مشكلتي صعبه جدا من يشاركي الحلول

اختي في الله صدقيني اذاالله كاتب ترجعين بترجعين انتي بس اطلبي الخيرة من الله عزوجل

بس اختي انتي فكري بعقلك شو السبب لي اجبره يتركك

يعني هيا خيرته ولم ترغمه أو اخبرته على اختياره

الله يوفقك يا غالية

ويرزقك بلي يقدر قيمتك ويسعدك

عروس.;8458830:

وزوجه حرام عليها اللي تسويه ,,لانه شرعا يجوز له ان يتزوج اربع ,,ادعولي تكفون ان الله يسخر لي زوجي ويهدي زوجته.,,,

اختي خليك صريحه لو انتي مكانها بيكون هذا ردك
مافيه شي يقهر المرأه اكثر من ان زوجها يطالع غيرها فما بالك يتزوج عليها
انا اقول من الاول قرارك غلط
1*ليش تتزوجين واحد متزوج
2*ليش يتزوجك بدون علمها
انا آسفه عالقسوه بس والله ماودي تتعذبين في حياتك

صحيح انت مالج ذنب
واكيد الكل يفكر بمصلحته
الله يكتب لج الخيرة
بس ماعجبني اسلوب وصفج
لزوجته وام اولاده
فيها اعاقه اكبر منج ومنه تزوج لانها كبرت
كانج تقولين تستحق يتزوج عليها
عقب ماخلفت6عيال وعشرة عمر معاه توه انتبه انها اكبر وفيها اعاقة؟

عالعموم ادعي ربج يرده لج ويهديها لج

اختي الله يكون بعونك
الشرع حلل الزواج بدل الوحده اربع بس الي يتزوج يكووون قد انه يفتح اكثر من بيت يعني لا يظلمك ولا يظلم زوجته الاولى وام عياله

بس هو ليش اختار انه يروح معاها وارسلك بيت اهلك ؟؟؟؟ موب فاهمه يعني هي خلاص عرفت انه متزوج عليهاااااا خلاص ليش هو خاف وارسل لك اغراضك ؟؟؟
وبسألك هو يشتغل ولا لا ؟؟؟
يعني زوجك غريب بصراحه هو يخاف منهااااااا طيب الي يخاف من زوجته اجبن من انه يعدل بينك وبينها

الله يعينك بس وربي اني حاسه فيك وحاسه بالقلق والنار الي تحسينهااااا :(

بس بصراحه موقفه يقهر

وعندي كلمه بقولهااا للأخوات الي قبلي ردوووو لان بعظهم معترضين على انه تزوج على زوجته طيب هذا حق شرعي الله من سابع سماء شرعه للرجال من دون النساء يعني بالله لو هذا الحق لكم يانسوان بالله ماراح تعددون خخخخخخ سبحان الله ربنااااا خلق تركيبة الرجال النفسيه والفسيولوجيه على انه ممكن يحب اكثر من وحده
يتزوج بالحلال ولا يروح مع الف صديقه لا وبعظهم يروحون مع الشغالات يعني شي بالحلال ولا شي بالحرام والعياذ بالله

اختي عروس الله يستر عليك ويجمعك بزوجك بس خلي الامور تهدأ شوي واذا يحبك بياخذ موقف مع انه يقهر يعني السياره والفلوس اهم منك ؟؟؟ غريب وربي احس في شي هو ماقاله لك الله واعلم وش هو

عموماااا طمنينااا وش يسير معك دايم قومي بنص الليل ودعي الله انه يكتب لك الي فيه الخير

الغلط مو عليها ابداااا الشرع محلل اربعه ...
بس زواجه السابق كان صفقه ومستفيد و لما شاف انها كبرت ومحتاج يجدد شبابه اتزوج بس لما اتفاجا برده فعل الزوجه وانه على وشك انها تحرمه من العطايا فورا اتحول عليها للاسف مو قد فعلته ولا كلمته وظلم بنت الناس معاه وما عدل بينكم وانتى الضحيه الله يكون بعونك ويفرجها عليكى

الغاليه
اللي صار صار وانتي زوجتي حين بالحلال
بس ابي اوضحلج جم من نقطه هي اساس المشاكل اللي انتي فيها الحين

اولا شلون ريلج ما قال لحرمته انه بيتزوج
او بالاصح شلون انتي بعد رضيتي يتزوجج وما يقول لها دام انج تعرفين انها قويه ومب هينه
؟؟؟؟؟؟؟؟

ثانيا
دام انج تقولين ان شخصيتها قويه وهي تعامل كانه ياهل
ليش اصلا مافكر هو بهالنقطه لما فكر انه يتزوج
حتى لو هو مافكر بها
عقب ما عرستوا شلون راحت هالنقطه من بالج
شلون ببتعاملون وياها لو درت بسالفة زواجكم
يعني شلون بتتصرفون بحيث ما تتأذين انتي ولا هي
ولا خلاص عشانكم كنتوا بجو رمانسي نسيتوا اصل وضعكم؟


ومثل ما قلتلج اللي صار صار وبنصحج نصيحه لوجه الله
خلج من جانب يحبني ويموت فيني
انتي وضعج الحين حساس يالغلا
فكري شلون ممكن تتصرفون عشان ما تخسرين ريلج
وخليه يجيج في بيت اهلج وتناقشوا بجديه
يعني بعقل وخلي الحب والرومانسيه على صوب شوي
لان نقاشج هذا بيحزم علاقتج وياه
واتذكري دوم ان هذي اول الحرب من طرف زوجة زوجج وما خفي كان اعظم
لانها ما بتخليج بحال سبيلج مهما كنتي زينه وياها بتحسج سرقتي منها زوجها وخربتي عليها حياتها

ولاتنسين تصلين استخاره قبل انه يجيج يالغلا

والله يوفقج وييسرلج امورج

ادعى الله ان يسخر لك زوجك اختى الغالية

وبعدين انت زوجته على سنة الله ورسوله لاتسمعين الكلام الى يقول انك مو من حقه وهو تزوج على مرته وحرام وو

صدقينى مصيرها هترضى مع الايام لان الفعل الى صدر منها عملته وهى غاضبة جدا بس اكيد مع الايام هترضى وهتقتنع انك تردين له
بس انا مو فاهمة هل هو تزوج عليها بالسر لانه ليش مامنعته من الاول ؟
صدقينى زوجك من حقه يعيش حياته معاك وهى المفروض تظل شاكره لزوجك طول عمرها لان هو السبب فى زواجها وجابت منها عيال لو ماصار كذى تمت بطول عمرها عانس ماحدا تزوجها
الله يوفقك انت بس ادعى فى نصف الليل الاخير واكثرى من الاستغفار

ربنا يصلح الاحوال يا رب

هلا بك عروس الله يعوضك بالزوج الصالح
وانا رايي من راي اختي
كمام الامل

كمام الأمل;8458755:
والله حبيبتي انا اشوف من حقها اللي سوته يعني انتي حطي روحج مكانها لو تقدم فييج العمر هل بترضيين انه زوجج يبدلج بوحده ثانيه بحجة انج خلاص كبرتي وماعدتي تنفعيين كزوجه عقب ما ضحيتي وعقب ماصار بينكم عيال يعني شي ما يتقبله اي منطق واي مراه ما ترضى على روحها بهذا الشي وحتى لو كان مجبور في بداية زواجه شنو اللي يجبره اللحين يرد يختارها حبيبتي اللي يحب بصدق ماراح يتخلى عن اللي يحبه مقابل بيت وسياره ولا تنسيين اهو اب ماراح يتحمل انه ينحرم من اولاده من اجل امراه وانتي توج علاقتج فيه ما تعدت الشهريين يعني انتي الاسهل انه تنسحبيين بهدوء وإن شاء الله الله بعضوج باللي احسن منه واكثري من الدعاء والاستغفار وان شاء الله ربي يعوضج باللي احسن منه

(y)(y)

احلى مشمشه;8460945:
والله لو عايزك يسيب الشقة والعربيه والفلوس ................واكيد اتجوز بفلوسها عليها دى بقى تبقى حاجة لا تحتمل ................... يعنى عايز ياخدها لحم ويرميها عضم

وانا شايفه الغلط منه
اتجوز واحدة عشان فلوسها
سابها عشان كبرت
اتجوز من وراها اكيد بفلوسها
سابك عشان الفلوس

انتى لسه ف بدايه الجواز عشان كدة فرحانه وهو فرحان بيكى عشان لقى واحدة قريبه منه ف السن لكن مادام هو كدة بكرة حتشوفى نارة

ارميه قبل ما يرميكى يا اما عشان مراته او عشان واحدة تانيه

(y)(y)(y)(y)

وربنا معاكى

مو لان الزوجه كبيره وفيها اعاقه يكون عذر
كفايه انها بإعاقتها ناجحه وموظفه وشايله البيت وعياله وهو بعد
انتي ضحيه رغباته .. هو يبي يستمتع بس لما تأزم الوضع انسحب على طول ورجعك لاهلك!
ماخجل منك ولا من اهلك! الي يحب مايترك عشان فلوس وسياره
واذا مقتدر ماكان همه التهديد ومصيرها الزوجه الاولى تقتنع
التعدد حلال وانتي يااختي ماسويتي غلط ... اللوم على الطريقه وان مافي عدل من بدايه الموضوع ليش حاط لها حساب وانتي لا .. ليش متساهل بوضعك وهي لا؟؟
الله يكون بعونك ويسهل ظروفك وعليك بالدعاء وربي على كل شي قدير

♥بنوته زايد UAE♥;8460896:
اختي انا بصراحه اشوف ان زوجته اولى معاها حق وفي نفس الوقت انتي مالج ذنب ..

لان مافي اي زوجه ترضى ان زوجها يتزوج عليها ،، ومدام انه عارف انهاا اكبر عنه ليش تزوجهاا من الاساس ..

وانتي بعد مالج ذنب لانج زوجته ومافي وحده ترضى ان تكون بعيده عن زوجهاا مهما كانت الاسباب بس للضروف احكام ..

بس ليش تحرمه ؟ ،،، ليش هو مايشتغل ؟ ،،،


فما ادري والله يا اختي شو اقولج ،، غير اني ادعيلج ..

ربي تتيسر امورج عاجلا ..

و انا معاها في رايها ..

و عندي مثل الاسئله ؟!

حبوبه نحن مانظلمج بس ليش انتي ما تفكرين عدل..

اكيد انتي تحبينه وهو بعد يبحبج بس الحب مب كفايه..
وين كلمته ،، وين رجولته؟
يعني من البدايه مافكر انه راح يظلم انسانه(الي هي انتي؟)

و هو تركج عشان الفلوس والعيال .. وانتي مالج ذنب..
صرتي ضحيه..



ليش وين اهلج؟ ماتكلمو معاه ولا قالوا له شئ ..معقوووووله!!

اهلا اختي

سأخذ موضوعك بحياديه .. الفاس طاح بالراس وماراح الومج ولا الومه هو ريال والشرع حلل له اربع وانتي مطلقه وتبين الستر وهو بعد ولد عمج سترج وغطاج ... والريال ماظلم مرته بزواجه مره ثانيه بحكم ان هي اصلا مريحته ماديا..

عزيزتي الحل مو عندج وانا اختج . .الحل عند ريلج انا اخبر الريال الي يمشي كلامه على حرمه مب العكس .. وهو دام غرته السياره والبيت ,, لا بارك الله في وصخ دنيا .. وعياله مالها حق تحرمه منهم لا قانونا ولا شرعا ومافي شرع بالعالم يقدر تمنع اب عن عياله ..

يعني الكلمه الاولى والاخيره له ..وهو القرار بيده .. ويقدريفرض زواجك منك بالطريقه الي يبيها ويعدل ما بينكم .. والضر تحر .. وانا معاها بس اسلوبها غلط وهالشي انانيه منها .. صحيح هي زوجته بس انتي بعد بنت عمه .. وجزاه الله خير ان بغى يستر عليج ..

عموما هذي وجه نظري .. والله يفرج همك وخليه هو الي يختار ولا تطلبين الطلاق يا اختي ابدا مهما صارت ظروفك صعبه ..

ام جنى

خلاص حبيبتي انسيه

اللي باعج بيعيه المفروض انتي تخلينه يبلغ زوجته الاولى قبل لا يتزوجج علشان مايرميكي هالرميه

الحين خلاص انسحبي من حياته لانه اهو باعك ماتمسك فيك و تركها و بعدين الرجل عنده اولاد وبيت و زواجه منها كان بأختياره صدقيني ما كو ريال ينجبر على الزواج لو شنو صار

والله يفرج لج همج يارب

كمام الأمل;8458755:
والله حبيبتي انا اشوف من حقها اللي سوته يعني انتي حطي روحج مكانها لو تقدم فييج العمر هل بترضيين انه زوجج يبدلج بوحده ثانيه بحجة انج خلاص كبرتي وماعدتي تنفعيين كزوجه عقب ما ضحيتي وعقب ماصار بينكم عيال يعني شي ما يتقبله اي منطق واي مراه ما ترضى على روحها بهذا الشي وحتى لو كان مجبور في بداية زواجه شنو اللي يجبره اللحين يرد يختارها حبيبتي اللي يحب بصدق ماراح يتخلى عن اللي يحبه مقابل بيت وسياره ولا تنسيين اهو اب ماراح يتحمل انه ينحرم من اولاده من اجل امراه وانتي توج علاقتج فيه ما تعدت الشهريين يعني انتي الاسهل انه تنسحبيين بهدوء وإن شاء الله الله بعضوج باللي احسن منه واكثري من الدعاء والاستغفار وان شاء الله ربي يعوضج باللي احسن منه

نفس الراي

بنوته مصرية جدااا;8459017:
مش عارفه اقولك ايه اللي ممكن يتجوز الثانيه ممكن يتجوز الثالثه والرابعه طبعا انا فاهمه ان دا شرع ربنا
بس مش فاهمه هو ليه اصلا مقالهاش انه هيتجوز دا من حقها ومن حقها انها تختار اما تقعد معه او لا
كمان انتي متجوزه وعارفه انه متجوز وعنده اولاد وعارفه ان دا ليه عواقب معرفش انا مش قادره اتعاطف معاكي سامحيني لان اي واحده ممكن تبقي مكان زوجته الاولي وساعتها هتخيره وهو خلاص اختار يبقي حب ايه وكلام فارغ ايه هو اختار السياره والبيت والفلوس وساب الحب لانه شاف انه دا اللي باقي له الفلوس ومراته الاولي

انا مقدره حالتك ومقدره انك برضو بتتعذبي بس دا اختيارك ولازم تتحملي عواقبه للنهايه.... واسفه لو كلامي ضايقك

(y)(y)(y)(y)(y)(y)(y)(y)(y)(y)(y)(y)(y)(y)(y)(y)(y)

اشكر كل من تعاطف معي ..وربي وظلومه ...وماكنت اعرف شي عن ظروفه الماديه ولا كنت اعرف انه
ماخبر زوجته قبل ,,,مع انه ولد عمي بس مانعرف خفاياه
انا مازلت عند اهلي انتظر الفرج وماعرف شو مصيري ,,,وانا متعاطفه مع زوجته ودايم اقوله لاتزعلها وداري ظروفها وربي يشهد علي ,,