تمارين للمراة الحامل

هلا حبيبتي..
طبعا الرياضة مفيدة سواء للي حامل او للي مب حامل... أول شي طبعا لازم تستشيرين دكتورتج اذا حالتج تسمحلج انه تمارسين الرياضة والا لا...
أنا سويتلج سيرج على كذا موقع اجنبي.. وكلهم يشجعون الرياضة بس طبعا بعد استشارة الدكتورة... أغلبهم ينصحون برياضة المشي.. واليوغا ..السباحة أو حتى الدراجة..وبعد ممكن تشلين الاوزان الخفيفة عشان تسوين تمارين لعضلات ايدج..
الموضوع يعتمد على اللي انتي تفضلينه من الرياضات... وأهم شي انج ما تضغطين على عمرج.. تبدين خفيف.. خصوصا اذا ما كنتي من النوع اللي يمارس الرياضة قبل الحمل... وأهم شي اذا حسيتي انج تعبتي او انفاسج تتقطع على طول توقفي .. متى ما حسيتي انج جسمج ما يساعدج .. توقفي ... وتجنبي التمارين اللي تحتاج انج تنطين فوق وتحت... او التمارين اللي تتطلب تغيير الاتجاهات بشكل مفاجىء ...(خصوصا انه مع تطور الحمل .. قدرة المرأة على التوازن تقل) وصح اذا كنتي خلال الشهور الاولى.. تجنبي التمارين اللي تتطلب منج انج تستلقين على ظهرج فترات طويلة ... وخذي فترات استراحة بين التمارين..
وصح الموقع بعد اللي قريت فيه ... يقول انه ممكن تستشيرين دكتورتج في الموضوع وعلى اساس حالتج هيه تختارلج نوع التمارين اللي تناسب حالتج ووضعج الصحي...
بخصوص الترهل.. الموضوع يعتمد على نوعية جلدج .. وحملج ... وبعد على الاشيا اللي ممكن تسوينها بعد الولادة ان شاء الله ... مثل استخدام المشد ... وممارسة تمارين البطن (كثفي هالتمارين.. وبتحصلين نتايج حلوة) .. وبخصوص الخطوط اللي ممكن تطلع اثناء الحمل ... ممكن تتجنبينها باستخدام كريمات الترطيب .. تحطينها على بطنج كللللللللللللللللللللل يووووووووم.. مثل كريم زبدة الكاكاو.. ممكن تحصلينه في الصيديلات...
أتمنى أكون أفدتج وما ثقلت عليج ... وتولدين بالسلامة ان شاء الله:) ... وبدون ترهلاااات(قولي آمين.. واجتهدي)

جزاكىى الله خيرا واسفة على تاخر شكرى لك بس ماكانش عندى نت عشان ارد