زوجي يستفزني

وضوحي;8618845:
حبيبتي انتي عامله مشكله من هالسالفه
عندي الحل وشوفي اذا مره ثانيه جابلج هالسيره انه يبي يزوج عليك امسكي اعصابج وبيني له انه عادي عندك وماعاد تفرق معك قوليله عادي الشرع حلل اربع واذا بدك انا بخطبلك كمان
صدقيني اذا شافك عاديه وكول معاه مابعيدها مره ثانيه
الصراحه زوجك دلوع وانتي اللي مدلعتيه خففي اشوي من اهتمامك فيه واذا سالك ليه تغيرتي قوليله انتي بدك اتجيب ضره خلاص ليش اهتم فيك واتعب نفسي
صدقيني بيحس انه غلطان وانه مو حاس بالنعمه اللي هو فيها
وطبعا هالاشياء اعمليها مؤقتا بس عشان يتوب يكرر هالسالفه مره ثانيه

لميس07;8620568:
lمكن بيضحكك عليكي لان من كلامك الصراحه باين ويحبك بس لا تسكوتي انا اقولك اقراائي سورة
البقره وان شاء الله تروح عنك الهموم كلها والله اذا قراتيها بترتاحي وانا انشاء الله اليوم بقراها :wink:

لميس07;8620646:
الصراه الرجل يحب الغيره بس الا ما تخنق في وحده الصراحه رجالها كان كل يوم يقولها هذه الكلمه
وهي غيرانه مره في داخلها بس اتسوي نفسها عادي عندها بس بعدين هي بدات
تشوف زوجها يزعل وما يهتم فيها زي اول وهو ما رضي طبعا يوريها زعله لانه راحل عند رجوله
وشهامه فلما بدات تبرزلو غيرته عليه شويه بدا يحبها هي طبعا مشتركه في موقع وكتبت في اسوا نصيحه
انا الحرمه اتسوي نفسها ما تغير وهي غيرانه :wink:(y)

شفاه ورديه;8621756:
يحب يكيدك و يقهرك ليشوف ردة فعلك
اكيـــــــــــــــــــــــــد

بشوري1;8624405:
أختي خذي الأمربسهولة يسهل كل شي عل قولة هونيهاوتهون
غاليتي احتويه كوني الوحيدةبحياته صارحيه وخبريه إن هالشي يضايقج وأخيراالدعااااااااااااااااءعلاج فظيييييييييع إن ربي يفتح عليه ويسخره لج

هبوب;8624571:
السلام عليكم ورحمة الله وبركاته

بتكلم عن نفسي ... وطبعاًمو كل شئ نسمعه نطبقه بس انتي شوفي إذا يصلح لك هالكلام طبقيه وإذا لا اتركيه اوكيه .؟؟؟

انا من تزوجت زوجي يســـــــــــــــــــــــتفزني بقولة بتزوج عليك انا لآزم اتزوج ماني جالس كذا ..وانا عارفه وهو عارف إنه ماله نيه يتزوج بس كذا ... يتونس لما يقول هالكلام ...

انا وش اسوي .... لا أحرق مزاجي ولا شئ .. إذا كنت مروقه ومزاجي عالي وقال لي بتزوج آخذها بمزح [COLOR=darkslateblue]واقول له روح تزوج بس بشرط تكون أحلى مني واشيك مني وأنظف مني بنت أصووول وناس اكثر مني .. هنا هو يحس بالإحراج يصير هو يضحك يقول لا والله مافيه زيك .. :)


إذا قال بتزوج عليك وانا مزاجي تعبان ومتنرفزه ... اقول له .. ررررررررررروح تزوج خلها تشيل عني شوي من هالهم اللي انا عايشه فيه ... ابي ارتاح تكفى روح تزوج وانا بخطب لك ... هنا يصير يطالعني يقول من جدك انا معذبك ومطفشك ليه انا وانا وانا ويصير يعدد لي محاسنه ... :)


وأكثر الاياام ياقال لي كذا اطنــــــــــــــــــــــــــــــــــــش ولا كأنه يتكلم بهالموضوع .. عادي .. حتى تعابير وجهي ما أغيرها ... هو يحس إني مستخفه بعقله فيسكت .. وانا حاسه إنه بدأ يمل من هالموضوع ::: :)


وعقبال ما يتركه للإبد ....

وانتي يا أختي إذا كنتي واثقه من نفسك وجمالك وبيتك وعيالك ... مايهمك شئ .. خليكي القويه
الرجــــــــــــــــــــــــــــــال ماينفع معاهم شئ ..

حب القلوب;8625669:
احسن شي الطنااااااااش
صدقيني الريال يحب البنت اللي تعصب و يحب يطالع ردات فعلها لما تعصب
فلما يحس انه ماكو ردة فعل منج
راح بستغرب و رح يكثر من هالحجي و يزيد يزيد لما يحس خلاص هذي ما منها فايدة و ما قامت
تعصب
صدقيني بعض الرياييل يحبون يطفرون و تلقينه قاعد يتغشمر معاج و حطي ببالج انه الريال مو حساس
كثر المرة بهالسوالف

حب القلوب;8625704:
هبوووووب
توني اقرى ردج
ماشاء الله قمة في العقل ,, المرة لازم تتعامل مع الرجل بذكاء لانه الرجل طفل صغير

reddish;8631430:
والله يقولون اللي يقول باعرس اهو اللي ما بيعرس و اللي ساكت اهو اللي يسويها !!

اختي ماعندج سالفة اتعورين قلبج !! تركيـــــــــــــــــــــــــــــــــــــــــــــــه


بس تحملي لو قالج باتزوج اتقولين له تزوج !! ترة ما بيصدق و بيروح ايعرس


وحده رفيجة امي راحت لها امي تقولها فلانه اكو زوجك يبي يعرس و راح حق زوجي يقوله دور لي عاد زوجي قاله مرتك تدري قاله اي اهي قالت لي روح عرس !!!

و هي المسكينه بس جذي اتقول مب من صجها!! تحملي توقلين له روح عرس