قبل فترة كنت وايد اشتكي إن بنتي وايد تحن وتزن وأنا مو عارفة شلون اسليها، بس مع مرور الأيام صممت إني اقضي على هالحنة أو على اقل تقدير اقلل منها. والحمد لله نجحت المحاولة. لكني اتبعت فيها ستة أشياء ومحاور راح اذكرها لكم بالتفصيل، وقلت ستة حتى لا اشتت ذهني في وايد اشياء، بل حصرتها في هالستة اشياء حتى اكررها على نفسي بكل مرة شفت بنتي تحن فيها، وفعلا بعد ما جربت هالاشياء كانت فعالة.
تخزين الألعاب في صناديق صغيرة


ما تتخيلون هذي الطريقة شقد فادتني، قبل كنت أعطي بنتي الألعاب كلها مرة وحدة، وكانت تمل بسرعة وتسوي البيت فوضى من الألعاب، وكان زوجي يشتكي انه ما يمشي بمكان إلا ويلاقي لعبه، واستخدمت طريقة الصناديق الصغيرة، فوفرت على نفسي وايد أشياء، أولا: بنتي كانت تلعب بواحد من الصناديق لعدة أيام، وبعدها تمل فأغير لها الصندوق، وتستانس من الصندوق الجديد عبالها إنها العاب جديدة، عرفت ان طريقتي السابقة خطا لان ذهنها كان يتشتت من كثر الألعاب، وثانيا: زوجي ما صار يتشكى من كثر الألعاب لأنها مجموعة صغيرة كلش وما تسبب أي فوضى أو ربكة في البيت، وثالثا: وفرت على نفسي عناء الترتيب..
يمكن تتساءلون؟؟ الألعاب كلها صغيرة؟؟
لا عندها العاب كبيرة وخزنتها كلها في صندوق واحد كبير، وهي ما تعرف أصلا إن هذا الكارتون هو كارتون ألعابها، لأني ما اطلع أي شي منه قدامها، واطلع منه لعبة وحدة بس بين الفترة والثانية، بس راعيت فيه انه يكون كله العاب لازم تعلمها شي معين، لان الطفل يمل من الألعاب اللي ما تفيده وبسرعة يهملها
لا عندها العاب كبيرة وخزنتها كلها في صندوق واحد كبير، وهي ما تعرف أصلا إن هذا الكارتون هو كارتون ألعابها، لأني ما اطلع أي شي منه قدامها، واطلع منه لعبة وحدة بس بين الفترة والثانية، بس راعيت فيه انه يكون كله العاب لازم تعلمها شي معين، لان الطفل يمل من الألعاب اللي ما تفيده وبسرعة يهملها
استخدام أشياء من البيئة


أي شي ممكن يخطر على بالكم داخل البيت، أنا مرة جبت كرتون كبير وقصيته وشلت منه كل الأشياء اللي ممكن تأذي بنتي ولصقته بلاصق وخليتها تقعد داخله، لو تشوفون نظرتها والفرحة اللي كانت بعيونها، راح تقررون إنكم ما ترمون أي كرتون عندكم في البيت قبل ما يلعب فيه طفلكم.
عندي بعد القفاز اللي استخدمه في المطبخ، وهذا القفاز إذا لبسته ولعبت فيه مثل مسرح العرائس تحس بوناسة وكأن القفاز هو اللي يتكلم
عندي بعد القفاز اللي استخدمه في المطبخ، وهذا القفاز إذا لبسته ولعبت فيه مثل مسرح العرائس تحس بوناسة وكأن القفاز هو اللي يتكلم
الصديقات


وبنتي وايد تحب الأطفال سواء إذا جوا لها البيت، أو راحت هي لهم، أو شافتهم بمكان عام، صحيح إنها ما تقبل احد ياخذ ألعابها بس هذا شي كلش طبيعي بهذا العمر، ويروح مع الأيام.. بس أكون ضمنت لها الجو الاجتماعي من الصغر وعلمتها التعود على الناس.
تخزين الألعاب الغير مناسبة إلى عمرها في مكان بعيد عن الأنظار لسنوات قادمة


هذي الفكرة قرأتها في عدد قديييييييييييم من أعداد مجلة زهرة الخليج، ما اعرف ليش ظلت المعلومة في ذهني كل هالسنوات، وفعلا لما صار عيد ميلاد بنتي وحصلت وايد هدايا شلت أكثرهم وخزنتهم بمكان ما تعرفه، حسيت إن هذي الألعاب مو مناسبة لعمرها فعشان جذي خزنتها، راح امنحها أجمل هدية بهالحركة، لأنها راح تلاقي كنز من الألعاب بشكل مستمر كلما كبرت شوي في العمر.
المساحات الواسعة
طبعا غير الطلعات إلى المجمعات والألعاب اللي تلعب فيهم هناك، عندي شي أنا عني مسميته" الجوكر" وهو الحديقة العامة اللي عند بيتنا، طبعا بنتي تتهوس عليها، مجرد ما أطوف يمها بالسيارة سمعوا الصراخ والوناسة، وتكتمل هالوناسة إذا دخلت فيها الحديقة، ولأني مسميتها" الجوكر" فانا ما أروح لها إلا في الشديد القوي، يعني يمكن مرة وحدة في الأسبوع، وبنتي عن جد تحب تلعب فيها.
وهني صورة الحديقة ماخذتها من موقع بحريني يوم افتتاحها، بس لاني مصورتها في تلفوني ومو عارفة انزل الصورة

طبعا غير الطلعات إلى المجمعات والألعاب اللي تلعب فيهم هناك، عندي شي أنا عني مسميته" الجوكر" وهو الحديقة العامة اللي عند بيتنا، طبعا بنتي تتهوس عليها، مجرد ما أطوف يمها بالسيارة سمعوا الصراخ والوناسة، وتكتمل هالوناسة إذا دخلت فيها الحديقة، ولأني مسميتها" الجوكر" فانا ما أروح لها إلا في الشديد القوي، يعني يمكن مرة وحدة في الأسبوع، وبنتي عن جد تحب تلعب فيها.
وهني صورة الحديقة ماخذتها من موقع بحريني يوم افتتاحها، بس لاني مصورتها في تلفوني ومو عارفة انزل الصورة

البسها لبس كلش عادي أو حتى بيجامة لأني أخليها تروح تلعب على الرمل وتبهدل نفسها، بس أنا اسمح لها بهاللعب وأطالعها من بعيد لأني اعرف إني قاعدة أقدم لها شي مفيد.
طبعا كلكم تعرفون إن اللعب بالرمل له فوائد كثيرة للطفل، واستغرب من الأمهات اللي ماخذين أطفالهم للحديقة ويهاوشونهم لأنهم حابين يلعبون في الرمل، بس لأنهم مكشخينهم وطالعين.
يا جماعة ترى انتوا رايحين تونسون عيالكم مو رايحين حفلة، لبسوهم كلش بسيط وخلوهم يلعبون ولاحقين على تعديلهم إذا رجعتوا البيت
طبعا كلكم تعرفون إن اللعب بالرمل له فوائد كثيرة للطفل، واستغرب من الأمهات اللي ماخذين أطفالهم للحديقة ويهاوشونهم لأنهم حابين يلعبون في الرمل، بس لأنهم مكشخينهم وطالعين.
يا جماعة ترى انتوا رايحين تونسون عيالكم مو رايحين حفلة، لبسوهم كلش بسيط وخلوهم يلعبون ولاحقين على تعديلهم إذا رجعتوا البيت
التلفزيون" ساعة يوميا"


وبالتأكيد أنا ما حرمتها من التلفزيون، بس مو بكل وقت، مجرد ساعة قبل النوم، تكون منها تعرف إن النشاط اليومي قل إيقاعه، وثاني شي ما يتأثر نظرها، وأكون بعد علمتها على النظام.. ساعة عند سبيس تون وايد تفرحها، وما شاء الله ما شاء الله وايد تحب الفاصل الإعلاني وتعرف من يقولون " سنعود بعد قليل" على طول تلتفت للتلفزيون، وهي بهالشي عطتني إشارة إنها تفهم الكلام اللي يدور حولها.
الموضوع جهد شخصي لذا يرجى ذكر المصدر عند النقل