قصه ولادتي الحلم العجيب

هـــــــــــااي ..

شخبــاركمــ ..

شخبــار كــروشكمــ ..

الله يسـهل عليكمــ و يــرزقـ الكــل يــااارب ..

اليــومــ عنــدي لكمــ قصــة ولادتــي الفـلمـ الاكشــن الكـوميـدي ..

و أنـا بـالسـابـع ..

يــانــي عــوار بظهـــري ..

و رحت المستشـفي قـالوا عــادي تـوسـع بالـرحـم ..

و ثــانــي يـومــ نفـس الشــي و رحــت المـستـشفـي قــالـوا البيبـي نـازل و الازمـ أقعــد بالـسـريـر مـا أتحــرك..

و رحــت شــلت قشــي وقعــدت بيــت أهــلي و قعــدت بالســريـر ..

و يـانـي عــوار بعــد و تحمــلت لـه ليــن وصــلت حــدي و رحــت المستشفــي و قعــدونــي يـوميــن و طلعــت ..

و بتـاريـخ 22\1\2009 كـان مـا فينــي الا العــافيـه قــاعـده أسـولفـ و أضحـكـ عــادي و نمـت ..

و الفــيــر قعــدت مــن عــوار فضيــع و قعــد ريـلي قـال أوديـج المستـشفـي قـلت لا أكــيد مـثل كـل مـره ..

لكــن استسـلمـت للعــوار و رحـت للمستــشفـي كشفــت الدكتــوره و كــانــت الصـدمــه أن 1 سمــ وقمــت أبجــي و حــالـه حــاله ..

و قــالــت روحـي البيـت أذ الطـلق صــار ع فتــرات قصيــره تعــالي أو أذ نــزل عليــج مــأي أو دمــ تعـــالي ..

و رجعــت البيـت أبــجـي و أبــجي و أنــا أعيــط ..

شــافتنــي يــدتــي و أمــي قــالوا شفيـج قـلت لهـمـ ..

1 سمــ قــالوا زيــن لا تبجيــن قـال ريـلي أهيــه طــول طــريــج بجــي ..

و قــلت حــق أمــي تــروح البيـتي تســوي جنطتــي و جنــطة البيبــي ..

قعــدت ع أعصــابـي أنــطر الطــلق و أحســب لــه و أنـطـر يـنزل شــي علــي ..

و ع السـاعه 2ظهـر يـدتـي عطتنــي زعفـران مـع مـأي و بخــور قــالت أذ فيـج طـلق صــج بيــزيــد و اذ مـو طـلق بيـروح ..

صــار العــوار أيـلي ع فتــرات و كــان مــا سكنــي بظهــري حيــل و أسفــل البــطــن اذ يــاه العــوار مـا أقــدر أتحــرك كــلش ..

و نــزلـت عليي أفــرازات قــالولـي البنــات الازمـ تـروحيـن المستشفــي ..

و رحــت المستشفــي و كـانـت الصـدمـه 6سمـ شـلون و متــي ليــش ؟!؟! ..

اسئلــه الطــوارئ ..

و أنــا أصــرخ اقــولهــا انــا بثــامــن مــا أبــي أولد ..

قــالت 6سمـ يعنــي ولادة و انــا أصــرخ مــا أبــي أوولــد ..

و بهــلحـظه نــزل عـلي المــأي و شــلال تحــتي مـا شاء الله ..

قــالت يــلا مــدامــ ولاده ..

وجــان أصــرخ لا مــا أبــي كــل المستشفــي سمعــونــي أظــن حتــي السكيــورتــي للي بــره سمعنــي ..

صــار فـلمـ هنــدي اقــول لــريـلي مـا أبــي بــروح بيتــنــا ..

و أمــي تقــولي لا مــا يصيــر ..

و نيــرس نــو نــو مــدامـ و تنــادي جمعتــها تقــول لهمـ ليبـر رومــ يــدزونـــي و ركــض ع الولاده و أنــا أبجــي و نــاس طــالعنــي ..


و دخــلت الغــرفـة الولاده و ريــلي واقفــ ع راســي يقــرا قــران و امــي تهديني

دشـــوا يـدتـي و يــدتــي الثـانيـه ويــدتــي شــافتـنـي و قــمت تبـجي أنـا بـروحـي مـو نـاقصــه و جــان تقــولهـا أمـي خــالتــي لا تبجـيـن طــلعـي بـــره و طــلعت بــره ..

و مــامــا تقــولي دعــاء و أنــا أرد وراهـا و ريـلي يقــرا قــران ..

و جــان تـي الدكتــوره و تقـولـي يـلا شـدي حيـلج و البيبـي مــا فـي ألا العــافيـه ان شـالله و أدعـي الله يسـهل عليـج دعــاء بهـلوقـت مستجـاب وأهيــه تبتسمـ ..

و كشفــت ولا 8 سمـ ..

و ظــليــت أبجــي و أتــألمــ و يــدتــي تهــدينـي و مـامـا تـدعـي للـي و ريــلي يقــرا قــران ..

و أمــي تشيــل عنــي الكمــامـ تــقــول مــو زيــن ..

و يــت النيــرس تكشــفـ طــلع 9 سمـ ..

ويــلا هــانت ..

و يتــزهــبون النيـرســات و دكتــوره للـولاده و طـاولات المـشارط و مــقص و فــوطـ ..

أنــا شفــت هــلخبــه و عــوار صــار أكـثـر جــان أبجــي أقــول حــق أمــي خــلاص بـرد بيتنــا ..

و يــدتــي تقــول ع كيفــج أهــوه خــلاص مــا بقــي شــي ..

و دكتــوره تقــول لا لا لا يـا كـويتيـه خلـج شجــاعه ..

و ريـلي يقــولي لا لا هـانـت تحمـلـتي كـل هـذا مـابقـي شـي ..

و صـــار 10سمــ ..

و قــالتــلي الدكتــوره كــل مـا حسيتــي بعــوار دفعــي ..

و ظــليـت أدفــع مع تنفــس عميــق و حـوالي 3 دفعـات ليــن حسيــت خــلاص جسمـي مــا قـامـ يتحمــل مـا عنــدي بعــد قــوه كــلش ..

أقــولهمــ خــلاص مـا أقــدر و مــاسكـه أيــد ريــلي عــاد أنــواع العــض و تشمــخ فــي أيــده و لا قـال شـي سـاكــت ..

و جــان تصــرخ دكتــوره لا لا شــدي يــلا قــرب البيبي ..

أهنــي قــلت يـلا يـا بنت هــانـت خــل أتحمــل ..

و جــان أرد أدفــع أدفــع ..

و دكتــوره مــع نيـرســات يقــولون أيـــواا كمـــان بـــوش بــوش و يصفقــون ..

إلا ريـلي يــقـول نشجــع المنتــخـب مــادري شــلون وســط التعـب للي أنــأ فيــه ضحكـــت ..

و يــلا يــا قمــر يــا حــلوه ..

بــــــــــــووووووش ..

بـــــــــــــوووووش ..

و ســويت البــوش ..

حســيت شــي يتقــطع أقــولهمــ شــي يتقــطع تقــول دكتــوره أأييي البيبي وصــل يــلا أخــر بــوش ..
و ســويــت أخـــر بــــــــوووش ..

و جـــان دكــتوره تقــولي بنــوته حــلوه مثــلج ..

و أسمــع بجيــها واااي شعــور غــريب و حطــوهــا ع صــدري يــاربي نتفــه حــيــل ..

و يــدتــي تصــور و أنــا أبجــي دمــوع الفــرح ..

و مــامــا بعــد نــزلــت دمــوع الفــرح ..

و شفــت ريــلي و عيــونه غــورقـت يقــولي شــوفــي هــاذي بنتنـا حتــي أهــوه مــو مصــدق مثـلي ..

و دكتــوره قــالت منــو يقــص الحــبل الســري ريــلي قــال أنــا و يقصــه ..

و أخــذتهــا دكتــوره الاطفــال الخــدج و رحــت معــاهـا يــدتـي ..

و يســولـي الخيــاطـه و أنــا رحــت مع ريــلي بســوالفـ ..

جــان نسكــت أنــا و ريــلي جــان أقــول للدكتــوره يــعور جــان تقــول ردوا سـولفـو هههخههه ..

و جــان أقــول مــامــا طــرشي المســجــات > حــدي فـاضيــه ..

أيييي يـومـ طـلعـوا يقــولون حـق أهـلي للـي بــره أنــي ولدت سمعنــا صــراخهمــ و يبــابهمـ و أحنــا داخــل ..

فـديتهــمـ أهــلي ..

خــواتــي و أخـوانـي خــالاتـي و خـوالـي و عمـامـي و عمتـي و عيــالهمــ صــج صــج مــا بقــي أحـــد ..

و جـان يطــلعـونــي و أروح الســويت و العــأيـله الكــريمـه كــله مـوجـوده فــديتهمــ نســونــي التعــب ..

و بنتــي يبتهــا و وزنهـا 1750جـرامـ مـا شـاء لله قعــدت بالحــضــانـه يــومـ ..

لان أخــذت أنــا أبــرة الرئــه ..

و طلعـــت مــعـاي ..

و مــا شـا لله تبــارك الله جسمــها زيــن و صحتــها زينــه ..

و تبــارك الله كــانـت ولادتـي بسـرعـه بسـرعه مـا طــولت حسيــت كــانه حلمــ بســرعه بســرعـه ..

و الله يخــليهــا للي و يخــلي أبــوهــا ..

و بجــذي يكــون ..

تــاريــخ 23\1\2009..

يــومـ اليمــعه ..

ســاعه7:45 مــساء ..

نــورت الكــون أجمــل بنــوتــه بــدنيــا رسيــل ..