زوجي اول مرة يسويها

hodood 18-01-2009 60 رد 3,147 مشاهدة
h
شخباركم بنات؟؟
كنت مع زوجي نتسوق ومعاي ولدي ..ولدي عبث في اغراض المحل زوجي نهره بطريقة ما عجبتني..قلت له لا تكلم الصغير بهاي الطريقة الا يقول لي اسكتي والا انتي بعد برفع صوتي عليج قدام الكل الحين..انا انجرحت وسكت ولا نطقت ولا باي كلمه..

في السيارة قلت له ليش ترد علي بهالطريقة انا مو طفلة تكلمني بهالاسلوب..تصدقون عصب علي حده ومد يده علي وقال لي تسكتين احسن لج ومابغي اسمع صوتج..

ويوم رجعنا البيت راح نام بالصالة ..والحين ست ايام هو ينام بالصالة وانا بالغرفة ..واقول بروح اراضيه بس من اتذكر شلون مد يده عليي اتراجع..
مادري شنو اسوي يا بنات..شوروا عليي ارجوكم؟؟
ا
السلام عليكم اختي الفاضله اسئليه ليش سوى شذي يمكن عندها مشاكل بالعمل
انا مااقولج تروحين وتعتذرين انت ماغلطتي هو الغلطان يعني حتى لو فيه مشاكل ماتوصل الى انه يرفع ايده عليج لازم تعرفين شنو السبب وبعد جذي توخذين الموقف الصارم عشان مره ثانيه مايعيده والله يهدي ازواجنا ويسخرهم لنا
بعدين غريبه صار له 6ايام ماحس انه غلطان الله يعينج
ا
اتمنى البنات افيـــــــــــدونج
للرفع
ق
بصررراحه هو مبالغ بالزعل

بس يمكن تمر عليه ضروف انتي ماتعرفينها

فلو تجلسين معه وتناقشين معه بهدوء

وحاولي تفهمين منه ليش متضايق

والله يصلحه
M
حبيبتي .. اولا يمكن لانج قدام الناس قلتين له عصب وحس انج فشلتيه .. بس بشكل عام ما احس ان الموضوع يستاهل اللي سواه .. فأنا اقول اهو الغلطان فلا تعتذرين على شيء مو سويتيه ..

الحل اختي .. انج تتعاملين معاه عادي بشكل رسمي .. يعني لبي جميع طلباته ولا تفتحين الموضوع نهائيا .. تعاملي معاه بالصمت يعني اذا اهو ما سألج شيء انت لا تتكلمين .. فأهو راح يحس روحه غلطان وراح يجي يطلب السماح هذيك الحزة تقدرين وبصوت هادي تقولين كل اللي في خاطرك وتستفسرين عن ردة الفعل الغريبة هذه ..

هذا رأيي ..
.
د
انا بقلك رايى روحى راضى زوجك ولا تخلين الشيطان يلعب عليك وتذكرى الاشياء الزينه والله الدنيا يااختى ما تسوى انه يجلس اسبوع ما يكلمك واذا تراطيتم بعد كم يوم عاتبيه عتاب خفيف اللع يسخر لك زوجك ويسعدكم يارب
م
الله يصلح بينكم ويسخر لك زوجك
ويوفقك
h
حبيبتي اللي صار انه حس عمره انه ظهر بمظهر الاب الغبي اللي ما يعرف يتصرف ويا ولده ..... عشانت جيه كانت له ردت فعل عكسيه .... انتي المفروض حتى لو ما عييبج اسلوووبه ويا الولد المفروض ما تعلقين بنفس الوقت على المووضوع ... ومش جدام الولد تتكلم ولا وانتو ف الشارع المفروض يوم تردين البيت وتغيرون وتقعدون ويا بعض تفتحين معه السالفه بأسلوب ظريف ....

هي صحيح ردت فعله مبالغ فيها زياده عن اللزوم وانا ضد مد اليد لأي سبب كااااااااان ... بس اذا انتي تقولين انها اول مره .. وانه الحين صار لكم 6 ايا م على هالحاله انا ما انصحج انك تتركين الوضع على حاله لانه الهجر يولد الجفااا بن الازواج مدامها اول مره مو مشكله لو تروحين انتي وتراضينه وتحسسينه انه هو غالي عندج وبعدين عاتبيه ... وقولي له انا زوجتك مش بنتك المفروض في بينا حوار وتفاهم ولو بتزعل مني وتبي تأدبني سوي أي شي الا الهجر لانه يولد الجفا .. وبعدين بتكون مصيبه لو كل واحد يكم تعود يبتعد عن الثاني كل هالفتره ... انا يوم اشوفه وايد كيف لو اسبوووووع ؟؟؟؟؟!!!!

تقبلي تحياتي
م
الله يصلح بينكم
g
يمكن لأنج حسستيه ان ماعنده اسلوب بالتعامل مع الاطفال، و يمكن هو ببعد متضايق من شغلة ثانية وترى عموما الرياييل يملون من فرارة السوق ، يمكن الريال داخ وحط حرقته فيكم..

ماكان له داعي تجادلينه بالسيارة، وهو يسوق السيارة معصب ،خطر عليكم لاسمح الله

انتي صيري احسن منه ،وروحي طيبي خاطره ترى السالفة انتوا كبرتوها شدعوه 6ايام
يمكن كبرياءه مايسمحله يتنازل ويعتذر بالاول..

الله يهديكم
و
دوووس;8479036:
انا بقلك رايى روحى راضى زوجك ولا تخلين الشيطان يلعب عليك وتذكرى الاشياء الزينه والله الدنيا يااختى ما تسوى انه يجلس اسبوع ما يكلمك واذا تراطيتم بعد كم يوم عاتبيه عتاب خفيف اللع يسخر لك زوجك ويسعدكم يارب




وانا معاها بالراى

وربنا يبعد عنك كل حزن
&
روحي كلميه وراضيه فديتج
ا
الله يعينك حبيبتي
بس هذي مشكله بسيطه مره وهجرك
اجل لو حصل خلاف قوي اش بيكون ردة فعله
لازم تتصالحو وافضل انتي اللي تبدئي
بما انك رايقه ممكن هو متنرفز من روحه
فحاولي انك تمتصي غضبه بضحكتك
وابتسامتك الحلوه وانسي اللي صار
اعتبريه شي تافه ما يستاهل كل ها الزعل
ارجوك يالغاليه راضي زوجك لانه هو جنتك ونارك>>>>>مو تقولي هاي اول مره(معناته طبعه زيييييييين)
والله يخليكم لبعض ويسعدكم
ف
اللة يصلح بينكم روحي راضية احنا دايما يالحريم نبدأنراضيهم حتى لوهم الغلطانين اللة يعينك
ع
روحي واتكلمي معاااه اول شي

وافهمي منه هوا عمل كدا ليييييييييش

بأي منااسبه يمد يده ؟؟؟

امكن انتي عليتي صوتك بزياده او شي ترى الرجال يتهيء لهم اشياء زي كدا حتى لو انتي ماعليتي صوتك

اول شي اتفاهمي معاه بعدين قرري تعتذري او لا

امكن بعد ماتتكلمي معاه هوا الي يعتذر اول

عيون الفهد
S
اختتتي ادا اول مرة اكييد عنده مشاااكل فانتي روحي اب كل رققة وحنان وحطي ايدج في اييده وسالييه شنو فييه وخذذيه وخليه ينام اب غرففتكم وربي يوفققج ويصللح بينكم وعتذرري منه
.
الله يصلح بينكم ويسخر لك زوجك
ويوفقك
ص
هلا حبيبتي
ست ايام وايد..لازم توضعين حد..روحي تفاهمي معاه وتراضوا ما يصير جديه حبيبتي..

الله يسعدكم ويوفقكم..
m
حبيبتي كل شي تسكتين عنه الا انه يمد يده عليج

اذا شي سخيف وتافه نفس هاي خلاه يمد يده عيل لو صار شي اكبر شنسوي .. بيذبحج؟؟

سكتي عنه لي بنفسه يرضا .. اكبر غلط ان الوحده ريلها يضربها وتسكت عنه .. والله عقب بيستسهل الشي
u

مرحبا بك اختي ..

الصراحه انا مالوم زوجك .. في طريقه نهره ولدج بقولج ليش .. لان فعلا احيانا اليهال يطلعونج من طورج في السوق وهالشي يصير وايد معاي ... .فعشان جذي ولدج استفز ريلج... وانتي بدل ما تحاولين تمسكين ولدج قعدتي تعدلين باسلوب التربيه ... جدام اليهال ..

قبل لا نتطرق حق موضوع الضرب ..اختا مهما يصيير جدام الياهل . لا تختلفون على اسلوب التربيه جدامه يعني لو هاوشه ..جدام الناس . اسكتي واسحبي الياهل ,,, ولمن تصيرون بروحكم وزوجك رايق كلميه .. مع تأكيدج ..ان اليهال متعبين ...

االي صار ببساطه ان كل موضوع شد الثاني .والريال حس انج قاعده تعلمينه شلون يربي عياله .. واسلوبج استفزه .. الي تسوينه الحين انج تحاولين ترضيه .. وحاولي انج تبررين تصرفج وتحملين نفسج جزء من الخطأ ..

وان شاء الله زوجك رايح يتفهم غلطه هو بعد ...

ام جنى
X