هكذا احل مشاكلي مع ابنتي

عذاري... 30-01-2009 33 رد 2,927 مشاهدة
ع
اول شي اشكر مشرفات عروس منحي شهادة التقدير


وبهالمناسبة راح اخلي موضوع ان شاء الله يعجبكم


مو شرط يكون مميز (a) بس ابي ردودكم واستفادتكم من الموضوع


قبل سنوات سالتني زميلة لي:


شنو تعني لج الحياة


وبدون تفكير جاوبتها: لعبة لازم نلعبها صح


لكني بعد ما قعدت مع نفسي اكتشفت اني فعلا اتعامل مع الحياة على انها لعبة ولازم نلعبها صح


وايد مشكلات صادفتني حليتها بهالطريقة


ووايد مواقف تعاملت معاها على هالاساس


واليوم لما صرت ام صرت اتعامل مع كل امور بنتي ومشكلاتها على انها لعبة ولازم العبها صح


احيانا انسى وتتعب نفسيتي بس اول ما اتذكر تعريفي للحياة تنحل المشكلة


بعطيكم كم مثال:


تبديل الحفاظ او الملابس:




وايد امهات يشتكون ان عيالهم يسببون لهم مشاكل بسبة تبديل الحفاظ او الملابس وخصوصا بعد ما يكبرون، لان الام ما تقدر تسيطر على حركة الطفل الزايدة


مع بنتي اتبعت اسلوب: الحياة لعبة


فصرت اقول لها: ماما نبدل الحفاظ؟؟؟ :) فتجي تركض وتنام يمي وابدله وانا مرتاحة " شفتوا الوجه اللي خليته؟؟ يعني لازم تقولون هالجملة وانتوا مبتسمييييييييييييييييين"


النوم:




بنتي تعاند ساعات وما ترضى تنام، وخصوصا نومة الظهر.. بس اذا تشوفني سويت نفسي نايمة، وقلت لها: ماما انا نمت .. تجي ركض سريرها وتنام(S)


محاولتها انها تاخذ كل الاشياء حواليها :





والطفل بهالعمر يبي كل شي له، لانه يشوف نفسه هو محور العالم، وهذا شي طبيعي بهالعمر


فاحل الموقف باني اقول لها: ماما تاخذين الازرق او الاحمر مثلا.. فعلى طول يتشتت ذهنها وما تدري هي تبي شنو فآخذ منها واحد من الشيئين


باختصار: الحياة لعبة ولازم نلعبها صح


الطفل ما راح يفهم انك تصرخ عليه وتقول له: لا تصارخ .. طيب انت تصارخ

والا تضربه وتقول له: لا تضرب .. مو انت ضربته

طفلك يشوفك بقمة التناقض


الطفل ما راح يفهم الحياة الا من هذا المنظور" اللعب واللعب وبس"


فخلاص لعبيها


لعبيها صح


وطفلج في النهاية راح يقول لج: الحياة لعبة ولازم نلعبها صح


ملاحظة: الموضوع جهد شخصي لذا يرجى ذكر المصدر عند النقل
ا
يسعدني اكون اول من يرد عليك

انا مو متزوجة لكن استفدت كثير

تسلم ايدك وربي يحرس لك الغالية..


امنيه
أ
ربي يحفظ لك بنتك ياقلبي
ر
الحياة لعبه واكبر لعبه مع الاطفال
ولازم نلعبها معاهم صح عشان يمشون على الصح
نبهتيني لشغلات كنت غافله عنها!
خصوصا مع بنتي العفريته لازم العبها صح..
B
فعلا الحياة لعبة ولازم نلعبها صح وخصوصا مع الاطفال

مشكورة ام نجد على المواضيع الجميلة اللي تقدميها لنا ويعطيك الف عافية
ا
ياحلوك يا ام نجوده ..

ولعبتيها صح !

ما شاء الله حلوه تجاربك وحلولك لمشاكل بنتك ..

والاكيد انو احنا كلنا نتعرض لها ..

وتصادفنا مع عيالنا !!


ويارب يوفق ونلعبها صح معاهم ..

موفقه وربي يخلي لج بنتج ..
أ
الله يعطيك العافيه ام نجد
دوم مواضيعك غييييييييييير
د
ماشاء الله اسلوبك حلو وكلامك جميل الله يخليك بنتك وتشوفيها عروسه يارب
م
واااااااااااااااااااو ماشالله عليك كلامك سليم 100% يعطيك العافية والله يحفظلك بنتك
2
موضوع رائع

يسلمووو
B
واااايد حبيت موضوعج إختي

تسلمين والله

إستفدت منج حق بيبي اللي ياي بالطريج بس هم أقدر أتعامل مع اليهال اللي في بيت يدتي

وياريت تفيدينا أكثر

وتعطينا من أفكارج بعد

:)
ا
ما شاء الله عليك ام نجد

احلى ما فيك انك علمتي نفسك بنفسك الحلول و الطرق الصحيحة للتربية

اللي يرجع لمواضيعك القديمة كلها شكوى و طلب حلول و الان انتي صرتي مميزة بحل هذه المشاكل

شكرا لك و ننتظر جديدك
ر
مواضيعك مفيده ومميزه

يعطيك الف عافيه
ع
شكرا عزيزاتي على ردودكم

امنيه;8617487:
يسعدني اكون اول من يرد عليك

انا مو متزوجة لكن استفدت كثير

تسلم ايدك وربي يحرس لك الغالية..


امنيه


تسلمين حبيبتي والله يرزقج الزوج الصالح


ام عمـار;8620817:
ما شاء الله عليك ام نجد

احلى ما فيك انك علمتي نفسك بنفسك الحلول و الطرق الصحيحة للتربية

اللي يرجع لمواضيعك القديمة كلها شكوى و طلب حلول و الان انتي صرتي مميزة بحل هذه المشاكل

شكرا لك و ننتظر جديدك


مو قلت انها لعبة ولازم العبها صح

ولاني كنت جديدة على الامومة فكنت لازم اعرف كل شي

واجمع كل الخبرات

حتى اعرف بعدها العبها صح
ا
مشكوره على الموضوع الحلو
ا
ولله كلامج رووعه
انا مو متزوجه
بس استفدت منه حيييل
ا
تم التقييم
أ
موضوعج وايد حلو أم نجد

الله يخليها لج يارب وعقبال ما اجوفينها عروس

انشاء الله نسمع خبر انج حامل بأخ او أخت حق نجوده بأسرع وقت يارب
ر
صح كلامك اختي الحياة لعبة وخاصة مع الاطفال
م
الله يحفظ لج بنتج وكلامج عين العقل
X