السلام عليكم ورحمة الله وبركاته
شلوونكم عرايسنا الحلوين ان شاء الله بخير , الحمد الله ياربي خلصت الامتحانات الصعبة وباجي امتحانين ادعولي ربي يوفقني فيهم واخلص هالكورس على خير , المهم :D طولت بالحجي
من فترة نزلت موضوع عن ترتيبي لمكياجي وووو والحين غيرت شوية شغلات وحبيت تشوفون التغيير الي صار
هذا موضوعي القديم طريقتي في ترتيب اكسسواراتي ومكياجي << صور >>
اولا هذي صورة التسريحة قبل التعديل , واايد عفسة ,, :o
شريت هالادراج ,, حبيت الوانهم ,,
في الدرج الاول حطيت ,, شبصاتي ,, رتبتهم في بوكسات عشان لا تصير لوية وبعد حطيت الدبابيس والستريتر
في الدرج الثاني يبت بوكس حطيت فيه كربيماتي الي بكرتونها ما استعملتها
وماكينة حلاقة ريلي حطيتها مع اغرضها في جنطة صغيرة
والقطن في البوكس الشفاف
وبعد كريمات مو على طول استخدمها حطيتهم بسلة
وهذا شكل الدرج من داخل
اما الدرج الثالث
عندي هالصندوق الكبير
حطيت داخله اغراض زوجية :o
هذا بالدرج مع شدوهات
هذا الدرج الاخير ,, خخخخخخخ ,,
كان عندي امشووط ,, جمع مشط :cool: ,,
حبيت احطهم باستاند ما لقيت غير هالاستاند مال الشمعه
وهذا شكل الادراج من فوووق
عندي بالتسريحة مكان صغير بين درجين ممم ما اعرف اشرح ,, شوفوا الصورة ,,
كان حده لوية وعفسة كله ساعات
عاد شريت هالجنطة المقسمة ,, والله اختراع عجييب ,,
رتبت فيهم ساعاتي وساعات ريلي وبعد حطيت بزماته والقلم
وهذا شكل المكان عقب ما تعدل ,, صج فرق ,,
بالنسبة لمكياجي حبيت طريقه شفتها اهني بالمنتدى وطبقتها صج مريحة وعملية
عقب ما رتبت المكياج
الحين التسريحة نفسها
عندي هالسلة حطيت فيها دهن العود
وهالسلة فيها كل عطورنا انا وريلي
وهالبوكس حطيت فيه after shave ملوت ريلي والكلونيات والسبريه ووووو
وهذا الاستاند علقته يم التسريحة ورتبت فيه الكريمات
شكل التسريحة النهائي
اي واخر شي زينتها بالشموع
وووبس خلصت
اتمنى يعجبكم موضوعي المتواضع وان شاء الله يعجبكم ترتيبي وتكونون استفدتوا ولو بشي بســـــــــــــــــيط وترى والله الترتيب حلووووو :)
لا تنسوني بدردوكم ودعواتكم الحلووووة
ولا تنسون هالعلامة
:o اذا كنت استاهل :o