بعد طول غياب ...رجعت بس اصغر 10 سنين تبين السر تفضلي!!!!!

مشكوره يالغلا^_^

يعطيكم الف عافيه خواتي على مشاركاتكم الرائعه وان شاء الله كلكم بتصير بشراتكم جنان

السلام عليكم اختي بسألج سؤال انا شريت ال REXSOL AHA 10 ,ويوم احطه على ويهي يحرقني شوي عادي ؟؟

و عندي سؤال ثاني انا اقوم الصبح اغسل ويهي بصابون المخصص للويه و بعدين احط كريم العيون و بعده الكولاجين تمام ابي اعرف متى احط فيتامين سي ؟؟ هل احطه بعد الكولاجين ؟؟ و متى استخدم مقشر الفواكه بس فليل ؟؟ ولا بعد الصبح احس متخربطه و كم مره لازم اغسل ويهي بصابون :s

انا اشتريت الكريمات بس


غيرت شويه

بالليل اغسل وجهي واحط كريم التفتيح من ريكسول



لما اصحى اغسل وجهي ومااحط شي اخلي بشرتي ترتاح

والظهر احط المقشر





وبعد المغرب كريم فيتامين سي




صار لي اسبوعين مداومه عليهم وللحين النتيجه اكثر من رائعه

وخصوصا لكريم التفتيح بالبدايه كنت خايفه منه

لانه طلع لي حبوب صغيره وحمره تحت الجلد

بس ماتبين كثير الا اللي يدقق يعني انا بس اشوفها بوجهي

وقفته يومين وبعدها كملت

والحمدلله للحين ماشفت شي وان شاء الله ناويه اكمل شهر وبوقف :)


والله يوفق الاخت اللي دلتنا على هالكريمات لانها جد حلوه ومفيده للبشره .

اهلين بنات..
انا غيرت شوي لان بشرتي مب محتاجه تقشير ومافيها حبوب بس اثر خفيف لكنها ملونه ومحتاجه توحيد اللون..

شريت فيتامين سي بس السيروم مب الكريم لاني استخدم حاليا كريم مغذي ومرطب ماركة كلينك ..
بالاضافة الى معالج سواد العين والهالات المقرفه.. وكريم التبييض...

توني ثاني يوم وان شاء الله اكتب التطورات اول بأول..

وتسلميييييييييييييييين حبيبتي وجزاج ربي خير...

تحياااااااتي

اهلا وسهلا فيكم خواتي:
بالنسبه لاختي miss_faith ترى احماض الفواكه تقشر شي بسيط يعني عادي تحسين كذا ..والكولاجين مع كريم العين الصبح ....على الظهر او العصر غسلي وجهك وضعي الفيتامين سي...بالليل قبل النوم استعملي احماض الفواكه بس بالليل...ووجهك تغسلينه قبل كل كريم
اما اختي..miss_flower ..طبعا في تغيير بالبرنامج لكن مادام انه موافقك بالتوفيق ان شاء الله
واخيرا اختي وطن عمري...اتمنى لك التوفيق والبشره الحلوه

مشاركه مميزه والله اعلم لاننا لم نجرب بعد

شكرا لك اختي بشا جربي هذه الكريمات وان شاء الله بتكونين من المميزات

بسم الله
ماشاء الله تبارك الله
الله يحميك عزيزتي من كل شر
وجزاك الله خير

يا عزيزتي الف مبروك والله يجعل ايامك كلها سعادة وشباب وهنا دنيا وآخرة
لكني كأني لمحت في الصور ان هاي المنتجات امريكية
انا انصح كل الاخوات انهم يعرفوا تركيبتها ويحاولوا يدوروا على بديل مو امريكي
في حال ما لقوا يعني تكون اهون شوية
وانتي دعيتي لاهل غزة بس هم يحتاجوا خطوات عملية اكثر من هيك
أنا متأكدة تماما من صفاء نيتكم كلكم
صدقوني المقاطعة هتنفع خصوصا لو تفعلت في منطقة الخليج الحبيبة الى قلبي لاني اعيش في السعودية
لكن للأسف أحس المقاطعة هنا بالمرة ضعيفة ولا لها حس
حتى اللي مو مقتنع بجدواها يعني زي ما هم محاصرين اهل غزة لا بيع ولا شراء ولا حتى ابسط احتياجات البشر احنا كمان ما نشتري منهم
من باب الكرامة عالأقل
وأخاف عليكي تاخدي اثم الدعاية لهم
فكري في كل الناس اللي ممكن يواجهونا يوم القيامة لأننا ما نصرناهم حتى بالطريقة السلبية جدا هادي
والله يغنينا عن كل منتجاتهم...........آمين

هلا الغلا
كريم الريتاكنيل
دورت عليه في كذا صيدلية ما حصلته ممكن يكون له بديل مثل ريتن ايه؟

واااااااااااااااااااااو


معلومات قيمه جدا تسلمين حبيبتي

للحفظ وان شا الله تضبط معاي

مشكووووووووووووووووووووووووووووووووووووووووورة

صار لييي اربعة ايام من الاستخدام واحس بتقشر بسيط وحمرة ووجهي مشدود شوي ياااااااااااااااااااااااااااااااااااارب تضبط هالمرة ونطلع كلنا قمارة

اشكر جميع الاخوات على تفاعلهم الرائع...بالنسبه لاختي lamoona>
اشكر لك غيرتك على المسلمين....بس هناك نقاط اوضحها لك... اولا لا ادري ان المنتج امريكي او لا الدكتور كتبه بالرشته وانا شريته واستخدمته قبل احداث غزه ايضا انا ما نزلت الموضوع دعايه للمنتج وانما من واقع تجربه حبيت الكل يستفيد منها ومالي خبر ان الكريم امريكي ...ايضا تعميمك ان المقاطعه لا تكاد موجوده في دول الخليج والسعوديه غير صحيح لانك لو شفت برنامج المقاطعه على قناة العربيه عندما قاطعنا المنتجات الدينماركيه والاحصائيه اللي طلعت وكيف خسرت الدنمارك المليارات من جراء مقاطعة السعوديه والخليج ما قلتي هذا الكلام ....وقائمة المقاطعه معي حتى لما اروح السوق حتى اتلافا شراء اي منتج موجود بالقائمه.......فجزاك الله خير لا تعممي اشياء من غير ما يكون لديك دليل.....

بالنسبه لاستفسار اختي دلوعة الروى عادي تستخدمين الرتن ايه لانه هو زي الرتن ايه بالضبط بس الشركه مختلفه....
مع خالص شكري وتقديري

على طول عروس
مرحبا حبيبتي انا ما حصلت كريم فيتامين سي اللي هو تركيز 10 بالميه حصلت كريم c + aha moisturizer crem شو اسوي اسخدمه مع النظام اللي حطيتيه ولا بليز ردي عليه ضروري يا عسل

اهلا فيك حبيبتي بس الكريم اللي ذكرتيه ماله دخل بالبرنامج ...وما اقدر اقول انه يفيد اولا لانه مونفس اللي وصفه الدكتور....ومن خلال سؤالي للصيدلي يقول غير عن اللي استخدمهم فما اقدر افيدك بس كثير بنات حصلو الكريمات يعني لو تسألي عنهم يكون افضل ....وان شاء الله بتلاقينهم

الله يسعدكـ ويعطيكـ اللي تتمنيه ..
عزيزتي بس نقطة وحده مافهمتها ..
باقي الكريمات اترها بالتدريج ..؟
ولا اشلون ..
وبالنسبة لكريم محيط العين متى أحطه وهل يعطي نتيجة زينة أكيد ..
مشكورة والله يجزاكـ الجنة ..