السلام عليكم ورحمه الله وبركاته

حبيبتى سيبيها لله دى كلها اعتقادات مالهاش اصل من الصحة طالما مانصش عليها كتاب ولا سنة اعتمدى على الله وعيشى حياتك عادى امال يابنتى الى بيتجوزو ويسافرو بره على طول او يروحو بلد تانية يقضو شهر عسل بيعملو اييه سيبيها لله ياقمر والف مبروك مقدما

اولا ربنا يتتمملك بخير يارررررررررررررررررررررررررررررررررب ويرزقكك الذريه الصالحه عاجلا
مش اقدر اضيف كلام على اللى البنات قالوه
خليها على ربنا دى كلها معتقدات قديمه مش ليها اى اساس من الصحه واول مره اسمع عنها

بصى يا طمنت انا هجيب لك الخلاصه
مع احترامى لمامتك
دينا والحمد لله على نعمة الاسلام نهانا عن التطير
يعنى التشاؤم بشئ معين
يعنى مش معقول الدين الكبير العظيم ده يسهلها علينا واحنما نصعبها على نفسنا
فحاولى تقنعى مامتك ان الكلام ده حرام وانك بكده هتاخدى ذنب
وربنا يتم لك على خير

ازيك ياطمطوووووووووووم


انا رايي تكبرى دماغك من الحوارات دى ياطمطوم وتخلى نفسك قمر كده وتروحى الفرح وزى ماقالولك البنات هاتكونى عرووووسه تانيه والله وبكره تشوفى وكمان انا رايي تنزلى الحنه كمان وانتى لابسه حاجه وهم كده وهاتلاقى كل الناس حواليكى بيحتفلوا بيكى وتقعدى خمس دقايق وتطلعى وصدقينى والله هايشيلوهالك بجميله انك نزلتى وجاملتيهم وانتى عروسه.

قال تعالى قُلْ لَنْ يُصِيبَنَا إِلَّا مَا كَتَبَ اللَّهُ لَنَا".
بلاش خرافات داومى على الاذكار وربنا الحامي ربنا يوفقكم ويسعدكم

اولا ياقمر الف مبروكثانيا خطيبك كلامة صح وبعدين انزلى وروحى الحنة والفرح وعيشى حياتك عادى جدا لان كل اللى فى دماغك ده معتقدات خاطئة وبلاش تعملى تفارق بينك وبين اهل جوزك من الاول لان كده عروسة اخو جوزك هتزعل منك واخو جوزك وجوزك نفسه واهله هيزعلوا منك خليكى عادية وانزلى وعيشى معاهم الايام من اولها وسيبك من الكلام ده
وتوكلى على ربنا

الصراحة معتقدات غريبة
توكلى على الله يا جميل
و باذن الله خير

بصى يا قمر بصراحة انا اول مرة اسمع الكلام ده و رأيى تكبرى دماغك من المعتقدات الغريبة دى لان اى حاجة مش معروفة دينيا و مذكورة فى القران يبقى فيها الف شك و كمان اصلا الكلام مش منطقى خالص و تحسيه كده غريب ,فبلاش تبوظى حياتك و فرحتك عشان كلام زى ده و كمان شكلك هيبقى ايه لما ماتروحيش لاخو زوجك :دى هاتبقى مشكلة بينك و بينهم و بالذات اخوه و مراته و هتفضل نقطة سيئة فى حقك طول حياتك و بالذات انك مسافرة و معندكيش فرصة انك تعرفيهم بنفسك كويس عشان تصلحى الفكرة دى..افرحى و استمتعى بحياتك و بلاش تجيبى لنفسك وجع القلب و ربنا معاكى و يوفقك يا قمر و البنات جميعا يا رب

cherry..;8472393:
طب وهى الزهرة لما تحطيها فى البرا هتعمل ايه ..؟؟ انا مش فاهمه الجزء دا بصراحه

بصى ياحبيبة .. انا رأيي من رأى البنات.. الكلام دا مش صح خاااالص وزى ما كيتى قالت انتى المفروض تفصلى فستان شييك وياريت يكون روز فاااااتح علشان يبان انك عروسة جديدة ويكون فيه تول وشيفون وتلبسى شبكتك وتقعدى انتى وجوزك فى ترابيزة باينة كده ومميزة وفى نفسك اعرفى انك ملكة المكان انتى العروسة عروسة جوزك وبسسسسس... مش لازم خااااالص انك تلبسى الفستان الابيض علشان تكونى ملكة المكان كفايه انك وجوزك هتحضروا فرح سوا واول مرة وهتكونو لسه فى اسبوع العسل يعنىىىى صباح الدلللللع اللى هتكونى فيه ...هههههههه

وملحوظة كمان اولا متبينيش لخطيبك انك مقتنعه بالكلام دا لان دى حاجات تقاليد ومالهاش اساس من الصحه هيدايق منك لانك علشان عادات هتحطى حدود بينك وبينه من جهه واخوه ومراته من جهه .. والبنت الذكية اللى بمجرررررد ماتعرف ان دا تفكير جوزها تمشى على طووول وتغير رأييها ومعتقداتها علشان ميقولش فى باله ايه التفكير دا !! او يقول ايه دا انا مكنتش فاكرها كده !! او يبدأ يغير فكرته عنك ..
كمان البنت الذكيه اللى تخلى نفسها محبوبة وصاحبه واجب وفى نفس الوقت ليها مكانة عاااااليه .. انتى داخله فى بيت عيله يعنى مرات اخوكى واخته وحماتك .. دايما تكونى سباقه وصاحبه واجب وتقدمى عيونك للكل بس كرامتك محفوظة ومقامك عالى .. دايما خليكى العاقله الكبيييييرة مقاما واللى الكل يعملها ألف حساب ويحب انها تكون موجودة فى كل مناسباته او ياخد رأيها فى اى ححاجه..

وكمان جوزك شاب يعنى من شباب اليومين دول اللى والله لو عملتيلهم ايييييييه عمرهم ماهيصدقوا ولا هيقتنعوا بربببببببببببببببع كلمة من كلام الامهات دا وهيبصوا للبنت على انها (متأسفه والله ) بس جاهله .. اصلااااااا لو قابلك ولد مقتنع بكلام الامهات والاجدادا دا لااااازم تبدأى تقلقى منه هههههههههههه .. بالتأكيد هيكون مش طبيعى ... يبأه احنا نعمل اللى هيعلى مقامنا فى نظر اجوازتنا وعارفه كلللللللل دا ليه علشان .......

(قل لن يصيبنا إلا ما كتب الله لنا هو مولانا وعلى الله فليتوكل المؤمنون)

واحنا كلنا ولله الحمد مؤمنين ...


وحاجه اخيرة معلش الرسول عليه افضل صلاة وسلام قال عن العليقات او التمائم او الحاجات اللى بتلبسيها او تحطيها علشان تغزى العين او تردى الاسحار او تمنعى الفال الوحش .. ..

" من علق فقد أشرك "

(y)(y)
كلامك راااائع وبجد يستاهل التقييم جدا جدا
وانا معاكي ف كل حاجه
بس حبيت اقول لطمنت حاجه تانيه
لازم من جوااااااكي تكوني مقتنعه بكدا مش مجرد انك بتراضي جوزك او كدا...لازم تكوني مقتنعه ان ربنا هو الي هيحميكي وان كل المعتقدات دي غلط
وبعدين ازاي ده ياخر الحمل؟؟؟؟ كل دي بجد اوهااااام
يعني انا حاسه انك بتقولي كدا لكن بينك وبين نفسك نفسك انها تيجي من فوق وماتضطريش لكدا...يعني مثلا هبقى مشغولة وجايز مقدرش اقابلها وكدا
بجد لااااااازم من جواكي تكوني مش مصدقه ف كدا لانك لو دخلتي ف دوامة المعتقدات دي مش هتخلصي
خدي عندك من ده كتييير...ومحدش يدخل على واحده والدة عشان ماتنكبسش...وجوزها مايدخلش عليها وهي نفساء...لو كان حالق او شاري لحمة...وسلفتها ماتعملش ايه...ومفيش واحده عندها الدورة تدخل عليها
ومواوييييييييييل
بنسمع من ده ياما ف المستشفى والله ...بس كبري دمااااااغك بجد الحامي ربنا وحده

رايى خطيبك تمام

وخليها على الله

ويتمملك على خير ياقمر

ربنا يوفقك للخيير بس انا بجد اول مره اعرف الحاجات دى خالص

مش فاهمه حكايه الشهر العربى والدخول والخروج ده

ولا الزهره انا كل الى اعرفه انه العروسه بتقعد اسبوع فى بيتها مش تخرج بس مش عارفه ليه يعنى وفيها ايه لو خرجنا

طمنت يا حبيبتي اولا ربنا يتمملك على خير يا رب ويسعدك في حياتك
بالنسبة للمعتقدات دي انا عايزة انبهك لحاجة مهمة جدا موضوع الزهرة هي اللي ربنا هيخليها تحميكي وكدة ده من الشرك الاصغر عشان متفهميش غلط بردو شرك اصغر ده مش بيخرج من الملة ولا حاجة لا خالص عشان في ناس اول م تسمع كلمة شرك تتخض لكن حاجة كبيرة في الدين وطبعا انتي مش هتحبي انك تبداي حياتك الزوجية كدة
توكلي على الله وولا حد حالق ولا واحدة عليها البريود ولا حد داخل عليكي بلحمة الكلام ده كله معتقدات فاسدة العلماء حذرونا منها لانها مدخل للشرك الاكبر
فانتي يا حبيبتي تقراي اذكارك وتستعيني بالله سواء تروحي الحنة متروحيش تروحي الفرح ومتستنيش لما تسلملي عليهم كل الحاجات دي بالاتفاق بينك وبين زوجك هو ادرى بعيلته مين هيزعل ومين مش هيزعل اسمعي كلامه عشان هو بردو هيحب صورتك تكون كويسة
اما مامتك فمتزعليهاش وكدة حاولي تراضيها بالكلام وحاولي تفهميها فالاول ان الكلام ده حرام ومش صح لو فضلت مصرة ومقتنعتش حسسيها انك هتريحيها لكن خدي بالك لا طاعة لمخلوق في معصية الخالق بس متزعليش مامتك وتحسسيها ان كلامك زوجك اعلى من كلامها وريحيها خالص من غير م تعملي الزهرة والكلام دة

وانتي يا حبيبة مادو ممكن تخرجي قبل اسبوع عادي مفهاش مشاكل بس تقريبا بردو هي اعتقادات خاطئة فلو عايزة تخرجي اخرجي بس غالبا الناس بتيجي للعروسة اول الجواز عشان تباركلها عشان كدة مبتخرجش دة بالنسبة للي مش بيعتقدوا الاعتقادات دي

معلش طولت عليكي يا طمنت وربنا يا رب يتمملك بخير ويجعل حياتك في طاعة ربنا

العتب;8472072:
رائعتي ... بصراحة انا ايضا مثل زوجكِ لا احب هذه الإعتقادات والتعقيدات والله أعلم
وارى انه من العادي جدا ان تحضري العرس من غير تحفظ في بعض الاشياء التي ذكرتها
ومسألة انك تقابليها أو تقابلك والله هي مسألة عادات وتقاليد عندنا يمكن تختلف من عندكم
ولا استطيع ان اشجعك على موضوع من الممكن ان يكون على حسب عاداتكم وتقاليدكم طامة
اما عن نفسي انا اذا حدث عندي مثل هذا الامر سوف اعتبر عروس لمرتين واتزين واخيط فستان
خاص لهذه المناسبة ومكياج فخم لاني بالفعل عروس وسأحضر واسلم عليها عاااااااادي وبعدها
اسافر بدون اي مشاكل او تعقيدات وجع راس ... أولا وأخير هي مسألة عادات وتقاليد ولا استطيع
الجزم بها .

و انا معاها تماما ! موفقه ان شاء الله ..

ولو اتقابلتم قبل ما يهل الشهر العربى ايه اللى هيحصل؟؟؟؟؟؟؟؟؟؟

معلش دى معتقدات قديمه جدااااااااااااااااااااااااا ومالهاش اى لازمه

kitty_kity;8472133:
انا مع رأي خطيبك جدااااااااااا وبصراحة اول مرة اسمع الكلام ده
عارفه يابنتي انا لو مكانك كنت هفرح ان في مناسبه هحضرها انا وجوزي سوا بعد جوازنا واسعى اني احضرها بابهى صورة ممكنة واعمل فستان مخصوص واقابل كل الناس بشكل يشرفه ويشرفني ويسيب عني انطباع كويس قبل ماسافر
وعادي ادخل على اي حد واي حد يدخل عليا المهم ان الوقت الي نقضيه سوا اسيب عني انطباع كويس
وبعدين يابنتي كيس صغير ايه وزهرة ايه
الحامي ربنا

cherry..;8472393:
طب وهى الزهرة لما تحطيها فى البرا هتعمل ايه ..؟؟ انا مش فاهمه الجزء دا بصراحه

بصى ياحبيبة .. انا رأيي من رأى البنات.. الكلام دا مش صح خاااالص وزى ما كيتى قالت انتى المفروض تفصلى فستان شييك وياريت يكون روز فاااااتح علشان يبان انك عروسة جديدة ويكون فيه تول وشيفون وتلبسى شبكتك وتقعدى انتى وجوزك فى ترابيزة باينة كده ومميزة وفى نفسك اعرفى انك ملكة المكان انتى العروسة عروسة جوزك وبسسسسس... مش لازم خااااالص انك تلبسى الفستان الابيض علشان تكونى ملكة المكان كفايه انك وجوزك هتحضروا فرح سوا واول مرة وهتكونو لسه فى اسبوع العسل يعنىىىى صباح الدلللللع اللى هتكونى فيه ...هههههههه

وملحوظة كمان اولا متبينيش لخطيبك انك مقتنعه بالكلام دا لان دى حاجات تقاليد ومالهاش اساس من الصحه هيدايق منك لانك علشان عادات هتحطى حدود بينك وبينه من جهه واخوه ومراته من جهه .. والبنت الذكية اللى بمجرررررد ماتعرف ان دا تفكير جوزها تمشى على طووول وتغير رأييها ومعتقداتها علشان ميقولش فى باله ايه التفكير دا !! او يقول ايه دا انا مكنتش فاكرها كده !! او يبدأ يغير فكرته عنك ..
كمان البنت الذكيه اللى تخلى نفسها محبوبة وصاحبه واجب وفى نفس الوقت ليها مكانة عاااااليه .. انتى داخله فى بيت عيله يعنى مرات اخوكى واخته وحماتك .. دايما تكونى سباقه وصاحبه واجب وتقدمى عيونك للكل بس كرامتك محفوظة ومقامك عالى .. دايما خليكى العاقله الكبيييييرة مقاما واللى الكل يعملها ألف حساب ويحب انها تكون موجودة فى كل مناسباته او ياخد رأيها فى اى ححاجه..

وكمان جوزك شاب يعنى من شباب اليومين دول اللى والله لو عملتيلهم ايييييييه عمرهم ماهيصدقوا ولا هيقتنعوا بربببببببببببببببع كلمة من كلام الامهات دا وهيبصوا للبنت على انها (متأسفه والله ) بس جاهله .. اصلااااااا لو قابلك ولد مقتنع بكلام الامهات والاجدادا دا لااااازم تبدأى تقلقى منه هههههههههههه .. بالتأكيد هيكون مش طبيعى ... يبأه احنا نعمل اللى هيعلى مقامنا فى نظر اجوازتنا وعارفه كلللللللل دا ليه علشان .......

(قل لن يصيبنا إلا ما كتب الله لنا هو مولانا وعلى الله فليتوكل المؤمنون)

واحنا كلنا ولله الحمد مؤمنين ...


وحاجه اخيرة معلش الرسول عليه افضل صلاة وسلام قال عن العليقات او التمائم او الحاجات اللى بتلبسيها او تحطيها علشان تغزى العين او تردى الاسحار او تمنعى الفال الوحش .. ..

" من علق فقد أشرك "

بصراحه المشاركتين احسن من بعض ما شاء الله وتم تقيمهم :D

طمنت يا حبيبتي قل لن يصيبنا الا ما كتب الله لنا وانتي واجبك انك تقولي لمامتك ان الكلام دا مش صحيح بالعكس حرام كمان ومامتك وكل ام ممكن تخاف ع بنتها بشكل او باخر وبرضو ليها وجهات نظرها وتفكيرها ف الحياه وواجبنا اننا نسمع كلامهم ونريحهم بس منعملش الا المقتنعين بيه واللي قبل اقتناعنا يكون هو الصح في الشررررررع ف الشرع بس ومش ف العادات ولا التقاليد انا هنا مش هقولك بقي انزلي الحنه وروحي الفرح والزهرا او انك تسلمي عليها او كدا لالا كل البنات قالو وكفو ووفو ما شاء الله انا هقولك استعيني بالله وتصرفي ع طبعتك يا حبيبتي وربنا يحفظك ويرعاكي

والله انا اول مره اسمع بهذا العادات

وهذا عاداتكم وتقاليدكم ولاني مو فاهمه عليه ف سمحيلي ما اعرف كيف اساعدك
بس ان شاء الله بنات ما يقصرو

متشكره ليكم بجد يابنات كلكم اللي قالي رايئيو ربنا يكرمكم ويجازيكم خير بصوا يابنات ماما سمعت الكلام ده فخافت عليا زي اي ام وانا هافهمها فعلا ان الكلام ده غلط وهي مش مقتنعه بيه ولا انا كمان بس هي خلفت عليا
بالنسبه لحكايه الحنه انا بسال خطيبي عادي ان كنت انزل ولا لاء قالي مالوش لازمه لان مامته مش بتعمل حاجه خالص وهو قالي هينزل شويه يبارك لباباه ومامته واخوه ويطلع ع طول وبعدين انا هايكون عندي قرايبي فاقالي ابقي خليكي معاهم وانا هانزل شويه
والفرح ان شاء الله هاروح متوكله ع الله هو الحامي وخطيبي قالي ابقي سلمي ع اخويا ومراته في الفرح لان احنا ان شاء الله هنسافر تاني يوم الصبح ع طول علشان شهر العسل ولما نبقي نرجع ان شاء الله نبقي نباركله تاني باذن الله
انا حبيت اخد رايكم يابنات واعرف واتاكد ان الكلام ده عادات قديمه وغلط وبجد متشكره ليكوا اوي ولكل بنت باركتلي ودعيتلي من قلبها ربنا يكرمك