محتارة بين قلبي ومستقبلي

روح المنى 25-01-2009 25 رد 963 مشاهدة
ر
السلام عليكم ورحمة الله وبركاته
اشلونكم بنات اول مرة اكتب في هالقسم واتمنى انكم اتساعدوووووووووووني لاني محتارة بين قلبي :15:ومستقبلي..
ابي ادخل جامعة خلط واهلي موافقين طيب وين المشكلة (i)المشكلة ان خطيبي مو راضي :mad: رافض الفكرة نهائيا للحين مافي اي رسمي اهلي كلهم يدرون وهو من اهلي بس شوية ظروف ماخلتنا انتزوج المهم مب عارفة شسوي انا حاولت ادخل جامعة مو خلط بس ماربي كاتب ساعدوني اختار من :confused::confused:
B
دخلنا جامعات مختلطة و تخرجنا والحمدلله متمسكات بدينا وعاداتنا وتقاليدنا
الاختلاط ما يعني ان الواحد يتجاوز الخطوط الحمراء

اذا كان واثق فيج ما راح يمانع
كلميه وناقشيه بالعقل و ترى الشهادة سلاح بيدج ، محد يعرف شنو يصير في المستقبل

والله يسهل امورج
ر
مشكورة فديتج انا واثقة من نفسي انا بدخل عشان شي واحد اخذه واطلع ماعلي من غيري بالله كريم
B
روح المنى;8561366:
مشكورة فديتج انا واثقة من نفسي انا بدخل عشان شي واحد اخذه واطلع ماعلي من غيري بالله كريم


حاولي تقنعينه بأمر الدراسة و المفروض يحط ثقته فيج لأنه يعرف تربيتج واخلاقج
والاختلاط في كل مكان .. في الشارع، في الجامعه، في الاسواق ، في المستشفيات ، في السفر ، في الطلعات ، في الوزارات و حتى اشغالنا مختلطه لكن كل واحد يعرف حدودة

الصراحة في عائلتنا الدراسة شيء مقدس وما في تنازل عن الدراسة الجامعيه

مرة ثانية اقنعيه وان شاء الله خير
ر
بحاول لاني المفروض هالكورس اسجل الحين انا بحاول بحاول بحاول وانشالله خير
و
الاختيار صعب

اذا تكلمين خطيبج قولي له اذا منت راضي ادخل الجامعة ..

دور لك وحدة عايشة من الجيل الماضي

وحدة ما تهتم لا تدرس ولا شي

وحدة تقابلك وتخدمك

ترضى اني اكون اقل مستوى تعليمي من غيري


قولي له اذا انت مو راضي ادرس عشان الاختلاط

انت بعد لا تطلع من البيت لان الاسواق المنتزهات والدوام كله اختلاط


قولي له عيش على ارض الواقع


ولا يسمع كلام احد
ر
مشكورة عالرد حبيبتي
أ
حببتي
دام انه من ريلج
وبعدج ما ملجتي
حتى لو كل اهلج يدرون انكم لبعض
ماعليج منه

دشي جامعتج وشوفي مستقبلج
ويوم يدق باب بيتكم
ويطلب من هلج رسمي ( ملجه )
وقتها لكل حادث حديث

وربج العالم بنصيبج
توكلي على ربج وصلي استخاره ولو ارتحتي دشي
وهذي نصيحتي لج

بس اياج انج تجرحينه بالكلام
فهميه باسلوبج الخاص
مو تعطينه الكلام كاش ويزعل وتتوهقين هههههههههههههه
s
تفاهمي معاه بالهدوء وبالكلام الحلو و ان هذا مستقبلك

وخبريه انه بعدين اذا شاف شي غلط منك يصير كلام ثاني

اهم شي كلميه بااسلوب كوووويس صدقيني اما اذا تكلمتي

بااسلوب مو كويس راح يزيد يعند معاكي وربنا يوفقك
ق
خطيبج ؟؟ يعني مالج علييج ؟

اذا اي يعتبر ريلج تفاهمي معاه بهداااوه واذا مافي اذنه مااي لاااازم تسمعين كلاامه

واذا خطبة اهل وللحين ماملج علييج يعني فقط كلاام اهل .. ماعليج منه سوي اللي تبينه لانج

ماصرتي على ذمته وللحين على ذمة اهلج .. وبالتوفيـق
ب



اختي لو كان مالك عليك يعني زوجم له الحق

ان يرفض

لكن لو كانت خطوبة فقط بالكلام

لا يحق له وانت حاولي تقنعيه

والله يكتب لك لي فيه الخير






ر
تسلمون حبايبي ريحتوني وااايد:)
انا اللى اسويه صح مب غلط اهم شي ابوي راضي اذا هو موراضي كيفه لايرضى
تفاهمت معاه وقال لي كلام ماينقال والله جرحني:16: قلبي يتقطع يوم يقط الكلام علي متربي معاه وعارفني الله يسامحه فيني الصيح :confused::confused::confused:
ف
خيريه بين امرين انه تدخلي هذه الجامعه او يجي يخطبك ويملك عليك اما انه تطيري عصفور عشان عشره في الشجره مااااايصير شوفي ايش لون تتصرفين كلميه بالهداوه مو تدفشين الكلام في وجهه
د
استخيري حبيبتي

واذا ملكتي يقدر يمنعك

انت ادعي ربك تدخلي جامعه مو مختلطه

وربي يوفقك
ع
زوج المستقبل على العين والرأس
لكن الشهـــــــــــادة سلاحج بهالزمان اللي يخوووف
ع
والله ذكرتيني بالبيت اللي يقول:

يا شينها لا جت بين اختيارين .... مستقبلك والا حبيب توده

والله ما ادري يا اختي خلي احد من كبار العايلة يتدخل بالموضوع ويقنعه
ق
الله يسهلك الصالح
b
حبيبتي نصيحة مني مستقبلك قبل اي شيء
اذا انتي قدرتي تقنيعيه ف بها و اذا لاء و لا يهمك منه لانه بصراحة و ما تزعليش مني ما في شىء مضمون في حالحياة و ما ينفعك الا اللى بنيتيه بجهدك
و بعدين انا درست لمدة 4 سنوات بعيدة عن اهلي و ساكنة بايجار مع بنات و لله الحمد ما صار شىء خلاني اندم و لا زعل اهلي مني و كانت احلى سنوات ماتستاهل انك ضيعيها من اجل اي انسان
و انا بقولك الكلام هذا عن تجربة
&
بصي يا حبيبه قلبي
اهم حاجه مستقبلك طبعا ومفيش اي مشكله او مانع انك تختلطي زي ما البنات قالوا ان الاختلاط في كل مكان ,......ربنا خلقنا كلنا في دنيا واحده !!
ولا هو ناوووي يحبسك ويداريكي عن الناس كلها ؟

وحاولي تفهميه بالراحه وبهدوء ان مستقبلك مهم وانك مش هتتنازلي عنه ...........
وقوليله ان معاملتك هتبقي في حدود الادب والاحترام وده مش هيقلل منك في حاجه .........
وطالما اهلك موافقين يبقي خلاااص لانه مش هيخاف عليكي اكتر من اهلك ولا ايه .........؟

ده رأيي الخاص اني بجد ان شهاده البنت اهم من كل حاجه حتي لو كان الحب !!!!!!!!!!!
ا
ما بتنفعك غير الشهااده

لو لا سمح الله صار بينكم شي في المستقبل وانفصلتوا...!! الله لا يقولهاا

و بعدين بترجعي بيت اهلك... وتخيلي ما عندك شهااده

معناها ما في مستقبل...!!

الدراسه اولى حبيبتي

وانت الف رجاال يتمنااك :)

اذا راح واحد في احسن منه الف
X