محتارة جدا ....واريد مساعدتكم

يا اختي طيب ليه ماتاخذي اجازة استثنائية لما تولدي وتقومي بالسلامة ..

واذا كان مو مسموح لك ..

ومن رأي الشخصي ,,

انك تتركين العمل ..

ايش الفايدة تضيعين شبابك في الارهاق والتعب ..

اتركي زوجك يشيل الحمل وحده << واحمدي ربك هو اللي عرض عليك تتركين العمل ...

وانتي عيشي ملكة في بيتك ..

ماتشيلي هم الا نفسك وزوجك وابنك ..

ايش لك بالدوام ووجع الراس ..

كثير رجال اهم شئ عنده ان الزوجة تتفرغ للبيت وبس ..

اتركي العمل و النفقة لزوجك .. وانتي كوني البرنسيسة ..


انا اكتب لك عن تجربتي ..

كنت موظفة ..

وزوجي عرض عليّ اترك العمل وماترددت ..

واللحين الله يحميه .. يصرف ع البيت ويعطيني المصرووف الخاص ..

وارتحت من العنا والتعب اللي كنت فيه


ياليت تتقبلين رأي و مروري بصدر رحب (f)

الله يساعدج حبيبتي وانه بعد نفسج دوامي من 7 ونص لي 5 الليل بس انه يعني مو تعب وايد خفيف شغلنا بس الله يساعدني لين حملت وانه بعد مااقدر اطلع من الشغل لانه اهو عليه قرض وانه علي قرض سياره يعني 7 سنوات وماادري شنو بسوي اذا حملت الله يعيني بس انتي دام عرض عليج ترتاحين في البيت احسن لج ترى .. انه كان يقولي هالكلام شلون بتخلين الياهل لين 5 الليل بدون ما تجوفينه بس شسوي للحين مو حامل وقاعده احاتي مع اني ابي احمل بس انه اقدر اخليه عند اهلي او اهله عادي بيوتهم جريب من بعض بس بعد انه شلون بقعد لي الليل بدون ما اجوفه كل اقول ان شاء الله خير يمكن احصل لي شغله احسن بس وين الواحد يلاقي شغل في هالبلد الله يعينا والله ولاتترددين قعدي في البيت اريح لج

هلا حبيبتي
الله يسهل عليج يارب وتقومين بالسلامه..
حبيبتي انا مريت بنفس وضعج بس انا وضعي كان اقوى بكثير.. انا كنت حامل بتوأم.. ونفس الشي دوامي من 7-4 العصر..

واجي من العمل هلكانه وضغط الشغل مثل ماقلتي..
طبعا انا شقتي صغيره وجبت لي شغاله ولما خلصت اجازتي الامومه ماطاعني قلبي اخلي التوأم ويا الشغاله لانهم كلاب وانتي بكرامه..
فصرت يوم اوديهم بيت اهلي مع انه بعيد ويوم عند اخت زوجي... اخر شي وديتهم حضانه للمواليد.. يمسكونهم من الصبح لين مارد من العمل..

حبيبتي اشرحي له بدلع.. قوليه بعد ما اولد وتخلص اجازتي باجرب شهر .. ان حسيت انه تعب مايصير الا كل الخير..

لا تتسرعي ماتدري بعد ماتولدين الله يسهلها ..

حبيبتي الله يعينج على القرار النهائي..

بس فكري فيها الضغط بيكون كبييير على زوجج و خاصه انه راح يكون عنكم بيبي و المسؤليه و المصاريف راح تزيييييييييد .. لا تتسرعي و خذي قرارج بتمهل..
و انا نفس وضعج تقريبا ليش اني حامل و دوامي من الساعه 8 إلى الساعه 6 المسى .. بس ابد ما افكر اني اطلع خاصه ان زوجي صح راتبه الحمدلله بس بعد المصاريف يوم عن يوم تزيد و غير كذا قرض البنك .. مع انه كان يبيني افنش بس فهمته لين يتحسن الوضع و يخلص اقساطه ذاك الوقت لو يبيني افنش بفنش مو مشكله..
و إذا عن البيبي تخليه عند من لين تردي من الدوام حبيبتي بتحصلي لا تحاتي


ربي يوفقكم و يسهل عليكم

مرحبا

ظروفك نفس ظروفي

بيتي " شقة 3 غرف ومطبخ قد خرم الأبرة وحمامين "

مع ذلك لما حملت بالبيبي الأول .. قدمت على شغاله صح ان البيبي اغلب الوقت معاها كان .. بس مهما كان تضل الأم ام يعني ماراح ينساك البيبي اذا ضل مع الشغاله

لاني بصراحة ما اقدر اترك شغلي لنفس ضروفك وغير عن كذا احب اكون مستقله ماديا وانتي اكيد عارفه وش اقصد

والحين عندي 2 ومستمره على حكاية ان الشغاله بالبيت تهتم بشؤون البيت ... تأكل الأولاد وتلبسهم وخلاص عرفت نظامهم ... وفوق كذا تنظف الشقة وتغسل وتجهز لي اغراض العشاء .. وكل شئ منظم بس اللهم اني اسوي العشاء واجلس مع عيالي واهتم بنفسي

هلا عزيزتي ...الله يعينج بصراحة القرار مو سهل وخاصة في ظل ظروف الحياة الغالية....وانا بعد نفس الوضع حامل ودوامي طويل وعندي انا و زوجي قرض ومسؤليات واكون صرريحة وياج انا ما افكر اترك العمل لان المصاريف مثل ما قالوا الاخوات بتزيد مع الياهل ...انا برأيي تصلين استخارة وشوفي ...إنشاء الله خير والبيبي ممكن تحطيه بحضانة ..شو نسوى الظروف قوية ...والله يسهلها عليج وعلينا جميعا .

بعععد قلبببي لا تتركيين الشغل ترى قعدة البيتت ملل وزهههق مرده البيبي يكببر وروح الروووضة ونتي تميين بروحج بالبييت ..وبتجوفين الحياة تصععب او الواحد يحتااج فلوس انا اقول يا تدورين شغل ثااني يكون لي 2 الضهههر او انج تاخذيين اجازة ..وربي يسهل عليج ووفقج

بأختصار
بيتك وزوجك والبيبي اولى بتعبك ومجهودك
زوجك انسان راقي وطيب وحساس الله يحفظه لك ومن كلامه باين يحبك جدا ومفتقدك في بيته
انتبهي على نفسك وصحتك وابنك لان هو محتاج جدا لرعايتك في اول سنه له
وترى الرزق على الله وكل مولود ينولد يجي رزقه معه لا تخافي ولا تفكري كثير
اعتمدي على الله وحده واطلبي اجازه سنه بدون مرتب لحد ما تشوفي لك حل
وماذا ما انقبلت الاجازه اتركي عملك علشان بيتك هو اولى بك
تحياتي

أناا رايي من رااي الأخت الغــ شموووخ ــلا و بعد ماا يكبر الولد تقدرين بعدين تردين شغلج ،،

و الله يووفقج و يقوومج بالسلاامة

حبيبتي

مين اهم مو رضى زوجك والبيبي والبيت

صحيح الظروف ممكن شوي متعبه لاكن هوا قال لك انه راح يتكفل بكل شي

حبيبتي المربيه ماراح تكون زيك ونفس حنانك ممكن تتملل منه وتدعي عليه صدقيني

انتي تقدري تسهري معاه لو تعب بس هيا ماراح تسهر ولاتهتم فيه زيك

واهلك او اهله كل واحد له طريقه بالتربيه والاهتمام فراح تتعبي انتي كمان في هذي النقطه

وممكن لما يكبر البيبي ماراح يحس بمشاعر الحب لكي بالعكس يفظل اهل ابوه واهلك عليكي انتي

الام مو الي تولد الام الي تربي

عن نفسي اختار بيتي وارحتي انتي ماراح تكوني مبسوطه وانتي سايبه ولدك وبيتك عشان الشغل

هذي وجهة نظري اتمنى تقبليها

عيون الفهد

أشكركم جميعا على تفاعلكم ...والله كلامكم صحيح من حيث اني بكون احن وحدة على ابني...وشكلي إنشاء الله باخذ بنصيحتكم وبستقيل وبتوكل على رب العالمين.