بنات انجدوني عمري 25 شكلي 35

amt_allah 27-01-2009 8 رد 2,685 مشاهدة
a
معظم البنات اللي متابعين قصتي يعرفون مشكلتي واللي صار لي من زواجي وكيف انتهي وبعد الفتره دي اهملت نفسي كثير واكئيت كثير ودلوقت حاسه اني لازم اهتم بنفسي لان احس ان اهمال ضاف علي عمري عشر سنين كمان
وبقيت بعاني من كذا مشكله امكان غامقه وخصوصا المنطقه الحساسه بقت غامقه
انتفاخ تحت العين ما بيروح ابدا
ورؤوس سوداء وبالذات بالانف
وبشره باهته
ونتيجه الرضاعه صدر مترهل
والصدر الايمن اكبر من الايسر نتيجه اعتمادي الكلي عليه في الرضاعه
انا بجد محتاجه نجدتك انا بشرتي دهنيه جدا جدا جدا
وعندي استفسار لبنت عذاري في ماسك انتي كتبتيه فيه قشطه
بنت عذاري الله يكرمك بجد دايما متقدمه بس عندي سؤال في في مصر قشطه تتباع عند السوبرماركت سايبه تنفع لان معظم الانواع اللي انتي كتبتي عنها مش متوفره كمان في طريقه تانيه ان انا اجيب اللبن السايب من المزرعه قبل البستره والكلام ده واغليه كذا مره واتركه لما يبرد فبتتكون طبقه قشطه كثيفه جدا علي سطحه تنفع استخدمها ولا ماتنفع
كمان شعري بيقع بشده انا عارفه انه ضعف بس انا بعالج الضعف باخذ بانتوجار لكن المشكله عندي بقعه في بدايه شعري وقع منها الشعر تعلبه يعني والدكتور قال دي حاله نفسيه بس انا عايزه الشعر فيها يطلع بسرعه
ربنا يكرمكم بنات ساعدوني
r
حبيبتي ليه اليأس ده كله فيه ايه لكل ده أولا نفسيتك دي هي أهم ما في الموضوع يعني مش لازم خالص تعملي كده في نفسك وصدقيني بجد والله العظيم كل خاجه وليها حل وأنا وبنات المنتدي كلنا في خدمتك أكيد .

بصي حبيبتي أنا من سنك وعندي 25 سنة بس لسه متجوزتش ويعني من سن بعض يعني ممكن اساعدك جدااااااااااااا :
أولا : بالنسبة للشعر أدخلي علي قسم العناية بالشعر وفي تجمع هناك للبنات المصريين أخلي وشوفي المنتجات واللي يناسبك وعموما بنتوجار الكل بيشكر فيه جدا واعملي حمام زيت دايما لشعرك استعملي حمام الكريم تطرية شعرك وممكن تعلي حمام زيت نخاع ده مفيد جدا وقبل ده كله لازم تعملي حاجتين مهمين جدا نفسيتك والتغذية كلي أكل مغذي أشربي لبن كتير كلي سلطة فيها بقدونس وجرجير جزر كلي خضروات علي اد ما تقدري البيض مفيد وطبعا تصبري علشان نتيجة كل حاجة تبان صدقيني دي الاختصار وأهم حاجه وحمام الزيت أفيد الزيوت مثلا ( خروع بيكثر الشعر وهايطلعلك شعر في الاماكن الفاضية ومعهاه جرجير بيقوي الشعر وبيكتره بردوا - زيت سمسم )
ثانيا :
بالنسبة لجسمك اشربي مايه كتير والغذه طبعا هيأثر علي شكل بشرتك لما تتغذي كويس بشرتك هاتكون احسن طبعا وبعدين عندك مثلا مقشر بنت عذاري اعمليه كخطوة بداية لتنطيف جسمك وبعدها رطبي جسمك عندك لوشن فازلين وممكن تجيبي الجليسوليد ومعاه زيت اللوز أو جنين القمح وشوية جلسرين للترطيب في الشتا يعني اللي يريحك أختار نوع بيرفيوم خفيف وحلو تتعطري بيه وانتي أقعده في البيت كده جسمك من جوه نطيف ادام جوزك وريحتك من بره حلوه لجوزك ولنفسك طبعا يعني نطافة من جوه ومن بره وده يديكي احساس بالثقة في نفسك .

وأي اسئلة انا في خدمتك وكلنا اخوات طبعا
ولا تنسيني بالدعاء ولو عجبك ردي قيميني
ح
جزاج الله خير اختي
*
أولا كده اشربي معلقة زيت زيتون معصور عليها شوية ليمون علشان تدي لجسمك الشباب من الداخل
وكمان من أحسن الحاجات اللي بتحافظ على الشباب شرب الخميرة البيرة ولكن مش اللي بتتباع في شكل أقراص لأ اللي بتجيبيها من الفرن ، ولكن خدي بالك انها بتزود الوزن يعني لو مش عايزة تتخني بلاش منها
ودايما دلكي صدرك بزيت زيتون علشان يشده
ونصيحة مني سيبك من البنتوجار والحاجات اللي بتتجاب من الصيدلية دي لإن أكترها ضرر مش نفع لإنها بتأثر على الكلى ودا كلام دكتور قالهولي وبيفهم كمان في الطب النبوي
خليكي في الطبيعي أحسن كلي كل يوم سبع تمرات على الريق والله العظيم الناس لما هتشوفك هتقولك انتي صغرتي ومتخافيش مش بتخن لو كلتيهم بالعدد دا وكمان أحلى حاجه في التمر ان الدكتور عبد الباسط قال ان التمر فيه كل الفيتامينات ما عدا البروتين فقط ، علشان كده يفضل تاخدي معاه شوية لبن من اللي انتي بتجيبيه دا
وعلى فكرة أي قشطه تنفع معاكي في اللي انتي بتسألي عليه
وبالنسبة لتساقط الشعر شوفي موضوعي http://www.3roos.com/forums/t403047.html
وبالنسبة للرؤوس السودة شوفي كمان موضوعي دا http://www.3roos.com/forums/t378101.html
وبالنسبة للتعلبة مفيش أحسن من التوم علشان تقضي عليها ، نفذي التعليمات دي وهتلاقيها اختفت وبأسهل الطرق
هاتي ليفة عاديه وحرشفي بضهرها المكان اللي في التعلبة ( يعني امسحي بحركات دائرية بيها ) وبعدين جيبي فص توم ودقيه بالهون دق بسيط وافركي بيه المكان اللي فيه التعلبة
وسيبيه شوية وتكوني محضرة حنه بأي طريقة وتحطيها على شعرك ، لإن الحنة هي الحاجه الوحيدة اللي بتشيل ريحة البصل والتوم من الشعر
بس كده يا أختي ولا تزعلي ولا حاجه ولو لقيتي أي حاجه من الحاجات دي فادتك إدعيلي كده دعوة حلوة بالتوفيق من عند ربنا شوفتي أنا طماعة الزاي
آ
وبالنسبة للتعلبة مفيش أحسن من التوم علشان تقضي عليها ، نفذي التعليمات دي وهتلاقيها اختفت وبأسهل الطرق
هاتي ليفة عاديه وحرشفي بضهرها المكان اللي في التعلبة ( يعني امسحي بحركات دائرية بيها ) وبعدين جيبي فص توم ودقيه بالهون دق بسيط وافركي بيه المكان اللي فيه التعلبة
وسيبيه شوية وتكوني محضرة حنه بأي طريقة وتحطيها على شعرك ، لإن الحنة هي الحاجه الوحيدة اللي بتشيل ريحة البصل والتوم من الشعر
بس كده يا أختي ولا تزعلي ولا حاجه ولو لقيتي أي حاجه من الحاجات دي فادتك إدعيلي كده دعوة حلوة بالتوفيق من عند ربنا شوفتي أنا طماعة الزاي


انا مع الاخت وبتجربه شخصيه
مفيش زي التوم بيطلع الشعر وبيقضي على الثعلبه
حبيبتي اهتمي بنفسك وبتغذيتك وداومي على قرآة القرآن كل يوم عشان فيها اثر كبير لتهدئة النفس
اللهم اجعل لاختي امة الله من كل هم فرجا ومن كل ضيق مخرجا واكتب لها الخير ورضها به
تقبلي مروري
م
الله يفرج همك وايسر امرك
ح
الله يفرج همج ياأختي
ع
ربنا يفرج همك حبيبتي ويعوضك بكل شي خير
وترجعي حلوة متل اول واكتر
وما شالله عليهم البنات ما قصرو
وان شالله الي عندهم خبره يفيدوكي اكتر واكتر
وانتي حبيبتي خلي عنك الهم وانبسطي بحياتك
والجمال الخارجي انعكاس للنفسيه والجمال الداخلي
وربنا يوفقك يارب وييسر امورك
ويغير الحال بحال احسن يارب
a
مشكورين يا بنات بجد وفيتم وكفيتم وراح اجرب
X