ريحانة القلوب;8391174:
حبيبتي تزوجي وتوكلي على الله ونصيحة لا تجلسي تقارني بين حياتك وحيات أختك أو غيرها لأن البيوت أسرار وزوجها غير عن زوجك يعني كل واحد وخصوصياته .
خطيبك يوم ما قادر يصبر نصيحة مني عجلي بالزواج وبعدين 3 شهور من نظري فترة طويلة أنكم تعرفو بعض ويكون بينكم ود وإستلطاف.
دار الغربه;8391194:
ربي يسعدج ويسوي لج إلا فيه الصلاح والخير..
مرموم;8391251:
مش فاهمه إيش المشكله أختي
طيب الحمد لله متفاهمين و كله تمام...
وين المشكله ؟
مسـك;8391345:
وعليكم السلامو رحمة الله وبركاته
توكلي على الله يا اختي والف مبارك لك مقدماً
ودام انه بيتكم المستقبلي قيد البناء - مافي اي مشكلة ..
روائع الماس;8391384:
:wink:مرحبا يالغالية انا من راي اختك والله لاحقة على المسوؤلية عيشي حياتك انا متزوجة من 7 شهور ويالله لما اغيب عن اهلي وإلا لما اعرف انهم طالعين او رايحين وش كثر احن على ذيك الايام يالله لما تروحي انت واخواتك ودجة بالاسواق والمنتزهات وكلنا على قلب واحد بالله مو ايام تستحق انك تعيشيها مع اهلك و صدقيني الايام تركض وإلا من كان يصدق إن اللحين ب1430ه مرت السنين ولا حسينا بها وكل شيء له وقته والله يوفقك انشاء الله ويسخره لك وهذي احلى زغروته على نية التوفيق للللوووووووووووووووووووووووووووووووش
توتى وشيكو;8391390:
توكلى على الله
والف مبروك مقدما
سحرالانوثه;8396823:
توكلي على الله وتزوجي
rocky;8396876:
اختي في نماذج أعرفها في الجامعة تزوجوا في الصيف..وحملوا بحيث يربون في الصيف ويتفرغون لطفلهم في الصيف..يعني هم مهتمين بدراستهم وبنفس الوقت متزوجات..
يعني إن شاء الله تقدرين تعيشين..والزواج حتى لو صابه الملل بمقدورج كسر هالملل
عيون الفهد s;8395479:
انا عن نفسي لو كنت مكانك كانت راح اوافق
صحيح الزواج تعب ومسؤليه بس برضو دي سنة الحياه
غير كدا زوجك مستعد انو يفتح لك بيت
استخيري اول وخذي رأي ابوكي وامك بسسس
عيون الفهد
SHREEFA;8395786:
توكلي على الله
وتزوجي واسعدوا في حياتكم الله يهنيكم وخليج قريبه من زوجج
وان شاءالله لاتخافين تمشي الامور مثل ماهي عليه
انا ضد ان تتاخر فترة الخطوبه فترة طويله اللي اهي يكون فيها عقد القران معقود
احنا بالكويت مانتاخر شهر شهرين بالكثير ومتزوجين افضل واحسن للطرفين
فتوكلي على الله جهزي نفسج وقعدوا بالايجار لحد مايخلص بيت العمر
والله يهنيكم ويسعدكم ويرزقكم ربي الذريه الصالحه
اللهم امين
:)
دمتم سامين
اختكم شريفة
sarah_uk;8395802:
طالما حبيبتي انتي شفتي البيت وكذا يعني ضامنه
خلاص اتزوجي للايجار على بال مايخلص وهي كلها سنه بالكثير
وربنا يوفقك
((britney));8396310:
وه وه وه يا قلبوووو كان ودي اكون اول وحده ارد عليك
<<<<مالت علي
ياقلبوووو خير البر عاجله اتوكلي على الله واتزوجي ودامكم متفاهمين خلاص
واهم شي بالموضوع ان هو الي مستعد يسوي كذا<<<يعني تكلفه اجار وبناء بيت
اما الشي الثاني....
بالنسبه انك تاثثين بيتك بنفسك عااادي خلي فتره الاجار تجربه لك في كيفيه انك تمسكين بيت عشان تاخذين الاغلاط وماتسوينها هناك....
ويالله خلينا نفرح فيك ونشوفك عروس يارب يوفقك معاه
عروس الحب;8396668:
بعد ما يبيلها تزوجي دام الريال مواصل بناء و اهو مقتدر و قادر انه يتزوج
خلاص لا تأخرين الزواج الا اذا في شي خايفه منه اصلا
بحرينية كيوت.;8393059:
انـــــــا براي يا ananasa من راي اختج ترى صدقيني كل حرف قالته هذه من واقع تجربتها وإلي الكل يقوله
لانـه انتي توج بعدج اصلاًماصار لج 3 شهووووووووووور معاه لشو الأستعجال ودامج عندج دراسة والبيت ماجهز
نطري لين مايكمل سنة سنة ونص البيت يبنى وانتي تكملين وتراج لاحقة على الزواج ومسؤلية وخطيبج
ماقالج جذيه الا لانه متحمس ومشتاق انه يكون بقربج وهذه شيء ترى اهوا لاحق عليه بعيش معاج طول العمر بأذن الله ليش كل هلاأستعجال عيشي فترة خطوبتج معـــــــــاه هذه احلى ايامج وتراج توج بنوتة صغيرة شلج بالأعيال والمسؤلية وانتي عندج دراســـــــة صدقيني ترى وانـه عندي صديقة كانت مثلج واستعجلت وقالت ياريتني ماتركت دراستي والله يوفقج اتمنى انج تقرين ردي زين لانه في صالحج.
قطرية24;8400206:
انصحك ابدأي حياتك صح
والصبر مفتاح الفرج
ولاتنسين بعد ان ليش نضيع الوقت ومانعيش مع بعض
كذلك ممكن تعيشون مع بعض وماتستمرون مع بعض
بسبب ((( الاهل ))) وما ادراك مالاهل ؟؟
مو كل الناس واثقه بطبيعة العلاقات المجتمعية
ولا انتي واثقة كيف علاقاته بأهله
ولا انتي بواثقه كيفية وزنه للامور
ولا انتي بواثقه مدى تقديره للزواج والارتباط
عزيزتي ارى ان عمره صغير
عمر صعب يكون (( سيد مواقف وحكمه ))
ممكن يتوه بينك وبين اهله لو صارت مشاكل او حساسيات
وبنفس الوقت ماحد يقدر يقول لا ماراح تصير مشاكل
فأنصحك ما دام بيتك قاعد يجهز
خلك عاقلة وزيحي العواطف على جنب
وفكري بمستقبلك بتريث وعقل
والله يوفقك