زوجي يخوني بالنت

مرحبا اختي ..

غاليتي مثل ما قالو لك الاخوات لايجوز الدعاء على الزووج .. ولكن ادعي له بالهدايه ..

بما انك اكتشتفيه ..وهو انكر ..معناه حتى لو واجهتيه راح يمارس طقوسه خارج البيت وبدل ما تشوفين شسوي بالبيت بتشوفينه 24 برع البيت .. اختي الغاليه اسمحي اقولج اكبر خطأ لمن الحرمه تتزوج وهي تدرس ولا بعد تشتغل .. هذا رأيي

انتي بنظرج انك مب مقصره بسا انا اقولج لا عزيزتي انتي مقصره .. والسبب ان لمن ترجعين من شغلج على الجامعه على طول .. والريال فاضي لاشغل ولا مشغله لا طلعات ولا همك الله .. لو كنتي مكمله دراستك جان بعد الدوام قعدتي مع زوجك الظهر وونستيه وتسولفين معاه وتدلعينه .

وبعدين تريحون وتقعدون العصر ,, وتشربون الشاي وسوالف وتشغلين وقته ويومه كله .. لين يجي وقت الليل تقعدين معاه تسهرين وما تحطين راسج الا هو حاط راسه قبلج .. وانتي مدلعته وماعطته رومنسيه من كل قلبج ..

لكن راجعه من الدوام والجامعه وتعبانه ميهوده , واكيد وقت فراغج تبين تدرسين .. وين تجابلينه ..
المطلوب الحين انج تخلقين وقت لزوجك وتعوضين القصور .. والدراسه ماهي له .. الدراسه لج .. والريال يحتاج حنان حتى على حساب الحرمه وهالحقيقه معروفه ..

زيدي اهتمامك بزوجك وادعي له الهدايه .. ,والله يحفظكم حق بعض ..

ام جنى

والله شي يقهرررررررررررررررر

ابي اعرف مسكييينة المرة كلش شي تسوية علشااانه والله تظحي ابعمرها على شانه

وهو ولا شي ولا هااامة اصلا

الله يعييينج اختي والله قلبي معااااااااااااااااج يالغلا..

وبشريييني عنك €

والله عورتي قلبي عليج..!

اخاف اقول شي وطبقينه و تكبر السالفة

بس اذا انتي ناوية تقولين له...قوولي انك حاسة انه يكلم بنات وان احساسج دوم بمحله و قوليله ان اذا كان هالشي صحيح ف رح يجرحج كثير و انج تسامحي كل شي الا الخيانة
و اسأليه اذا انتي مقصرة معاه بشي..اقصد بالسرير و اذا في شي ممكن يستحي يقوله لج

و الأفضل ان ما يعرف انج تعرفين الباسورد لأن لو عرف بيغيره بكل سهولة و ما رح تقدرين تتأكدي اذا بعده يسوي هالحركات ولا لأ

و بعد شي ثاني...الأفضل انج تتركين شغلج و تكملين دراستج اول و بعدين تشتغلين..يمكن ظروفج ما تسمحلج تتركين شغلج ما ادري بس لازم تخصصين له وقت عشان ما يطالع غيرج

هلا غناتي

الصراحة لما قريت الموضوع كنت مزهبه كلام أقوله للرد على صاحبة الموضوع إلا صدمتني كم عضوة تفاجأت من ردودهن ما يصير خواتي مهما كان الكلام مب حلو تراه لما يكون فيه سب واستهتار تراه يمثل شخصيتكن لا تحطن نفسكن بهالموقع

حبيت انصح انه يكون الكلام خالي من الكلام(.........................) الصراحة ما عارفه شو أقول الله يهديهن

أختي صاحبة الموضوع
كيف تجي اليوم تكتبي عن المشكلة وإنتي اللي أسهمتي فيها 100 بال100
جلستي مع نفسج وقلتي يا رب لا يكون مقصره فهريال؟؟؟؟ ولا همج بس إنه يحس فيج وفتعبج
سمحيلي إختي وأقول الغلط منج
القصور ما في الكشخه ولا الدلع لان الريال ما يشوفه ما دامج برا بيتج
القصور في تواجدج فبيتج وواجباتج وحقوقه

خذي راينا بايجابيه لا تندفعي وتبرري موقفج وطيحي على ريلج

دايما الخيانة إلها مبررات

ولاتعمموا إن الريال يخون
إذا الريال يخون الحرمة تخون

تقبلي مروري

هذا شكله من زمممان على هالحاله

هاي كله يسمونه قله دين لو كان يخاف الله مايسوي هالاشياء

هالمصيبة اللي اسمها كومبيوتر وانترنت ترا بتخرب بيوتنا

انتي لاقيه شغلات لريلج على الكمبيوتر وانه يكلم بنات وموبس مجرد كلام عادي يعني متجاوز كل الحدود
مو بس حدود الزوجيه بل حدود الدين ايظا بهاذي الحاله لزم في شي يرده ومايهم انه يمتنع عشانج او لا المهم انه يوقف عن هالسوالف علشان الله سبحانه وتعالى علشان نفسه ودينه لان شوي شوي الانسان بيخسر وايد اشياء نتيجه لهاذي الشغلات واهمهاا دينه , وبعدين نفكر انه يهتم فيج طاف الوقت على سالفت انه يهتم فيج الريال قاعد يكلم بنات ويشوفهم على الكام لزم تتصرفين بطريقه تخليه ينتبه لنفسه استخدمي اساليب غير مباشره اعملي لك ايميل ارسلي له اشياء دينيه صور عبر اي شي تحسين انه ممكن يخلي يبتعد عن الي هو في لان بصراحه مشكله كبيره وطبعا من غير كلام تهدم الانسان قبل بيته
وربي يستر عليكم ويهدي زوجك

شيء يقهر والله

انا لست متزوجة وليست عندي خبرة كبيرة

بس اطلب من الله ان يهديه ويقرب لك يارب

ويسعدك يا اختي

ليش الريال لما يغلط ويخون المرة تخاف تواجهه وجنه من حقه ان يغلط بحياته الزوجية والمرة لو تغلط حتى لو كانت الغلطه ماتوصل لي الخيانه الريال يبهدلها ويفضحها ويمكن توصل للطلاق!! هذا ظلم بعينه وعلمه

ماشاء الله على اعصابك خخخخخخخخخخخخخ لو انا مكانك يمكن كنت كسرت الكمبيوتر قدام عيونه هذا لو ماكسرته على راسه

الله يعينك ويهديه بس

لا حول والله قوة إلا بالله

انا رايي من راي دلوعه حناني انا لوكنت كانك حاسوي نفس اللي قالتو بس بصعوبه لاني بطبعي مررررررررره عصبيه يمكن اكب مويه على الكمبيوتر وابهدلو واسود ايامو بس في دا الموقف لازم الواحده تتصرف بحكمه وذكاء الله يعينك ان شاء الله

ادعيله وانتى بتصلى ربنا يهديه فعلا النت ده مصيبه وادمان لازم الواحد يخلى باله اكتر من كده

تسلمون خواتي على ردودكم وكل رد على راسي

بالنسبه للدوام اهو يعرف انه دوامي من لصبح ليه المغرب
و بالنسبه حق اشغال البحرين ما في دوام جزئي الا بالموت

واهو يدري بهل شي وانا كم مره فاتحته بالموضوع اني ابي افنش
يقووول لي مصاريفج واااااااايد وانتي صرافه ..............الخ الخ

و انا ادرس بجامعه خاصه من جذيه المصاريف واااااااااايد
ومب راضي اني اطلع من الجامعه ويدري انه دوامي بالليل يقووووووول لي خلصي

شاسوي معا هالريل


امس انا فاتحته في الموضوع وقلت له بعد الدوام ابي اكلمك في موضوع خاص
قال لي ما بيني وبينج كلام حاس قلبه اني باقول له شي
رحت البيت قلت اللي في قلبي كله حتى ولا عطاني اهتمام منبطح ومقمض عينه
و انا اتكلم مثل الحمير الله يعزكم المهم خريت اللي في قلبي كله قلت له انا مو مقصره معااااااااااك في شي عشان كل هذي اللي تسويه فيني
وخل بيننا اشوي احترام مثل ما انا احترمك انت لازم تحترمني
قلت له انت مو ماخذ وحده مو متعلمه وله مغمضه ما تعرف شنو تسوي
قلت له انا اعرف كل شي تسويه وعيب عليك تستغل غيابي مع هالبنات الوصخين
لا عمره ولا حج يعتبرون لك

ولا عطاني فيس لكلمه اللي قالها يبيلج طق خخخخخخخخخخ يحلم
قلت له لا انت ولا عشره من اشكالك يا الوصخ

قلت له اذا انت بتم على هالمنوال بدل ما نكره بعض زياده خل نهد بعض وكل واحد يروح بطريج

ما غطاني ويه
انبطت جبدي قلت له ماااااااااااابيك وخذيت شنطني من الغرفه وطلعت من البيت
قال لي في الطقااااااااااق


حتى كلمة اسفه مااااااااااا قال

امس ما رويته رقعت ويهي كلش واليوم الصبح كذالك
رقدت بغرفه ثانيه


وباتم على هالشي لين يتعلم الادب

هلا غناتي

أسفين نحن ما كنا نعرف إنه ما يبيج تتركين الجامعة والشغل طحنا عليج على القصور سمحيلنا غناتي

هو شو يبا اللحين؟؟؟؟؟

ما دام رافض تركج الشغل والدراسة ليش يخون؟؟؟؟
تمنيت تمسكي اعصابيج لما كنتي تكلميه ولا يزل لسانج إنج كشفتي خيانته شي اكيد انه بيعطج اذن السمخه ويضرب لان ما له عذر فالخيانه وترى له قعدتي شوي تلوميبه بيهد الغرفه ويطلع ولا يرجع البيت إلا بعد فترة

وغلط اطلعي من الغرفه وتتركيه لوحده انتي زدتي الطين بله أنا أعرف سلاح المرأة دموعها تذوب الريال لو كان حجر
فكري كيف اللحين تعالجي المشكله وتغيري ريلج إذا ما قدرتي لجئي لربج وشكيله الله ما يرد شاكي والله بيسخره لج ويهديه

تقبلي مروري

هلا حبيبتي اميرة الصمت
انا كان لازم اقط عليه الكلام دفعه وحده لانه كل مره احكرها في قلبي
خله يعرف اني مو راقده على اذوني واذا انا بالشغل وله بالجامعه يعني اني ما افهم شي
صج يمكن انا اكون فتره بعيده عنه بس اعرف شنو يسوي الحمدلله الله عطانه العقل نفكر فيه

انا ما نزلت ولا دمعه من عيني وهذي اول مره يصير فيني هالحقد عليه
ما ابي اذل روحي له اكثر لازم يحترمني ويقدرني مثل ما انا احترمه وصاينته
انا بمكاني اني اغازل و ترى انا بعدي صغيره 21 سنه عاااااااااااادي الف صبي يتمنى نضره مني بس انا بنت ناس ومتربيه عدل و ما ابي اخرب بيتي بيدي

مشكوره ع اهتمامج

حسبي الله ونعم الوكيل

مكن تخربي الانترنت و تشجعيه يشترك بنادي رياضي ان يشغل نفسه فيه ...هو شكله متملل ممكن تخليه يطلع مع اصدقائه او مع اخوانك المهم ما يقعد بالبيت الا و انت معه

الله يهديه يا رب