تجهيزات عرايس مصر القمرات الجزء 114

حبيبه مادو;8481631:
مرسى يا قمر على ردك الحلو هو كمان عندنا شقه تانيه بتاعته فى بيت اهله برضو وشقه بتاعتى كمان فى المعادى
يعنى منطقه دى كويسه ولا ايه والمتر فيها بكام والمنطقه دى فين بالظبط فى مدينه نصر ولا ايه ؟؟

وياريت كل اللى يعرف حاجه عن القق دلوقتى يفيدنا كلنا ؟؟عاوزين نلحق نشترى والاسعار نزلت قبل ما تطللللع تاااااانى والاسعاااااااار تولعععععععع زى 2008

انتى عوزه ايه فى العاشر ياقمر
قولى ونا اسئلك بابا لانو يعرف هناك كتير
بالنسبه لزهراء مدينة نصر انا مرا رحتها لئيتها بعيده اوى مشينا كتير جدا لحد ماوصلنا مع العلم انى ساكنه قريب لمدينة نصر بس ممكن لانك انتى بتدورى فى العاشر يبئى زهراء مدينة نصر تعتبر قريبه ليكى عن العاشر وربنا يوفئك

rozyyy;8482331:
بجد حررررررام انا اختي راحتلها وبجد افتري يعني واستغلاليين اوي انا اختى راحتلها عشان شعرها خفيييف اوي من قدام وقعدت قالتلها لازم نعملك جلسة تعقيم عشان القشرة وعملتها ب 300 ج عبارة عن كريمات كده حطيتها شوية وبعد يومين القشرة ظهرت تاني وقالتلها ع جلسات الميزو ثيرابي ب 400 ج الجلسة والله بتعملها عند دكتور ممتاز دلوقتي ب 150 ج الجلسة بس - اللهم بلغت اللهم فاشهد

شكرا ياروزى على المعلومه كويس انك قلتيلى قبل ماروح(f)(f)(f)
فين الدكتور اللى ب150 ده وياريت تفاصيل عنو يعنى الجلسه الل ب 150 دى ليه وبنحتاج كام جلسه وياترى جابت نتيجه مع اختك ولالا:wink:

سما الحب;8482376:
بصي يا روزي يا احلي عروسه هاتي 4 كياس مكرونه ونوعي اسباجيتي وعقل

و5 كياس ارز و شاي 1/4 كيلو و كيس بن وفلفل وكمون و2 كيس ملح وبهارات و باكيت نعناع وينسون وكركديه وبرطمان نسكافيه وكاكاو و5 او 6 كياس سكر و كيس مكرونه شعريه وكيس مكرونه لسان العصفور برطمان صلصه و طبعا هتجيبي بطاطس وبصل وتوم وطماطم و خيار وشويه خضار تنضفيه وتحطيه في التلاجه
وزجاجه زيت وعلبه سمنه وهاتي بيكنج بودر وفانيليا لو حبيتي تعملي حلويات و كيلو دقيق وكمان بقسماط علشان البانيه وهاتي كسبره ناشفه وقرفه وايه كمان............... اه وزجاجه خل وبرطمان طحينه

والمنظفات مسحوق للغساله وصابون وجه وشامبو وبلسم وكلور للابيض وكلوركس للالوان و منظف للتواليت ومنظف الاطباق عندك فيبا حلو قوي الجركن 4 لتر ونص هتقعد معاكي كتير وديتول ومسحوق عادي علشان تغسلي الانجري علي ايدك والويز ومعجون اسنان


لو افتكرت حاجه تاني هقولك وربنا يوفق يا قمر

متهيئلى كدا الكميات قليله!!
لان اتتلرز اما بتحطى فيه ملح مش بيدود والمكرونه فى بنات قالو نشيلها فى التلاجه

flower20009;8481735:
بنات دا شغل واحده اسمها سالى عالفيس بوك واضح انو شغلها حلو
قلت اجبلكوا الصور هى حاطه ايميلها بس

مش عارفه انا حسا ان شغلها عادى جدا فى الميك اب انا بعرف اعمل الاشكال دى يبئى كدا اروح اشتغل ميك اب ارتيست :21_92: فى كتير بيعملو احلى امال عبد التواب جميله ونانيس

سلسولة;8484152:
ازيكم يا بنات انا هجاوب على كزا سؤال
بالنسبة للكيتشن ماشين كينوود ولا براون انا عن نفسي بفضل الكينوود وهشتريها في بيتي ان شاء الله
دا بكلام اكتر من حد شغالين فالاجهزة هي ممكن تكون اغلى من البراون بس اقيم حتى الجهاز اللي شبه المالتي كويك بتاعها اقوي الموتور وكل القطع ستيل بس اهم حاجه تجيبه من التوكيل بتاعه سواء هو ولا البراون عشان الضمان

بالنسبة للسيراميك البراكيه شكلو حلو بس زي ماقالو البنات بلاش للريسبشن ودايما يفضل للريسبشن الالوان الفاتحه واللامعه والمقاسات الكبيرة يعني 40في 40 او 50 في 50 لانها بتدي احساس بوسع المكان لكن التقطيعات الكتير والالوان الغوامق تحسي انها بتاكل المكان ومساحتو بتكش كده دي قاعدة معروفة فالديكور مش رأي شخصي اتمنى اكون افادتكم

طيب فين التوكيلات بتاعتهم فى الكويت يا سالى؟؟

دينااااااااااااااااااااا ومنااااااال الف مليون مبروك
وسوسى ورباز وسالى الفين مبروك

منال9-9-2009 جميل ربنا يكملك على خير


ممكن حد يعبرنى ويقولى فكرة لكتب الكتاب بدون فرح ممكن ؟
وممكن حد يقولى شركة سياحة اتعامل معها ممكن ؟

lasposadelnilo;8433011:

مبرووووووووووووووووووووووووووووووووووووووووووووووك لكل البناتيت على الجزئ الجديد وانا مبسو
طه انى بقيت معاكم في الجزئ من اوله ربنا يكرمكم ويخليكم يارب ونتساعد بعض دايما
سراب معلش ياحبيبي قوليلي اسم الجروب
احسن اللينك اللي بتهوي مش بيفتح
معلش م عارفه ابعتلك على الخاص لان مشاركاتي موصلتش ل 15
معلش تاعاكي معايا
ممكن لو في حد يعرف كوافيرات كويسه في المعادي يقلي اسمه واسعاره ؟؟؟؟
باكيدج طرحه وميكب وباديكير ومانيكر بس اوووك لانها خطوبه وكمان في البيت
وارجع تاني برضهانا فستاني من غير جيبونه ومش منفوش خالص هينفع بقى البسله بالرينا ولا همشي اتكعبل برضه

قطة اخر الليل;8489015:
رووزي يا قمر الله الله الله اكبر تجنن مشاء الله الله اكبر عجبتني جدااااااا يارب تتهني يارب يارزوووي ممكن اعرف مشاء الله عملتيها فين(y)؟ بجد جميله الله اكبر ربنا يهنيكي يارب اانتي تستهالي كل خير

سؤال هو انا ممكن الاقي فين اطقم الاكروبال الفرنسي مش عارفه اسمها ايه لومارك اعتقد مش متاكده ممكن اجيبها منين جزاكم الله كلم كل خير

روززززززززززى الدعوه بتاعتك طبعا تحفه

زى بتاعه فرحى بالظبط والله كنت هصورهالكم بس مدام انتى صورتيها بقى خلاص

بس خدى بالك الجليتر بيبهدل البيت ههههههههههههههههه

ماشاء الله يا قمر ربنا يهنيكى وتطلعى قمره ان شاء الله

ممكن عنوان وتليفون ايمى الكاشف على الخاص بليييييييييييييييييييز:o

rozyyy;8484781:


ودي شكل النجارة بتاعتي شبابيك وابواب

http://www.3roos.com/uploder/uploded20080901/232265/21232307222.jpg

الشبابيك فيها سلك وزجاج مصنفر ياقمر

روزي الحاجات تحفة ما شاء الله

rozyyy;8485864:

ديزاين الشباك كنت واخدة شكل الباب شفته في مسلسل تامر وشوقية مش فاكرة اي جزء ورسمته وعملنا زيه الشبابيك ةالابواب والشباك الواحد بالشيش بالسلك بالدهان اتكلف 1100
-

روزي معلش هتعبك معايا
عاوزه تفاصيل النجار و اسعاره علي الخاص لو في القاهره
عاوزه اعرف هوا عنده موديلات للشبابيك دي و لا انا اللي اعمل الموديل

ghadghoda;8486083:
لو فى فرع عندك لشركة افون هما بيدوا دورات مجانية فى تعليم المكياج والمسكات وكل ده

غدغوده وحشاني
تعرفي تفاصيل تانيه عن الكورسات دي
مواعيدها و المده و كده

سارة المزعورة;8490623:
دينااااااااااااااااااااا ومنااااااال الف مليون مبروك
وسوسى ورباز وسالى الفين مبروك

منال9-9-2009 جميل ربنا يكملك على خير


ممكن حد يعبرنى ويقولى فكرة لكتب الكتاب بدون فرح ممكن ؟
وممكن حد يقولى شركة سياحة اتعامل معها ممكن ؟

ساره وحشاني جدااااا جداااا
بصي هتلاقي تقريبا توماس كوك مشهوره اوي
اعملي سيرش عليهم

heba
الف سلامه عليكي معلش قدر الله و ما شاء فعل

dandouna w bas sosi
وحشتوني جدا

عاشقة الرحمن دينا;8490963:


dandouna w bas
وحشتوني جدا

انتي اللي وحشتيني اكتر يا بنتي فينك مش بتظهري ليه يا قمر

[BLINK][COLOR=darkorchid][COLOR=magenta]سارة المذعورة[/BLINK][/COLOR] في كمان شركة اسمها ممفيش شوفي اللينك بتاعهم هتلاقي عندهم عروض شهر عسل كويسة ان شاء الله تستقري على حاجة يارب و ربنا يتمملك على الف خير يا قمر[/COLOR]

(f)(f)(f)

عروسة الزهره;8486039:
انا تعبانه جداااااااااااااااا مش قادره اختار قاعه للفرح
روحت الداون مرتين بس مش عارفه اختار انا عايزه ست منيو بس خايفه مثلا اختار بالشكل كده يطلع الاكل مش حلو او نظام الفرح مش حلو مش عارفه اعمل ايه لازم احضر افراح في القاعات وللاسف مفيش وقت لاني عايزه احجز شهر ابريل مش عارفه اعمل ايه
عجبتني اوي فيتونيا وهم بجد بس الفرد 90 ومستحرمه ادفع 1000 في قاعه بقول احنا اولي بالفاوس نسافر بيها مثلا مع ان عيني هتطلع عليها
حد يعرف حاجه عن لافي ولا كارينا ورومانتيك ياريت حد يفيدني بليييييييييييييييز انا عارفه بنات اسكندريه جدعان وهيساعدوني :o:o:o

بصي يا قمر انا مش عارفة الاماكن الحلوة هناك بس انا نازلة ان شاء الله بكرة احجز للخطوبة وهشوفلك ولافي بسمع انها حلوة برده هي ولامور
طيب ماتجربي تشوفي القاعات اللي في الديب مول سمعت ان في قاعة في الدور التامن واحدة اسمها الكلاسيكية تقريبا وبيقولوا اكلها حلو اوي
كمان ممكن تسالي في المحروسة وفي واحدة سمعت انها كويسة اوي اسمها بنك مصر تقريبا هشوفها بكرة برضه واسال واقولك يا عروسة ومتقلقيش ان شاء الله هتلاقي اللي انتي عايزاه كله والف مبروك مقدما

heba 017;8486284:
مسااااااااااااء الخير يا بنات ازيكو انا كنت داخله اقلكو اكتبونى فى الليسه بتاريخ يوم 29/1 كتب كتابى وخطوبتى فى قاعه وكنت فرحانه جدا
انهارده بقى الصبح راجعه من الامتحان وراكبه التاكسى السواق بيقلى افتحى الباب و اقفليه بفتح الباب كنت طايرة على الاسفلت ولحد الوقتى مش عارفه ايه اللى حصلى بجد انا عايشه لسه فى غيبوبه
ايدى الشمال ورجلى لحد ركبتى اكسروا ومجبسيين وضهرى كله بعيد الشر عنكو ازرق و وشى مزرق من عند وداانى يعنى انا بجد والله مش بعيط من الالم بس بعيط من كسرة فرحتى لو تفتكروا انها خامس مرة يتاجل فيها انى اجيب الشبكه بجد يا جماعه نفسيتى فى الارض وامتحانى يوم الاربع والاحد اخر مادتين محاسبه شركات ومحاسبه ضرايب ادعووولى بجد ربنا يفك كربى ويقومنى بالسلامه انا عارفه ان ماشركتى هتكون مخالفه بس هسئلكو بقى ؟؟
عايزة اسم المخدر اللى قلته عليه عشان السويييت يمكن ربنا يفرجها عليا ؟
ياااااااااااارب

سلامتك يا هووبي يا قمر واسمعي كلام البنات هنا واقري قران كدة وان شاء الله كله هيكون زي الفل(f):15:

راندا;8486979:
انا كنت عاملة خطوبتى فى فيتونيا شهر 3 اللى فات فعلا تحفة جداجدا والقاعة شيك والكوشة بتاعتها روعة والبست اللى بيترفع بيدى شكل تحفة وفرحى شهر3 الجاى حجزت فى جراند لامور بالداون تاون وهم برضة واختارتها لانها اكبرمن فيتونيا شوية بس نفس المميزات

راندا طيب انتي عملتي هناك بكام والاكل عامل ازاي وكام فرد وكدة ؟ كل حاجة ياباشت عايزة اعرفها(f)(f)

سارة المزعورة;8490623:
دينااااااااااااااااااااا ومنااااااال الف مليون مبروك
وسوسى ورباز وسالى الفين مبروك

منال9-9-2009 جميل ربنا يكملك على خير


ممكن حد يعبرنى ويقولى فكرة لكتب الكتاب بدون فرح ممكن ؟
وممكن حد يقولى شركة سياحة اتعامل معها ممكن ؟

ساره حبيبتى
ممكن بعد كتب الكتاب ان شاء الله بخير وهنا تحجزوا فى باخره سياحيه كدا انتى وجوزك واقرب الناس ليكم تتعشوا وتسهروا فيها
فى باخره اسمها نايل كريستال مشهوره اوى فى طريق الكورنيش قدام فم الخليج كدا بتعمل بروجرام حلو وبوفيه مفتوح والباخره بتمشى لحد بعد ماسبيرو وبترجع تانى تقريباً الفرد فيها ب 250 جنيه
اصل انا روحتها من زمااااان كان الفرد 150 جنيه

الف مليون مباااااااااااااااارك مقدماً

مريم المسلمة;8486831:
روزى الف مليون مبرووووووك يا حبيبتى حاجاتك ماشاء الله فى منتهى الجمال يارب تتهنى بيهم بصى انا رحت جبت البلاستيك كلة ماشاء الله من الهلال والنجمة اللى فى الازهر حاجاتة ماشاء الله وبالذات فى الاذواق هتلاقى عندة احسن حاجة انا بصراحة لفيت كتير ورجعت لة تانى لانه عندة اجمل حاجة
بنات انا كنت عايزة اجيب براويز شكلها حلو و تكون فخمة الاقيها فين

*حبيبة حبيبي*;8487782:
السلام عليكم
‏D.mero, ‏rozarita, ‏emy_alex, ‏promana, ‏mishmish2010, ‏alex girl, ‏راندا, ‏mnne, ‏mashimaro16, ‏Bonbonaya15, ‏بنوته مصرية جدااا

ازيكم كلكم يا بنات ربنا يتمم لكم كلكم علي خير
انا كنت عايزه اقولكو اني جبت لحاف ومفرش سرير وبورنس من اركاديا من محلات المفروشات الي هناك اسعارها حلوه اوي في محل هناك اسمه ماتشينح عامل تخفيضات والمحل الي قبله علي طول حاجته خامتها قطن 100% اللحاف انا جايباه ب 400 جنيه والمفرش بتاع السرير جايباه ب 550 طقم البورنس كمان جايباه من هناك 6 قطع ب 400 جنيه وتقيل ماشاء الله انا حبيت اقولكوا لان الحاجات هناك فعلا مش موجوده لا في المعرض السوري ولا في حمام التلات
كنت عايزه اسالكو يا بنات علي البوتاجازات البيلت ان ايه احسن ماركات واسعارها ايه؟ وربنا يتمم لكم علي خير والف سلامه علي روزي ربنا يكرمها ويقومها بالسلامه ويتمم لها علي خير

مبروك عليكي حاجتك يا قمر تتهني بيها ان شاء الله
البوتجازات البيلت ان احسن ماركات فيها الاريستون الايطالي و الجليم جاز و البوش بس دول سعرهم بيبقي في حدود 8000 و البنات بيقولوا ايديال منزله بوتجاز بيلت ان حلو اوى و سعره معقول

الحب هو الحياة;8488693:

طيب نجيب ايه ياقمر فى الاستانس؟

بصي يا حببتي اهم حاجه و انتى بتشتري الاستانلس تخلي بالك ان الحله تكون تقيله اوى و تكون قاعدتها سميكه مش مهم هي ماركه ايه المهم التقل انا جايبه لنفسي طقم حلل ايطالي كنت جيباه من كزا سنه من حمام التلات و عندنا هنا في البيت طقم صيني بس بجد تحفه تشوفيه كانه جديد و البنات بيقولوا استانلس الدهان حلو بس انا بصراحه مشفتوش اه و كمان الاستانلس الحلو اللي هو بيكون مكتوب عليه 18\10

*حبيبة حبيبي*;8488757:
جزاكي الله خيرا يا سوسي ومستنيه معلومات اكترعن البيلت ان
يا بنات انا شوفت فواحه حلوه اوي علي شكل كوخ وجواها لمبه بيضه وبتنور كويس كأنها اباجوره
كانت ب 50 جنيه في محل ديكورات وكروت في اول شارع خلوصي في شبرا


انا كمان شوفت الفواحه دي عنده بس الي هي الاستاند بتاعها كأنه حوض سمك في سمك بلاستيك وميه وبيتحرك وفيه اضاءه كانت ب 180 والي زي الي في الصوره بالظبط شوفتها في وسط البلد ب 120 وبتهيألي كانت في العتبه سعرها ارخص

طيب يا حببتي الفواحه اللي فيها حوض سمك مشوفتيهاش في حته تانيه غير شبرا اصل انا بقالي اكتر من سنه بدور عليها مش لاقياها خالص و بصراحه كمان معرفش اروح شبرا خالص

N0rma;8490209:
انتى عوزه ايه فى العاشر ياقمر
قولى ونا اسئلك بابا لانو يعرف هناك كتير
بالنسبه لزهراء مدينة نصر انا مرا رحتها لئيتها بعيده اوى مشينا كتير جدا لحد ماوصلنا مع العلم انى ساكنه قريب لمدينة نصر بس ممكن لانك انتى بتدورى فى العاشر يبئى زهراء مدينة نصر تعتبر قريبه ليكى عن العاشر وربنا يوفئك

شكرا ياروزى على المعلومه كويس انك قلتيلى قبل ماروح(f)(f)(f)
فين الدكتور اللى ب150 ده وياريت تفاصيل عنو يعنى الجلسه الل ب 150 دى ليه وبنحتاج كام جلسه وياترى جابت نتيجه مع اختك ولالا:wink:

متهيئلى كدا الكميات قليله!!
لان اتتلرز اما بتحطى فيه ملح مش بيدود والمكرونه فى بنات قالو نشيلها فى التلاجه

مش عارفه انا حسا ان شغلها عادى جدا فى الميك اب انا بعرف اعمل الاشكال دى يبئى كدا اروح اشتغل ميك اب ارتيست :21_92: فى كتير بيعملو احلى امال عبد التواب جميله ونانيس

نورما حببتي فينك يا قمر وحشتيني جدااااااااااااااااااااااااااااااااا ربنا يفك كربك و ييسرلك الامور كلها ان شاء الله

heba 017;8486284:
مسااااااااااااء الخير يا بنات ازيكو انا كنت داخله اقلكو اكتبونى فى الليسه بتاريخ يوم 29/1 كتب كتابى وخطوبتى فى قاعه وكنت فرحانه جدا
انهارده بقى الصبح راجعه من الامتحان وراكبه التاكسى السواق بيقلى افتحى الباب و اقفليه بفتح الباب كنت طايرة على الاسفلت ولحد الوقتى مش عارفه ايه اللى حصلى بجد انا عايشه لسه فى غيبوبه
ايدى الشمال ورجلى لحد ركبتى اكسروا ومجبسيين وضهرى كله بعيد الشر عنكو ازرق و وشى مزرق من عند وداانى يعنى انا بجد والله مش بعيط من الالم بس بعيط من كسرة فرحتى لو تفتكروا انها خامس مرة يتاجل فيها انى اجيب الشبكه بجد يا جماعه نفسيتى فى الارض وامتحانى يوم الاربع والاحد اخر مادتين محاسبه شركات ومحاسبه ضرايب ادعووولى بجد ربنا يفك كربى ويقومنى بالسلامه انا عارفه ان ماشركتى هتكون مخالفه بس هسئلكو بقى ؟؟
عايزة اسم المخدر اللى قلته عليه عشان السويييت يمكن ربنا يفرجها عليا ؟
ياااااااااااارب

لا حول ولا قوة الا بالله
الف سلامة عليكي يا هبة شفاكي الله وعافاكي
انتي لازم ترقي نفسك والله بجد مش بهزر وحافظي على اذكار الصباح والمساء وشغلي سورة البقرة كل 3 ايام ولو تقدري تقريها اقريها
انا عارفة انه وقت امتحانات وفاضل على امتحانك اقل من يومين بس يا رب يتمملك بخير وييسرلك امرك ويصرف عنك الشر
ركزي بس اليومين دول في الامتحانات وذاكري المادتين دول عشان يخلصوا على خير ولو عملتي الحاجات اللي انا قلتلك عليها دي ان شاء الله تاني يوم هتنزلي تجيبي الشبكة:)
ربنا يفرحنا بيكي عاجلا غير اجل يا رب(f):15:

هبه حبيبتى
احب ابشرك انك ان شاء الله حتنجحى السنه دى وربنا حيكرمك جدا
عشان انتى حصلك حاجات كتيير واتصابتى كتيير فأكيد ربنا حيعوضك خييييييير اوى
انا لما كنت بتعب او يحصلى حاجة ايام الامتحانات كان ربنا بيكرمنى اوى وبنجح فى الاخر
ربنا يعينك وينجحك ويقومك بالسلامه ويتمم جوزاك على خير وسعد

اجيب طقم بدله لانجيرى شبيكه من فييين؟

sweetyronaaa;8491515:
مبروك عليكي حاجتك يا قمر تتهني بيها ان شاء الله
البوتجازات البيلت ان احسن ماركات فيها الاريستون الايطالي و الجليم جاز و البوش بس دول سعرهم بيبقي في حدود 8000 و البنات بيقولوا ايديال منزله بوتجاز بيلت ان حلو اوى و سعره معقول



بصي يا حببتي اهم حاجه و انتى بتشتري الاستانلس تخلي بالك ان الحله تكون تقيله اوى و تكون قاعدتها سميكه مش مهم هي ماركه ايه المهم التقل انا جايبه لنفسي طقم حلل ايطالي كنت جيباه من كزا سنه من حمام التلات و عندنا هنا في البيت طقم صيني بس بجد تحفه تشوفيه كانه جديد و البنات بيقولوا استانلس الدهان حلو بس انا بصراحه مشفتوش اه و كمان الاستانلس الحلو اللي هو بيكون مكتوب عليه 18\10



طيب يا حببتي الفواحه اللي فيها حوض سمك مشوفتيهاش في حته تانيه غير شبرا اصل انا بقالي اكتر من سنه بدور عليها مش لاقياها خالص و بصراحه كمان معرفش اروح شبرا خالص



نورما حببتي فينك يا قمر وحشتيني جدااااااااااااااااااااااااااااااااا ربنا يفك كربك و ييسرلك الامور كلها ان شاء الله

سويتى حبيبتى ازيك انتى يا قمر وحشتينى والله بس مبئتش ادخل التجهيزات كتير
طمنينى اخبارتاتك ايه ورجعتى مصر ولا لسه

dyana;8491618:
هبه حبيبتى
احب ابشرك انك ان شاء الله حتنجحى السنه دى وربنا حيكرمك جدا
عشان انتى حصلك حاجات كتيير واتصابتى كتيير فأكيد ربنا حيعوضك خييييييير اوى
انا لما كنت بتعب او يحصلى حاجة ايام الامتحانات كان ربنا بيكرمنى اوى وبنجح فى الاخر
ربنا يعينك وينجحك ويقومك بالسلامه ويتمم جوزاك على خير وسعد

اجيب طقم بدله لانجيرى شبيكه من فييين؟

انا بشوفو فى محلات اللنجيريهات والمحلات اللى بتبيع كارينا

دوندن;8485384:
:8875:ما شاء الله يا روزي حاجتك تحفة ربنا يتمملك على خير يا جميلة
ويا ريت حد يقوللي على مكان كويس أشتري منه تحف وتابلوهات

هبه الف الف سلاااامه عليكى يا قمررررر ربنا يفيكى ياااارب ويكرمك ويوفقك ويفررررحك

نورما حبيبتى ياريت تبعتيلى تفاصيل عن العاشر من رمضان يعنى كويسه ولا لا وزهراء مدينه نصر دى احلى من العاشر ولا لا ومين اقرب فيهم

anouren;8468342:
يا قمراتتتتتت نداء هام لكل البنات وعشان المخالفه نصيحه لكل بنوته بلاش حد يسيب الغسلات ويخرج او ينام حاولوا تشغلوا الغساله وانتوا موجودين في البيت وصاحين الغساله ايديال اكواتك بجد حصل كذا حاثه وربنا يسترها علينا جميعا انا حبيت ااقولكم عشان تاخدوا بالكم حصلت عندنا من كام يوم بعيد عن كل الموجودين يارب الفيشه ساحت لوحدها وشمينا ريحه شياط الي جانب الي حصل عند خالتي ولعت في الحمام وحده جارتنا تانيه كنت حاطه جمبها امبوبه بوتجاز الله اكبر ولعت في الشقه كلها يارب يستر علينا كلنا وخلو بالكوا تشغلو الغساله وميكنش فيه مايه وصله ليها او المشترك او اي حاجه وربنا يحفظنا كلنا

مشكوره عالتوضيح جعله الله فى ميزان حسناتك وربنا يحفظنا جميعا

besannnn;8468390:
منين اقدر اجيب السجاد الشاجى واية اسعارة بليز

النساجون الشرقيون

MarMar-AbAdA;8468662:
اللي إنتي شوفتيه ده أسمه الواقي الذكري بيلبسوا الراجل قبل الجماع ده بيمنع الحيوانات المنويه من التسرب داخل المهبل بدل حبوب منع الحمل

(y)(y)(y)

N0rma;8469213:
بنات هو منتجات حراز بتتباع فين فى القاهره
؟

عند حراز خلف مديرية الامن

MarMar-AbAdA;8472725:
يابنات أنا عايزه آخد رأيكوا فى حاجه
انا ان شاء الله هشطب شقتي قريب , الشقه فى بيت أهل خطيبي
في شقتين المفروض إن خطيبي هياخد شقه وأخوه هياخد شقه
مع العلم ان أخوه موش خاطب ولا ناوي يخطب قريب , بس باباه قرر انه يعمل قرعه بينهم علشان كل واحد يعرف شقته فين والمفروض ان الشقتين شكل بعض
بس في مشكله فى شقه فيهم ان المطبخ بتاعها ماينفعش يتفتح على الصاله وانا عايزه مطبخ مفتوح على الصاله (أمريكاني) وخايفه نصيبي يطلع فى الشقه اللى ماتنفعش فيها مطبخ مفتوح
وأنا الصراحه مكسوفه أختار بنفسي وأقولهم أنا عايزه ايه بعد ماباباه قرر يعمل قرعه
تفتكروا يابنات أعمل ايه؟؟؟؟؟؟؟
وكمان فى مشلكه في إني خايفه محدش ياخد رأيي في تشطيبات الشقة ويختاروا على مزاجهم
تفتكروا أتدخل وأقول إني عايزه كذا ؟؟؟؟؟؟؟؟

سيبى اختيار الشقه لربنا وهو هيختارلك الصالح اما التوضيب اتفقى انتى وخطيبك عليه

sos0o0;8473761:
يابنات لو سمحتو عوزه مساعده منكم // انا فستان فرحي لونه اف وايت اللي هو جاي على سكري كدا في رايكم الاكسسوار اللي لونه فضي هيمشي اكتر او دهبي ؟؟ وياريت ياروزي تقوليلي عملتي ايه يعني جبتي اكسسوار دهبي ولا فضي لانه كل ده هيقيدني في الحجاب والمكياج وكل حاجه فأنتو ايه رايكم يابنات // :21_156:

الدهبى والف مبرووووووووووووك

dandona we bas;8474047:
بصوا يا قمرات دي باكيدج دينا الكردي احدث حاجة لسه منزلاها يا قمرات و اللي عايزة ايميلها تبعتلي على الخص و ياريت يا قمرات اللي تستفيد من المشاركة دي او اي مشاركة ليا تقيمني و جزاكم الله كل خير ياااااااااارب


* Wedding Make-up + Veil : 700 LE

* Engagment Make-up + Veil : 500 LE

* Occasional Make-up + Veil : 350 LE

* Veil Design : 75 - 100 LE

* False Lashes : 50 LE

* Deep Facial Cleansing + Facial Masks : 50 LE


* Bride's Packages :

First Package : ( Wedding Make-up + Veil Design + False Lashes + Deep Facial Cleansing + Facial Masks ) = 800 LE

Second Package : ( Wedding Make-up + Veil Design + False Lashes or Deep Facial Cleansing ) = 750 LE

Third Package : ( Wedding Make-up + Veil Design ) = 700 LE


* Reservation two weeks before the occasion

الحجز قبل المناسبه بأسبوعين على الأقل *

ثانكس عالتوةضيح (f)