بصراحة تفكيركم غريب !!!

والله يااخ عبدالله استانسنا انك شاركنتا بس هاي الكلام دوم نسمعها من الريال قبل الزواج اما بعد الزواج احس ان الحرمه دوم تركض ورى الريال تتزين له وتتكشخ وكلام رومانسيه وهو ملا هني واخير شي بدال ماايبادل هذا الكلام لزوجته اتشوف ايغزل وايصفف ها الكلام ويوم تسالهم ايقولون من الحرمه القصور واذا الحرمه طول عمرها محرومه شو اتسيو شو هالانيانيه لاتقول اذا الريال ماحصل في بيته ايدور مكان ثاني لانه يوم دور دورووحده خسفه ماتتشاهد وانسانه مب محترمه
:pain:

كلامكم كله معقول وحلو
لكن انا عندي ملاحظة صغيرة أو سؤال

ليش في بداية الزواج يكون الزوج والزوجة ميتين على بعض ، وازوج يقول : انت الانسانة اللي أدورها من زمان وانت ضلعي اللي كنت فاقده ، وما تمر كم سنه حتى يملون تدريجياً ويستوي كل شي عندهم عادي ، حتى كلمة حبيبي أو حياتي تستوي عادية سواء انقالت ولا ما انقالت
مرة طلعت السوق مع صديقتي ( اللي صايرلها 8 سنين متزوجة) وعجبتني بدلة حلوة قلتلها: اشتريها ولبسيها لزوجج، ابتسمت وقالت : خلاص الحين ، واذا لبستها بيقولي شو انت مراهقة!! . تدرون وايد زعلت وقلت في نفسي : يعني بالزواج أو بدونه الحياة جي مالها طعم :(

اشكركم جزيل الشكر على مشاركتكم الجميلة واحترم رأي كل وحدة فيكم ، لكن احب اعلق على كلام الاخت S2S2S2 و .. bint _jumera ، احب اقول بس ان الواحد مايسبق الاحداث دائما ويناظر بهموم الناس ويقول انا راح اصير مثل كذا ، او يشوف الشئ الدارج بحياة الناس ويقول راح اصير مثله ، انا شخصيا اعرف ازواج كبار في السن (يعني شياب وعجز ) ومتزوجين صار لهم يمكن 40 سنة ، او 30 سنة ، او 20 سنة ...والى الان يقولها يابعد عمري اعملي كذا وحياتي سوي كذا ...واعرف اللي اذا اتصلت زوجته (وهو ماصار له سنة بس متزوج) قام يصارخ قالها هاه وش تبين يامزعجة ؟؟؟؟؟؟ ...الانسان اللي قلبه كبير (مثلي مثلا !) راح يحافظ على زوجته كمثل الحارس اللي يحرس تاج ملكته ...واتمنى لكل انسان وانسانة التوفيق في حياتهما الزوجية والسعادة الدائمة ...ودمتم .

المخلص :
عبدالله ،

(u) السلام عليكم

مشكور اخ عبد الله على الموضوع الحلو ، وانا من راي انه يجب على المرأة انها تعرف زوجها من اي نوعيه هو وكيف بيفكر وايش بيحب وايش بيكره ، فعلى سبيل المثال ، زوج اختى ما بيحب المكياج وبيشوف انه الجمال الطبيعي احلي ، لذلك اختى ما بتحط مكياج اطلاقا على وجهها عشان ترضي زوجها ، اما انا زوجي بيحب اللبس والمكياج وعشان كدة انا دايما بكون متزينة في بيتي وبعدين لازم كل يوم اغير من شكلي ولبسي وافاجاه بمظهري الجديد ، والحمد لله انا زوجي ما بيحب يسهر برة البيت ، مع انه يعشق السهر ولكن في البيت ومعي انا ، وبضطر اني اسهر معه كل يوم ، يمكن لغاية الساعة 3 الفجر مع انه عندي وظيفة ولازم اصحى 6:30 الصبح ولكن بقول مش مشكلة ، المهم اني احقق لزوجي رغباته ، لاني لما اقوله تعابة وبدي انام يزعل ويترجى فيا اني اسهر معه ، فبضطر اني ما اخذله
فالى زوجها بيحب السهر برة البيت ، تشوف ايش الي بيجذبه للسهر برة البيت وتعمله اياه وتوفره الجو الي بيحبه هو في البيت مش الي سمعت عنه من اي حد ، ففي ازواج بيحبو الجو الهادئ وازواج بيحبو الجو الصاخب وكل واحدة تقدر تعرف ميول زوجها والاشياء الى بيحبها

وكثير من الزوجات بتقول انها مش مقصرة مع زوجها وهذا من وجهة نظرها هي ، لكن يمكن من وجهة نظر الزوج انها مقصرة ، لانه في اشياء هي ما بتعملها ومش داريةاو بتعملها وزوجها مش عاجباه وهي مش عارفة

** يعني مثلا كثير من الزوجات بتلبس لزوجها وتتزين كما تقول ولكنها لاتهتم انها تجلس مع زوجها وتناقشه بامور عمله وحياتهم ومستقبلهم
فعن نفسي لازم اجلس مع زوجي اكلمه عن عملي وافكاري واسأله عن شغله ومشاكل عمله واشاركه في آراءه
فنصيحة لكل زوجة قبل ما اطبقي اي وصفة لاسعاد زوجك ، شوفي اول ميول زوجك واهتماماته وشوفي اذا كانت بتتوافق معاه اولا

** آسفة اذا طولت عليكم

مع تحياتي للجميع

شكرا على المشاركة ، واحترم وجهة نظرك ، والله يوفقك بحياتك الزوجية .

المخلص :
عبدالله ،