تجربتي في تعليم بنتي النوم لوحدها..وبدون ما اشيلها أو أهزها..بعد معاناة 4 أشهر

ماشاء الله عليك انا قاده احاول اخليها تنام في سريرها مو راضة من احطها تصيح ارجع اشيلها واخليها يمي والله تعبت من اول ما جبتها للحين وانا كل يوم هذي حالتي

جربت نفس طريقتك بس لمن صار عمر بنتي سنه و10 شهور
علمتها ان النوم بالسرير بسسسسسسس
صرت انيمها على رجولي ولمن تغفى ارفعها بسريرها واغطيها لمن
تنام ...
والحمد لله ما شاااااء الله تبارك الله تعودت والحين هي بغرفه لحالها..

مبرووووووووك على تعليم البنوتة طريقتش صحيحة وخاصة انش حامل ربي يسهل عليش

مشكوره على الموضوع الاكثر من رائع
بنتي صيااااااااااااحه مررررررررره اذا صاحت ماتسكت تذبح نفسها من الصياح ونومها خفييييييف
جربت خليتها تصيح بالسرير وتقطع قلبي حسيت اني ماني ام وأنبني ضميري
مافي حل

انا بنتي 6 شهور كانت ماتنام الا لمن ترضع اما الحيييين تدلعت وحلا لها الجو ما تنام الا لمن احضنها وامشي بها (ألف ألف بها الين ما ادوخ انا وهي تهرج مبسوطه ويادووووب تنام)
الله يصلحها بس

ماشاء الله تبارك الرحمن يخلييها لك اوانشاء الله نجرب الطريقه عن قريب يارب

ماشاءالله تبارك الرحمن

ماشاء الله تبارك الله
الله يحفظه ويخليها لك
ومشكووووووووووووووووره

انا اعااااااااااااااااااني من سالم

لما فطمته من اللهاية عذبني لازم ينام بهز لا وانا واقفه بعد ...

في الليل نومه متقطع ... كل ساعة يقوم شوي يصيح ويفر براسه يمين ويسار لين يختار الوضعيه الي يباها

بس لو سويت الي تقولين عليه كيف ابوه بينام عشان الدوام ؟ :( بيقوم من النوم بسبب الازعاج والصياح وانا ما بتحمل طول الليل اسمع صياح راح النوم علي لأنه كل شوي يصحى

الحمد لله انا بنتي من اول ماجت
ما تنام الا في سريرها والحين صار
عمرها سنه و7شهور

ماشاء الله تبارك الله
الله يهديها

ما شااااااااء الله

اختي انتي بنتك كم عمرها ؟؟؟

و الله يختي تقطع قلبي و بصراحه انا معاكي لو عمر الطفله فوق ست شهور يعني ممكن 8 او 9 شهور لكن 3 و اربع شهور حرام هدول رضع حرام ومحتاجين الحنان يعني لو ما خذت الحنان منك مين بيحن عليها صح الأم قلبها لزم يكون قوي بس مو بهالسن الصغيره

هاذا رأيي و تقبلي مروري

شكرا على الافادة

تسلمي على النصيحة الله يعينك ويعننا على تربية بناتنا أحسن تربية
ويعوض صبرنا الجنة

أنا أعاني نفس مشكلتك

ولدي مايناااااااااااام الا ساعتين باليوم وطول الوقت يبكي بس هو عمره شهر :confused:

مشكوره..........انا للحين اعاني من ولدي عمره سنه و ثلاث شهور و نومه صعب على الأخر..........طبعا جربت طريقتج............بس ما نفعت معاه لأنه مزاجه طول الوقت معكر

هلا بنات موضوع الاخت وايد حلو ..

واكيد فكره بين مؤيد ومعارض لكن في الاخير كل وحده تسوي الي يريحها يعني الي قالت خل الياهل يتدلع معليه اذا انتي تحسين نفسج عندج وقت كافي لبنتج دلعيها..

مرات الام تشتغل .. وتكون تعبانه.. والبيبي اكيد بتدلعه بس مو شرط بالنوم ههه ..اكيد بتبوسه وبتحضنه وبتعطيه حنان وبتخليه في سريره عشان ينام ما فيها شي ..

ترا في امهات .. وانا وحده منهم .. اعاني من وجع في بطني من العمليه وكلما اشيل ولدي اتعذب .. وغير جذي انا وحده اشتغل وشغلتي متعبه .. والمهمه العوده لين رجعت الشقه بيكون عندي ريلي وشقتي وولدي..

لازم اقسم الوقت لهم كلهم..

ترا التربيه الصح بتخليج تعيشين صح مع زوجج وتتعودين ع الاعمال المنزليه.. ومع وقت لج لراحتج..

مو معقول كل وقتي لولدي وريلي بس جذي ..

وانا حاليا عن تجربه .. ولدي ترا يحب احد يشيله مو شرط في النوم..

انا طبعا اذا قاعده يكون كله معاي وعلى يدي بس وقت النوم ما في دلع بس تبوس من راسه لي ريله مع ضمه على صدري فديته واخليه ع سريره هذي الشي سويته من بدايه حياته..

وللحين ..

ترا الياهل اذا مرتاح ونومتيه وهو نظيف وشارب وشابع بينام من غير هز وخرابيط..

وعموما الي تعود اعيالها ان يكونون لاصقين فيها 24 ساعه ما بتعيش صراحه..

لان مالها وقت حق نفسها ولا حق ريلها ولا حق شي..

وفي الاخير كلن ينام ع جنب الي يريحه..

ثانكس حبوبه ع نقلج لتجربتج .. وانا معجبه جدا في قوة ارادتج ..

وانا ولدي اذا كبر وعاند راح اسوي فيه نفس الطريقه هههه ..

ماشاء الله لاقوة الابالله

طيب انا بقولك بنتي كيف تنام وقوليلي صح اوغلط


بنتي ترضع صناعي

احطلها الرضاعه اسندها بشي وطبعا لازم الكوفله مع انه عمرها سته شهور

بس لانها تتعبني اذا بدون الكوفله تقعد تتحرك وتطيح الرضاعه بس اكوفلها من فوق

وترضع وتنام

ايش رايك ولا اغير الطريقه ؟؟؟؟ ارضعها بعدين احطها ع السرسر

ياليت تفيديني

يعطيك العافية