تجهيزات عرايس مصر القمرات الجزء 114

يا جماعة البنوته اللى كانت طالبة منى مخدة الشبكة :انا بعتذر جدا جداااااااااااااااا عن التاخير بس النت عندى فظييييييييييييع و انا حاولت اجمع كل الاشكال بتاعة منى الابيارى اللى بتشتغل المخدات دى و انزلها و لو تليفونها مش وصلك قوليلى ابعتهولك عhttp://www.3roos.com/uploder/uploded20080901/307168/11232082276.docلى الخاص
و ممكن تتفرجى عند محلات الهدايا و تلاقى حاجات شبه كدا و هتبقى اوفر فى السعر اكيد ,ربننا يتم بخير لكل البنات

بسكوته ربنا يشفيكي ويفك كربك

smsm_anwar;8450652:
يا بنات مش معقول كل ماجيب حاجه تنزلوها ع النت:D
الصينى ده اخو بتاعى يا قمر
وكنت جايباه مصرى المانى من فتحى محمود فى شارع عدلى
ب1400

مبروك عليكي يا قمر ممكن اعرف كام قطعه

Princess_miro;8451078:
بنات ازيكم وحشتونى اوى و لو ان اللى سألوا عليا 2 أو 3 ميرسى ليهم اوى اللى انا فاكراهم شيكو و عروسة عريسى تقريبا ربنا يخليكم ليا

أنا لأول مرة هقول الكلام ده و اتمنى انكم تعذرونى فيه أنا الأيام اللى فاتت اتظلمت ظلم كبير لأن الادارة عملت لى بلوك و كتبولى ان انا تاجرت و لا يصح المتاجرة غير لتاجرات عروس و بجد أنا مش عارفة عملت ايه و تاجرت فى ايه على المنتدى؟؟؟!! و أنتم اكيد كلكم عارفين ان انا الحمدلله كنت من أحرص الناس ان مش يكون فى مخالفات و كمان كنت بفيد الناس على قد ما أقدر و لكن سبحان الله و حسبى الله فى اللى ظلمنى


المهم انا بطلب من الادارة انهم لو حبوا يحذفوا المشاركة دى يقولوا لى الاول انا تاجرت فى ايه و يردوا على الرسائل بتاعتى اللى تجاهلوها تماما و انا شايفة ان ده مش عدل و يا بنات بجد انا لو عضويتى اتوقفت تانى مش داخلة تانى المنتدى ده علشان أنا مش عيلة صغيرة و انا بحترم قوانين المكان اللى انا فيه كويس اوى و لكن ان شاء الله أى بنت تعوزنى تكتبلى بس هى عايزانى فى ايه و تكتب اسمى و الحمدلله ليا اصحاب كتير على المنتدى هيوصلولى الكلام و هقدر اساعدكم و اتمنى انى بكون دايما بساعدكم لانى بجد و الله العظيم استفدت منكم كتير و من المصريات اللى هنا كتييييييييييييييير اوى ربنا يكرمكم و يقدركم دايما على مساعدة بعض

المهم بقى نفك من الدراما دى
و كل بنت تقولى اى معلومة جديدة عندها و انا كمان علشان احاول مش اكون مخالفة عايزة اقولكم انى رحت معرض القوات المسلحة اللى عند الكلية الحربية
و ان شاء الله بكرة هحجز النوم و الليفينج و مكتبة كمان من عند واحد اسمه زهران ديزاين حاجتهم حلوة اوىىىىىىىىى و اسعارهم تحفة بجد بنصح كل البنات بالذات اللى هيعملوا مودرن يروحوا هناك بجد

برنسيس ميرو يا قمر متزعليش ممكن هما افتكروكي تاجره علشان فيه بنات طلبت منك الجيست بوك وانتي وافيقتي تعمليهولهم وفكرو انو كده تجاره مش هوايه ليكي والله اعلم المهم خليكي معانا يا قمر ومتغبيش عنا

donya eman;8452598:
الحمد لله انا فرحى اتحدد 3/11ممكن بقى تحوطونى فى اللسته بليييييييييييز انا فرحانه اوى

الف مبروك يا قمرعقبالي وعقبال كل البنات

سراب.سراب;8452737:


,
انا رحت النساجون الشرقيون و مش عجابنى حاجة خالصصصصص و انا شقتى مودرن شويه و مش عايزة سجاد دوشة فقولولى اروح فين .
و كمان انا عندى الريسبشن قطعتين سفرة ,و انتريه عبارة عن 2 كنبة و 2 كرسى باجير فبيقولولنا ماينفعش نحط نجف كلاسيك و لازم مودرن و انا مش قادرة اتقبل فكرة ان نجف الريسبشن يكون مودرن و كده كده هاحط مودرن فى الليفنج فايه رايكوا؟
طولت عليكوا معلش (a)

بصي ياقمر فيه نجف تحسي انه ما بين المودرن والكلاسيك ممكن يعجبك لفي الاول فب اكتر من مكان وان شاء الله تلاقي الي انتي عايزاه

marmora7722;8453246:
جزاكى الله جيرا يا مارو على الصورة دى بجد انتى مش عارفة انا مبسوطة قد ايه لانى كان عندى المشكلة دى و مش عارفة هلبس ايه و يكون شكله شيييييييييييييييييييك كده
يارب اكون عروسة حلوة زى العروسة دى

يا بنات قولولى هو العروسة هى اللى بتجيب البجامة بتاعت العريس والروب ولا هو؟؟؟؟اصل انا سمعت كده و يبقى كتير قوى على العروسة مش كفاية لبسنا احنا

طبعا العروسه تجيب للعريس بيجامه وروب وشبشب اعزكم الله وبرفيوم كنوع من الاهتمام ويا حبيبتي بجمله المصاريف وصدقيني الحكايه ديه بتفرق مع العريس بتحسسه انك فكراه في وسط الزحمه والمصاريف ومهتمه بيه

ازيكم يا بنات اخباركم ايه عايزة أسأل سؤال وخايفة تكسفوني ومتردوش زي ما بيحصل معايا كتير
كنت عايزة اعرف ايه شكل الطبق اللي اجيبه عشان اقدم فيه الكحك ممكن يكون شكلو ايه مسطح ولا غويط مدور مستطيل شكلو ايه يعني وانا اقصد طبق غير الشيالة طبعا واجيب كام طبق ياريت تفيدوني ولو في صور يبقى كتر خيركم اوي بس ردو عليا وماتكسفونيش الله يخليكم

[quote
سؤال ضروري بالله عليكم عاوزة دكتور او دكتوره جلديه كويسه
[/quote]

http://www.3roos.com/forums/t379423.html?highlight=%D1%C7%C8%D8+%E1%CF%DF%C7%CA%D1%C9+%E3%D5%D1

يارب أكون أفدتك

Princess_miro;8451078:

المهم بقى نفك من الدراما دى
و كل بنت تقولى اى معلومة جديدة عندها و انا كمان علشان احاول مش اكون مخالفة عايزة اقولكم انى رحت معرض القوات المسلحة اللى عند الكلية الحربية
و ان شاء الله بكرة هحجز النوم و الليفينج و مكتبة كمان من عند واحد اسمه زهران ديزاين حاجتهم حلوة اوىىىىىىىىى و اسعارهم تحفة بجد بنصح كل البنات بالذات اللى هيعملوا مودرن يروحوا هناك بجد

ممكن أعرف المعرض مواعيده من كام لكام كل يوم يعني بيفتح الساعة كام ويقفل كام ؟؟
وبيفتح يوم الجمعة ولا لأ
شكرا

مرهفه المشاعر;8441180:
لولولوولوللللللللي الف الف مبروك يابوبا ياحبيبتي فرحتلك اوي والله اي خدمه ياقمر انا تحت امرك محنا جيران بقي ههههههههههه
كنت عايزه بقي اعرف محل تكبير بتاع الملابس المحجبات فين وهل فيه مقاسات كبيره شويه يعني ولو ليه سايت ياريت تبعتههولي وايه نظام اسعاره

محل تكبير يا قمر ليه فروع فى سيتى ستارز وسيتى سنتر وشارع حسنين هيكل اللى موازى لعباس العقاد
واسعاره معقوله انزلى وشوفيه بنفسك

سما الحب;8454562:
مبروك عليكي يا قمر ممكن اعرف كام قطعه

تقريبا كده يا قمر 124 مش فاكرة اوى

السلام عليكم ورحمه الله
ازيكم ييا احلي بنوتات بصوا النهارده انا لسه جايبه الاهرام ولقيت عروض حلوه في سبينس
طبعا عارفينه في ستي ستارز القاهره مدينه نصر عشان في بنوته هنا قالت نوضح الاماكن فين بالظبط المهم بقا

اولا التلفزيونات تلفزيون اسمه هاي سينس السي دي 21 بوصه 1999بدل 2899
29 بوصه ب3499 بدل 4188
32 بوصه 5999بدل 6988
42 بوصه 6999بدل 7499
تلفزيون هاي سينس سوبر سيليم 21 بوصه ب995 بدل 1195
29 بوصه ب1795 بدل 2095
مكنسه هيتاشي 1500 وات 333بدل 399
مكنسه ناسينوال طيبه 1800 وات ب199 بدل 239
براون محضر الطعام ب599 بدل 636 حله طهي بالبخار مولينكس ب299 بدل 385

مكينه نزع الشعر براون ب588 بدل 750 اعتقد اللي هي هديه العروسبس هما فاصلينهم وبيقولوا اللي يشتريها هياد المكينه بتعت الحواجب وكده

بتوجاز ايدال 5 عيون سلستين ب1859 بدل 1899
ثلاجه ايدال زانوسي 12 قدم ب1699بدل 1815
غساله اتوماتيك ايدال زانوسي 20 برنامج ب2599بدل 2799
مايكرويف جلانز ماركه غريبه 23 لتر ب499 بدل 539
سمارت غلايه مياه 2000وات 1.2 لتر ب 66 بدل 79
غلايه استالس 1850 وات ب89 بدل 101
وفي طبعا عن لا ب توب ايسير ودفايات وكده
انا كتبت اللي حسيت انه مهم وربنا يهنيكم ان شاء االله كلكم
وكنت عاوزة اسال عن صووت فينها بجد وحشتني جدا وبجد المنتدي مظلم من غيرها
وصباحم كلكم ورد وجوري وعنبر وياسمين باذن الله

miss_w;8454731:
[quote
سؤال ضروري بالله عليكم عاوزة دكتور او دكتوره جلديه كويسه

http://www.3roos.com/forums/t379423.html?highlight=%D1%C7%C8%D8+%E1%CF%DF%C7%CA%D1%C9+%E3%D5%D1

يارب أكون أفدتك[/QUOTE]

يا جميله اللينك ده مش شغال حاولت افتحه مش بيفتح بيقولي فيلد
وطبع متشكره لتعبك وجزاكي الله عني كل خير بس ممكن لوفي صفحه قوليلي رقمها معلش هتعبك وشكرا ليكي مره تانيه

سؤال انا مش فاهمه انتو بتتكلموا عن كذا نوع من الملايات مشجره وسااده ومنقوش
معلش عاوزه افهم ايه الاختلاف وايه الافضل وكمان العدد لاني محتاره
وشكرا جزيلا

سلسولة;8454600:
ازيكم يا بنات اخباركم ايه عايزة أسأل سؤال وخايفة تكسفوني ومتردوش زي ما بيحصل معايا كتير
كنت عايزة اعرف ايه شكل الطبق اللي اجيبه عشان اقدم فيه الكحك ممكن يكون شكلو ايه مسطح ولا غويط مدور مستطيل شكلو ايه يعني وانا اقصد طبق غير الشيالة طبعا واجيب كام طبق ياريت تفيدوني ولو في صور يبقى كتر خيركم اوي بس ردو عليا وماتكسفونيش الله يخليكم

بصى يا سلسوله انا هرد عليكى و يااااارب ردى يعجبك :) بصى يا حبيبتى انتى ممكن تجيبى اكتر من طبق اكتر من ستايل يعنى واحد مدور و 2 مربع مقاسين مختلفين مثلا تمام كدا بقى معاكى 3 أطباق بتلات مقاسات المدور اكبر حاجه و الاتنين المربعين اصغر ثم اصغر تمام

اما تيجى بقى تقدمى الكحك والحاجات دى ترصى الكحك الجميل المرشوش بالسكر على الطبق المدور المسطح و ممكن تحت الكحك ورق مدور كدا بيتفرش تحت الحلويات و فى الطبق المربع الاصغر نصه بسكوت و النص التانى بيتيفور يترصو بشكل جميل و رقيق و اصغر طبق مربع الغريبه مثلا او اى نوع حلويات تحبيه و انتى بتقدمى تشيلى مثلا طبيقن و جوزك الطيق الكبير بدل ما تروحى و تيجى او لو مامتك او اختك بيساعدوكى فى التقديم للضيوف فى الاول :) و الله شكل التربيزه فى خيالى جميل و اشيك من الشيال بكتير فى نص التربيزه المدور و على الجناب المربعات و انا نفسى مكنتش مخططه للموضوع دا انا جاتلى فكرته و انا بقرأ سؤالك و اذا عجبك و يارب يعجبك و اتوفقتى و جيبتى اطباق ستايل حلو كدا بالله عليكى تقوليلى جيبتيهم منين يا شيخه او شوفتيهم فين عشان انتى معايا فى الكويت :)))))))))

بنات كل اللى أيدوا موقفى بجد مش عارفة اقولكم ايه كلكم عسلات وانا هنا والله علشان بحبكم و بحب افيدكم زى ما بتفيدونى

marmora7722;8451713:
ممكن يا Princess_miro تقوليلى هو المعرض بتاع القوات المسلحة ده فين بالظبط و هو ده تبع اللى فى العباسية و لا غيره و الحاجات اللى فيه عاملة ايه و اسعارها ؟؟
معلش حتعبك معايا

و لا أى تعب و لا حاجة
والله يا جميلة مش عارفة تبع اللى فى العباسية و لا لأ
و مكانه بالظبط لما تخلصى سور الكلية الحربية و انتى جاية من اتجاه المطار فى صلاح سالم ادخلى مع السور يمين فى أول يمين تانى هو أول مبنى هتلاقيه على يمينك
أو اخر مترو عبد العزيز عند الكلية الحربية و الحاجت معظمها مودرن و أسعارها اقل حاجة لقيناها فى السوق اود النوم مثلا تبدأ من 10000 جنيه و الانتريهات 5000 جنيه و حاجات نظيفة اوى

و المحل اسمه ديزاين زهران اللى هجيب من عنده ان شاء الله هيدينى ضمان 5 سنين على الانتريه

pascotta;8453430:
مبروووووووووووووك يا قمر ربنا

بنات ادعولي ربنا يشفيني ويفرج همي

اللهم اشفها شفاء لا يغادر سقما ، ربنا يفرج عنك يا جميلة اللهم امين

miss_w;8454737:
ممكن أعرف المعرض مواعيده من كام لكام كل يوم يعني بيفتح الساعة كام ويقفل كام ؟؟
وبيفتح يوم الجمعة ولا لأ
شكرا

كل اللى اعرفه يا قمر ان عندهم بريك من 4 :5 و انا رحت يوم سبت مش عارفة بيقفلوا الجمعة و لا لأ بس ان شاء الله هسألك بكرة

dandona we bas;8451773:
الف حمد لله على سلامتك يا برنسيس ميرو و بجد وحشتينا والله و المنتدى كان مظلم من غيرك يا قمر و بلاش الدراما دي يا بنتي قلبتيها تراجيديا خالص هههههههههه

اسكندرنيه;8453269:



نورتي المنتدى وغيابك بيفرق يا قمر قوليلي يا قمر المعرض ده عنوانه ايه وفاتح لحد يوم كام ولا هو دائم ؟؟ خدي بالك انا مش من الاقاهره خليكي حنينه شويه في الوصف معلش هتعبك(f)

سما الحب;8454562:
بسكوته ربنا يشفيكي ويفك كربك
برنسيس ميرو يا قمر متزعليش ممكن هما افتكروكي تاجره علشان فيه بنات طلبت منك الجيست بوك وانتي وافيقتي تعمليهولهم وفكرو انو كده تجاره مش هوايه ليكي والله اعلم المهم خليكي معانا يا قمر ومتغبيش عنا

ربنا يكرمكم بجد يا قمرات كلامكم ده فرق معايا أوى والله و ربنا يعلم أنا مش بتاجر فى الجيست بوك و لا حاجة و بعمله بس مساعدة للبنات و فى نفس الوقت بحب اعملها و هواية(f)(f)(f)(f)(f):15:

سلسوله انا بقى عايزه أسألك على حاجه مهمه .. انتى هتجيبى روب العريس وا لبيجاما منين فى الكويت عايزه حاجه كلاسى و حلوه و الشبشب شكله هيكون ايه و منين :) معلش سؤال عبيط انا عارفه :) و كمان يارييييت تقوليلى او اى بنت قاعده فى الكويت منين اجيب روب شتوى شيك كدا و حلو

و برنسيس ميرو انا كمان بضم صوتى للبنات و بقولك حمد لله على سلامتك والله بحب مشاركاتك فى المنتدى و ربنا ميجيبش زعل تانى :)

وبسكوته ربنا يشفيكى يارب و يكون تعبك فى ميزان حسناتك باذن الله و ابقو ادعولى يا بنات عشان الشيطان مش سايبنى الايام دى و اقل حاجه بتخنقنى و تبكينى ,, يالا الحمدلله

يابنات امبارح كان فيه ملحق مع الاهرام بتاع اسعار الاجهزة اللي تبع اوليمبك جروب ومنها طبعا ايديال زانوسي وكل حاجة وكاتبين اسعار جديدة بس انا مش عارفة التخفيض اد ايه بصراحة.

اه وكمان في بتاع يوم الجمعة بقي كاتبين بردو عروض النساجون وكمان تخفيضات لا سينزا وجي بي واديداس وكام محل ملابس تانيين.

بنات فى بنوتة كانت عايزة فى الجزء اللى فات افكار لتقديم الشبكة ممكن تشوف الموضوع ده:

http://www.3roos.com/forums/t397713.html

و فى بنوتة جابتلها منه صور من غير ما تذكر المصدر!!! يعنى انا اتعب فى الموضوع و اجمعه و هى حتى مش هاين عليها تقول المصدر :( عيب اوى الحقيقة

بصوا بنفسكم و قارنوا

http://www.3roos.com/forums/showpost.php?p=8395562&postcount=461
بذمتكم مش حاجة تزعل؟

قطة اخر الليل;8455032:
http://www.3roos.com/forums/t379423.html?highlight=%D1%C7%C8%D8+%E1%CF%DF%C7%CA%D1%C9+%E3%D5%D1

يارب أكون أفدتك

يا جميله اللينك ده مش شغال حاولت افتحه مش بيفتح بيقولي فيلد
وطبع متشكره لتعبك وجزاكي الله عني كل خير بس ممكن لوفي صفحه قوليلي رقمها معلش هتعبك وشكرا ليكي مره تانيه

سؤال انا مش فاهمه انتو بتتكلموا عن كذا نوع من الملايات مشجره وسااده ومنقوش
معلش عاوزه افهم ايه الاختلاف وايه الافضل وكمان العدد لاني محتاره
وشكرا جزيلا[/quote]

المشجرة دي اعتقد انها الملايات المطبوعة العادية ودي بتجيبي منها 2 أو 3 مثلا كنوع من التغيير

وسادة يعني سادة وبتكون عليها حاجات بسيطة من الطروف



بالنسبة للعدد هاتي المجمل 12

بسكوتة : ربنا يشفيكي ويفك كربك .

بنوتة مسلمة : ربنا يبعد عنك الشيطان ويسعدك .

بنات انا اشتريت اوضة النوم واوضة الاطفال بدون الواح الخشب الملل اللى بتتحط عليها المفروض مين اللى يجيب الملل العريس ولا العروسة جزمة الفرح بتاعت العروسة المفروض بتبقى جزمة مفتوحة ولامقفولة يعنى جزمة ولا سابو ومنين فى اسكندرية اشتريها

راندا;8455585:
بنات انا اشتريت اوضة النوم واوضة الاطفال بدون الواح الخشب الملل اللى بتتحط عليها المفروض مين اللى يجيب الملل العريس ولا العروسة جزمة الفرح بتاعت العروسة المفروض بتبقى جزمة مفتوحة ولامقفولة يعنى جزمة ولا سابو ومنين فى اسكندرية اشتريها

اللي جاب الاوض هو اللي يجيب الملل بتاعتها

BntMoslema;8455205:
سلسوله انا بقى عايزه أسألك على حاجه مهمه .. انتى هتجيبى روب العريس وا لبيجاما منين فى الكويت عايزه حاجه كلاسى و حلوه و الشبشب شكله هيكون ايه و منين :) معلش سؤال عبيط انا عارفه :) و كمان يارييييت تقوليلى او اى بنت قاعده فى الكويت منين اجيب روب شتوى شيك كدا و حلو

و برنسيس ميرو انا كمان بضم صوتى للبنات و بقولك حمد لله على سلامتك والله بحب مشاركاتك فى المنتدى و ربنا ميجيبش زعل تانى :)

وبسكوته ربنا يشفيكى يارب و يكون تعبك فى ميزان حسناتك باذن الله و ابقو ادعولى يا بنات عشان الشيطان مش سايبنى الايام دى و اقل حاجه بتخنقنى و تبكينى ,, يالا الحمدلله

ميرسي اوي يا جميلة على ردك جبرتي بخاطري ورديتي على سؤالي بالنسبة لموضوع البيجامات فأنا بصراحة مشفتش هنا حد بيبع بيجامات وارواب ستان بتاع العرسان الرجالي يمكن لاني مهتمتش ادور او بدخل المحلات الحريمي دايا بس انا هدور بعد كده ولو لقيت حاجه هقوللك على طول تجيبها منين

انا امبارح رحت رد تاج وماكس اللي فالري جنب بعض الاتنين عندهم اكسسوارات حلوة للبيت
ورد تاج لقيت عندو اطباق منقوشه شكلها حلو لتقديم الحلويات وسعرهم معقول إلى حد ما روحي واتفرجي

راندا;8455585:
بنات انا اشتريت اوضة النوم واوضة الاطفال بدون الواح الخشب الملل اللى بتتحط عليها المفروض مين اللى يجيب الملل العريس ولا العروسة جزمة الفرح بتاعت العروسة المفروض بتبقى جزمة مفتوحة ولامقفولة يعنى جزمة ولا سابو ومنين فى اسكندرية اشتريها

ممكن سؤال رخم .. تقولي الأسعار :o

وجزمة الفرح بتكون مقفولة

يا بنات أنا جبت توداي الورد المجفف اللي لية ريحة و في كيس كدة من 2.5 افرطة و احطة وسط الهدوم ولا أفتح الكيس بس .وردو عليا في موضوع السيل بتاع اللانجيري بليززز .[/quote]