غشاء البكارة

السلام عليكم يا دكتوره.. شلونج؟؟

عزيزتي الدكتوره.. هالسؤال الي بسألج إياه طبعا على لسان صديقتي و أمنتني و وثقة فيني اني أسألج و أرد عليها..

دكتوره.. صديقتي تبي تسألج عن غشاء البكارة..

طبعا هي مو متزوجه يعني بعدها بنت.. بس خايفه وايد على نفسها و متحسسه من موضوع " غشاء البكارة"

تقول لما كانت صغيره طبعا ما في تنبيه من الأم ولا أي شي.. لما كانت صغيره و طبعا نحنا نعرف ان طبيعة كل طفل في مرحله من المراحل إييه الفضول خاصة حول موضوع " الجنس".. تقول عادي كنت أحط ايدي في.... و عادي يعني تدخل صبعها في الـ ...

و مع هاذا وااااايد كانت تطيح .. يمكن 3 مرات عدتلي و قالتلي شصار عليها فهي ألحين وايد خايفه .. تقول مره طايحه من لعبه عاليه و تقول من عقبها ما قمت أقوم عقبها و هي جد بلغت أيامها

ثاني موقف.. انها مره حاولت تسوي رياضه انها توقف على ايدها و ترفع ريولها فوق بحيث انها تتساند على الباب بس انفتح الباب و طاحت و نفس الشي.. ما قدرت تقوم وااايد عورتها " مؤخرتها"

ثالث موقف.. انها مره في السوبر ماركت كانت واقفه و واحد من العاملين حاول يتحرش فيها و خافت لأنها صغيره حوالي 12 سنه عمرها بس الحمدلله ما لحق يسوي فيها شي.. صارت مشكله و جذيه و عارفو يمسكونه..

فيا دكتورتنا.. هل يستلزم هاذا كله انها تفحص؟؟ لأنها مقبله على الزواج و تخجل انها تكلم أهلها في هالموضوع و جذيه.. خاصة انها مقبله على الزواج ألحين و وايد تحاتي ان زوجها يكتشف انها " مفتوحه" لا سمح الله و اذا عرف شلون تتصرف؟؟؟

اتريا ردج عزيزتي الدكتوره ^^