بنات ساعدوووني بمووت قهر

حسبي الله على بنات الحراااام..
هي تعرف ان هالانسان زوجج ...حاولي تراقبين زوجج تشووفين عنده شي ..بس مااظن يمكن هي تسوي بينكم مشكله..

ملاك صدقيني هذي متقصدتج يمكن هي معجبة في زوجج ويابت صورته عن طريق اخوها اللي يجلس زووجج معاه !!

الحين بالعقل يملاك شمعنى يات لج في المستشفى وكلمتج بالسالفة من بذ كل هالحريم الموجودات!!

هاي تبي تهدم بيتج وتخرب علاقتج ويازوجج .. حافظي عليه واتركيها تولي في ستين ألأف داهية ولاتتنازلين عن زوجج لوحدة حقيرة مثلها

يا أخت ملاك الدوحه هذي البنت ما عندها سالفه ممكن مدزوزه من حد يكرهك أو يكره زوجك أو يكون بينك وبين زوجك خلاف و البنت تعرفكم وستغلت الموقف
لا تتسرعين فكري وتقصي الحقائق صدقيني هلبنت ماعندها سالفه
تريثي ولا تتعجلي

هالمقابلة مو صدفة وشكلها مدبرة عشان يخربوا بيتك

انتبهي اختي ملاك لا يطيحوكي في شباكهم وما عليكي من كلامهم

لانهم ناوين شر ويبوا يخربوا بيتك حسبي الله ونع الوكيل على كل مفتري وظالم

الله يبعد عنك كل شر عزيزتي

مشكووورين ويعطيكم العافيه

الله يفرج كربة كل وحدة ردت علي ونصحتني

انتبهي ..واضح ان في خطة قاعدين يرسمونها عليج بنت ابليس وعصابتها
لاتخربين بيتج بأيدج.. والله يبعدهم عنج ويحميج من شرهم

ما اتوقع صدفه

اتوقع قاصده تحرق قلبج

ومو بعيده حد مطرشها عشان يخرب بيتج


حاولي تتمهلين وتفكرين قبل لاتتصرفين

يمكن تظلمينه

لاحول ولاقوة الابالله تاكدي من الموضوع لاتكون هالبنت تبي تسوووي لج دمار وانتي اكثر وحدةتعرفين زوجج وتعرفين اخلاقة لاتهزج لحظة ضعف فكري بالهدوء

الصراحة انا مب عارفة شاقولج بس حسيت من كلامها انها جذااابة وتبي تخرب حياتج وتبي تفرق بينج وبين ريلج ولا شنو هالصدفة الغريبة السالفه حد مخطط لها من قبل انتي انتبهي على ريلج وماعليج من بنات ابليس الله يبعدهم عنا آميييين ...

شوفي انا ماحب هالحركه بس هذا بيتج اذا انتي خذتي رقمها اكيد بيكون بجوال زوجك اذا على قولتها لهم علاقه اذا مافي هي خراطه والا تصدقين بنت محترمه تقول اخوي قالي بزوجك اياه والا بتسولف معاج مني والدرب عن غرامياتها..

تعوذي من الشيطان واهتمي بصحتج وبالبيبي وبصراحه قدر ويها هالحركات..

والله يحفظج ويحفظ بيتج وعيالك وزوجك وحصني نفسك دوم:)

شكلها جذااابه ترى

وشكلها اتعرف انه زوجج بالعماله يات اتكلمج يعني مب معقوله حد يقابل حد بمسشتفى الاسنان وياخذ ويعطي معاه كلام هالكثر

هي متعمده وواضحه السالفه تبي اتخرب بيتج ويمكن حد دازهاا

استهدي بالله وتاكدي من زووجج

والله يصلح الحال ان شااء الله ويهدي بالج

بنات انا معاكم بس انا قاااااااااااعدة افكر ليش هي قالت زوجته مغرورة وبيتزوج عليها لهذا السبب

اختتي سوي استخاررة وفتحي مع زوجك الموضوع يمكن دي خرابة بيووت ..

شوفي ياقبي
هاذي شكلها كذابه تبي تخرب بينك وبين زوجك
اول مره وحده اشوفها مرتاحه لوحده ماتعرفها
ولااسرار عن الحب ههههههههه ياختي هذا مايدخل العقل وتقول فيه شامه وزوجك مافيه
تبي تشكك اجل حاطها صورت زوجك في جوالها ومبينة مثل الشمس الى تبي تخرب بينك
وبين زوجك وتاخذه
انتي صير اذكى منها واهتمي بزوجك وصير معه رومانسيه مره ودلعيه
ولاتبكين ولاشي
دمتي بود

اختك
شذى الورد الجوري

عروس الحب;8589154:
اقولج شييي

هذي كذااااااابه لا تعرف ريلج ولا شي اهي معجبه فيه و حاطه صورته بتليفونها و تمشي وتشهر ان فلان الفلاني يحبني و يبيني ليمن يوصله الخبر و يروح يشوفها و يمكن ياخذها

لعبه قديمه بنات بليس كانو يسوونها

صدقيني لاهي تعره ولا شي واللي اكد لي هالشي هو سالفة بنت اخوها مبين السالفه خطه مسوينها اهما الثنتين

لاتشيلين هم ولاتطلقين ولا شي اهم شي راقبي البنت عدل و اهتمي بزوجج حاوطيه بكل مكان و حاولي انج ماتوصليله خبرر باللي سمعتيه كلش كلش علشان مايروح يشوفها و نبيهي مرة ولد عمه قوليلها ترى في بنات حاطين عينهم على ريلج و بيحاولون يطيحونه من غير مايحس خالتنتبه لهم

بس اياج ايج تبينين له السالفه

هذي قاعده تنشر الخبر حق كل الناس و معرفوه قطر صغيره بس ينتشر الخبر

والله يعينج بس بلغينا شنو يصير حبيبتي

انا مع كلام الاخت 100%

هذي تعرف انج مرت فلان وتبي تخرب عليج وتتطلقين
اول مره اسمع اخو يعرف اخته على رفيجه الصراحه -----ولا في الافلام
ربي يسهل لج وحافظي على بيتج

انا امس رحت بيت ابوي وقعدت في غرفتي
وتذكرت ايام الخطووبه مع الريالي وكرهت نفسي وتعبت نفسيتي
حتى بناتي خليتهم عند ابووهم تبون صج قسيت عليهم شوي

وامي تكلمني مارديت عليه احس اني بحلم وللحين ماطلعت من غرفتي تلفوناتي مسكره حتى شغل مارحت له بعد طقعت
وامي من صبح اهي دق علي الباب مارديت عليه مالي خلق على احد تقوول تعالي زوجج تحت

مشكلةزوجي بعد ماراح الشغل على طول جاء عند امي بصاله يبي يعرف شفيني احس انه خايف اكون عرفت شي مادري شك يطردني احس راسي بينفجر

الي قهرني اكثر كل ماتذكرت صورة ريالي بجووواله اخ ممقهووره اكره زووجي اكثر
من امس ماكلت شي
بس كلامكم ريحني شووي وطمني

لا حول ولا قوة إلا بالله

يا اختى واااضح انها مقلب ولعبه منها لا تصدقي وتحطى ببالك مو عارفه زوجك يعنى ! بتقولى ما طلع من البيت شهر كيف يعنى لحق عرفها

الله يكون في عونج حبيبتي ،،،وحسبي الله على بناات الحراام اللي ما يخااافوون ربهم

طمنيناا عليج !!