ممكن افضفض لكم ...؟؟!

tamarah;8550510:
بكره بتتعودي حبيبتي لا تحمليها زياده انتي كتير حساسه ....
احكي كل يوم مع اهلك واطمني عليهم وزوريهم كل نهاية اسبوع وبكره بتتأقلمي ربي يوفقك

هلا حبيبتي انا احكيهم كل يوم .. بس ما اقدر ازورهم كل نهاية أسبوع مرة صعبة و بعيد حيل :( بس يالله الحمدلله على كل حال .. ان شاء الله ما بقى شي بتجي الاجازة و بروح لهم:15::15:

عسى ربي ما يحرمك من غاااااااالي .. مشكورة يا قلبي..

ربى يصبرك وهذا احساس طبيعى مع مرور الوقت هتقألمى وتنسى

مشكووورة حبيبتي على ردك :)

أختي طبيه اسنان.. ربي يسهل عليج ويوفقج ....

انتي بنفس ديره اهلج يعني المسألة جداااااااا سهله ومعاج زوجج وناسج يعني لا تعقدين الامور ولا تخلين الشيطان يلعب براسج ويوسوسج لج واهلج دايما قولي ما فيهم إلا كل الخير شوفي انا بديره اجنيه وبعيده عن اهلي وفوقها ما وياي ولا وحده من ديرتي وياما تحملت الصعوبات والدراسه وتحديت كل شي.. تمر الايام وتمر مناسبات اعياد وشهر رمضان ما احس فيها ابد لكن صابره مو بس عشان مستقبلي عشان اهلي ولا اخلي احد يقول راحت درست ورجعت بدون شهاده فأنتي قوي نفسج بالصبر والايمان وتحدي كل شي وربي يسهل عليج... وبعد انا دراستي قريبه لدراستج ( طب عام ) واي مساعده حاضرين للحلوين ومايردج إلا لسانج :D... ولا تنسيني من الدعاء انا في فترة امتحانات حاليا:ss:

هلا بالدكتورة .. يا عمررررررري الله يعينك و يسهل عليك دراستك و نشوفك دكتورة قد الدنيا ..(a)
الحمدلله على كل حال .. انا مرات احس نفسي حساسة بزيادة :o زي الحين لما قريت ردك .. ما شاء الله تبارك الله خليك قووووووووية .. و ان شاء الله ما ترجعين لاهلك إلا رافعه راسك بشهادتك ورافعه راس اهلك .. تعرفين انا اول سنوات دراستي كنت بروحي بسكن بنات لانه اهلي بالخبر - و ما في تخصص طب اسنان- بس الحمدلله جا نصيبي بالرياض من واحد حيل مشجعني بدراستي و الحمدلله حياتي ان شاء الله اسهل و احلى .. بس تعرفين اول اشهر زواج وعلى طول دراسة و امتحانات و للحين مو عارفة اضبط وضعي .. بس ان شاء الله ربي يسهلها و يسعدنا كلنا و يحقق كل أمنياتنا يااااااااارب يا كرييييييييييييييم (f)(f)
مشكورة يا عمري على ردك إلي يرفع المعنويات و كله ذووووووووق يا ذوووووق:15:

دار الغربه;8554642:
أختي طبيه اسنان.. ربي يسهل عليج ويوفقج ....

انتي بنفس ديره اهلج يعني المسألة جداااااااا سهله ومعاج زوجج وناسج يعني لا تعقدين الامور ولا تخلين الشيطان يلعب براسج ويوسوسج لج واهلج دايما قولي ما فيهم إلا كل الخير شوفي انا بديره اجنيه وبعيده عن اهلي وفوقها ما وياي ولا وحده من ديرتي وياما تحملت الصعوبات والدراسه وتحديت كل شي.. تمر الايام وتمر مناسبات اعياد وشهر رمضان ما احس فيها ابد لكن صابره مو بس عشان مستقبلي عشان اهلي ولا اخلي احد يقول راحت درست ورجعت بدون شهاده فأنتي قوي نفسج بالصبر والايمان وتحدي كل شي وربي يسهل عليج... وبعد انا دراستي قريبه لدراستج ( طب عام ) واي مساعده حاضرين للحلوين ومايردج إلا لسانج :D... ولا تنسيني من الدعاء انا في فترة امتحانات حاليا:ss:

يســـلمو حبيبتي على الرد وإن شاء الله كل شي بالهدوء راح يضبط وربي يسعدج ويسهل لج ومع الايام طمنيني عليج ونسمع الاخبار الحلوة...

يا حبيبت قلبي هدا شعور عادي بعدين بتتعودي صدقيني ازا زوجك كويس
حرام تعملي بحالك هيك
عيشي اللحظات الحلوة لا تضيعيها بالبكا
الله يوفقك يا احلا دكتورة

حبيبتي لا تخوفين انا ان شاء الله راح اتزوج بعد 5شهر و رايحة لبلد ثاني مو بلدي
انتي في نفس البلد و صاير فيك هيك سو انا شقول؟

دار الغربه;8578774:
يســـلمو حبيبتي على الرد وإن شاء الله كل شي بالهدوء راح يضبط وربي يسعدج ويسهل لج ومع الايام طمنيني عليج ونسمع الاخبار الحلوة...

حبيبتي انتي ..عسى ربي يسهل عليك كل امورك و يوفقك بدراستك يا قلبي..:)

H4_5STARS;8595099:
يا حبيبت قلبي هدا شعور عادي بعدين بتتعودي صدقيني ازا زوجك كويس
حرام تعملي بحالك هيك
عيشي اللحظات الحلوة لا تضيعيها بالبكا
الله يوفقك يا احلا دكتورة

مشكووورة حبيبتي على ردك .. ان شاء الله شوي شوي و بتعود :o
ربي يسعدك و يسهل أمورك ..

bintmami;8596099:
حبيبتي لا تخوفين انا ان شاء الله راح اتزوج بعد 5شهر و رايحة لبلد ثاني مو بلدي
انتي في نفس البلد و صاير فيك هيك سو انا شقول؟

لا ان شاء الله بيكون وضعك أحسن .. بس انا شوي حساسة زيادة عن اللزوم :o

عسى ربي يسعدك و يوفقك و يهنيك .. (f)

ياعمري انتي ..

اجل انا وش اقول ..

تزوجت وبعد اسبوعين سافرت لـ بريطانيآ زوجي يدرس هناك ..

يعني مسافهـ بعيدهـ مرهـ ..ومو اي وقت اقدر اروح ..

لي الحين تقريبآ ثلاث او اربع شهور ..

من يوم جيت وانا احاول اصبر ولا ابين انو ضايق صدري ..

بس مع الوقت ماقدرت صعبهـ .. فجأه اكون بعيدهـ عن اهلي ..

صرت كل يوم ابكي احيانا مايعرف زوجي واحيانا ماتحمل وانفجر قدامه وابكي ..

مرهـ احس اني معذبته معاي .. اضيق صدرهـ معاي ..وهو مو مقصر معاي ..يحس انه مقصر ..او انه هو سبب

ضيقتي ..

غير كذا تعبت مرهـ ..وكنت اتصل على امي ابكي .. انا مابي اضيق صدرها ..اكلمها عادي بعدين اول

ماتقول اخبارك ..خفيتي ..وانا اكون تعبانه مره .. ابكي ..

احيانا افكر ارجع ..واحيانا اتعوذ من ابليس ..

ادري طولت عليك .. بدال مااواسيك .. اشكي همي ..يمكن يحفف همك ..

الله يوفقنآ وبرجعنآ لااهلنآ سالمين ورافعين روسهم فوق يآرب ...

حبيبتي والله بالضبط مثل حالتي ... بس الحمدلله على كل حال ..

عسى ربي يرجعنا لاهلنا سالمين غانمين .. و يخلي لنا ازواجنا يارب :):)

الله يكون في عونج حبوبه

ويفرح قلبج ان شاء الله

مشكووورة حبيبتي ما قصرتي .. و يفرح قلب الجميع :)

حلم و أمل .. حبيبتي نفس الحالة ..
عسى ربي يجمعنا فيهم قرررريب .. و يخلي لنا أهلنا ..

اشكرك على مرورك ..:)

احمدي ربك ليل ونهاار

حنا بدياار بعيده

الله يردنا
ويحفظ اهاليناا ويجمعنا فيهم

ربي يرجعكم لاهاليكم سالمين غانمين ..

مشكووورة حبيبتي :)

لي عايشة بدولة عربية انا ما اعتبرها غربة لانها عايشة ببلد اسلامي على الاقل العادات و التقاليد تتقارب ، و انتي يا حبيبتي عايشة بنفس دريتج و هذا احساسج ؟ لازم تحمدي الله و تشكريه الف مرة على الاقل حتى لو صار شي بعد الشر على اهلج تقدرين تروحين لهم باي وقت لا تدورين تذاكر و لا شي ، و ذا صار و حملتي و ولدتي امج تجي عندج او انتي تروحين لها و تعتني فيج ، مو مثل لي بالدول الغربية كل واحد صاك باب بيته على نفسه الواحد يمرض و لاحد يدري عنه ، تولدين هم ما حد يدري عنج ،لا ام و لا اب و لا اخ او اخت و لا حتى جيران عرب ، مرة ابني مرض و لازم انام وياه بالمستشفى و عندي بنت عمرها تقريبا 4 سنوات و زوجي يشتغل بالليل اضطريت انام بالمستشفى ويا ولدي و بنتي هم لانه مافي احد يساعدني و كان رمضان و الله ان فطوري كان سندويتشة من برغر كينغ كان فطور و عشا و سحور ليش عشان ماكو احد يسوي لي فطور بالبيت و يجيب لي اياه و حتى المحلات العربية ماكو بمدينتى و فوق هذا تعب النفسية ولدي مريض و بنتي وياي ما اعرف شسوي اشيل الولد و لا اسكت البنت هذا موقف من المواقف بس عشان تشوفين المغتربات شلون عايشين و صابرين اما ايام الاعياد فالله لا يوريكي عيد اسلامي فلبد غربي ، حبيبتي و الله انتي بنعمة اشكري ربك عليها مليووووون مرة و لازم تتحملين و تتأقلمين مع الوضع
حبيبتي