السلام عليكم و رحمة الله وبركاته

اولا جزاك الله كل الخير و الله يصبرك على اسئلتنا

الله يسلمك يا دكتور انا متزوجه من خمس سنوات و حملت 3 مرات الثانيه اسقاط و الأولى و الثالثه الحمد لله مرن على خير و الحين عندي طفلين 3 سنين و 9 شهور و نص الحمدلله
بداية ضليت سنه ونص بدون حمل و السبب في البدايه تكيس المبيض بس عالجته و الحمدلله راح و بعدين كل ما اراجع الدكتوره تقولي ما في اسباب تمنع الحمل و مع ذلك كنت آخذ كلوميد و ابر تفجير و بعده سويت تصوير ملون للرحم ما طلع شي عندي و سويت تلقيح صناعي و ما نفع
نجي للمهم و اللي يمكن تعتبره خرافه و اللي انا اعتقد فيه من قبل انه خرافه............ من بعد الحاح شديد من اهلي و زوجي و صديقاتي اللي قالولي اسير عند حرمة تمسح الضهر و البطن و عندها طريقه غريبه شوي.......... المهم الحرمه يوم كانت تمسحني قالت حقي انه الرحم مائل بدرجه كبيره لجهة اليسار......... و اونه عدلته
انا قبل ما اتمسح عند الحرمه .........تكرم من بعد الجماع كان السائل المنوي يطلع برع انا كنت احسبه عادي و اقول المني يحتوي على حيوانات منويه كثيره و اكيد مب كله طلع برع
بس من بعد المساح صار المني ابدا مايطلع برع ........ وتأخرت الدوره الشهريه هذاك الشهر و الحمدلله طلعت حامل
فسؤالي الأول يا دكتور هل هذا صحيح طبيا و لو كان صحيح ليش الدكاتره ما ينصحون فيه؟؟؟؟

السؤال الثاني انا صارلي من ولدت طفلي الثاني تقريبا9 شهور وزياده........ والشهر اللي طاف يتني الدوره لأول مره و الدكتوره قالت حقي انه الرحم نشط مع العلم اني ارضع طبيعي الحمدلله و الحين الدوره متأخره اسبوع.......
هل هذا يعني اني بحمل قريبا؟؟؟؟؟؟؟؟
اسفه اعرف اني طولت عليك بس الكل يسألني عن استفساري الأول و شكرا