ابي احد يوقف معي

كلا البيتين بيتك بيت زوجك وبيت اهلك اعملي اللي مرتاحة منه اذا تقدرين تكلمين امك وتشرحين لها وضعك يمكن تساعدك وتجيك البيت وقت النفاس

عادي مافيها شي تمي في بيتج ولايهمج كلام الناس لان مالهم خص

والله يسهل عليج ولادتج

عادي انا مرت خالي راحت بيت ريها في بجرها .. عادي مافيها شي حتى احنا تكلمنا بس ماهمها شي اهم شي راحتها و زوجها .. أهم شي راحتج ما عليج من كلام حد ..

مدام القاضي راضي خلاص ماعليكم من الناس

ربنا يتمم عليكم

مشكورات خواتي وربي جذي اقدر انام

ماادري ايش الحكمه من انو الوالده تروح بيت اهلها مدام هيا قادره تجلس في بيتها


عن نفسي افضل اكون في بيتي كلام الناس لايودي ولايجيييب

عيون الفهد

انتي من جدك؟
لا حبيبتي اصلا انتي ما تقدرين تتحملين مسؤولية مولود جديد لحالك
وحتى زوجك ما يعرف.
لازم تروحي تتنفسي في بيت اهلك لان بتكوني تعبانه والراحه ضروريه جدا لك
فترة لا تقل عن عشرين يوم علشان يرجع رحمك لوضعه الطبيعي وتلتئم خياطة
ما بعد الولاده .
ضحي انتي وزوجك شوي علشان جسمك اولا الي اذا ما اعتنيتي فيه بيخرب على طول
وما يتعدل.
ومولودك لازم له عناية مكثفه من امك وخواتك واهتمام فيه من حيث كل شئ
تعرفين تروشين طفل؟وانتي تعبانه مره وماتقدري توقفي؟
وبعدين لازم تحترسي من حمة النفاس لا سمح الله .
واذا مصره تجلسين عند زوجك
جيبي اختك او امك عندك تساعدك على الاقل اسبوعين وبعدين لا تنسين
الزوار والمباركين من الناس مين بيضيفهم ؟؟
تحياتي

عن نفسي انا تنفست في بيتي وعادي الحمدلله اهم شي راحتكم واعتقد هالحركه تخلي الريال يحس بالمسؤوليه اكثر خصوصا انه بيكون ملزوم يقعد معاج دام قالج تنفسي عندي..


بس بعد شوفي حالتج الصحيه من عقب الولاده وعقب حددي
الله يوفقج ان شاءالله

عادي تنفسي في بيتج بس لازم احد يكون معاج والافضل امج علشان تهتم فيج والبيبي والله يسهل ولادتج ويفرح قلبكم بجوفتة البيبي

دلوعةحناني;8597636:
انتي من جدك؟
لا حبيبتي اصلا انتي ما تقدرين تتحملين مسؤولية مولود جديد لحالك
وحتى زوجك ما يعرف.
لازم تروحي تتنفسي في بيت اهلك لان بتكوني تعبانه والراحه ضروريه جدا لك
فترة لا تقل عن عشرين يوم علشان يرجع رحمك لوضعه الطبيعي وتلتئم خياطة
ما بعد الولاده .
ضحي انتي وزوجك شوي علشان جسمك اولا الي اذا ما اعتنيتي فيه بيخرب على طول
وما يتعدل.
ومولودك لازم له عناية مكثفه من امك وخواتك واهتمام فيه من حيث كل شئ
تعرفين تروشين طفل؟وانتي تعبانه مره وماتقدري توقفي؟
وبعدين لازم تحترسي من حمة النفاس لا سمح الله .
واذا مصره تجلسين عند زوجك
جيبي اختك او امك عندك تساعدك على الاقل اسبوعين وبعدين لا تنسين
الزوار والمباركين من الناس مين بيضيفهم ؟؟
تحياتي

انا من راي الاخت الا ذا تحسين زوجش راح يساعدج بكل شي وماعنده دوام هذا شي ثاني بس اذا بروح الدوام عنج وهو بروحه ماعنده خبرة شلون بتعتنين في البيبي وبروحش وفيه ضحي شوي وبتحسين روحش منشغلة عنه بالبيبي الجديد هذا شي واقع وتروحين له بعدها عروسة جديدة

بصراحة أختي ..

الأمر يختلف من امرأة إلى أخرى .. اذا أنت واثقة أنك وزوجك تقدري تدبري أمورك مع البيبي الصغير و سبق و تعاملت مع هذا الوضع و ألفتيه مع خواتك مثلا و قرأت و اطلعت و عندك حلول لكل شي ممكن يصادفك ابقي فيه .. بس أنت ما تعرفي كيف بتكون ولادتك طبيعية أو لا أو بيكون في عندك مشاكل بعدها .. يعني أنت الآن تجازفي و إذا ولدتي بيكون فات الوقت و ما تقدري تروحي عند أهلك .. ما رأيك بحل وسط تطلبي من أمك تجيك و لو أسبوع .. لأنو يا أخت من بيرعى الطفل في أول الأيام و يرعاك .. أنت و هو بتكونوا عاجزين .. و أنت مقدور عليك لكن الطفل يحتاج من يغير له و يحممه و و و القائمة تطول .. الأكثر أنك تحتاجي خبرة امرأة مرت بهذه التجربة قبلك .. هذا رأيي

و الله يعينك و يقومك بالسلامة ..

مادام حابه تبقي مع زوجك خليكي مع زوجك وخلي الناس تحكي !!! شو يعني انتي في بيت زوجك مو عاملة شي غلط


ولكن رح ألفت نظرك لشي ..


لما تولدي وتصيري نفاس مارح تتذكري الا أمك وما رح ترتاحي الا مع أمك ومن دون تفكير رح تروحي عند اهلك




هذا من تجربتي ومن تجربة البنات ايلي اعرفهم

السلام عليكم و رحمة الله تعالى و بركاته،

هي أول الأيام صعبة شوي لأن فيها قلة نوم و سهر و إنتي جسمك أصلاً تعبان من الولادة و نزيف النفاس .. فلازم .. حتى لو كنتي تعرفين تعتنين بالطفل و مستعدة نفسياً لكل ما راح يواجهك بس راح يكون وراج شغل في بيتك من تنظيف و طبخ و غسيل .. و الأطفال يا مسرع ما تتوسخ ملابسهم تحتاجين تبدلينه ألف مرة في اليوم .. و بعدين إذا إنتي إحتجتي تدخلين الحمام أو تسوين لك أي شغلة مهما كانت بسيطة و كان ولدج يصرخ ما راح تعرفين .. و بعد عندج الأطفال أول 3 أشهر بالذات من بعد المغرب تبدأ عندهم نوبات بكاء بسبب مغص البطن .. و غيرها

إذا تقدرين تدبرين أمورك لكل هالأشياء فـ OK خلج معاه ..

بس طبعاً أسهل و أريح تروحين بيت أهلك لو إسبوعين مو عشان كلام الناس لأن لا دخل لهم بأمورك الشخصية لكن لأجل راحتك و نفسيتك و راحة طفلك .. و على فكرة نفسية الأم بعد الولادة تكون جداً صعبة و معرضة بعيد الشر عنك للإكتئاب ...

و بعد الأم بعد الولادة ما تكون لها الرغبة بزوجها لفترة و السبب إحساسك بالتعب و البهدلة و بعد أحاسيس الأمومة تطغى على أي شي ثاني .. و كفاية الحليب إللي راح يسيل منك غصب عنك قد يمنحك شعور بالوساخة أو إن رائحة الحليب تفوح منك ... يعني بإختصار البيبي له الأولوية في الأيام الأولى

أنا في ولادتي الأولى رحت عند أهلي .. مع إني كنت أقوم بأمور العناية بطفلي كلها بنفسي و أسهر معاه بس على الأقل كانت ملابسي و ملابسه طول الوقت مغسولة و نظيفة و غرفتي يرتبونها له و أكلي يوصل لي لغرفتي .. بس الجانب السلبي هو إن زوجي لم يكن حاضر طول الوقت .. فلا يعرف كم عانيت مع طفله حتى يقدره لي و بعد في الأيام الأولى يبدأ الأب يكون علاقته مع إبنه عكس الأم إللي علاقتها بأبنائها تبدأ من بداية تشكلهم برحمها .. و بعد الطفل كل ما تعبتي عليه أكثر حبيتيه أكثر و تعلقتي فيه أكثر

أما طفلي الثاني فرحت لبيتي فور خروجي من المستشفى .. بس كان عندي خادمة و كانوا أهلي أمي الله يحفظها و أبوي الله يرحمه برحمته الواسعة مو مقصرين معاي و مخجليني .. يومياً يوصلني الغداء كامل و يجوني المغرب عشاب يعتنون فيه و أنا أدخل الحمام أو أعتني بولدي الأكبر .. بس هذا لأن بيت أهلي قريب من بيتي .. فإذا عندج أحد قريب من بيتج يقدر يساعدج قليل مع الطفل فما راح يكون الأمر وايد صعب .. و الحلو في الموضوع عكس ما سبق و قلته عن ولادتي الأولى إن زوجي كان يشوف معاناتي كاملة مع ولده و كانت عنده فرص كثيرة لربط علاقات التواصل معاه ..

أنا شرحت لك عشان تقدري الوضعين و إختاري الأنسب لك

و عموماً الله يسهل أمور أياً كان قرارك و تجهزي نفسياً و تحلي بالصبر و هدوء الأعصاب لأن الضغط النفسي إللي إنتي مقبله عليه راح يكون كبير شوي

و إن شاء الله تولدين بالسلامة طفل معافى و بصحة جيدةً يقر عينك و عين أبيه و الله يهديه و يحميه و يسعده يا رب

يـآ انكـ تخلين آمك تجيكـ
و بهذي الحـآله تقدرين تنفسين في بيتك

أو

خلي زوجك ياخذ اجـآزه من العمل
و روحي ديرة اهلك معـآه لمن تولدين

الله يقومك بالسلآمـــــــــــــــــــه

دلوعةحناني;8597636:
انتي من جدك؟
لا حبيبتي اصلا انتي ما تقدرين تتحملين مسؤولية مولود جديد لحالك
وحتى زوجك ما يعرف.
لازم تروحي تتنفسي في بيت اهلك لان بتكوني تعبانه والراحه ضروريه جدا لك
فترة لا تقل عن عشرين يوم علشان يرجع رحمك لوضعه الطبيعي وتلتئم خياطة
ما بعد الولاده .
ضحي انتي وزوجك شوي علشان جسمك اولا الي اذا ما اعتنيتي فيه بيخرب على طول
وما يتعدل.
ومولودك لازم له عناية مكثفه من امك وخواتك واهتمام فيه من حيث كل شئ
تعرفين تروشين طفل؟وانتي تعبانه مره وماتقدري توقفي؟
وبعدين لازم تحترسي من حمة النفاس لا سمح الله .
واذا مصره تجلسين عند زوجك
جيبي اختك او امك عندك تساعدك على الاقل اسبوعين وبعدين لا تنسين
الزوار والمباركين من الناس مين بيضيفهم ؟؟
تحياتي

كلاام سليم

والله يقوومك مع المولود بالسلاامة

اممممم

انا احس في بيت اهلج تدرين ليش لان مثل ماقالو البنات انتي بتكونين تعبانه والله يعلم شلون بتكون الولاده

الله يسهل عليج بس في بيت هلج وخواتج هم راح ياخذون البيبي ع الاقل يعني فليل عشان تنامين وجذي

..

اما في بيتج بيكون كل شي عليج وخصوصا ترى بعد الولاده صعب تتحركين شلون بتلبين طلبات البيبي وريلج

وبعد احسن في بيت اهلج عشان اذا قربتي تخلصين الاربعين تتكشخين له وتصبغين ومن هالحركات

اما اذا كنتي عنده ماتقدرين

وسوي اللي انتي مقتنعه فيه

والله يعينج ^^

الله يكون بالعون

انا حاجزة شغالة اجار شهري بأخذها شهرين وامي وخواتي لما قلتلهم ببقى عند زوجي قالوا خلاص احنا نجي عندك في بيتك وبعدين اهلي زوجي ساكنين تحتي بالدور الاول وعمتي ام زوجي تقول انها مستعدة تساعدني