شعر الوجه

أماسي الجوف 25-01-2009 23 رد 5,081 مشاهدة
أ
السلام عليكم ياعرايس
كيفكم؟
حبيباتي أنا بشيل شعر وجهي لأول مره بس ساعدوني بإيش أشيله بحلاوه والا بشمع والا بالخيط والا بشنو؟
وبعد ماأشيله شنو أحط على وجهي علشان مايحسس ولا يطلع حبوب؟
لأني مره شلت الشنب بشمع وطلع حبوب صغيره بيضاء أسبوع ماراحت وانا خايفه يطلع في وجهي حبوب
ساعدوني وأكون لكم شاكره
[
هـــــــلا أختي ..

أحسن تسوين بالخيط لأنه مايسبب حبوب أو يرهل الوجة مثل الحلاوة
ومدري والله وش أفضل شي تسوينه بعد النزع
طيب جربي كريم مرطب غير معطر أظني زين
وابتعدي عن كريم فيــر آنــــد ليفلي لانه يطول شعر الوجة ويزيدة
بالتوفيق لك أختي

..ماعندي فكرة ثانية بصراحة
أ
شكراً حبيبتي
ن
الخيط أفضل شي
وعلشان الحبوب اهو مو شرط تطلع حبوب
يعني حتى المتعودين على الخيط مرة تطلع لهم حبوب ومرة لأ

أنا أذكر في كان موضوع عن طريقة لمنع الحبوب بعد الحف
بس مو ذاكرته
أدور عليه وأشوف ان لقيته
آ
اعذريني ماعندي إجابه انا دخلت حابه أستفيد لأني أفكر بنفس سؤالك وخايفه بصراحه أشيل وجهي
ناس قالوا لي التشقير أسهل ,,,ومااعرف
ياليت باقي البنات يفيدونا
ن
لقيته ،،، هو استخدام مرهم فوسيدين هو مضاد حيوي
fucidin
وبخط صغير تحته مكتوب antibiotic يعني مضاد حيوي




وفي نوعين واحد لونه أبيض مع خط برتقالي
والثاني بخط أحمر ،، والمقصود الأكثر استعمالاً اللي بالخط البرتقالي

و للمعلومة ترى في نفس المرهم لكن صناعة سعودية
وفي صناعة اماراتية بعد

يعني ممكن يقولك انه نفس المرهم بس محلي الصنع
هو اسمه العلمي
sodium fusidate
يصرفونه في المراكز الصحية الحكومية مجاني
و أنا تأكدت انه نفس المرهم بالضبط لأن كانت عندي علبة
من الصيدلية شاريتها
وكنت رايحة للمركز الصحي وعطوني مرهم فوسيدين
لكن شكل العلبة و الأسم الكبير مختلف شوي
لكن الاسم الصغير الطبي هو نفسه
قارنت المكونات هو نفسه نفسه حتى بنسبة التركيز
مايفرق أبد

استخدميه قبل الحف بيوم وبعد الحف على طول
ويومين أ وثلاث بعد الحف على مرة وحدة باليوم بس
[
التشقير اختي مايفيد يزيد بالعكس من الشعر
ا
وعليكم السلام
هلا أختي بالنسبه لمشكلتك إذا المادهـ تسمح عندك شيليه بالليزر اضمن وأفضل بكثير
والله انا الحين ماشاء الله ماعاد اشيل هم الشعر بوجهي
وإذا ماتقدرين افضل الشمع او الفتلهـ
الحلاوه ابتعدي عنها ترهل الوجهـ وبالنسبه بعد ماتشلين غسلي وجهك
بماي الورد البارد مره أو مرري عليه قطع ماي ورد مثلجه وحطي
الكريم اللي حطته الله يعافيها الاخت نارنج مرررره ممتاز
الصراحه ماستغني عنهـ بعد ماشيل وجهي بالليزر حتى الدكتوره واصفته لي
وموفقه يآآرب
=)
ا
لا حبيبتي انا من سنة كنت اشقر ويهيي و كان يطلع شعر على ويهيي شعر وااااااااااااااااااااااايد
و بطلت التشقير
عقب حفيت ويهيي بالخيط والله وايد ارحم عن الشمع لان سمعت انه يرهل الويه و هاللي لاحظته ف ربيعتي و يها ترهل مب مشدود
و انا الحين احف بالخيط و الحمدلله مرتاحة وايد و عقب الحف سوي لج بخاخ فيه ماي الورد
و قبل ما ترقدين افركي ليمون على وجهج و خليه 10 دقايق لين ما ينشف عقب غسليه .. هالطريقة تخفف نمو الشعر
و انن شاء الله افدتج
$
نصيحه جربت الليزر ترى لليزر أحسن شيء ..
والله يخف وتفتكين ...
أ
يعطيكم العافيه ياحبيباتي لاعدمتكم
بس بجد محتااااااااااااره
ن
انزين حطتيو لنه الكريم بس ماقلتو لنه شنو فايدته يشيل الحبوب بعد الحف ولا شسالفه لان انا بعد صارلي سنين اشقر ولاحظت انه يزيد ابي اشيله احس بويهي ماكو شعر ؟؟؟؟؟؟؟؟؟؟؟
ش
تسلمووووووووووووووووووووون افدتوني والله
ن
نوورة2;8620650:
انزين حطتيو لنه الكريم بس ماقلتو لنه شنو فايدته يشيل الحبوب بعد الحف ولا شسالفه لان انا بعد صارلي سنين اشقر ولاحظت انه يزيد ابي اشيله احس بويهي ماكو شعر ؟؟؟؟؟؟؟؟؟؟؟


نعم له فائدة لمنع ظهور الحبوب بعد الحف
لأنه مضاد حيوي موضعي للجلد
ضد البكتيريا والفطريات



ا
شوفي موضوعي

http://www.3roos.com/forums/t416521.html
آ
كم يكلف الليزر؟
د
السلام عليكم
مشكورات على هذه المعلومات بس عندي سؤال
هل المنتاف مفيد للأزالة الشعر؟ لأن أستخدمة لكن الشعر ينمو بعد أسبوع وأيام
وأعاني من الشعر في الذقن
ش
.. مشكـورات افدتونـأ ..
e
الخيط اسلم ياقمر
ح
أفضل شئ الخيط
X