النهارده جبت لكم العاشورا
حاجه حلوه بنعملها في مصر بمناسبه يوم عاشوراء
عاده قديمه من ايام جداتنا
المهم نييجي للمقادير والطريقه
1 كوب قمح مقشور ومنقوع حوالي 12 ساعه
وبعد كده حنغير المايه ونحط مايه جديده ونحطه ع النار حوالي نص ساعه
وبعد كده حنحط له 2 ملعقه كبيره ارز مغسول
ويغلي حوالي 4 دقايق ونطفي عليه ونسيبه لمده 8 ساعات
حنجيب كيلو حليب ونغليه ونحليه بالسكر
وبعد ال 8 ساعات حناخد القمح ونحط عليه اللبن ونحطهم ع النار
ونقلب ونكون مجهزين حوالي 3 معالق كبيره نشا مدوبينهم في ربع كوب ماء
ونحط النشا علي الخليط السابق بالراحه ونكون بنقلب باستمرار
ولما يغلي حتلاقي قوامه تخين زي الرز باللبن
نحط له شويه فانيليا ونقلبه حوالي دقيقه ونطفي النار
ونغرفه في اطباق
ونسيبه يبرد خالص بنحطه في الثلاجه
ولما نطلعه من التلاجه نزينه بالزبيب وجوز الهند والمكسرات
انا ما حطتش مكسرات بحبه بالزبيب وجوز الهند بس
وتاكلوه بالهنا والشفا
علي فكره انا عملت ضعف الكميه
يارب يعجبكم وتجربوه
