تخفيضات مجمع سترة ابتدت بنات البحرين

أم عبادي القمر

لا خيو مو في المجمع في خيام في المنطقة الصناعية والأسعار محددة كل عدد معين بسعر ، ويقتصر المعرض " بالنسبة لأمس ع الثياب " واغلبها مثل ما قلت من ماكس وسبلاش

أنثى

أمممممممممم بالنسبة لأمس وقت اللي رحت ما كان في شيء للبيبيات وما لفتني شيء ع مقاس السيد الصغير ... في الخيمة الأولى وكانت زحمممممممممممممة من الهنود وفوضى والبضاعة على بعض ما شفت شيء من مذركير أو بوسيني للصغار كل شيء من ماكس وأغلبه من الموجود حاليا فعلا " وكثير منه مع عرض القطعتين يكون في المحل أرخص وأفضل " يعني لازم شوية تدقيق " أنا أخذت لحمادة 5 قطع بعشرة دينار عن العين والخاطر ما طاوعني قلبي اطلع بدون شيء له " بنطلون + 2 قميص + 2 تيشرت " إن شاء الله إذا قدرت بحطهم هني " بالنسبة للكبار ممكن تكون في بضاعة تسوى بس هم أغلبها من ماكس ، هذا في الخيمة الأولى الثانية للكبار وكانت هادئة جدا ومرتبة وما في شي ع الارض أو في كوارتين والعرض هني 3 قطع بعشرة 5 بــ 15 دينار وأغلبها من سبلاش ... وعن نفسي أشوف أن في أشياء تسوى واخذت عن اقتناع تام بعكس الخيمة الأولى " بنطلونين وقميص وجاكيت جينز بيج لزوجي وبنطلون لي "

بس يمكن الأيام الثانية ينزلون بضاعة من محلات أكثر ومتنوعة وأحسن هم ساعات يسوون هالحركات يعني هذا كان تقرير 23 /1 بس لووول

مشكورهخيووو

أخيراً نام عصفوري وقدرت أصور .... هذي الخمس قطع اللي أخذتها أمس

5 بــ 10 يعني القطعة بـــ 2 د.ب

2 د.ب + ماكس = أسعار قريبة جداً من أسعاره المعتادة مو في موسم التخفيضات

وطبعاً حالياً في تخفيضات في ماكس + عرض القطعتين وقطعتين مجاناً

يعني ؟؟؟؟!!!

حاسبوا حا سبوا وأنتم تشترون خصوصاً إذا كان طبعكم مثل طبعي عادي عندي أحرق فلوسي ولا أحس أن مقصوص عليي فيها حتى لو كنت مقتنعة في السعر ... ينقص عليي بمزاجي أوك لكن غير لا

عموماً هذي كانت وجهة نظري الخاصة وكل واحد حر ... وعن نفسي شايفة مثل ما قلت في بضاعة وخصوصا للكبار تستاهل وأتوقع ينزلون أشياء غير ومن محلات ثانية الأيام الجاية

وهذي مشترياتي من الخيمة الثانية

5 قطع بـــ 15 دينار = القطعة بـــ 3 دينار







وأخيراً اخذته كمالة عدد بس حبيته بعدين جدا لان جينزه خفيف وبارد مناسب للصيف

ماشاء الله الثياب حلوين
وااحسة يستاهلون
يتهنى فيهم:)
بس بنتظر بعد كم يوم
يمكن ينزلون اشياء ثانية مثل ماقلتين
وموقع الخيام يصير وراء المجمع ولا اشللون.؟

مشكورة على هذه المعلومات، ننتظر المعاش وطيران المجمع

ننتظر الرااااااااااااتب

يعني بشوفكم هناك ههههههه

يسلموووو على الخبريه بس الناس كلها على المعرض الحين وليش ما ادري ؟؟!!

احس ان التخفيضات اللي برا افضل بوايد من اسعار المعرض !!!

والله وش رايكم ؟؟؟؟

مشكوووووورة ع الخبريه الحلووووة

وين يصير موقع الخيمة بالضبط

ملكة الصمت;8559719:
وين يصير موقع الخيمة بالضبط

ما أعرف أوصف بس هو في الشارع المؤدي للمجمع في لافتات تفصيلية لحد مكان الخيمة

ملكة الصمت
بيكون موقعهم ورى مجموعة الوردي بالمنطقة الصناعية

شكرا رقم ، و بالعافية عليكم المشتريات .. !


شكلي بروحه اطالع بس :) عن الملل خخخ !

للحين هالتخفيضات لو خلصت؟؟

ومن متى لمتى؟؟

يعني العصر لو رحنا نتفرج بس بنشوف شي؟

ملوكة اي الظاهر مو مثل اللعام
كانت فعلا تخفيضات جنونية
شافوا الناس اللعام استانست بالبضايع العدلة وكلها ببلاش
قالت هالسنة مافي ههههههه
يلا ان شاء الله السنة الجاية يكون عدل

بنات لو يصير معكم شئ كذا خبرونا عاد

السلام عليكم أخواتي

أنا كنت في البحرين من يوم الخميس وضليت للسبت، مرينا بعد صلاة المغرب على مارينا عشان أدخل ماكس ومذركير، بس ماكس ما في عنده عرض قطعتين والثانية مجاناً مثل ما قالوا البنات، والا بس في مجمع سترة:ss:؟؟ لأن التخفيضات عندنا في السعودية تصير موحدة في كل الفروع.

أم هادي 10;10484442:
السلام عليكم أخواتي

أنا كنت في البحرين من يوم الخميس وضليت للسبت، مرينا بعد صلاة المغرب على مارينا عشان أدخل ماكس ومذركير، بس ماكس ما في عنده عرض قطعتين والثانية مجاناً مثل ما قالوا البنات، والا بس في مجمع سترة:ss:؟؟ لأن التخفيضات عندنا في السعودية تصير موحدة في كل الفروع.

تشرفت البحرين بجيتكم خيو بس ماكس حالياً ما عنده عروض أو تخفيضات ولا في فرع من فروعه وإذا يسوي عروض يسويها في كل الفروع عندنا وعندكم نفس الشيء وفي وقت مقارب

الموضوع قديم من 9 شهور تقريباً

اي خيمة تقصدون ووين موقعها بالضبط لاني ماعرفت ولي متى التخفيض؟؟؟