زوجي يحب غيري

طفلة القمر.;8503396:
السلام عليكم ورحمة الله
أتمنى بس ماتكوني ظلميتها بتصرفك ده...خصوص لو كانت زوجة بالحلال
والله يسخرلك زوجك...أمين

نفس راي الاخت
والله يوفقج

طيب نبي نعرف وش خطوات التطفيش الي اتبعتيها عشان نستفيد :)

شكرا لكم حبيباتي

ولكل البنات اللي قالوا عسى ماظلمتيها

انا ماظلمتها هي اللي ظلمتني من البداايه وانا كنت صابره من الاول ولافي امراه حتستحمل اللي انا استحملته وكنت اقرى واشوف كل المحادثات والكلام امام عيني

وانا راح اخبركم ايش شسويت لانكم كنتوا دوم ويايه خطوه بخطوه

بعد ماتزوجها في البدايات اول مره البدايه هي جتني البيت وانا طردتها ومن بعدها كانت تتحاشاني وان زرت ام زوجي واهي اتكون موجوده كانت تتجنبني وماتكلمني ابدا انا انفجرت ماقدر استحمل اشوفها كذا مره وخصوصا يوم حملت ماتحملت مب معقوله مافي ست تتحمل حاولت بكذا طريقه ابرد خاطري وكل شي اسويه مايزبط الين مافكرت معي صديقتي ولانه يوم كانوا يكلمون يكلموا بعض في الماسنجر قبل الزواج والمحادثات والفيديوا المسجل لهم كانت صديقتي مخزنته وكان عندي السي دي فاخذتوا وبعثتوا على ايميل زوجي وكتبت اسمو واسمها وكذا كلام واللي عرفتوا انو بعد هالحدث هي سقطت الجنين مابعرف التفاصيل اللي صارت بينهم بالزبط بس قبل ماتروح لاهلها جاتني البيت ووجات اتهدد وتتوعد ورمت علي كلام وقالت انها مب غبيه وفاهمه حركاتي وعارفه انو انا اللي عملتها وانا انكرت طبعا وصار كلام من هنا ومن هنا وطولت لسانها علي كثير وجا زوجي وشسوت قومت الدنيا وانو انا السبب وانا اللي بعثت السي دي وعملتها وزوجي يحاول يهدي فيها وعملتها سالفه كبيره ولمت ام زوجي وابوه وقالت انو انا اللي بعثت السي دي ليهم وانو هي متاكده انو انا وتبغى اتوصل الامر للشرطه وقالت انو هم بيجيبوا حقها وانا هنى خفت الحقيقه لكن ابو زوجي وزوجي ماخلوها تعمل كدا وانو فضيحه وكدا وانا قلت انو هي تتهمني بدون دليل عندها وهي زعلت من زوجي انو ماوقف معها ووقف معي ضدها وقالت لو انها على قولتها خاااب ظنها فيه وانو ماكاان قدهاا وانو هي لو كانت ببلادها كان ماسكتت لكن هي عندنا بغربه وانو ماصان هالشي وكلام كثير خربطته وقالتوو بس بالاخير رجعت بلادها وماتبغى ترجع لزوجي وهو كانو يحاول فيها وزعلان ومتضايق وانا اقول بنفسي احسن يستاهل هالحاله اللي هوا فيها اهم شي انو انا انتصرت

والله يا أختي أنا ما أعرف تفاصيل المشكلة أحيانا الحرمة لما يشتد الظلم عليها تكون قاسية ولا تعرف كيف تاخذ حقها
لو بغيتي تتكلمي وتتكلمي في تفاصيل نحن ما نعرفها
ست سنوات ما هي شويه تنكتب فسطرين أخاف أظلمج وأقول غلطانه وأخاف اظلمهم وأقول هم غلطانيين ما أعرف الصراحة بكون هالمرة انحيادية لاني ما متابعة موضوعج قبل ولا اعرف تفاصيل القسوة اللي يبتيها وخلتج ما تهتمي بحبه لج

الله يعينج والله

سكوتج من البداية على الخيانة وطلعتيها فهالوقت وايد جلست افكر فيها يا ترى كثر شو إنتي تعاني وتكبتي؟؟؟

بس لا تزعلي مني رحمت الحرمة لما سقطت

أنا متأكدة إنج متلومه فيها وما بغيتي توصل هالأمور كذيه لأن فنهاية كان ضحيتها طفل............

كل شي مكتوب تشوفه العين

أختي حاولي تكسبي زوجج حاولي حاولي ترى بينكم حدود ومسافات بعديها عنج

أن شاء الله الياي أحسن

تقبلي مروري

والله ياختي انت معاك حق انك تغارين على زوجك وبيتك بس اذ هي كانت زوجته وكان هو يعدل مابينكم
ما كان لازم تسوين كذا نرى اكيد انت عندك بنات وما تبغين احد يظلمهم ياحبيبتي لازم تستغفرين الله ترى كما تدين تدان ... الله يوفقك ويصلح حالك

انا متابعه قصتج من البداايه

واسمحي لي اقول لج انج للاسف ظالمه وجايره

من عذر زوجج تزوج عليج اتروحين اتسوين هالمؤامره الواطيه تنسخين الصور واتسجلين لها واتسوين روحج بريئه مظلومه قطوه مغمضه وانه مالج خص وبسبتج سقطتي البنت

ان لج كلام روحي قوليه حق زوجج يعني امرج غريب صج من البدايه ليش ماحليتي الموضوع بعد ماتزوجها تفرعنتي وسجلتي وسويتي ماتخافين انتي من ربج اتخربين سمعه البنت وتفضحينهاا

لكل البنات اللي يقولون اني ظلمتها

انا ابدا ماظلمتها

وان بغيتوا تتاكدوا شوفوا التفاصيل للموضوع من البداايه في اول الموضوع

اودخلوا على ملفي الشخصي وشوفوا رابط الموضووع

http://www.3roos.com/forums/search.php?searchid=319585&photoplog_searchinfo=1

حبيبتي انتي ,,والله محد يقدر يلوومج

من حقج لان بيتج اخترب


والله يحنن قلب زوجج عليج

الله يسامح الكل ... ويهدينا ويهديكم ويصلح بالنا وبالكم ...

بصراحة أنا لا ألومك واللى ينكوي بالنار هو اللي يحس فيها بس ...

يمكن كانت هذي نهاية الحرام بعد لانها تعرفت عليه بماسنجر وخرابيط والله العالم الى وين وصلوا في معصيتهم للخالق ... قال الله تعالى


{ أَفَمَنْ أَسَّسَ بُنْيَانَهُ عَلَى تَقْوَى مِنَ اللّهِ وَرِضْوَانٍ خَيْرٌ أَم مَّنْ أَسَّسَ بُنْيَانَهُ عَلَىَ شَفَا جُرُفٍ هَارٍ فَانْهَارَ بِهِ فِي نَارِ جَهَنَّمَ وَاللّهُ لاَ يَهْدِي الْقَوْمَ الظَّالِمِينَ }

فالزوجة الثانية للأسف بنت بيتها بطريقة خاطئة ... تعرفت على رجل مُتزوج وعن طريق الماسنجر والله العالم ماذا حدث ...


الله يسامح الأهل اللى يغصبون عيالهم على الزواج عنوة ...

رائعتي بارك الله فيك وسدد خطاكِ واتمنى ان تنتهي همومك وتزول ... ولكنى أخشى عليك من الهدوء الذي سيسبق العاصفة ... الله يسخر قلب زوجج لج ...


العتب

سوري والله لا تزعلين مني ولا تحطين في بالج اني قطريه بدافع عنها لا ردي جهزته من قبل لا اقرى اي تفاصيل صغيره..

انتي قلتي زوجك ما يحبك من 6 سنين يعني ماحلى بعينج الا لما حب وتزوج،، ويبين من اسلوبج مو هامج زوجك هامك كلام الناس والدليل قلتي مايهمني المهم طفشتها..

ثاني شي انتي مالج حق ببنت الناس زوجي يكلم يطلع بمزاجه هو اعاتبه هو افضحه هو واهني بين ضعفج وماقدرتي عليه طلعتي حيلتج عليها..

سؤال واتمنى اجابته يوم هي حملت شي طبيعي بتنقهرين لكن تمنيتي انها تسقط واعتقد اي لان بكلامج شماته بشماته تدرين بكره شبيصيدج من ورا حوبتها هل انتي متاكده انج ظالمه او مظلومه شلون تنامين وانتي اذيتي حد وخربتي بيت وفضحتي بنت واجهضتي روح...

ابي اعرف اللي قالوا انها سوت شي حرام وماندري بعد شنو سوت ويستدلون بالقران ما يعرفون شي عن سوء الظن..

على شنو تباركون لها زوجك تركها اليوم تظمنين بكره ما يجيب غيرها على راسك وكم حيله بتحتالينها بعد..

حبيبتي انا اقدر اصفق لج واقولج ابدعتي بس حرام انا ماعرفج ولا لي شغل فيج بس بعد ماحب لج الشر اتمنى تراجعين نفسج والله يوفقج ان شاء الله

استغفر الله انتبهي لاتكوني ظلمتيهاااااا اختي هو متزوجهااا بالحلال وهذا شرع الله

الله يهدي زوجك ويهديك انتي بعد

الله يسخر زوجج لج ان شالله ويبعد عنه بنات الحرام لو كانت مجربه شو معنى الزوجه الثانيه جان رفضت الزواج به بس للأسف فيه ناس يبنون سعادتهم ع تعاسة غيرهم والله قهر المهم لادخلينه يرجعلها حاولي بكل ماعندج وربي يخليكو لبعض ان شالله هي والله صدقتي يوم قلتي عشان البنت مشكله اذا عاشت بدون اب والله صعبه ...


&ربي لا تذرني فردا وأنت خير الوارثين&

احب-زوجي-ومدلعني;8523619:
سوري والله لا تزعلين مني ولا تحطين في بالج اني قطريه بدافع عنها لا ردي جهزته من قبل لا اقرى اي تفاصيل صغيره..

انتي قلتي زوجك ما يحبك من 6 سنين يعني ماحلى بعينج الا لما حب وتزوج،، ويبين من اسلوبج مو هامج زوجك هامك كلام الناس والدليل قلتي مايهمني المهم طفشتها..

ثاني شي انتي مالج حق ببنت الناس زوجي يكلم يطلع بمزاجه هو اعاتبه هو افضحه هو واهني بين ضعفج وماقدرتي عليه طلعتي حيلتج عليها..

سؤال واتمنى اجابته يوم هي حملت شي طبيعي بتنقهرين لكن تمنيتي انها تسقط واعتقد اي لان بكلامج شماته بشماته تدرين بكره شبيصيدج من ورا حوبتها هل انتي متاكده انج ظالمه او مظلومه شلون تنامين وانتي اذيتي حد وخربتي بيت وفضحتي بنت واجهضتي روح...

ابي اعرف اللي قالوا انها سوت شي حرام وماندري بعد شنو سوت ويستدلون بالقران ما يعرفون شي عن سوء الظن..

على شنو تباركون لها زوجك تركها اليوم تظمنين بكره ما يجيب غيرها على راسك وكم حيله بتحتالينها بعد..

حبيبتي انا اقدر اصفق لج واقولج ابدعتي بس حرام انا ماعرفج ولا لي شغل فيج بس بعد ماحب لج الشر اتمنى تراجعين نفسج والله يوفقج ان شاء الله

قلتي كلام بودي كان اقوله بس ماعرفت اعبرر

انا نفس كلامج وأأيدج وايد بنقطه انه لو عندج يختي شي تصرفي ويازوجج شدخلهاا هي حاطه حرتج فيهاا اي كانت اتكلم زوجج قبل ماتتزوجه وينج ذيج الفتره مامنعتيه وسكتي الحين ييتي اتسوين مثل الافلام وتفضحين واتسوين روحج مسكينه حرام عليج انتي كنتي اول صج مظلومه ومسكينه والحين صرتي جايره وظالمه سامحيني على قسوه كلامي بس انقهرت ماتوقعتج اتسوين جذي تنسخين صورها وتفضحينهاا مع انج اول بمواضيعج كنتي صابره وساكته

لا حول و لا قوة الا بالله. اعوذ بالله من غضب الله!

اختي حتى لو البنت غرقاااااانه بالخطأ المفروض ما تسوين اللي سويتيه. تخيلي لو البنت تحسبت عليج من كل قلبها في كل لحظة تذكرتج فيها. هيا كانت زوجة زوجج يعني هيا عرضه لو انتي فضحتيها كنتي بتفضحين زوجج. ما يصير تخلين القهر يعميج رب العالمين ما يرضى بالظلم لاحد ايا كان

اختي استغفري ربج انا ماني اقول هالكلام لشي معين انا من خوفي عليج اقول الكلام. فكري باللي سويتيه زييييين و اعرفي ان رب العالمين يمهل و لا يهمل و ان الدنيا هذي دواااااارة و فيها كما تدينين تدانين

تقبلي مروري و صراحتي

و عليكم السلام و رحمة الله و بركاته

احب-زوجي-ومدلعني;8523619:
سوري والله لا تزعلين مني ولا تحطين في بالج اني قطريه بدافع عنها لا ردي جهزته من قبل لا اقرى اي تفاصيل صغيره..

انتي قلتي زوجك ما يحبك من 6 سنين يعني ماحلى بعينج الا لما حب وتزوج،، ويبين من اسلوبج مو هامج زوجك هامك كلام الناس والدليل قلتي مايهمني المهم طفشتها..

ثاني شي انتي مالج حق ببنت الناس زوجي يكلم يطلع بمزاجه هو اعاتبه هو افضحه هو واهني بين ضعفج وماقدرتي عليه طلعتي حيلتج عليها..

سؤال واتمنى اجابته يوم هي حملت شي طبيعي بتنقهرين لكن تمنيتي انها تسقط واعتقد اي لان بكلامج شماته بشماته تدرين بكره شبيصيدج من ورا حوبتها هل انتي متاكده انج ظالمه او مظلومه شلون تنامين وانتي اذيتي حد وخربتي بيت وفضحتي بنت واجهضتي روح...

ابي اعرف اللي قالوا انها سوت شي حرام وماندري بعد شنو سوت ويستدلون بالقران ما يعرفون شي عن سوء الظن..

على شنو تباركون لها زوجك تركها اليوم تظمنين بكره ما يجيب غيرها على راسك وكم حيله بتحتالينها بعد..

حبيبتي انا اقدر اصفق لج واقولج ابدعتي بس حرام انا ماعرفج ولا لي شغل فيج بس بعد ماحب لج الشر اتمنى تراجعين نفسج والله يوفقج ان شاء الله

انا مع كلالام الاخت
حرام عليج الي سويتي
غيرتج خلتج تظلمين الناس مع الاسف
استغفري ربج
تراها مادوملج فهمتي

اممممممممممممممممممممممممممممممممممممم

ياأختي كأنك ظلمتي بنت الناس لان زوجك هو اللي قربها ودخلها عليك,استغفري الله وتوبي له خصوصا ان زواجه منها حلال.

إسمحي لي اختي صح انا من الأول كنت معك رغم اني ماكتبت اي رد بس متابعه قصتك وكمان الحين
انا مش ضدك ... بس حسيت ان البنت من يوم ماجتك حبت تعمل معك علاقة حلوه كأخت او صديقه
يعني رغم انكم متزوجين رجال واحد يعني ماحبت المشاكل وعوار الراس مشان كذا دورت فيكي
شي كانت تظن انها بتلاقيه وتعيشو كلكم كزوجات متفاهمات...
بس انتي الغيره عمتك وخلاتك تسوي حاجات فظيعه وصح صعبه للوحده ان زوجها يتزوج عليها
بس حرام اللي سويتها فيها... المفروض تنتقمي من زوجك مش منها لأن الذنب ذنبه اما هي مادخلها
والله يهديكي ويردك لصوابك

انا عضو جديد مااعرف المشكله اقول الله يسخر لكل واحده منا زوجها