أمهاااات تعالوا بغيتكم شوي !!!ضروري خبراتكم في تخزين ملابس عيالكم

موضوعك حلو أختي بلوسمز... بخصوص الملابس اللي تتبهدل من بقع الأكل خلاص أخليها للتنظيف... أما اللي تكون حالتهم زينة أطلعهم للجمعية عندنا جارتنا ماشاء الله تاخذ كل شي لأنها عضوة بالجمعية وتساعد بهم الفقراء.. اللي كلش غاليين أخشهم بشنطة تحت السرير آقول يمكن أحتاجهم للطفل الثاني بس إذا طلعت بنوتة خلاص باطلع كل شي عندي.... أنا الوحيدة المتزوجة من خواتي فطبعا ماراح أستبدل هالملابس مع عيالهم....بس والله فكرة خل أخليهم لهم للمستقبل بعد ليش أطلعهم...

الألعاب.. كل فترة أسوي جرد عليهم.. المكسور خلاص أطلعة... وإذا في ألعاب كبر عليها ولدي عطيتها حد محتاج.. وإذا من النوع الغالي حطيتهم بالعلب البلاستيكية الكبيرة.. لأني فرزت الأعاب القديمة بعلبة بروحهم واللي يلعب فيهم عبودي الحين بعلبة ثانية... والحمدلله هالعلب والأدراج اللي أخذتهم من هوم سنتر نظموا لي المكان....

موضوع رائع حبيبتي بلوسوم ... وبكون سعيدة اني اشارك فيه

انا كمان تقريبا اعمل مثلكم ..
انا عندي شنطة مخصصاها للملابس التي هي بحالة جيدة .. واللي تكون ما اتلبست الا مرة واحدة ...
علشان بفكر استفيد منها للبيبي اللي جاي ... وكمان في ملابس لها ذكري خاصة مثلا اول لبسه لبسها في حياته ... ولبسه في اول عيد ميلاد له .. وفي السبوع ..

وبعضها اتبرع فيها للشغالة وللجمعيات الخيرية ....

للأسف عندي اخ واحد وعنده بنات توأم ما اقدر اعطيهم ملابس وسام واختي الثانية ما عندها عيال .... واخواني الباقيين مش متزوجين ...

أما الالعاب فكمان اللي تالفة ارميها في القمامة ..واللي بحالة جيدة احتفظ فيها واللي كبر عليها اتبرع فيهم ... بس حقيقة ما عندي مكان للتخزين ..

نفس الشئ ما اختلف عنكم
أتبادل الملابس الزينة مع خواتي وبعضهم أعطيهم أسر محتاجة ، و إذا ما كانت زينة القطنيات أخليهم للتنظيف
بس ملابس ولدي ما في أحد أعطيهم إياه لحد الآن ومتحسفة عليهم
بالنسبة للألعاب بنتي ما شاء الله عليها للحين العابها جديدة خزنتهم لوقت ما تكبر لها، أما ألعاب ولدي فما سلم شئ منهم حتى السيارة والسيكل ما سلموا
تسلمين حبيبتي عالموضوع المميز و يعطيج ألف عافية

مشكورات خواتي على تواجدكم ومشاركتنا خبراتكم

انا بعدي ما صرت ام
بس اعرف شوي بسوالف الجهال
لان عندي اولاد اخوان
و تقريبا 24 ساعة معاي بالبيت
البيت العود يعني
اغراض الجهال
و خاصة الثياب اللي تصغر عليهم
يكون متداول من طفل الى الطفل الاصغر منه
يعني احنا ما نرميهم

تسلميين حبيبتي حلاوة المر على مشاركتك الله يرزقك زوج صالح وتجيبين عيال وتشاركينا

تسلمين اختي بلوسومز على الموضوع المفيد

بالنسبة لملابس و العاب عموري فانا من لبداية اخذت بنصائح البنات من المنتدى و ما اشتريت اشياء غالية يعني كل مشتريات عموري من next او h&m فما انقهر لمن تنتهي صلاحيتهم

الحين بالنسبة للملابس عموري طول السنة و النص ما عندي منهم غير اول لبسة لبسها لمن نولد و اول بدلة بس عشان الذكرى الباقي كله تصرفت فيه كصدقة لاهل العراق (ادري ما يصير اقول بس عشان انتوا ما تعرفوني شخصيا)

و بالنسبة للالعاب ما عندي شي زيادة لان كل العابه من كان صغير لحد الحين ممكن يحب انه يلعب فيها و اللي ينكسر او يخرب على طول بالزبالة

شكرا لك على الطرح الحلو

بحتفظ فيهم حق احفادي ان شاء الله هههههه

ام عمار

ناوية اعقل

مشكورات على تواجدكم ومروركم العطر

موضوعـــك رائــــع وانــا مثل اخــواتي السابقــات في تصنيــف الاغــراض وماحطول عليكي ماحبيــت اطلع من غير مـــاارذ

انا نفس الشي اما نتبادلهم للطفل الاصغر او احتفظ بالبعض والبقية للجمعيات والالعاب القديمة والمكسورة ارميها والبقية احتفظ فيهم بالمخزن على حسب سن الطفل المناسب مثل العاب الاطفال في السنة الاولى احتفظ بهم ووقت الحاجة اطلعهم

مشكورات على تجاوبكم وردودكم الحلوة

موضوع قديم شوي بس مفيد جدا...
أني ولدي على طول أتخلص من الثياب اللي تصغر عليه
بس خزنت بعض الأشياء الغالية شوي حق الطفل الجاي
وممكن ما استفيد منها لو كانت بنت .. فعشان جدي الموضوع شجعني أني أجرد الثياب المحتفظة فيهم من جديد وأعطيهم لأحد ..

أما الألعاب فمشكلة.. أني ولدي من النوع اللي ما ينجذب للألعاب وتغريه الأشياء الحقيقية أكثر.. فالألعاب اللي عندي مو عارفة شلون أتصرف فيهم وهم كلهم جدد وحتى الألعاب الكبيرة مثل السيارات محيريني وأكيد ما أبغي أحتفظ فيهم

يا ريت اللي عندها فكرة عن مكان يستقبل الألعاب في البحرين يدلني؟؟

أحس هالألعاب ماخذين مكان على الفاضي ومحد مستفيد منهم..
ساعدوني بليز

اي والله مثل ماقالت اختي الموضوع قديم بس مفيد مع ان بنتي صغيره بس وااايد شريت لها ثياب وصغروا عليها بس شسوي وين اوديهم ما عندي مكان حتى للتخزين فمعضمهم احطهم للمطبخ مع ان يعورني قلبي عليهم لان اقول اذا بحطهم في اجياس وبحطهم فوق الكبت ولا شي بصير منظرهم مو حلو كلش
فياريت الي عندها طريقة تقول لنا لان انا بعد ما عندي احد اعطية لثياب

موضوعك مفيد جدا ومشكوووووووووره

اخواتي تقدرون تعطونهم للجمعيات الخيرية وهم يصرفونهم للفقراء افضل من انكم ترمونهم

ومشكورات على تواجدكم

أما أنا
فمثل الأمهات الجدد على بنتي الأولى اشتريت كل السوق تقريبا :)

وفي بعض الملابس ما لبستهم

إلا اني حملت على طول
وإلا الملابس كانت في خزان بنتي الثانية شرفت الدنيا ونورت حياتي

وحتى الان انا أشتري للكبيرة وما بأخذ شي للصغيرة لانه عندها كككككككل شي الحمدلله

ولكن رحمتها قلت لذلك اشتريت لها ثلاث اتقم من أوكي دي حتى افرحها وافرح نفسي :)

أما ملابس الصغيرة بعد ما يصغروا عليها اتبرع فيهم عسى نحصل على حسناتهم

الله يخليهم لك ان شاء الله

وشكرا لمرورك الحلو

رابنزول;9794948:

ما شاء الله الموضوع قديم بس مررررة مفيد من تجربتي الملابس الجديدة والنظيفة اخزنها في كراتين

او صناديق بلاستيك ولازم تكون نظيفة لان لو فيها وسخ خفيف ولا انغسلت يمكن ماتروح البقعة بعد

التخزين واحط عليهم استيكر او ورقة مكتوب عليها هذي ملابس لاي عمر مثلا من نيو بورن لسنة

او هذي ملابس صيفية او شتوية وما يحتاج افتح كل المخزن لو كنت بدور شي

ولو تذكرت شي برجع للموضوع

مشكورةبلوسومز مرة ثانية (w)