يردكم لبعض ردا جميلا

زوجك شكله لا يزال يجبك الله لا يفرق بينكم

اصبري

و لا تحاصريه

و ادعي ربك فهو القدار على ارجاعه لكي

و لكن إذا هو قدم خطوه قدمي انتي كمان و لا تخلي الفجوة تكبر بينكم

tommy girl;8719024:
غاليتي نوجا
ورب العالمين من وقت ما بدات اقرا موضوعك كنت ماسكة ع قلبي
والحمدالله الطلاق ما حصل يارررررررررررررررب يسهل لكم اموركم
ويجرع لك زووجك يارب وربنا ع الظالم والمفتري
ووربنا كبير يمهل ولا يهمل والي هما سبب بيجي لهم يوم يندمو ع كل كلمة
قالوها ياااااااااااااااااااااااااااارب نشوف فيهم يوم
وربنا قادر علي كل شيء يااااااااااااااااااااارب
االله يسهل لكم اموركم ويجمعكم من جديد ويبعد عنكم كل الظالمين ويبعد عنكم
شر الحاسدين ياااااااااااااارب
اعذريني نوجا ع تاخير ديما اتابع اخبارك بس ها الاسبوع
انشغلت شوية عن المنتدي اتمني لك من كل قلبي الخير والسعادة
يااااااااااااااااااااااااارب

يا قلبى يا تومى وحشتينى والله جدا .. ربنا يحفظك يا حبيبتى
أنا الحمد لله دلوقتى حاسة نفسى أقوى بقربى من الله وفوضت أمرى لله وهما ما راح يكسبوا أنا واثقة من الله راح يأخدلى حقى الله جميل أوى وكريم أوى فعلا
والحمد لله بطمنك وبطمن أخواتى أنا ما بتصل على زوجى لكن من يوم ما سافر ببعتله كل يوم بعد صلاة الفجر رسالة على الموبيل فيها دعاء جميل له وكل يوم دعاء غير لحد ما من يومين ما بعت ف يوم وكنت قاصدة لقيته نفس اليوم أنتظر لغاية نص الليل وبعتلى رسالة قالى وحشتينى ووحشتنى دعوتك ليا كل يوم الصبح بصحى من النوم أبص ف التليفون وأتفائل بيها لا تحرمينى منها :D وفرحت أوى وتانى يوم بعتله الدعاء وما اتصلت وهو ما أتصل .. لكن انهاردة أرسلت له رسالة أعرفه أنى خارجة أعمل باديكير وهخرج مع صاحبتى نتغدى ف مطعم وبعدها نروح سينما :tongue: قلت أغيظه وأعرفه أنى عايشة حياتى وسعيدة وما صدق أنى أرسلت الرسالة ولقيته بيتصل عليا وقالى رايحة فين ؟ وأنتى بتخرجى كل يوم ولا أيه ؟ قلت له لأ يا عمرى تعرف أنى بخرج لما أبعت رسالة لك أستأذنك وقال طيب لا تتأخرى وتدخلى سينما ميعاد بدرى وترجعى البيت بدرى واللبس ألبسى حاجات واسعة بلاش البنطلونات بتاعتك دى والجاكتات القصيرة عايز كله واسع وخلى بالك على نفسك :) ونهيت معاه أنا المكالمة وكلمته بكل نعومة وكنت بضحك طول الوقت والحمد لله حسيت أنى مرتاحة أوى .. ويارب يأتى الفرج من عنده قريبا يارب

طولت عليكى بس حبيت أحكى لك وأحكى لأخواتى أخر التطورات زى ما عودتكم

ربنا يسعدك يا تومى ويرزقك أنتى وجميع أخواتى هنا بالذرية الصالحة عن قريب اللهم آمين

موناليزااا;8720611:
ربي يفرح قلبك بأحلى خبر

موناليزا حبيبتى وحشتينى ووحشنى أرغى معاكى نفسى أرجع زى الأول وأضحك معاكم وأصدعكم بحكاياتى ههههههههه والله لما كنت غايبة عن المنتدى كنت هتجنن عليكى والحمد لله رجعتك بالسلامة وحتى فكرت وقلت يارب تكون حامل ويكون الدكتور قالها ما تجهدى نفسك ومش مهم احنا المهم البيبى القمر ده يشرف ههههههه وأن شاء الله ربنا يأذن ويكون كده يارب عن قريب , أقرأى ردى لتومى ,, وياريت نفضل متواصلين مع بعض على طول لأنى بحبكم جدا فى الله والله وأشعر مالى أخوات غيركم ربنا يحفظكم ليا

ريم81;8721733:
اختي نوجا ان شاء الله ربي يفك همك و يردكم لبعض ردا جميلا

زوجك شكله لا يزال يجبك الله لا يفرق بينكم

اصبري

و لا تحاصريه

و ادعي ربك فهو القدار على ارجاعه لكي

و لكن إذا هو قدم خطوه قدمي انتي كمان و لا تخلي الفجوة تكبر بينكم

الله يخليكى ريم وشكرا لدخلتك الرائعة .. والله يا أختى أنا قدمت كل الخطوات لما رجليا أتهلكوا ههههههه وفى انتظار خطواته هو والله المستعان وأكيد بطبق نصيحتك الغالية
ربنا يرزقك بكل خير يارب

بنات .. عايزة أخد رأيكم فى حاجة تانية ههههههههه حاجاتى كترت وأرهقتكم بس ما لى غيركم ربنا يخليكم لى :

أنتم عارفين من يوم مشكلتى مع زوجى وأنا مستمرة على قراءة سورة البقرة يوميا فى قيام الليل بالصلاة وبعدها تسابيح ودعاء لحد صلاة الفجر والحمد لله بعمل ده من شهرين وأيام الدورة أسمع سورة البقرة وأذكر الله ,, ف البداية ما كنت قادرة أكمل سورة البقرة وكنت أحسها أستغفر الله تقيلة على قلبى وأتخنق لكن صممت وأستمريت لحد ما وقعت فى عشقها وحبيتها والله جدا وما أقدر أمنع نفسى عن الصلاة بها وأن حصل يوم وما قرأتها أحس ناقصنى شىء والحمد لله
بس لاحظت الفترة الأخيرة أشوف أحلام وحشة وحشرات كتيرة وصراصير لدرجة أقوم مفزوعة من النوم وأتعجب كيف يكون الورد اليومى بتاعى كده أقوم الليل وأذكر الله كثيرا وأقرأ البقرة وغيرها من القرآن والآذكار وبعد الفجر كمان أصلى ركعتين وأروح للسرير وأنا بقرأ المعوذات وأية الكرسى وبعدين أشوف الأحلام دى ؟؟؟؟؟؟؟؟ عندكم تفسير

لما سألت فى موضوع أختى أم منصور هدى ردت عليا وقالت أن تفسير ده هو الحسد وفعلا أنا من يوم فرحى وأنا وجوزى محسودين جدا فى كل شىء ويمكن هو ده اللى قلب حياتى بتفتكروا الحسد بالشكل ده ممكن يخليه يوصل لأنه يكرهنى ويقلب الدنيا كده على دماغى وكأنه سحر فظيع أو محكم , قلب جوزى وأهله عليا لأن الكل كان بيحسد جوزى عليا وأولهم أهله وأنا كنت كويسة معاهم فوق الوصف وكانوا دايما يتباهوا ويتفاخروا بيا وبعلاقتى معهم ؟ أنا عارفة كله طبعا مكتوب وبأرادة الله بس أنا أعمل أيه غير قراءة الرقية الشرعية والتحصين ؟ وغير اللى بعمله ؟ وجوزى أصلا مش مواظب على الصلاة ولا بيقرأ القرآن وحاولت معاه كتير وأحيانا بيكذب عليا علشان يريحنى ويقولى بصلى وبقرأ القرآن

بسم الله الرحم الرحيم
ازيك يا نوجا ربنا يهدى جوزك واهله ان شاء الله
ارجوكي سامحينى انى قصرت معاكى لكن والله كنت بدعيلك فى صلاتى ربنا يسرك امورك مع جوزك
اعذارنى انا اساسا مش بدخل المنتدى عندى ظروف امتحانات و النهاردة اخفقت فى الأمتحان فمحدش غيركم يستحملنى انا اتقهرت جداً النهاردة ربنا يستر
انا فرحت جداً وبكيت كثير قوى لما قرايت الموضوع بتاعك من اوله و لما صلتى الحمد لله يا رب خير وربنا يحنن قلبه عليكى على فكره انا بتكلم مع جوز اخوته زيك و انتى حذرتينا من كده رنا يستر لاحسن هنا الظروف عندى بقيت غابيه علأخر
انا لما قرات الموضوع من كام يوم مكنتش فى البيت عشان كده مكتبتش رد لكن حسيت ان فرج الله قريب ان شاء الله وربنا يهدى جوزك وجوزى و يبعد عننا الحسد والشر والله انت بتقولى ان اللى انتى فيه دا الحسد يا بنتى :confused:خالنى :mad::16::sm215::cry:مش قدره اتكلم ربنا يستر علينا كلنا ويرزقنا بالخلف الصالح

حبيبتي نوجا كلامك كله رااااااااااائع و صحيح بالذات موضوع اهل الزوج انا زوجي وحيد مالهوش اخوات و للاسف والده متوفي فكانت مامته الله يسمحها كانت بتصعب عليا في بدايه الجواز كنت علي طول عندها و بعملها كل حاجه و كمان عشانه بس عند اول خلاف قالت كلام الله يسمحها عليه حسستني اني كنت زباله و اني مش بعبرها و شوهت صورتي قدام قرايبه بس ربنا كبير و ماكنش حد بيصدقها حاليا العلاقه بقت في حدود وده احسنلي طبعا بالرغم انها ساكنه تحتنا هيا مش عاجبها و بطلعه في ابنها بس انا ماليش دعوه لانه عارف هيا قالت ايه عليا....وان شاء الله يا قمر ترجعوا انت و جوزك علي خير و حب باذن الله و يهدهولك و يبعد عنكو كل شر و تبقي تطبقي كل الكلام الحلو ده و ابقي اشكري اهله ان هما علموكي الحاجات الحلوه دي من غير ما يقصدوا:D

والله يا نوجا انا فرحت واااااااااااااااايد والدنيا ما وسعتني لما قرأت ان زوجج فرحان بالرسائل والدعاء و انه اتصل يسأل اذا بتخرجي كل يوم ، هذا يدل ان قلبه يحمل حبج وربي لا يفرقكم
عساكم تلتقون في الخير وتعيشون بسعادة

مشكورة على النصائح ..

والله يرد زوجج لج .. ويرجعه مثل أول واحسن

اصبري اختي .. صبر جميل وبالله المستعان

كيفك يا اختي نوجا ....... انه متابعة موضوعك وودي من زمان ارد بس تكون ردود البنات تكفي وتوفي بس لما قريت اليوم شغلة لفتت نظري حبيت يكون لي اول مشاركة لج واسمحيلي يمكن يكون فضول او تطفل ،،،،،،،، لما ذكرتي ان زوجك يكلمك عن الملابس اللي بتطلعي فيها البناطيل والجاكيتات القصيرة ،،، هل يعني انك غير محجبة ؟؟ اسمحيلي على السؤال يمكن يكون فظ بس من خلال متابعتي لك عرفت انك مرأة مؤمنة ملتزمة راضية بقضاء الله وعلاقتك مع الله ايضا قبل كل شيء وكمال المرأة في حجابها ..... اتمنى تقبلين مشاركتي واسمحيلي ( إزا كنت تألت عليكي ده إنتي زي السكرة ) ...... خالص تحياتي

نوجا استمري في الرسايل وكل فتري طنيشي عشان يكلمك ههههههههه..ربنا يهديه يا رب و الله بيحبك بس بيكابر هما الرجاله كده اووووووووووف

الله يفرحك يانوجا على الاخبار الحلوة ان شاء الله فرج الله قريب
بالنسبة لللأحلام اللي تشوفيها امكن عين أو حسد بس واصلي قراءة سورة البقرة فيها سر عظيم وصانا فيه رسولنا الكريم (عليه السلام) وداومي على الرقية الشرعية واشربي ماء زمزم عند الفجر واحتسبي ذلك عند الله والله يفرج همك وييسر أمرك


دمتي بأحسن حال يارب

doadoa;8724444:
بسم الله الرحم الرحيم
ازيك يا نوجا ربنا يهدى جوزك واهله ان شاء الله
ارجوكي سامحينى انى قصرت معاكى لكن والله كنت بدعيلك فى صلاتى ربنا يسرك امورك مع جوزك
اعذارنى انا اساسا مش بدخل المنتدى عندى ظروف امتحانات و النهاردة اخفقت فى الأمتحان فمحدش غيركم يستحملنى انا اتقهرت جداً النهاردة ربنا يستر
انا فرحت جداً وبكيت كثير قوى لما قرايت الموضوع بتاعك من اوله و لما صلتى الحمد لله يا رب خير وربنا يحنن قلبه عليكى على فكره انا بتكلم مع جوز اخوته زيك و انتى حذرتينا من كده رنا يستر لاحسن هنا الظروف عندى بقيت غابيه علأخر
انا لما قرات الموضوع من كام يوم مكنتش فى البيت عشان كده مكتبتش رد لكن حسيت ان فرج الله قريب ان شاء الله وربنا يهدى جوزك وجوزى و يبعد عننا الحسد والشر والله انت بتقولى ان اللى انتى فيه دا الحسد يا بنتى :confused:خالنى :mad::16::sm215::cry:مش قدره اتكلم ربنا يستر علينا كلنا ويرزقنا بالخلف الصالح

يا حبيبة قلبى أنا والله مقدرة ظروفك وربنا يعينك يارب ويسترها معاكى ومعلش متزعليش نفسك ربنا يوفقك ف باقى الامتحانات يارب وأشكرك يا قلبى على دعواتك ربنا يكرمك ويرزقك بكل خير , وبصى يا جميلة انا ما كنتش بتكلم مع جوز أخت جوزى وشفتى راح وأتكلم عليا من حسده وغيرته قال أيه ؟ أنتى بأه بتتكلمى مع جوز أخت جوزك لأ ده غلط فرملى نفسك أنا كتبت لكم غلطاتى وحاجات تانية تستفيدوا منها دودو أقرأى الومضات اللى أنا كتبتها كويس أنا فيه حاجات صح وكتيرة كنت بعملها مع جوزى لكن غلط يوم ما وثقت ف أمه وأخته وأفتكرتهم أصحابى وكنت بفضفض معاهم ونسيت أنهم أهل جوزى .. ساعات احنا من كتر طيبتنا بنصدق اللى يمثلوا علينا أنهم حبايبنا وهما أصلا مخبيين سكينة ورا ظهرهم علشان ف الوقت المناسب يطعنونا بيها , لما تحبى تفضفضى أدخلى هنا فضفضى براحتك وأبدأى يا دودو صح صححى كل غلطاتك ف تعاملك بحياتك عموما ومع جوزك خصوصا أقرأى الومضات كده واحدة واحدة وشوفى بتعملى أيه معاه وأيه مش بتعمليه وصدقينى لما الست بتغير من طريقتها وتكون واثقة ف نفسها ومؤمنة بيها وتحب نفسها هتجبر كل اللى حواليها يحبوها ويعملوا لها ألف حساب .. مش عايزة أطول عليكى بس ربنا يهدى جوزك ويسخره ليكى يارب ويسعدك ويرزقك بالذرية الصالحة عن قريب وطمنينى عليكى

جنة الحياه;8724577:
حبيبتي نوجا كلامك كله رااااااااااائع و صحيح بالذات موضوع اهل الزوج انا زوجي وحيد مالهوش اخوات و للاسف والده متوفي فكانت مامته الله يسمحها كانت بتصعب عليا في بدايه الجواز كنت علي طول عندها و بعملها كل حاجه و كمان عشانه بس عند اول خلاف قالت كلام الله يسمحها عليه حسستني اني كنت زباله و اني مش بعبرها و شوهت صورتي قدام قرايبه بس ربنا كبير و ماكنش حد بيصدقها حاليا العلاقه بقت في حدود وده احسنلي طبعا بالرغم انها ساكنه تحتنا هيا مش عاجبها و بطلعه في ابنها بس انا ماليش دعوه لانه عارف هيا قالت ايه عليا....وان شاء الله يا قمر ترجعوا انت و جوزك علي خير و حب باذن الله و يهدهولك و يبعد عنكو كل شر و تبقي تطبقي كل الكلام الحلو ده و ابقي اشكري اهله ان هما علموكي الحاجات الحلوه دي من غير ما يقصدوا:D

أنا كمان ياسمينه والد جوزى متوفى من كام شهر وأمه أستغلت النقطة دى كويس لصالحها بس هقولك أنا كنت بعمل زيك كده وأكتر ودايما كنت بشجع جوزى ما يقصر مع أهله وأنا اللى أحثه على تصرفات معينة وواجبات كان بيطنشها ورغم كده صدق كل كلامهم وطبعا لأن دول أهله وحتى لو كانت أمه غلطانة عمره ما يقدر يقول أو يعترف بكده أدامى والحمد لله أنا احتسبت كله لله وأنا والله فيه حاجات كتيرة من الومضات اللى كتبتها لكم كنت بنفذها مع جوزى وفيه طبعا حاجات من كتر حبى له أغفلتها ونسيتها لكن خلاص بعلم نفسى من أول وجديد وكان درس قاسى أوى ليا الحمد لله ..
ربنا يكرمك حبيبتى وييسر لكى أسباب السعادة مع زوجك ويرزقك بالذرية الصالحة اللى تسعدكم وما يشمت فيكى أهل جوزك أبدا اللهم أمين

Ba7reneyah;8726991:
والله يا نوجا انا فرحت واااااااااااااااايد والدنيا ما وسعتني لما قرأت ان زوجج فرحان بالرسائل والدعاء و انه اتصل يسأل اذا بتخرجي كل يوم ، هذا يدل ان قلبه يحمل حبج وربي لا يفرقكم
عساكم تلتقون في الخير وتعيشون بسعادة

ربنا يفرحك بحملك يا أم حسين والله لما بشوف فرحتكم ليا ف الحاجات الصغيرة دى بدعى أكتر أن ربنا يسهلى أمورى ويفرج كربى علشان أفرحكم فرحة أكبر لأنى عارفة أن فرحتكم دى من قلوبكم وربنا هيجازيكى كل خير ويجازى كل أخواتى هنا على مشاعركم دى لأنها لله وف الله وهو ده أعظم حب هندخل بيه الجنة أن شاء الله

بحرينه;8727115:
مشكورة على النصائح ..

والله يرد زوجج لج .. ويرجعه مثل أول واحسن

اصبري اختي .. صبر جميل وبالله المستعان

يارب يرزقك بأحلى توأم بالدنيا وشرفنى وجودك حبيبتى

*أم ورود*;8727387:
كيفك يا اختي نوجا ....... انه متابعة موضوعك وودي من زمان ارد بس تكون ردود البنات تكفي وتوفي بس لما قريت اليوم شغلة لفتت نظري حبيت يكون لي اول مشاركة لج واسمحيلي يمكن يكون فضول او تطفل ،،،،،،،، لما ذكرتي ان زوجك يكلمك عن الملابس اللي بتطلعي فيها البناطيل والجاكيتات القصيرة ،،، هل يعني انك غير محجبة ؟؟ اسمحيلي على السؤال يمكن يكون فظ بس من خلال متابعتي لك عرفت انك مرأة مؤمنة ملتزمة راضية بقضاء الله وعلاقتك مع الله ايضا قبل كل شيء وكمال المرأة في حجابها ..... اتمنى تقبلين مشاركتي واسمحيلي ( إزا كنت تألت عليكي ده إنتي زي السكرة ) ...... خالص تحياتي

أنا يشرفنى سؤالك ليا يا أم ورود .. وهجاوبك بمنتهى الصراحة زى ما أتعودت مع كل أخواتى هنا بتكلم .. أنا كنت مش محجبة لكن بعد زواجى ب 4 شهور لبست أيشاربات على نفس لبسى وبدلت طبعا الحاجات اللى من غير كم وقصيرة بطويل ومحتشم بس كنت بلبس أغلب لبسى جينز أو بنطلونات أو جاكتات أسبور أو غيره كده بس لما قربت من ربنا أوى فيه حاجات كتيرة غيرتها ف لبسى على أد ما أقدر وبصراحة أكتر أيوة أنا مش راضية عن نفسى ف حجابى ده لكن بدعى وبحاول أرضى ربنا أكتر وربنا يهدينى ويساعدنى لأنى فعلا أتغيرت وكل الناس اللى حواليا من أهل وجيران وأصحاب لاحظوا ده وبعد ما كنت محط أنظار الجميع حتى الستات كانوا بيعاكسونى ف الشارع الحمد لله حاسة دلوقتى أنى أنسانة عادية بل محترمة وأن كنت مش ملتزمة أوى بس جوزى دايما بيحثنى على موضوع اللبس لأنى جسمى شكله ملفت حتى لو لبست طويل فهو مش عايز حد يبص عليا خالص وطبعا ده من حقه وأنا محترماه جدا وبحاول علشان أرضى ربنا ف الأول لأن ربنا فعلا بيقف جنبى كتير وبيسترها معايا كتير أوووووووى لأنه عارف نيتى وشايف قلبى أد أيه طيب وأد أيه أنا نيتى أعمل كل حاجة ترضيه

يارب أكون جاوبتك وما تكونيش كرهتينى أنى قلت لك الحقيقة وانا مبسوطة بيكى جدا والله وأنت شرفتينى بوجودك وبأسلوبك الجميل .. فيه ناس ممكن كانوا يردوا عليا وحش أو يكلمونى بتعصب وربنا يعطيكى كل خير وسعادة

جنة الحياه;8728731:
نوجا استمري في الرسايل وكل فتري طنيشي عشان يكلمك ههههههههه..ربنا يهديه يا رب و الله بيحبك بس بيكابر هما الرجاله كده اووووووووووف

ياسمينة ضحكتينى ههههههههه .. أنا عملت حاجة أكتر من كده نفذت نصيحة لسة ما كتبتهاش لكم بس نصحتها لنفسى كتبت له رسالة كلها نعومة ( يا بيبى يا قمرتى ممكن أطلب منك حاجة ؟ انا عارفة طلباتى كترت بس ربنا يخليلى حبيبى اللى دايما بيلبى كل طلباتى أنا عايزة تجيبلى كذا :wink: مش هقولكم بس هى حاجة غالية - هههههههه
وتكون على ذوقك الحلو وياريت تكون عندى قبل ما أسافر حبيبى علشان أحس انك معايا وأنا بالغربة ) ورد عليا برسالة برضه قالى عنيا الاتنين بس يارب ذوقى يعجبك فرديت عليه
أكيد ذوقك بيعجبنى يا عمرى والدليل على كده أنك أخترتنى حبيبتك

هههههههههه أيه رأيك ؟