هاي أول موضوع لي بقسمكم.. مع أني متابعة لمواضيعكم من بعيد لبعيد :)
هاي الموضوع عن لبسي و شعري و مكياجي بعرس أخوي..
أتمنى الموضوع يعجبكم...
أول شي بحط لكم الشكل النهائي ..
الصورة من رسمي و الموديل من تصميمي و بعض الاضافات من عند المصمم
الموديل شفته من زمان في مجلة بس غيرت فيه و رسمت الموديل للمصمم..
نجي للتفاصيل..
الجزء اللي تحت قماشته شيفون حريري لونيي وردي و أصفر
و القطعة اللي فوق من محل يبيع قطع بتطريز هندي مطرزة باليد
و الفستان معاه كم منفصل ليد وحدة مثل ما واضح بالصورة من نفس القماش الوردي مل الشيفون.. و نفس التطريز اللي على القطعة العلوية
و الخرز على الصدر و الأكتاف متصلة بالفستان بلونين الوردي و الذهبي..
هاي صورة الفستان على الطبيعة
الصورة ظالمة الفستان هو وايد أحلى من جي
هاي صورة للتطريز اللي على الفستان
و هاي تصوير مقرب للخرز اللي على الصدر و الأكتاف
نجي للاكسسوارات
ما لبست عقد لأن الفستان فيه حركة الخرز على الصدر
لبست هالحلق
لبست هالأساور الهندية بالذهبي و الوردي
صورة ثانية عشان الحركة اللي مع الأساور
التسريحة مثل اللي بالصورة ..
الشعر يكون ملموم مثل ذيل الحصان بس الشعر كيرلي من تحت و التاج على المنطقة اللي ملموم فيها الشعر..
لبست هالتاج في شعري
هاي الحذاء اللي لبسته من ناين ويست .. عندي من فترة
حطيت من هالمناكير اللي نفس لون الفستان من سيفورا
هذا رسمة بألوان المكياج و التسريحة...
طبعا على الطبيعة المكياج وايد أحلى بس ما أقدر أحط صورة المكياج الأصلية
حطيت من عطر أمواج اللي بالعلبة هذي و دهن العود الكمبودي اللي موجود في نفس العلبة بعد ما تبخرت..
انطلقنا للعرس..
الحمد لله العرس كان حلو .. و الكل انبسط ..
أتمنى الموضوع يعجبكم و يكون خفيف عليكم ..
الموضوع من مجهودي و تصويري و احراجي .. >>> حشى مسلسل !!!
يا ريت اللي تبي تنقله تذكر اسمي و منتدى عروس ..
و سلامتكم :)