شريتي شي جديد تعالو نسولف شوي وبالصور

هنوفه هههههههه حبيبتي موضوع مشتريات ترى

هديل امممممم والله مدري اتمنى البنات يفيدونج بس اتوقع يم سوق الخلق

انا الشوق
ساره جابر
حبيبه عزوزي


شكرا على الرد
بحاول اشتري واجرب واجوف

ولاية علي;8685454:
نبض_قلبه

شفت عندج في الصوره عطر نارسيسو الاسود بجم أخذتيه ومن وين مره شميته عن وحده وعجبني وسألتها عنه وقالت اسمه بس أهي مأخذه الوردي وأستحيت أسالها من وين وبجم ؟؟

هلاااا والله.. ايييييييي هذا من افضل العطورات عندي ريحته مميزه

انا وصلني هديه من خطيبي اعتقد شراه من الحواج وسعره بحدود ال 38 الكبيره

بس على العموم بتحصلينه عند الماحوزي واصلي ابسعر اقل يمكن 30 دينار او 28..

وانا احس السوده احلى من الورديه

تحيااااتي

فديتكم مشكورين على التواصل ولا تبخلون علينا باخر مشترياتكم وحياكم لاي استفسار يخص الازياء والشوبينج

ساره جابر

انا استعملت كريم الفيتامين اي من البدي شوب بس مب ذي مال النايت
لا استعملت المرطب العادي وكان زين بس يعني مب شي عجيب وبعد فتره يدهن الويه
وانا على ايام استعملته كان ب4 دينار بس الحين اكييد ارتفع

واذا انتي بشرتج جافه وتبين شي حلو في مركز الطب النبوي يبيعون كريم اسمه الذهبي، هو حق تفتيح وترطيب وحق حب الشباب ومادري شنو
تستعملينه قبل النوم وتقعدين الصبح ويهج يصير نوير وتحسين به رطب والبشره تصير مرنه خخخخخ، بس عيبه انه شوي دهني فينفع للبشره الجافه أكثر واذا بشرتج عاديه ممكن تحطين لج شووووي منه ، لأن هو عباره عن أعشاب وزيوت

انا استعملته من قبل ووايد عجبني
وهالمره بعد خذت لي منه بس حطيت كمية عوده في ويهي خخخ متخرعه الاخت، فطلع لي حبوب
والحين انتظر يروحون وبرجع استعمله بعقل :o
وووسعره ب6 أظن

وعندج بعد من البدي شوب كولكشن الفيتامين سي، في عندهم اعتقد شيئين أو 3 حق تستعملينهم بالليل اللي هم الكبسولات و سيروم ومادري شنو بعد
اختاري شي منهم وجربيه، واسعارهم فوق ال10 يمكن ب12 او 14 يعني بهالحدود

سارة جابر انا استخدمته الكريم مال بودي شوب يعني حلو حق ترطيب فقط مب حق تغطية او يغنيج عن الفاونديشن

http://www.3roos.com/forums/t429680.html

هنوفه حبيبتي اتمنى عدم طرح اسأله نقاش عشان ما يغلق الموضوع لانه خارج نطاق الموضوع وحياج الله

حبيبة عزوزي;8699143:
هنوفه حبيبتي اتمنى عدم طرح اسأله نقاش عشان ما يغلق الموضوع لانه خارج نطاق الموضوع وحياج الله

هاذي رابط لزيارة موضوعها والنقاش يكون هناك :D
يعني هو دعوه او دعايه

ماعليه خواتي اعذروني بس لان المشرفه مرتين نبهتنا اتمنى منكم التعاون واعتذر مره ثانيه

مشكوره حبيبه عزوزي على هالموضوع المفيد خصوصا انه خاص لبنات البحررررين

وحبيت اضيف تجربتى مع الكريمات والبودرات

حاليا استخدم كريم مرطب ملون من بوبي بروان
ينفع للدوام وطلعات الصبح خصوصا للى بشرتها صافيه
يعطى البشره لون خفيف واضاءه في الوجه وفيه حمايه من الشمس

الكريم الابيض الثانى هذا كريم لوريال لتفتيح البشره وترطيبها

البودرات بودره جيرلان وبودرة كانيبو
الثنتين نفس المستوى بس انا افضل كانيبو تخلى البشره مخمليه وخفيفه على البشره

حبيبة عزوزي;8637488:
عروس البحرين شكل عبايتج حلوة بس اتمنى تصغرين الصوره مثل ما شرحتلكم فوق

الترجيه جاري الاطلاع على الموقع

ام نوح شلونج اليوم لقيتي كعب اسود او لا جربي تروحين الدو وناطرين صور الكروشيه

امممم اليوم رحت مكان يمكن ما يعجب الاغلبيه ويعتبر بضايعه CHEEEP وهو سوق المنامه انتظرو تقريري بعد قليل

لا ما رحت خلصوا بيزاتي :ss: بروح اخر الشهر ان شاء الله ..

و عن العبايه الصفراء يبتها .. بصورها و بنزلها لج و الكروشيه برد اتصل في بنت خالي :)

نبض_قلبه;8639058:

هذا الجوتي اللي صار لي فتره خاطري فيه واليوم الحمدلله رحت وحصلت سايزي..

رووووووووووووعه ما شاء الله .. يعيبني جي ستايل .. تتهنيين فييه يا رب ..

عذاري البحرينية;8707528:
مشكوره حبيبه عزوزي على هالموضوع المفيد خصوصا انه خاص لبنات البحررررين

وحبيت اضيف تجربتى مع الكريمات والبودرات

حاليا استخدم كريم مرطب ملون من بوبي بروان
ينفع للدوام وطلعات الصبح خصوصا للى بشرتها صافيه
يعطى البشره لون خفيف واضاءه في الوجه وفيه حمايه من الشمس

الكريم الابيض الثانى هذا كريم لوريال لتفتيح البشره وترطيبها

البودرات بودره جيرلان وبودرة كانيبو
الثنتين نفس المستوى بس انا افضل كانيبو تخلى البشره مخمليه وخفيفه على البشره

تتهنيين فيهم يا رب ..

زغردة الجراح;8639195:
مشكووره حبيبتي عليج بالف عافيه

ملبوس العافيه ان شاء الله

الله يعافييج حبيبتيي ..

توووفـــه;8644159:
ع قولتج مال بزنس وومن اي الاسوود

حتى انا عجبني الجووتي وشفت منه في اش اند ام

بس ما شفت جم سعرره

اذا لقيتي بمكاان ثااني نفسه قولي لي لاني بعد اني اابي مثله ...

انا اللحين فلست بشوف لو امي بتعطيني .. اذا عطتني بروح الصبح السيتي و بشوف و لو حصلت احلى و مكان ثاني بخبرج ..

حبيبة عزوزي;8647110:
تقريري المفصل عن زيارتي لسوق المنامه وللاسف بدون صور لان كان ظلام يعني بعد صلاة المغرب


اوكيه طبعا كان الطريق الى السوق خفيف الزحمه مب مثل الايام الي راحت ودخلنا من بوابه المنامه متجهين لسوق وعلى الطريق شفت محل مرسيم او شي جذي وطبعا تذكرت مواضيع البنات وتعليقاتهم انهم قالو يكون فيه وايد استوكات من محلات الماراكات المعروفه وفعلا دخلته على طول بعد ما وقفنا السياره
ولقيت فعلا استكرات على الملابس مثل ناين ويست وماركات ماعرفها بس بصراحه ماعجبني شي كلش وكان عندهم ملابس داخليه بعد وجينزات واقمصه رجاليه بس ما شريت شي بصراحه يمكن مواسم يعني مثل مشوار مرات تلقين اشياء

اممممم في بنات عندهم عيب تقول انها تروح اماكن رخوصيه مثل سوق المنامه او مشوار او هاذي الاماكن بالعكس انا عتبره شي عادي اروح واشتري لو عجبني لان مرات تلقون اشياء ما تتوقعونها

المهم طلعنا وكملنا مشي لين مجمع يتييم اول مره ادخل هالمجمع دايما اطوف عليه من برا وتمشينا داخل مجمع بسيط جدا فيه كوستا كافيه في هابي تايم مثل الي بالسيف وهو محل تقليد ساعات درجه اولى وبأسعار بمتناول الجميع ومسويين عروض عليه يعني ساعات حتى على 10 وخمسه فيه نعوميين حدهم وفي نظارات وفيه طقم ذهبي شفته عجبني ساعه ذهبيه معاها تراجي وسلسله وايد حلويين بـ 25 دينار بس ماحسيت له داعي اشتريها

وفي عندهم فيسس ويمه بالضبط فيه محل صغير ماخذينه فيسس يبيعون فيه بعض البضايع بسعر المصنع وهالشي غريب اول مره اشوفه لفتني ودخلت وفعلا لقيت كريم اساس من ماكس فاكتور وبعض الوان الشادوهات من ديور على 3 دينار :eek: وارواج وايد ومن كل ماركه بعضها معروف وبعضها لا وفيه عطور بصراحه ما عرفتها بأسعار مختلفه 11 او 10 او 15 دينار
وبعض الملابس وبدي لوشن وشاور جل وكلهم بأسعار بسيطه

وفي للعرايس شفت شغله عجبتني محل فيه تفصيل وجاهز كل املابس الشعبيه مثل ثوب النشل وغيره وحتى مساند لونهم اخضر على شعبي شكلهم روعه وزاهي حق مناسبات مدري يبيعونها او مجرد ديكور وكان في 2 نسوان يتفقون على تفصيل مدري شنو المهم خذيت فره بالمحل وطلعت وشغلات وايد اذا تذكرت بقولها عقب

المهم طلعنا ورحنا المؤيد الوكيل مال الالكترونيات كنا نبي نشوف الاستشوارات وفير السيرميك وجذي وكان عندهم عروض حلوة يعني بيبي لس فير السيراميك الاسود بـ 19 دينار ونص سعر كلش عجيب ويا بلاش بصراحه وحتى في اجهزة وايد انصكم تروحون الي قاعدين تأثثون لبيت جديد

طلعنا ورحنا نتمشى لداخل السوق وايد محلات واجواء المنامه روعه باللليل مع الجو الحلو ولا تنسون الشربت من الهنود على ليمون بصراحه يمكن البعض يعتبره وصخ بس مافي احلى منه وانتي تتمشين بالسوق و آلو بشير مع صلصله النخي الحاره يم سوق الذهب بصراحه شغل عدل وله نكه خاصه :o

بعيدا عن اجواء الاكل دخلنا محل اسمه شيتل اذا مو غلط الاسم بس شي جذي عنده جلابيات حلوة للبيت يعني مب عروسه تبي حق ثاني يوم لا قصدي العاديين الكشوخيين بالنسبة لمقاسات المتوفرة S + M + L + XL + XXL

طول S = 56

طول M = 58

طول L = 60

طول XL = 62

طول XXL = 64
مو لمناسبه وهذي صورة توضيحيه خذيتها من النت






وكنا نبي نمر الماحوزي للعطور يم مجمع الاقمشه العرادي وهالسوالف انصحكم فيه عطوراته اصليه ومب مقلده يعني مثل الحواج وفيسس وعن تجربه والله ثابته ومركزة يعني مو تقليد ابد ابد وارخص من الحواج وفيسس بس للاسف مغيريين الديكورات ومب فاتحيين

ولقيت محل صغيييير حده ماعرف شلون اوصفه المهم حق ازره وشغلات خياطه ودانتيلات وتيوب وزيج وهالحركات وتذكرت العضوة الي حاطه تبي تسوي مثل هالموديل




وعنده على قولته فوق الـ 5000 ازار ولون من الخشب بس للاسف ضيق محله مب موجودين بالمحل حاطهم بالستور وقلت لازم لي رجعه


وشريت بلوزتين خلقهم من الناعم والخفييييييييف عدل عدل لصيف يعني براد مو طبيعي وشكلهم حلو وفيهم مثل اللؤلؤ على الصدر وفري سايز حاولت اصورهم بس تلفوني التعبان ما يطلعهم واضحين بحاول مره ثانيه وبنزلهم لكم عجبوني وخذيت لون ابيض ولون اسود

مريت يم سوق الذهب ركود عام اقدر اقول


ومريت على محل عطور مجابل بالضبط جنيد عطوراته حلوه الي بالتوله واغلبهم التوله بأربعه وخذيتلي جم توله خخخخخ<< بتموت من العطور:ss:

وعقبها مرينا يم العبايات بصراحه مافي شي مميز يعني عادي اغلبهم تطريزات(n)

ومرينا يم البهارات احب اروح هالركن من السوق دخلنا محل عجمي كنت بشتري زعفران للوالده كان يفكرنا من المنامه ههههههه المهم لقينا عنده حلاوة مثل المعرض حلاوة سوهان وحلاوة الي بطعم الكوفي الي الجيس بدينارين اكيد عرفتوها وعنده عسل ايراني مو اصلي يعني العادي مثل المعرض

يمه بالضبط محل باكستاني يبيع عقيق وخواتيم وجذي خالتي دايما تودي اكسسواراتها عنده يلمعها تصير مثل الجديده :wink:<<اعطيك افكار هاهاهاي

شفت شنطه هاند باق شكلهها فخم وحلوة يبونها 8 دينار تقليد ماركه غوتشي يعني حلوة لسفرات القصيره او حتى للكشوخيات اذا رحتي بيت ابوج وعندج اغراض:wink: بس الهندي قهرني ما رضا ينقصني خليتها تولي بس خاطري فيها والله :confused:

امممممم هاذي اغلب الاشياء الي اتذكرها اتمنى تقريري كان خفيف دم عليكم واعتذر النسبه لصور ومع لقاء اخر وتقرير جديد لكم اطيب التحايا :o اختكم حبيبة عزوزي

تقريررج ولا ارووع والله .. شوقين الواحد من قلب خخ ..

تتهنيين فيهم يا رب ..

الجوتي يجنن ما شاء الله

نبض_قلبه;8652577:
ههههههههههههههههههههههههه لا كل شي ولا تنفلعين بعدين من يوافينا باخر الاخبار من اسواق البحرين.. لكن تعالي شلون بعدها راقده وانتي قاعده تطقطقين في الكيبورد؟ فديت اختي والله كانت مسكينه من تتنفس بس شوي ازفها :(
صج مو واتر بروووف؟ اشووووه انا ماحب الواتر بروف ماتروح حتى بعد ما اغسل ويهي وانظف بالمنظف يعني غصب زوووور بتلزق.. بس ماشفت مسكرة في حياتي ساحت علي خوفتيني
بس هي صج صج تسويج كأنج ميكي ماوس لوووول

انزين يالله انا براويج عاد عفسه ما يبينون العطورات كأنه الكريمات اكثر بس مره ثانيه بصور اوضح

روووعه من قلب والله ..

الله يهنييج فييهم (f)

الترجيه;8649761:
بنات اسم موقعها سوفت ليديد

سوفت ليدي | موقع تسوق بحريني

فديتج ورده ربيع ماعرف جم اسعاره

وماعرف اذا ثابته لو لا بس اعتقد اهوو ماخذ منهم فاللي مجربه ان شاءلله تخبرج عن ثباتهم

يسلموو .. بدش عليه بشوفه اللحيين (f)