تجمع خاص بالحوامل البكر ((أول حمل لكِ تفضلي معنا)) الجزاء14

رسالة إلى أم طلال الغالية ....
ياعمري يم طلال
لو اتعرفين البنات بالمنتدى شكثر يحبونج ويحاتونج بكل مواضيعهم جان نسيتي التعب
الله يهون عليج يارب ويعوضج عاجلا غير آجل

آنا بقولج قصة زوجة عمي الله يحفظها يارب ، السنة الماضية جابت بنت ، بس البنت جات على الدنيا مريضة كلش وعندها القلب وتشوهات في أجهزتها داخلية وبلاوي ، الكل قال هالبنت ماراح اتعيش ، بس قلب امها وابوها ماطاوعهم يخلون بنتهم بهالحال ، وفي العجل اتخذوا كل الإجراءات وسفروها الهند ، وتمت البنت على الفحوصات والأجهزة والمراجعات وكل واحد يقوللهم شغله ، لحد ما توفت بعد 5 شهور ، وياصير أمها وأبوها و أهم يشوفون بنتهم تذبل قدام عيونهم يوم بعد يوم ، ورجعوا البحرين والألم يعتصرهم ، خصوصا أن الأم أصلا ماكانت صاحية لما كانت حامل فيها وولدتها بالقيصرية ، ونصحوها الدكاتره أنها ما تحمل مرة ثانية مع أنها توها متزوجة ،،، المهم مرت الأيام وهالسنة هذي احملت ومحد درى عنها أنها حامل لأن صحتها كانت تمنعها تختلط بالناس ،

وقبل يومين بس سمعت عنها انها ولدت بالسلامة ، يعني كانت حامل حتى قبل حملي آنا ، ورحت لها المستشفى أمس وجابت ولد مثل القمر ، أحلى من البنت المريضة أللي ماتت الله يرحمها بوايد ، وقالوا لها الدكاترة أن كل شي مطمن وانهم اثنينهم بخير.

وربي يسبب الأسباب يا أم طلال ، واي شيء يصيدنا يكون فيه حكمه من رب العالمين ، حتى أللي يجهض في بداية الحمل ، يقولون أن الجنين كان مشوه عشان جذيه الأم تجهضه نعمة من رب العالمين ، وحطي في بالج أن الله سبحانه وتعالى أخذ امانتها لأن في هالشئ صلاح لج ولها . وأن الله أكيد بيعوضج بأحسن في القريب العاجل بإذنه تعالى .

ولا تيأسوا من رحمة الله ، إن رحمته وسعت كل شئ.

ومثل ماكتبتلج بالمسج (( وعسى أن تكرهوا شيئًا وهو خير لكم ))

عزيزتي ، اعرف أن كلمات الدنيا كلها لماراح تواسيج ، لكني واثقة من إيمانج الكبير بالله ، ولن أقول لكِ أصلا (( خلي أيمانج بالله قوي )) لأني أعرف مدى أيمانك .

اختك بشاير أللي اتحبج

مس ديور حبيبتي
استانست وايد لما شفت اسمج تقرين الموضوع وماقدرت اطلع من غير ما اطمن عليج وعلى البيبي ؟

طمنيني يالغالية اشلون البيبي للحين بالحضانه؟ وشنو قالولج عنه وأنتي اشلونج واشلون نفسيتج الحين إن شاءالله أحسن ؟؟؟؟

أفا
مس ديور اطلعت من غير ماترد علي :o
إن شاءالله ترجع ثاني

هلا أختي غزالة الفجيرة

اشوف اسم اختي أم طلال منور المكان إن شاءالله اتكون بخير:D

AU1986;8602737:
السلام عليكم
الحمدلله على سلامتك يا أم طلال والله يعوضك ويصبرك

بنات بغيت أسألكم هل طبيعي إن يجيني ألم في بطني مثل ألم الدوره مع العلم إن عديت نصف الشهر الثالث؟؟؟

اليوم كأني قاعده اكلم نفسي
ماعليه اتمنى اتشوفين ردي هذا يا أختي أي يو

البعض يجيه هالنوع من الألم أللي مثل الدورة في بداية الشهور ويمكن يستمر بفترات متقطعة لغاية الشهر الرابع أو الخامس ، بس اطمنج آنا صارللي مثلج وكنت وايد أخاف ، ولما سألت دكتورتي قالت لي عادي الألم أهم شئ مايكون مصاحب لأفرازات بنية أو غامجة ، يعني لازم اتكون الإفرازات بيضه مايله للأخضرار خفيف جدًا ، غير جذي بيكون مؤشر إجهاض والعياذ بالله ولازم اتراجعين المستشفى بسرعة .
اتمنى اكون افدتج .

ام طـلال;8603564:
تسلمين بشاير
ايه اشوف ما شاء الله الكل معاي
تسلمون والله

لا تحاتين يا قلبي كل شي الل صار لي مفاجئ
يعني ما تميت بالطواري كثير الا وهم ناقليني غرفه الولادة
والولادة صارت بسرعه صج تألمت وصار فيها شق
بس المشيمه هم اللي طلعوها
والحمدلله ع كل حال

اهم شي اني بستها ومسحت على راسها الصغيرون
وشفتها تحرك ايدها
احلى لحظه كانت عندي ..

بس الحمدلله ع كل حال .. ربي يعوضني ان شاء الله

هلا حبيبتي أم طلال
أنتي أي مستشفى رحتي ، اخاف بس استعيلوا عليج ؟
بحسب كلامج البنت لما طلعوها كانت عايشه
واشلون ولادوج قيصرية يعني؟ والله البنت كانت قالبه راسها لتحت ؟ مو فاهمه والله
سامحيني ، بس والله مقتهره .

Ms Dior;8603568:
هلا بنات كروشات شخباركم؟

هلا وغلا بمس ديور
طمنينا حبيبتي شصار معاج؟